魚鱻魚湯專門店

营业中

休息中

望住佢1間變3間再執剩1間😮‍💨荃灣真係有好多米線選擇呢間係回憶嚟 啲staff無變 唔係sell服務湯底鹹咗 豬扒少肉咗 米線彈得嚟唔似膠本身想食魚腩 7點就無晒轉咗魚骨要等一陣 好重魚味

呢間嘢幫襯咗佢好多年，起碼有十幾年，近幾年差咗好多，對上果次食，個湯咸到死，同佢反映完都無動於衷，好失望，都諗住罷吃。但因為我仔好鐘意食，於是又俾次機會佢，點知今次食完之後，我老公同我細仔出咗去，突然我細仔又要搵我，跑咗入去，白頭佬店員開始鬧，叫我老公抱佢出去唔好再入嚟，個女人店員仲態度好差，話講咗好多次都係咁。我明佢哋唔想啲湯整到我仔，但態度唔可以好啲？ 仲要講埋粗口鬧我老公，真係好惡劣！😡嘢食已經差咗好多，而家態度又咁衰，真係唔怪得風光不再！

魚要食出鮮味，除咗蒸，煎外，仲有既係”滾” .呢間多年小店以新鮮魚為食材，做出各種美味既湯飯or 米線🤩🤩今次我地叫咗佢地既<<今日推介>> + 必吃小食：-1. 原條馬友湯米線 💰$89馬友鮮味，魚肉鮮香，另加皮蛋+ 鮮腐竹 @$10, 成碗米線更加昇華，我地除咗d 魚骨，連湯都飲晒，一滴不留。2. 椒鹽鷹倉魚 💰$49呢款椒鹽外面脆卜卜，肉裡魚肉仍然鮮嫩，不過就略為細條，魚肉不算多3. 招牌魚餅 💰$25呢個小食差不多每枱必點， 魚肉彈牙，幾好食👍🏻👍🏻店內環境偏狹窄，不過還算淨潔，另外炸豬扒都好多人叫既，下次可以一試😬

假期去食lunch，地方迫，枱排得密，要搭枱，唔緊要。叫了$50生炸豬扒魚湯泡湯，無野飲，好快上咗碗湯飯，上面幾塊豆卜，話炸野陣間比。望一望，有異物係豆卜上面嘅，近啲睇，有腳嘅，原來小昆蟲，衛生真係麻麻。最差係服務態度，事原隔離枱坐低一行幾男女，男士把中等size背包放了在佢地張枱嘅空櫈上，此時鋪頭仲有4-5個吉位係唔同枱，店員叫佢掛係牆上掛勾，男士話：仲有位唔洗啦。店員：一個人放櫈，個個都放櫈㗎喇。氣氛即刻僵咗，無人讓步。生炸豬扒份量少，很薄片，又炸得油膩，湯飯不夠熱，除了豆卜沒有其他配菜，總結不好吃。

係附近做完野，朋友提議食依間4條魚，見朋友想食是是但但啦，但之前食過一次都已經無乜好感！去到門口，入面大把位係要你等齊人先比入，已經多過半數，係差一個行緊黎，但係都唔比入，唔可以坐住叫住等，巴乜閉😒仲話你地唔齊人，你地張枱比其他人啦仲叻到叫我地唔等得食其他😠你估成條街得你一間呀，又噏耷又污糟，唔係朋友話想食，我真係完全零興趣多得你依句，終於安落唔洗捨命陪君子今時今日咁臭串，抵你生意好可以放入”永不幫襯”清單🙂‍↔️🙂‍↔️🙂‍↔️**乜評分要被迫比一星，唔可以差到一粒星都唔值？？

態度勁差，唔係多人時間去。佢叫我同嗰friend坐左右，我覺得冇問題但係態度非常惡劣，仲叫我哋唔好講咁多嘢，叫你坐入去就坐入去。服務態度勁勁勁勁勁極，唔會再幫襯，亦都唔會再叫我身邊啲朋友去幫襯！

今天去到，諗住再一嘗美食，門口望到廚房，見到食物落咗廚房枱面也執返俾客人，非常不衛生。有其他食客問有冇位，門口餐廳員工非常晦氣地回答，又謂不要行入嚟出面等不要阻住他們工作。看到這種情況先覺得香港食肆執笠係有原因。怪不得好多人去晒深圳食飯。這間食肆不會再幫襯，會去其他食肆繼續支持香港消費

十幾年前我成日都食上網睇到質素差咗好多 所以有定心理準備三餸自選米線 古法吉列豬扒 🐷魚湯的確係淡咗少少 😞聽講呢度嘅水準好唔穩定，咁我撞正嗰日就真係麻麻哋！但係啲米線、蕃茄同肉碎仲係好多，食到超級豐富又飽，豬扒炸得都夠香脆，算好食！另外都鍾意點成條魚嘅魚湯米線，水準都正常。✨門口夥計有講「唔該」，當日我哋都冇俾人鬧，所以都算OK！

作為一個魚湯米線控，聽咗呢間舖個名咁多年都未有機會食，今次終於買外賣試吓。叫咗招牌炸魚餅魚湯米線，發現佢係係滾水湯一般嘅魚湯，一啲味都冇，完全係侮辱咗自己個招牌，一路食一路唔知自己食緊乜仲慘過自己煮。朋友叫咗粟米肉碎魚湯泡飯，唔明點解連粟米都可以咁唔好食。明明炸魚餅係有味而且係鹹得滯，點解個湯可以連鹹味都冇，仲要買外賣唔出聲係唔會俾餐具你亦都唔會問你要唔要，見到舖頭入面咁多人真係唔知大家係唔係冇咗味覺？

🐒😋大家知唔知「鱻」點讀？今日去咗魚鱻魚湯專門店一睇個名就知全部都係魚🐟田雞鯇魚尾魚湯米線 🍜🍜大大隻斬哂腳趾嘅田雞 再加咗鯇魚尾 $13仲要有兩條尾呢個價錢邊到搵呀 💰💰酸辣 麻辣 肉碎 白花魚呢個酸酸辣辣幾惹味 🌶️🌶️但我略嫌有小小搶咗魚湯嘅味道本身都未食過白花魚 佢唔多骨而且都算滑身👍🏻自家製炸餃子 🥟平時食開啲餃九成九都係用豬肉包佢呢款都係用魚肉 + 蔥 🌿🌿加上佢即叫即炸 好好食😋？

值得推介的一間小店，雖然做街坊生意，而且店舖不大，又無乜點樣去裝修。但食物質素十分高，湯底鮮甜，感覺絕無味精成份，食材新鮮。呢啲咁用心經營既地道小店，真係買少見少。

魚鱻魚湯專門店，昔日荃灣名物，唉...真係今非昔比啊！😔記得以前去食，簡直係一種享受。🐟🍜 嗰陣時魚湯係老闆每朝用新鮮嘅魚煲出嚟，味道鮮甜無比，飲到連嘴唇都香埋。😋 原條魚魚湯米線真係必食之選，鮮味得嚟又夠滋潤。👌仲有嗰啲生炸雞翼、炸魚片同炸魚餅，香脆可口，配埋個魚湯真係絕配。🍗🐠 以前真係成日諗住快啲收工去食，成個人都充滿期待感。🤤但係而家...唉...真係大失所望。😞 魚湯明顯係用粉開，味道淡而無味，有時仲會有陣陣魚腥味，飲完真係好唔舒服。🤢 職員態度都變得差咗好多，好似你去食嘢係佢哋嘅負擔咁。🙄 環境更加係一言難盡，又擠迫又唔太乾淨，真係食得好不安心。😰以前成日諗住去食，而家真係避之則吉。🏃‍♂️💨 已經好少再幫襯喇，除非真係冇得揀先至會去。😑講真，睇住間舖由盛轉衰，心入面真係有啲難過。💔 希望佢哋可以知錯能改，返返去以前嘅水準。但係睇嚟希望渺茫...😕如果你以前未試過佢哋嘅嘢，而家真係唔推薦你去喇。🙅‍♂️ 香港有咁多好嘢食，不如搵第二間啦！😊👍 唔好浪費你嘅時間同金錢喺度喇！💸

三個魚字讀咩音? 第一次經過就要我即刻問姓谷個位哥哥, 原來係讀「鮮」。 平日午餐/下午荼時段, 呢個55蚊套餐, 可以揀一款主菜(魚餅、雞翼、豬扒, 潮州魚片)。 佢地既炸野好出色, 呢四種都好好食, 令我急性選擇困難症立刻發作! 個餐仲包埋凍檸茶/水, 糖漿自己加, 唔洗叫小田, 如果唔係伙記姐姐又會「提醒」第一次來既您。湯: 食麵既湯底, 一定要夠鮮味。 佢地既湯底, 係可以好鮮味, 不過質素唔夠穩定, 時濃時淡。 如果你好彩, 食到full strength既湯底, 乜餸都唔洗, 淨係飲湯食米線, 已經夠晒滿足。芫荽控sorry啦, 芫荽要加三蚊, 不過蔥就免費, 有一大湯羹。 伙記姐姐落單時, 會問清楚要唔要蔥同芫荽。麵: 如果唔想食米線, 可以叫湯飯。米線份量係ok夠既, 啱啱好, 唔太多、唔太少。餸: 呢道好多原條靚魚揀, 不過佢地既鯪魚肉已經好吸引, 仲平好多, 特別係煎魚餅。個套餐除主菜外, 仲可以揀多兩款餸, 豆卜係包埋既, 我通常叫魚滑做膽。 叫菜其實有少少笨! 首先, 隻碗唔係特別大, 本身已經有少量菜(黃牙白), 再叫菜會加菜心, 不過無位擺太多, 所以得幾條

荃灣魚鱻魚湯米線在路德圍多年，有不少捧場客，未生三個小朋友之前我都經常去食，因為我真係好鍾意魚湯，無落味精，吃完唔會口渴幾健康。早幾日突然個腦好想食呢間，山長水遠咁樣去咗荃灣幫襯但係大圍失望。內裡阿姐服務態度唔太好，樣樣都好多規矩，連坐放袋都限定你要掛上牆。野食一般好食啦，招牌炸魚餅魚湯泡飯， 魚餅同泡飯係另上，魚餅炸得幾香口，但係食完好口渴。重點我以前食開嘅蕃茄肉碎泡飯，鹹到一個點，食完到夜晚幾個鐘之後都勁口渴，老店環境坐得唔算舒服，唔值得山長水遠特登去食。。。態度差品質差。。

對於我們在你地店享用的魚湯米線，我感到非常失望。首先，食物的味道令人難以接受，毫無美味可言。此外，令我感到困擾的是，明明店內並沒有太多客人，卻將我們安排坐得非常緊密，完全沒有舒適的用餐空間。更糟糕的是，魚湯中的魚滑竟然多到含有大量骨頭，這對於用餐體驗來說是個巨大的安全隱患。此外，我們對店員的態度和尊重度感到非常失望。他們的服務態度極差，不僅大聲嚷嚷，還缺乏對客人的禮貌。最後，我們注意到桌面非常油膩，這種不衛生的環境讓我們感到不安。作為顧客，我們期望在一個乾淨、舒適和良好服務的環境中享受美食，但這次的體驗讓我們感到非常不滿。希望貴店能對這些問題進行改進，提供更好的食物品質、友善的服務態度以及清潔整潔的環境。香港消費真係0性價比米線完全冇魚湯嘅味道個米線好硬好難食，米線入邊配料好少份量不足一個50 kg嘅女仔我淨係啱啱食飽。