鮮芋仙 (屯門市廣場1期)

营业中

休息中

好多時食完飯都會買回家食，以前都覺得唔錯，今次真係嬲，買回家只見得番一半，買仙草芋圓，有一半係冰，係結晒冰，又少又難食，想點呀😳係咪準備結業喇，做到咁差，已經唔平啦$48 ， 以後都唔再幫襯，好失望😞

呢日行街行攰，口又乾乾地，正想搵個地方唞下，食啲嘢解解渴。眼尾掃到有間鮮芋仙🤩🤩毫不猶豫就點了最愛嘅紅豆燒仙草。燒仙草烏黑晶瑩好似黑寶石，紅豆煮得軟稔又香甜嘅紅豆，粒粒飽滿，再加上幾團圓滾滾嘅芋圓。燒仙草口感嫩滑，帶住淡淡嘅草香，紅豆嘅甜香同燒仙草嘅清涼完美融合，唔會太甜膩，甜度控制得啱啱好，芋圓软糯有嚼勁。

同朋友頹食完雞蛋仔黎食個甜品就當一餐🤣。太耐無黎鮮芋仙所以又黎食下～8點幾去要排隊，等左15min左右，叫完就唔使10min有得食😌🔅芒果白玉冰 ($58)白玉有8粒左右，好軟糯。芒果🥭份量都唔少～加埋芒果醬食落好香好甜，配雲呢嗱雪糕可以balance下，但同朋友都覺得加芒果味雪糕應該正啲🤣🔅芋圓5號 ($48)5號有粉條、粉粿、珍珠同芋圓～唔知係咪食完兩啖芒果先食呢個，所以覺得芋圓無味😂…不過都好煙韌有得𡁻，仲有成10幾粒好滿足🥰。粉粿得3舊比較少，仲要無咬口，唔推❌。冰粒有啲偏大，如果變左綿綿冰其實應該會再好食啲🧊🤤💬堂食好過外賣，雖然價錢唔算平，但久唔久都係想食🤣

說好的芝麻湯圓去咗邊？一心睇住芝麻湯圓衝住去買的。點知返到屋企…本來滿心期待 點個一打開。吓，只得紅豆湯加幾細粒芋圓，仲要收我$48，所以覺得完全被搵笨，好失望😩

同朋友係屯市食完飯，成班人想吹下水，於是去下場食個糖水🤭🤭呢間鮮芋仙長期要排隊，我哋都排左差唔多半個鐘先有位😂😂餐廳環境：入邊位置唔算太多，但係都算坐得舒服，不過都有少少迫，人多嘅時候要搭枱🙈🙈🙈食物方面：我哋叫咗幾樣唔同嘅甜品，包括：日式Q麻糬、珍珠奶茶布丁冰、仙草冰沙。日式Q麻糬：外型似腸粉，食落甜甜地，又煙煙韌韌咁，幾好食😋🤣🤣🤣🤣珍珠奶茶布丁冰：個珍珠奶茶布丁幾好食，勁濃奶茶味，加上珍珠一齊食啲冰，又凍又彈牙😂😂😂仙草冰沙：同普通甜品舖嘅沙冰冇乜分別，仙草都幾爽口👍🏻👍🏻👍🏻芋圓幾好食🤤

喺這家店試咗幾款甜品後，肚仔大滿足！第一輪，一碗芋圓紅豆珍珠仙草，每一啖都係芋頭嘅香滑，紅豆又甜又腍，配上Q彈珍珠，這個組合真係無得輸🍠😋。店舖啲豆花系列都一絕，特別係花生豆漿豆花，食落去滑溜溜，甜度啱啱好，唔會過甜，啱晒唔鍾意太甜嘅你。轉個角度試吓布丁Q麻糬牛奶冰，小朋友一臉開心，家長都笑得合唔埋口🍨😄。布丁爽口得嚟唔會太膩， Q麻糬嘅咬勁又正！冬瓜凍清新解渴，配上焦糖漿就係完美組合。整體嚟講，這間店嘅甜品質素穩陣，味道層次豐富，又唔會太貴，足以滿足你嘅甜品慾望。下次見到呢家店，記住唔好錯過咗啦！🥳👍

真係啱啱喺呢間店試咗啲甜品，感覺嘅話，應該有一個形容詞叫做「正」！首先，啱啱嚟咗碟芋圓4號，食落去真係有種說不出嘅滿足。尤其係啲芋圓，啖啖芋香，外層煙韌得嚟一啖咬落去感覺又軟糯，啲芋頭嘅份量都好慷慨，一大塊塊嘅，哎喲，真係又軟又綿、香甜過依度。嗰啲珍珠，一啖一啖彈牙得嚟又唔會太硬，真係好過癮👍。嗱，仲有啲焦糖布丁，佢哋搞得又滑又溜，入口即化，浸喺啲冰當中，食落有一種清新嘅感覺。雖然布丁嘅蛋香味可能唔係特別突出，不過總體來講算係咁嘅水準。啲珍珠加咗少少，但每粒都咁Q彈，跟住啲紅豆同芋頭嫩滑甜美，令人食咗仲想再食。環境方面，店內坐得舒服，服務都算係親切，你話，下次再約埋三五知己，坐低傾吓計，一路傾計、一路食甜品，岩晒啦！🍰🥄🍨

明明以前買過唔錯，今次食真係大跌眼鏡😢買左個熱芋圓4號，有紅豆，芋頭，粉圓同芋圓。外賣等左大約五分鐘就有。拎到番去，一打開心諗咩料。。。。。。。。。。個紅豆沙稀到水咁，食落得甜味冇紅豆沙味。芋圓份量少（以前嘅三分一），又有怪味，粉圓痴到一舊舊，食落硬繃繃🥺🥺🥺真心食到嬲！五十二蚊買碗咁嘅嘢完全唔值，食到懷疑人生，點解會變到咁難食。。。。。。。。。。。。。。。。。。。。幫襯小店仲好過😡😡

👧🏽 發現鮮芋仙突發推出買一送一優惠❗️由2023年11月20日至12月1日，顧客於指定分店購買紫米系列飲品，即可享有買一送一優惠，包括紫米鮮奶、紫米珍珠、紫米奶茶及紫米小芋圓適用於指定分店：📍銅鑼灣登龍街18號VPoint地下一號舖📍尖沙咀Mira Place1 2樓206號舖📍紅磡黃埔天地美食坊(第八期)地下1號舖📍旺角MPM文華商場1樓B舖📍新蒲崗Mikiki地下G03C號舖📍荃新天地1期地下G46號舖📍屯門市廣場1期1樓Kiosk C📍天水圍T Town South地下SG11號舖📍元朗廣場地下032號舖📍將軍澳坑口東港城1樓128A號舖📍粉嶺中心地下167-168號舖📍青衣城1期地下26-27號舖

本人是芒果控，夏天無芒果不歡。芒果都就黎水尾，見到鮮芋仙仲有芒果冰供應，拿拿聲試咗先。今日阿囝返咗學，得我自己一個，就試下個迷你芒果白玉冰先啦！一上檯，個賣相真心差咗啲，個雪糕球筆到咁肉酸，岩岩巉巉，唔圓淨，同個圖有好大出入。話就話迷你，但份量一啲都唔迷你，不過係講緊啲刨冰。成碗野，入面大部分都係刨冰，啲刨冰唔夠碎，粒粒都好大粒。啲芒果同白玉都偏少，加上大舊冰粒，整體口感麻麻。試過一次就算，下次都係食返仙草芋圓果啲好了。

#港女覓食到屯門夏日炎炎，梗係成日都想飲下冰涼飲品降降溫♨️ 行過見到鮮芋仙出咗新產品，一於試試佢佢！✨招牌仙草大滿貫 $48呢杯飲品簡直就係將佢個招牌仙草沙冰變成行街拎住都飲得😂 佢以沙冰做底，甜度冰度固定左，無得再調節。飲落較甜。入面嘅配料都好豐富，有小芋圓、芋圓、芋薯圓、粉粿、粉條、仙草凍&珍珠。佢地嘅配料全部都軟糯煙韌🤩可以一次過食勁多配料，點樣都會飽左🤪 佢另外一款冬瓜大滿貫飲落一般🙈就唔建議試啦~✨總結人均消費💸：$48/1人味道：🌕🌕🌕🌑🌑份量：🌕🌕🌕🌗🌑服務：🌕🌕🌕🌑🌑質素：🌕🌕🌕🌑🌑🍴 鮮芋仙 (屯門)📍屯門屯順街1號屯門市廣場1期1樓Kiosk C::::::::୨୧::::::::୨୧::::::::୨୧:::::::::୨୧:::::::::#hkfoodie#eat#gathering #food #foodphotography #foodblogger #foodstagram #instafood #hkfood #foodpics #photooftheday #foodie #foodlover #foodlife#foodholiceatdiary

招牌仙草大滿貫/今天放假，去買咗杯邪惡飲品 share 同人一齊飲，入面有齊哂：有仙草凍、仙草條、芋圓、珍珠、粿條芋圓及粿 都十分煙韌軟稔，份量一般，可惜仙草沙整體糖水太甜，也沒有甜度選擇。

想試依間集團式甜品好耐，但之前太熱門要排隊所以放棄左。今個禮拜日見冇咩人排即興堂食試下，點知都幾失望。。。首先menu唔多選擇，諗左好耐決定試花生芋圓，個賣相係幾好，但食落芋圓同地瓜圓個味都好淡，糯米粉多過芋頭同地瓜，所以個圓既味唔出，而且地瓜圓同芋圓份量唔多，$48黎講性價比唔高，加上個刨冰底係就咁加糖水冇其他味，食哂面個層就係糖水冰比較失色。。。冇宣傳講到咁吸引咁好食，其實真係好普通另外個飲品冬瓜芋圓茶就好甜，飲完會覺得自己會糖尿病個種，已經少甜但都係太甜，而且細細粒既芋圓同地瓜圓更加食唔到芋圓味同地瓜味 ，似食緊普通小丸子，大失望可能我地對依間野期間太高，以為啲芋圓同地瓜圓會好重本身既食材味，所以太失望，佢其實只係好普通既甜品店，冇咩特別亦唔叫難食，但就唔會想再食咁解

【屯門區】【鮮芋仙】一直都想搵好食嘅台式甜品，例如芋圓呀，珍珠呀嗰啲，但因為疫情關係，其實嘆返個甜品嘅機會係少咗，始終都係慣咗食完晚飯飽飽哋先叼返份嚟滿足「第二個胃」。而家六點就堂食收皮，唔通次次都買外賣咩，影響觀感。引用我之前寫完之後 Miss Ding 好中意嘅一句「大家見我出得 post 就知最後我都係去咗食」，係呀我係去咗食，而且仲喺有人排隊嘅情況之下，喺下晝嘅時間照排！排咗十五分鐘左右都唔算耐，同朋友吹下水就好快過。我叫咗個「芋圓6號」，我真係第一次食，都唔知食乜好，就叫個嚟試吓。有得揀凍或者熱，我唔中意冰又唔中意紅豆湯，笑咗，最後都係後者啦。碗嘢仲有粉條、粉粿、珍珠，成碗嘢幾特別，幾好食，$45 係唔差嘅價錢。朋友好中意食台式嘅冰豆花，話佢夠甜夠正，所以佢就叫個「冰豆花4號」，有芋頭同紅豆，$42 都唔貴，所以佢加 $8 要埋「地瓜」加餸都唔覺得乸脷。味道上，我都有偷一啖嚟食，我覺得真係唔錯，幾香豆味又夠甜。二人合力嘅話係可以做到 1+1 大過 2 嘅效果，好似林鄭月娥話齋：「Killing two stones with one bird」，所以叫多個「Q麻糬布丁拼盤」一

排緊隊時候，見到裏面有兩張二人枱空咗，我問服務員點解唔安排入座，佢竟然話要等中間嗰張二人枱嗰位客人走咗之後，安排前邊六位入去先到我地。結果等咗15分鐘嗰位客人仲未走，然後等咗20鐘先入到，竟然都係要我地坐返本身空左嗰兩張二人枱，真好笑！叫咗熱的芋圓4號，嚟到竟然係常溫嘅溫度，少少暖都幾乎無！然後同服務員講，佢拎返入廚房，拎返出嚟竟然係用微波爐叮翻熱比我，係個焦糖布甸幾好食，唔想再幫襯了。第二日見到市中心麥當勞，好似新開冇幾耐嘅芋見好圓。諗住試吓，但係見佢裏面竟然空無一人，以為會唔好食中伏，點知發現原來味道比鮮芋仙好，份量又多，價錢又比較平。希望佢即使而家冇乜人幫襯都唔會咁快拜拜，因為我決定以後响屯門市中心食芋圓，都會食嗰間，不會再食鮮芋仙。