前日（15-12-2025 Mon）同老公放假，又入元朗食大宝冰室（https://www.openrice.com/zh/hongkong/r-%E5%A4%A7%E5%AF%B6%E5%86%B0%E5%AE%A4-%E5%85%83%E6%9C%97-%E6%B8%AF%E5%BC%8F-r740208），但嚟到竟然因呢几日太忙，员工须要休息，所以是日唔开，都好嘅，系好老板。临急临忙，我又上网search附近嘅店舖啦，search到呢间日本嘢，就嚟试。我哋嚟到系准备中，未开门，但又有得喺openrice book位，咁book咗后喺出面等开门，等到够钟就入去喇。坐低后自已扫QR code睇menu落单，我哋睇到有午市定食，就要咗两个，佢哋都配有：1. 面豉汤老公第一时间饮，佢话旧肉原来系三文鱼，我饮吓先，个汤好热，味道浓咸；三文鱼鱼肉嫩滑，亦唔腥，呢个有惊喜。3.75分2. 沙律胡麻酱落得啱啱好，蔬菜新鲜。5分3. 前菜-渍萝卜正常爽脆酸甜。3分4. $78.00嘅和风肥牛锅定食配饭呢个系老公点嘅，睇见份量好多，肥牛嫩滑，汤底尽是菜同牛肉嘅味道，浓郁鲜甜，虽然菜多，但啲菜索晒啲汁，好好味。而最估唔到，我夹已散咗嘅蛋白食，都食到好浓嘅蛋味。5分而白饭就普通冇问题。3分5. $62.00嘅杂锦天妇罗定食，要热乌冬杂锦天妇罗有紫苏叶，两只虾，冬菇，番薯，南瓜，脆浆好薄好脆，食材口感同味道都正常。5分热乌冬汤系酱油汤，乌冬偏腍但仍有啲弹，唔错。5分服务：店员好快就确认咗我哋出席。主食要等好耐，或者啱啱开舖，材料未预备好？环境：开头觉得冇乜嘢，但食完嘢后，发觉有啲凉，啱啱开冷气。最后老公睇到墙上一张卖酒嘅poster，话酒里面有啫喱，我觉得好特别，谂起20-12-2025（Sat）晚，会同老公旧同学食晚饭，不如买一支带去饮，但老公想要晒柚子同梅子两只味，于是都买啦，一支300ml， 浓度5%，售$158.00，我哋要咗，老板好好咁走嚟教我哋饮前要摇，因为要摇散啫喱至倒到出嚟饮，味道易入口，佢重俾咗九折呢两支酒。重话呢只牌子嘅酒，只供应俾餐厅，唔会有零售，重有只紫苏梅味，冷热饮都得。呢篇食评唔计呢两支酒。…查看更多
