鮮芋仙 (創紀之城五期(apm))

呢幾日都落雨濕濕,好悶熱。咩胃口都無🥹🥹行過apm見到鮮芋仙，就諗住嗌個芋圓外賣公司食。首先個環境都幾好，近住商場入口，而且個招牌都幾顯眼，應該都幾易搵。(近周大福個邊)因為我個人比較鍾意食煙靭既野，所以我叫左個芋圓4號，另外加左一份白玉湯圓🤫🤫🤫🤫可能落雨關係，今次我買既時候都唔算好多人，等左幾個人就到我。而佢既廚房係開放式，客人可以望到哂入面，所以衛生問題絕對可以放心👌👍👍👍👍不過要留意一點既係原來堂食係有時間限制，用餐時間45分鐘，不過對於食碗糖水黎講，時間絕對足夠至於野食方面真係要讚一讚😋😋😋😋😋首先講左份量先，呢個份量比呢個價錢，絕對係超值👍👍勁足料，我都自問大食，但都係勉強食得唒，食完真係好飽好飽。之後就到個芋圓拉，珍珠同芋圓既口感都好正，芋圓絕對係真材實料，食落去仲食到啲番薯同芋頭粒，而且個糖水甜度岩岩好，唔會一味得糖水既死甜，個糖水真係似我係九份老街食個隻味，清甜解膩，而且入面仲有兩大個芋頭，真係超滿足。🥰🥰🥰最後到白玉湯圓拉，白玉湯圓好似我哋平時食既小丸子，不過真係好煙靭，仲帶小小甜，口感超正，如果鐘意食煙靭野既朋友真係唔好錯過。👍👍👍👍🙌🙌🙌🙌🙌如果掛住台灣風味既朋友可以黎試吓一解相思之苦。😆…查看更多

之前食過觀塘呢間，係食熱嘅紅豆湯，俾咗個好大嘅差評佢😂朋友經過又話想食，就俾多次機會再入去食一次。食之前，要喺門口叫定晒俾晒錢先可以入去食。食物質素冇問題嘅，都足料抵食，但服務態度真係好差，店員可以用西口西面來形容，態度冇禮貌仲粗聲粗氣，問佢問題都好似唔想答咁，懶懶閒(咁都唔緊要，都理解服務業係好辛苦好攰。但見到小朋友整跌咗個雪糕，個態度好差話麻麻煩煩整跌晒，正常咪抹左佢，抹完之後滴到成地都係，店員就冇再理地下污糟情況😅❓其實客人唔小心整跌咗都唔需要用咁嘅態度去講？同埋可唔可以做嘢認真少少處理返掂入邊嘅衛生問題。🍴 仙草6號 $45 (7/10)份量好多，有粉條，粉粿，珍珠，仙草，仙草冰沙，粉條係一條條好似麵條咁好煙靭，粉粿個外型好似黃金糕一樣都係甜甜地，好煙靭，珍珠細細粒都幾好咬，仙草好嫩滑，有少少藥材嘅味道，感覺好清熱，仙草冰沙係碎冰口感比較粗糙一啲，甜甜地，加咗淡奶啱啱好，但整體來講都幾唔錯配料都幾多！PS個淡奶額外攞嘅話要另外收一蚊一個。🍴招牌仙草冰沙 $45 (7/10)有芋圓，仙草，仙草冰沙，芋圓都幾大粒，煙煙韌韌，好好咬。🍴芋圓4號 $45 (7/10)有芋圓，芋頭，紅豆，珍珠，黑糖冰沙，呢個比較偏甜糖水味，芋頭煮得幾好，淋之餘又有口感，好粉，推薦指數: 5/10 (只限觀塘分店千祈唔好叫熱嘅，就唔會中伏！其實係份量好大都幾抵食，一碗可以兩個人share，但服務態度真係麻麻哋，唔會建議大家嚟觀塘食，咁嘅服務態度，我寧願唔食，都唔會俾錢買難受😀…查看更多

開了這麼久，現在都很多分店了，才終於食到呢﹗想不到疫情下光顧的人還這麼多，看來有一定水準呢﹗由於中午吃得太飽，所以跟老公二人只點了一個甜品吃，還要是外賣，因為需時消化午餐。幸好只點了一個，份量超多的。我們點了招牌豆花另加紅豆，那想吃的配料便全都試到了。芋圓很煙UN，口感一流。芋頭最出色，不會很粉，芋頭味香濃。珍珠有咬口，紅頭不會死甜。豆花香滑，一整碗配合起來吃得很滿足，也明白為何人龍不斷，分店開個不停。我見餐廳還提供很多台式飲料，或許下次有機會可以堂食時一拼試。那些不知是否新品，麻糬和布丁類的甜品，好似也很特別呢﹗…查看更多

以前喺大陸旅行嘅時候成日都見到鮮芋仙，後尾佢喺銅鑼灣有開店，但因為距離太遠所以冇去，呢間觀塘分店就好近我公司，成日見到好長龍，今日見人少啲就外賣番屋企食～ 環境都唔錯，最貼心係餐牌會講清楚入邊用嘅配料，咁樣選擇起上嚟就非常之方便啦餐牌係非常之多選擇，我個人係非常鍾意食芋圓，同埋要凍，會更加有彈性同爽口呢！呢個天氣食真係好消暑！芋圓一號 $ 45冰芋圓個底係刨冰，熱芋圓湯底係紅豆湯，如果想清爽啲就食凍嘅，不過外賣嘅話都要快啲拎返屋企食啦，如果唔係會溶喔～ 1號有綠豆、蓮子同埋珍珠，呢一個配搭可以清心火，消暑一流，芋圓份量都幾多，有地瓜嘅香味，口感好彈牙有嚼勁，唔會軟晒，質地做得好好👍🏻 珍珠唔會太大粒，所以食落夠味，綠豆同蓮子保持軟綿不夾生，食落好舒服，成碗甜度剛好仙草鮮奶茶 🧋 $ 29嘢飲就叫仙草，感覺比珍珠輕盈少少，畢竟我都食咗一個芋圓珍珠🤣 仙草好香，有種返到台灣嘅古早味，用鮮奶嘅話更加健康，鮮奶質地好滑，奶味香濃，同仙草非常之融合，由於仙草冇得較甜度，所以比較甜，我建議飲凍嘅就啱啱好喇！下次來想食招牌仙草個個！…查看更多

鮮芋仙之前食過幾次，但今次係第一次嗌仙草冰，朋友仲教我可以走冰，外賣變相唔洗溶晒冰之外，仲多左一半份量仙草，外賣嘅話，呢個做法極推介！因為外賣返屋企同屋企人兩個share,所以就再額外加多左兩款配料：珍珠同冬瓜凍。每款加$4都幾抵啊，同埋原來仲好細心係分開左兩個細兜裝嘅👍👍鮮芋仙嘅芋圓口感真係寧願煙韌同大粒，每次食晒十幾粒都仲係覺得唔夠喉。仙草底唔會好甜，冬瓜凍咬起黎比仙草稍延身，幾款配料撈埋食口感好豐富呀！兩個人一碗，都好夠飽…查看更多

鮮芋仙最出名嘅食芋圓啦，my all time favorite!每次嚟都一定必定叫芋圓！次次嚟都要大排長龍，由於今次堂食嘅隊真係太多人，所以今次叫外賣返屋企慢慢嘆！雖然外賣隊都要排，但已經少過堂食條隊都好多好多！叫完等左一陣就拎到！通常大部份人都鍾意食沙冰，但我偏偏鍾意食熱食，每次嚟我都係會叫熱嘅芋圓2號！地瓜真係好正正，次次食都又淋又甜！拎到返屋企，都仲係好好味，味道都冇因為外賣而有影響，冇等堂食，叫外賣都係一個明智嘅選擇！下次會再試吓食其他熱食嘅芋圓，因為真係太好味啦，煙煙韌韌，口感真係好正！次次食完其他甜品舖嘅芋圓，但最後都會返返去食鮮芋仙！芋圓世一！my all time favorite!！！…查看更多

堂食實在太多人，所以寧願外賣，唔使等太耐我先後食過 豆花系列、芋圓系列佢個餐單分123456號，好似好複雜其實來來去去都係重複😝都幾好味嘅，不過真係比較貴好想去深圳食…查看更多

講到芋圓連鎖點一定係仙芋鮮！今日經開觀塘做野見到原來apm開左佢地既新分店！即刻買返碗返屋企enjoy下先.芋圓3號 +芋薯圓芋圓3號有紅豆,花生,珍珠,芋圓香軟Q韌而且帶點綿糯感.蕃薯圓既蕃薯味清香又甜..配上粒粒紅豆同熱食既紅豆湯紅豆味更濃而且香甜.再加上香脆既花生粒,令口感更豐富又帶花生香.珍珠彈牙帶一陣陣黑糖香味,3者配配變成一碗經典甜品.額外加既芋薯圓外層帶一陣蕃薯香而內裏既芋頭蓉綿密香滑.…查看更多

📍鮮芋鮮 Meet Fresh (觀塘）-#5🫶🏻係最高 環境：🫶🏻🫶🏻🫶🏻食物：🫶🏻🫶🏻🫶🏻🫶🏻回頭率：🫶🏻🫶🏻🫶🏻🫶🏻🫶🏻服務態度：🫶🏻🫶🏻🫶🏻🫶🏻-芋薯圓Q麻糬牛奶冰 -$58呢個一定係鮮芋仙嘅必食首選！ 中意食芋圓煙煙韌韌嘅你 絕對要食！ 有雪糕頂 再加牛奶冰 簡直係消暑首選~\(≧▽≦)/~ 佢食落會好甜 兩個人share岩岩好🤤我地係8/9點去嘅 所以都要等20-30分鐘 想食嘅 就要預時間等位啦⛑提提大家始終食一次過食咁多凍嘢 都要小心會唔會肚痛…查看更多

鮮芋仙呢一店已出名很久，一直都冇機會試，今日回家路上遇上了，就買來試下。本身以為係中高價位，原來都好平民價，一般三四十有交易了，在種多的食物種類下，我選擇了一飲品和甜食。先講飲品，呢本芋香奶綠又幾正，大大碗，先26元，真係好抵飲呀，而味道岩我口味，奶味較濃的，又不是很甜，飲咁大杯都不覺膩，其他可再試。而甜食揀了， 布甸圓類拼盤，38元，有芝麻湯圓好食多餡，又有綠茶布甸， 綠茶味濃而且又唔會好甜，好食！不過如果有時間堂食可能仲正，因為裝修環境都靚，令人relax，食埋環境呀嘛！…查看更多

鮮芋仙最近都見到好多人食完打卡，見到我都心思思好想試，跟住就叫老公買返嚟做宵夜😋佢地都有好多款選擇，睇到眼花撩亂，但因為我地麻麻地花生呢D，所以我哋各自叫咗一碗芋圓4號同仙草4號，入面有紅豆+珍珠+芋頭，另外再加埋日式Q麻糬！🤤其實一碗食落都好大碗㗎，料都好足，而且入面啲紅豆好軟綿，食落都唔會過甜，甜度適中，芋頭同珍珠有少少咬口，如果更軟就仲正！另外仲有我至愛嘅麻糬，佢哋呢款日式Q麻糬，細細條，一兩啖就可以食得晒，分開咗黑色同白色，我估應該係原味同埋黑糖味，食落唔會好濃郁，但係反而有陣陣原本嘅麻糬香，我個人鍾意食原味，因為佢嘅麻糬香係最突出，但老公話鍾意食黑色嗰款🤣呢款日式Q麻糬煙煙韌韌，韌得來又有啲軟，啱啱好❤️…查看更多

呢排天口開始熱，在觀塘行行下就想食甜品，在APM見到有間叫 「鮮芋仙」既台式甜品店，今日我就外賣拎走。鮮芋仙-觀塘店在APM 好近天橋，人流好多：行過天橋就係佢地收銀門口：由餐牌可見，佢地主打係芋圓、係仙草：當然仲有其他可以叫，豆花、紫米粥、牛奶冰⋯⋯真係好多選擇同配搭😆😆餐廳唔大、堂食座位唔多，收銀姐姐好好人，仲叫我坐低等外賣。我等左10分鐘就可以拎走了。我叫左個招牌豆花 & 抺茶布丁招牌豆花有芋圓、芋頭、珍珠：抺茶布丁好滑，抺茶味都唔錯：今個呢個甜品下午茶價錢係咁：招牌豆花$48+抺茶布丁$8 = $56…查看更多

APM開咗終於有機會去食疫揀咗非繁忙時間去相對唔使排咁耐隊叫咗招牌仙草冰再加左布甸同埋冬瓜凍_個人強烈推介一定要食佢係仙草冰底再加上芋圓同仙草仲有細細盒奶俾你落🍼個人覺得錦上添花煙煙韌韌非常好食強烈推介仙草冰沙超香仙草味而且唔會太甜_今次加$8試埋奶茶布甸個人覺得好抵食整體有奶茶味而且好香滑-希望越開越多分店❣️咁就可以經常食到今次我由觀塘買返九龍塘啲冰未完全溶晒但建議如果路途遠嘅朋友可以帶定保溫袋😛…查看更多

早幾日天氣好似成30度，熱到出汗， 在觀塘做完事，到咗apm，就見到鮮芋仙，叫買返回家慢慢嘆！Menu都幾多選擇，除了飲品之外，仲有布丁等甜品，其實鮮芋仙咁出名，我都係第一次食，所以都嗌左個招牌仙草沙冰，45元，大大碗，好飽肚，入面有芋圓，仙草凍，同仙草沙冰，拎到屋企都仲未溶，沙冰好食好幼細，甜度適合，食落舒服，好正！芋圓有吾同種類，份量都幾多，仙草好清涼，又滑，果然招牌好食，下次有時間食堂食同再食其他先！…查看更多

去到四月底，天氣開始熱呢個時候就最適合食一碗涼透心嘅涼粉！之前食過鮮芋仙嘅牛奶冰，今日就一於黎試下佢嘅涼粉啦我呢一日就嚟到APM分店，果一晚已經恢復返晚市堂食平日夜晚九點幾都已經企左好多人排隊，所以諗諗吓都係決定買返屋企外賣好啲！俾大家睇一個餐牌先：我就揀咗仙草六號，兩個再加左冬瓜凍同埋芋丸仙草六號每一樣配料本身都好好食，口感煙韌得黎又有各自嘅特色，最重要一樣野係佢哋唔會好死甜，配合埋仙草少少夾嘅味道，真係令人透心涼啊！由於外賣返屋企食，所以餐廳幫我哋將啲配料、牛奶分開咗， Make sure佢哋浸得太耐見淋晒，非常細心！…查看更多