鳥海山鐵板燒

🔥 叹住无敌靓景食高质铁板烧 @ 🌟 鸟海山铁板烧 🌟.💁‍♀️ 图片展示美食为：鸟海山铁板餐 HKD 1198.😬 唔系周末都会全场爆满，准时六点到点知有人比我更早到等佢开门。食完就知点解咁好生意啦。.🐟 头盘已经系「是日精选刺身」，有齐深海池鱼、油甘鱼、真鲷、帆立贝，件件肥美闪令令，超级新鲜，油脂甘香，再有香醋沙律清一清味蕾。.🦞 主角「活龙虾」用上澳龙，高质之余份量又十足。霸气上枱，龙虾肉爽弹到爆，用龙虾膏煎香无得输，食到舔舔脷！.🦪 跟住系「活鲍鱼」登场！鲍鱼大大只，煮到啱啱好，弹牙唔韧，咸鲜带香气，吸晒啲精华。.🔥 超级香喷喷嘅「鹅肝多士」邪恶度爆灯！鹅肝外脆内融，油香攻陷味蕾，配埋酸酸哋嘅黑醋，同脆多士，幸福感十足！.🥩 油香满满嘅「牛肉薄烧」，煎到五成熟入口即溶，配埋炸香葱同蒜片食，层次感丰富到爆！.🍚 尾声系经典嘅「炒饭」同「野菜」，镬气十足！每粒饭都包住蛋香，粒粒脆口，非常满足。.😋 呢个套餐人均七百有找已经可以食到咁多高质食材，绝对物超所值，生意好好记得订位呀！.📍 深水埗青山道19号华盛大厦地下B号舖.꧁𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌꧂.…查看更多

鸟海山铁板烧前菜沙律,新鲜沙律菜，仲有只新鲜蕃茄仔，甜甜的呈现鲜红色是日，精选刺身带子 笛鲷 三文鱼腩 油甘鱼店员都叫我哋顺时针食,刺身非常新鲜,带子厚身,味道鲜甜,比较特别的是笛鲷刺身，口感清爽，肉质结实弹牙，油甘鱼都非常好味，油脂满溢，入口即化澳洲龙虾整只龙虾师傅起肉加上铁板炒超级香浓，加上虾膏调制嘅酱汁非常惹味，每一啖龙虾肉都包裹着龙虾膏嘅酱 非常鲜甜，仲可以食到龙虾膏嘅甘香，虾肉又够爽口弹牙，入口惹品南非活鲍鱼鲍鱼size好大只好厚身，咬落带小小咸香 ，肉质弹牙 ，带有啖啖酒香嘅味道牛肉薄烧牛肉肉质鲜嫩 ，入面还包住葱花粒同炸蒜粒，口感咁丰富，唔会觉得油腻鹅肝多士鹅肝非常厚身 ，味道细腻质地软滑，又香甜奶油般的口感，味道浓郁又独特，丝滑嘅口感，咬落去鹅肝油流晒出嚟，非常香口，多士size啱啱好，细细旧 一啖过 ，满足晒口腔整个味蕾蛋炒饭饭粒粒分明 最后上埋面豉汤同埋炒椰菜 椰菜配蒜粒炒热辣辣又爽口…查看更多

喺深水埗揾到间性价比高嘅铁板烧!Bar枱座位唔系好多，建议想坐吧枱需要提前订座。我哋叫咗鸟海山铁板二人套餐，$1198已经有活鲍鱼及龙虾，价钱相当吸引！刺身一共有四款，店员有介绍食用次序。带子鲜甜；深池鱼爽滑肥美，鱼油甘香细腻；油甘鱼肉质细腻，香气浓郁。鲍鱼用咗牛油煎香，未入口香气已经涌出嚟。鲍鱼厚度适中容易入口，爽口弹牙同时带有甘甜嘅鲜味。龙虾净系卖相已经好吸引！满满嘅龙虾膏包裹住去壳嘅龙虾肉，每一啖都充满略带咸味嘅鲜味。另外龙虾肉肉质Q弹饱满，相当新鲜。龙虾头内仲有少量肉，店员亦有提供湿纸巾抹手，非常细心。虽然鹅肝多士系一口嘅份量，但系鹅肝份量完全冇偷工减料！鹅肝相对厚身，入口即溶，绵密细腻，带有浓郁嘅香气及淡淡嘅甜味。牛肉薄烧火喉控制得啱啱好，牛肉烧完仍然好嫩。薄烧香气四溢，蒜同牛嘅鲜美结合令味道更加浓郁诱人。炒饭色泽均匀，饭粒粒粒分明可见镬气充足。炒饭蛋香味浓郁，配上樱花虾干为炒饭带嚟少少海洋风味。野菜有非常浓郁嘅牛油香气，再饮埋面豉汤已经饱，最后甜品仲有雪米糍！呢个价钱食到有活鲍鱼同龙虾嘅铁板烧性价比极高，店员亦好殷勤不断加水服务周到，短期内会再去！…查看更多

乌海山铁二人套餐 $1,198四色刺身帆立贝、真鲷、池鱼、油甘鱼鱼生件件厚切，真系好新鲜！一啲雪味都唔会有！沙律🥗沙律菜新鲜脆口，唔会雪坏咗淋晒，配埋日式芝麻酱捞埋一齐食好夹活鲍鱼师傅调味好香浓，鲍鱼口感弹牙，切成一片片容易入口，鲜味十足！一路食一路赞叹！活龙虾🦞师傅烧完上菜嘅时候已经闻到好香好香，快快脆影完相要即刻食啦！经过师傅特别烹调，龙虾鲜甜多汁，咬落口肉质饱满，呢个又系一路食一路赞叹！鹅肝多士香煎鹅肝入口即化配上香脆多士，食得好滋味👍薄烧牛肉🥩薄薄一片牛肉肉质鲜嫩，味道唔会太过浓烈炒杂菜🥦🥕炒椰菜🥬爽脆美味，望落好似炒得好油，食落又唔系好油咋㖞炒饭🍚好有镬气嘅粒粒炒饭作为最后主食填饱肚子🔥雪米糍主食食得太饱，甜品系一粒软糯外皮包裹住雪米糍，冰冰凉凉，为依一餐画上完美句号💖乌海山铁二人套餐绝对是一场视觉同味觉嘅双重享受！💖 价格稍高，但绝对物有所值！👍 推荐给想要庆祝特别节日嘅朋友…查看更多

呢间铁板烧由上年八月开已经想试好耐见佢OpenRice零负评而且好多人都有介绍终于的起心肝生日饭book枱去试试佢晚市做两轮分别系六点同八点我哋准时1750到出面已经有人排队所有食客都好准时我哋被安排坐Bar枱可以边睇师傅煮边食前菜沙律同市面差唔多 冇乜好讲刺身拼盘 鱼生鲜味带子食落开胃之后师傅就开始开炉师傅煮嘢食非常俐落边睇边食 系一种高级享受而且师傅有问必答 气氛非常好鲍鱼非常鲜味 就算铁板烧一啲都唔韧 而且好大只加埋师傅有调味过整体好惹味龙虾简直系个餐嘅一绝必定要食 佢将龙虾起咗肉之后用龙虾嘅膏 打成酱汁调味之后 再炒返落龙虾肉度有镬气之余 亦显示到师傅功架呢个系必定必定要食鹅肝多士 鹅肝满满但系经过师傅嘅铁板处理完全唔觉得油腻 成口油非常干身 加埋块多士简直绝配牛肉烧 入面有好多葱有丰满油溢感之余亦食到葱嘅甜香味樱花虾炒饭师傅特意炒到好干身 粒粒分明入面有浓浓嘅牛油香樱花虾同炸蒜香气整体配合得好好50衞门大吟酿 系另外叫 个餐唔包价值$388因为觉得食物太好味一定要开返支清酒咁先会尽兴同埋谂极都谂唔到点解佢哋咁嘅质素可以卖到呢个价钱如果喺港岛区 或者尖沙咀坐底收贵三份一或者一半我觉得呢个价钱食到呢个质素简直系物超所值 超晒班同埋餐厅最赚钱嘅都系酒水一定要帮助吓食完离开 觉得超级满足同埋终于明白点解呢间铁板烧日日Full Booking都可以零负评同埋听师傅讲 晏昼好似免加一收费所以下次会晏昼再去食而家香港真系好难得有呢啲良心食肆…查看更多