鰹烏冬 (駱駝漆大廈第三座)

鲣鱼汤白味噌锅仔烧乌冬HK$ 80汤冇味 牛肉好韧 我屋企个工人都煮得好过佢😀同frd 3人坐4人枱 本身食野算慢 但系都keep住咬紧食紧 大概到35-40分钟个侍应开始问我食完未 想收野做下枱咁 total 问左两次 之后过一阵话多人 叫我拎返走摆喺张凳嘅背囊 但系其实又冇人要坐 明显赶人走 (走𠮶时见排得一枱4人枱🤡由入座到走大概都系1个钟左右 有少冇多 间野又冇话限时 唔知赶乜🐶 明明仲有枱大人+细路坐紧大枱早过我地入又唔见佢赶 恰学生叻啊👍🏻👍🏻狗也不🍌 唔🍌会再去💩…Read More

真系超级难食😀同朋友一齐去食，首先嚟咗份赤虾，不过不失，然之后叫咗个明太子乌冬，啲配料有苹果，明太子酱，同埋绿色嘅酱，完全唔夹，捞埋一齐味道，超级奇怪，平时食开明太子料理，第一次食到咁腥嘅明太子😖😖之后试咗朋友𠮶个，好似叫咩豆乳乌冬，一食落去剩系得啲葱水味，个汤劲淡，似系葱水加几滴豆浆，超级难食另外叫咗个饭，啲鱼生食落好怪，似系摆咗好耐，完全唔新鲜，重点系，呢间嘢嘅价钱都唔平，不如俾贵少少食好啲，完全唔推荐，俾钱买难受，不如改名做鲣难食🥲…Read More

前排同朋友去观塘揾食，餐厅喺观塘骆驼漆大厦，工厦风格，地方唔大，装修简单有日式 vibe，墙上有啲日系挂饰😎 我哋晚市去到，人都几多，等咗10分钟左右有位。最搞笑系食到一半突然停电，全场黑晒，大家即刻「哇」咗一声，店员好快拎电筒同手机灯应急，气氛有啲似拍电影😂 好彩几分钟就有返电，无影响食饭心情。服务员态度好好，用QR Code 落单，上菜都快，10分钟内食物到枱，效率满分👍🏻夏一乌冬夏一乌冬系冷乌冬，卖相清新，上面有紫菜丝、芝麻、青瓜粒同温泉蛋，望落几靓🥳 乌冬条烟韧有嚼劲，捞埋蛋黄同鲣鱼汁，口感几滑，啱晒夏天食。不过味道略为淡咗啲，食落普通咗啲，无乜大惊喜👌🏻骨付鸟（跟餐） 骨付鸟真系超级好食！一上枱热辣辣，卖相好 juicy，洒满七味粉同蒜蓉，望落已经超想试🥰 鸡脾烤得外皮焦脆，肉质嫩滑又多汁，食落好惹味😍 骨肉分离好易，啖啖肉都充满香气，系三样食物入面最出色嘅一个！网上好多食评都话骨付鸟系必试，试完真心认同🫨锅烧鲣鱼汤白味噌乌冬锅烧鲣鱼汤白味噌乌冬一上枱热腾腾，夏天嗌呢个有啲后悔😂汤面有海苔同葱，卖相几吸引🥰 乌冬条同夏一乌冬一样烟韧，但白味噌汤底味道偏淡，无乜特别😅 汤底偏温和，钟意重口味嘅我觉得略为唔够过瘾。份量够，食完都几饱，但整体感觉普通，无骨付鸟咁抢眼。大推鲣乌冬嘅骨付鸟，香脆 juicy，食到幸福感爆棚🥳 我地叫嘅夏一乌冬同锅烧白味噌乌冬就普通咗啲，味道偏淡，无乜眼前一亮嘅感觉。 环境有啲逼，晚市有机会要等位同搭枱，但服务快，食物质素整体OK。骨付鸟价钱稍为高少少，但真心值得试！经过观塘又想食乌冬就可以去试下😋 评分：6.0 /10 人均消费：~$50-100不负责个人意见：经过可能会去食吓😬鲣乌冬（观塘）📍观塘开源道60号骆驼漆大厦3座11楼O室…Read More

劣食这碗乌冬实在令人失望。面条过于软烂，毫无弹性，入口像是泡水太久的即食面，完全失去了乌冬应有的爽滑口感。汤底更是淡而无味，像是勉强加了味精的热水，既不鲜甜也不香浓，喝一口便不想再续。配料方面也乏善可陈，鱼蛋干硬、蔬菜寥寥无几，整体毫无诚意。本以为能吃到一碗暖心的日式乌冬，结果却是劣食一碟，令人怀疑厨师是否曾真正品尝过乌冬的灵魂。若你对乌冬有基本尊重，这碗绝对不值得一试。食物不仅是填饱肚子，更是对味道的尊重——而这碗，连基本的敬意都欠奉。…Read More

呢间餐厅我之前已经食过好几次。寻晚我同朋友两个人大概晚上八点到去食，见到我哋后面都有另一对两人客人排队。𠮶阵餐厅明明有几张吉枱（冇人坐），我同朋友以为我哋排先，应该可以唔使搭枱。点知侍应竟然带我哋去同人搭枱，而我哋后面𠮶对客人就俾人安排坐咗一张吉枱。对于呢个安排，我同朋友真系唔明白，点解座位唔系先到先得？有咩理由我哋排先反而要被迫搭枱，后面排嘅仲可以坐吉枱？我觉得呢个情况系不公平对待，亦唔觉得有必要再帮衬一间服务态度咁差嘅餐厅。因为咁我哋都即刻起身走人冇再留低食。唔讲食物质素同价钱，呢次嘅bad experience 已经令我永久blacklist呢间餐厅。…Read More