鮮活之味

营业中

休息中

在香港的美食地圖上，駱駝漆以其獨特的料理風格和新鮮的食材，迅速吸引了眾多食客的目光。這裡的菜單融合了多種創意元素，讓人每一次光顧都有新的驚喜。最近我有幸品嚐到幾道招牌菜，體驗了一場味蕾的盛宴。首先登場的是叉燒慢煮雞胸拉麵，這道菜的湯底以濃蝦頭蕃茄為基礎，味道濃郁而不油膩。湯中蝦頭的鮮香與番茄的酸甜完美結合，令每一口都充滿層次感。慢煮的雞胸肉鮮嫩多汁，搭配彈牙的拉麵，讓人忍不住一口接一口。這道拉麵不僅在味道上表現優異，還在視覺上令人愉悅，湯面上的香料點綴，增添了不少色彩。接下來是拉絲芝脆飯丸，這道小食的外皮金黃酥脆，內裡則是柔軟的米飯與芝士。當我咬下第一口，內裡的芝士瞬間流出，帶來濃郁的奶香。飯丸的份量適中，兩粒剛好讓人感到滿足，卻又不會過於飽脹，適合加入濃湯享用，為整餐增添了趣味。然後是火炙牛板腱蕎麥冷麵，這道菜的牛肉經過火炙處理，外焦香而內嫩，與蕎麥冷麵的清爽口感形成了鮮明對比。牛肉的醬汁渗透到每一根麵條上，使整道菜品更添風味。搭配上新鮮的蔬菜，讓人感受到健康與美味的完美平衡。最後，牛油果沙律作為一道清新的配菜，為整餐帶來了恰到好處的清爽感。牛油果的滑順與沙律醬的酸甜相結合，讓人感到

嚟觀塘買嘢，行完就過咗去駱駝漆食晏，揀咗友人推介嘅「鮮活之味」。餐廳主打活鱔料理，本來打算一嚐佢哋嘅鱔球同鱔片，點知嚟到發現已經全部售罄，既來之則安之，就一於試下餐廳嘅其他出品。點咗 2 款小食，日式餃子 同 蒜蓉牛油雞翼。餃子外皮煎到金黃香脆，內餡飽滿多汁，香口又唔油膩，美味！雞翼即點即製，上桌時仍熱辣辣，面頭鋪咗層薄薄嘅蒜蓉同芝麻，入口皮脆肉嫩，吃時更帶陣陣牛油香，煞是誘人。主食揀咗白灼澳洲和牛撈油麵(160g)配蔥油汁 同 鐵板燒玉子鰻魚定食。和牛切到厚薄適中，灼至啱啱熟，入口肉味超香濃。油麵用豉油撈過，麵質爽彈有嚼勁。鰻魚以鐵板上，面頭淋上蛋漿，拌勻同吃，鰻魚肉厚肥美，入口富油脂香，配埋滑蛋同醬汁一齊食，口感同味道都好豐富。加配飲品：雀巢濃香焙煎咖啡+$9、雀巢特濃香滑咖啡+$9 

之前在駱駝漆大廈搵食時發現呢間鮮活之味，所以就放咗喺要食嘅清單之內，終於抽到時間嚟食，一定要試吓呢度嘅招牌湯底—蝦湯。今次點選擇嘅食物包括：火焰牛板腱拉麵極尚濃蝦湯拉麵吉列炸蠔南蠻炸雞配碎蛋沙律極尚濃蝦湯拉麵到嘅時候即時試咗啖湯先，入口完全充滿蝦味，媲美食緊一隻隻蝦嘅感覺。完全飲到停唔到口。火焰牛板腱拉麵嘅牛板腱薄切，燒咗嘅牛板腱添加咗一份焦香味。吉列炸蠔香脆唔會過火南蠻炸雞配碎蛋沙律雞肉都嫩滑有肉汁愛蝦之人真係唔可以錯過。

最近我同朋友去咗一間叫「鮮活之味」嘅餐廳，真係有啲驚喜！呢度主打新鮮嘅白鱔，佢哋嘅白鱔飯真係吸引到我哋。首先我哋嗌咗花椒醬油汁鮮白鱔片飯 大盛。呢個嘅白鱔片切得薄薄地，鮮嫩得來又帶有一啲花椒嘅香味，配合醬油汁，真係好開胃。飯底吸收咗汁液，食落去每一口都充滿咗海鮮嘅鮮味，唔食唔得！跟住我哋又嗌咗另一個白灼秘製蔥油汁鮮白鱔片飯 大盛。呢道菜可以話係一個簡單但又好有味道嘅選擇。白灼嘅白鱔片保持咗原汁原味，加上秘製嘅蔥油汁，味道香滑，根本停唔到口。飯粒同樣吸收咗醬汁，食完之後覺得飽滿又滿足。整體嚟講，「鮮活之味」嘅食物不單止新鮮，味道仲係一流，無論係想食重口味定係清淡嘅選擇都有得滿足。下次再有機會，我一定會再嚟嗌吓其他菜式！

觀塘一直以來給人的感覺都是「好多人」，但同樣亦很多小店、餐廳。而駱駝漆有很多食肆，平時午飯都會來到這大廈，我發現了這間不錯的小店，剛好朋友約吃飯，下班就來到 「鮮活之味」啦！很久沒有試過這麼早吃晚餐，下班立刻走過去 。由於今天午餐比較晚吃，所以就點拉麵啦。🕊️ 盛宴濃蝦湯拉麵 + 烏龍茶 「盛宴」真的沒有改錯名，有很多材料，例如大蝦、帶子、雞胸、糖心蛋等等。店主好貼心，蝦已經去殼，可以大口大口的吃，很彈牙！帶子煎過一點點，肉質鮮甜，好吃的東西一定要跟朋友分享，所以我給了一半朋友試試。另外，雞胸不韌喔。重點是蝦湯底真的好濃郁，有很重的蝦味。🕊️ 海佬雞胸濃蝦湯拉麵 + 綠茶 朋友點了這個海佬雞胸，有蝦、雞胸和糖心蛋。見她都吃得讚口不絕。我們兩都是點拉麵，店主亦好貼心，可以挑選麵質，我們都選了標準，麵質不錯，有咬口。🕊️ 日式餃子（4隻）另外，我們點了四隻餃子share，餃子炸得好脆口，但裏頭依然keep到肉汁，不會覺得太乾。最後我們都跟餐點了支裝茶，可以消消膩，因為真係吃得很飽呀！由濃郁的蝦湯底，到貼心的食材製作（去蝦殼），好吃且價錢不算貴，CP值高。

在觀塘遇到間好好味的蝦湯底拉麵，就是駱駝漆大廈第三座的鮮活之味。有拉麵、蕎麥麵、撈麵選擇南蠻炸雞配碎蛋沙律$38 已有一大塊雞扒份量，外皮香脆，啖啖肉又嫩滑。火炙牛板腱蕎麥冷麵牛板腱入口肉味濃郁，嫩滑中帶點嚼口。爽口的蕎麥冷麵浸在鰹魚汁清新開胃。盛宴濃蝦湯拉麵賣相好吸引，先呷一口湯底，蝦味濃郁出眾，幼身拉麵吸湯一流。蝦肉已去殼夠貼心，輕易食到彈牙蝦肉。半肥瘦叉燒入口即溶、帶子啖啖肉、雞胸肉也好嫩滑。

以前這間餐廳主打以鱔魚為主食的不同料理，甚有特色。最近想再去品嚐鱔片的鮮活之味，豈料已經轉了餐牌。店名依舊，內涵卻完全轉變了。餐牌變成了一些不知是港式還是日式的麵食，還有一些小食，不過選擇並不多。葱油汁和牛撈麵 ($68) ★★★★★這裏的撈麵及拌麵使用的麵質是很接近油麵(但韌度較油麵低)，賠上中式的葱油及豉油非常夾。而且鮮牛肉片非常嫩及有牛味，而且有很多片，非常抵食。日式叉燒拌麵 ($65) ★★★✰✰同一款麵質配以甜醬油、蔥碎及大量炸蒜，感覺不是太夾，而且蒜味太濃加上温泉蛋感覺有點膩。叉燒明顯較接近港式叉燒多於日式叉燒。日本刺身帶子西柚青瓜沙律 ($38)  ★★★★✰沙律放在半個西柚之上有新意，帶子感覺算新鮮，其餘配料是很普遍的沙律材料。拉絲芝脆飯丸 ($6) ★★★✰✰餐牌上推薦的小食，就是一塊厚炸皮包裹一球飯粒及蘸上芝士，整體沒什麼味道，不算是個好嘗試。整體來説，失望在於本來此店正如店名所言，是提供鮮活之味，現在卻變成賣麵食。雖然菜式有些新意，但味道不見非常驚豔。

最近喺觀塘食到間好味又健康嘅小店，超推薦比大家😍 講緊嘅就係駱駝漆嘅「鮮活之味」🍅！ 呢度嘅嘢食都係用心製造，間中仲會推出新產品😚 食咗好幾次都唔厭！🦐 海佬雞胸濃蝦湯拉麵（$72）今次我揀咗海佬雞胸濃湯麵🍜，轉蕎麥麵+$8更健康！再加咗$32有三大片牛板腱🐮！ 雞胸同牛板腱都係高蛋白質低脂肪嘅健康肉類，加入蕃茄濃湯夠晒入味，好夠香🥰 🧋自家手沖支裝奶茶 （+$12）呢度仲有樽裝嘅奶茶，仲係自家製㗎😚鮮活之味📍觀塘開源道60號駱駝漆大廈第三座11樓G室

📍 鮮活之味 (香港)｜觀塘清新日式午餐體驗觀塘駱駝漆大廈嘅「鮮活之味」，環境乾淨簡約，而且燈光好光猛，令人一入門就感覺舒服放鬆😆今次午餐我揀咗火炙牛板腱蕎麥冷麵配烏龍茶，一個清新組合。啱晒咁熱天氣嘅時間食。🤣🥢 火炙牛板腱蕎麥冷麵 $72 牛板腱火炙至微熟，❤️❤️肉味濃郁但唔會過肥，入口啖啖香氣🤤配搭嘅蕎麥冷麵爽滑彈牙，冰涼口感喺炎熱天氣特別加分❤️再加埋醬汁嘅微鹹和風味，整體味道層次分明，份量亦相當足夠，食完有飽足感但唔會太膩。🍵 跟餐就叫左烏龍茶（枝） 係瓶裝烏龍茶，茶味清爽，夠解膩，與牛肉冷麵嘅油香形成好好平衡，係一個貼心又實用嘅配搭。除咗冷麵之外，我見到佢哋而家仲有推出一個都頗為人氣嘅蕃茄拉麵系列下次有機會嘅話我都會再試吓！

見社交平台有人推薦就嚟試下營業時間寫住星期六12:00開門到達舖頭既時候12:22見到門口寫住休息但入面有光上舖頭社交平台 又冇通知唔開/遲開然後有其他人直接拉開門問完入去就跟住入去入到去發現係原本慢煮屋的舖頭鮮活之味應該就係副線餐廳如果想要社交平台 同款的蕃茄蝦湯係要另外加$6火炙牛板腱拉麵慢煮屋本身出品既牛都唔錯結果成碗嘢得個牛好食個蕃茄蝦湯好淡味，蝦味唔出如果唔落埋櫻花蝦係唔會有鹹味麵質揀左普通，但出到嚟偏淋蔥油和牛拌麵上面層牛肉就係慢煮屋餐單既牛加佢個甜甜嘅汁下面既蔥油就係就蔥再淋上一啲油就完事所以唔係想像中既有蔥香甜甜既牛汁再加蔥油加醬汁感覺上唔係太夾而且店舖提供既杯係油既然後就係最不愉快的服務體驗了我同朋友一食完麵個下個店員快速走嚟即刻問食完未就收走左但又唔係有人等位然後朋友負責俾錢（八達通）我就行出去等等左一陣都未見到朋友就望番入去睇下跟住就見到店員黑哂面揮手要我入番去原來係朋友八達通拍唔到（有餘額的）然後拍左幾次都唔成功店員就失去耐性最後朋友轉左其他就付款成功左

入到場叫左個牛拉麵，網上睇到片介紹用蝦頭煮蝦湯諗住黎試下心機野，點知係茄膏湯完全冇蝦味仲加左好多糖，成個湯收到結哂 搞唔掂係個幾片牛正常d 個蛋未入味白蛋 免中伏千其唔好試

晚飯在「鮮活之味」，位置在工廈，店鋪主打多國菜，室內環境設計簡潔光亮，價錢實惠，味道不錯。蔥油汁和牛撈麵~蔥的食用營養甚豐富:有蒜素能抗氧化物，還有有殺菌抗菌、通關節，清除自由基、調節免疫力......白灼和牛肉質鮮嫩與爽滑油麵拌蔥油汁吃，味道清新可口。慢煮雞胸拉麵轉牛骨湯底~慢煮雞胸非常嫩滑，牛骨湯有洋葱碎和牛肉碎，因此味道特別鮮甜，再在湯底添加蕃茄蓉，也吃到蕃茄的微微天然果酸，很開胃啊！日式叉燒拉麵~這款日式叉燒又有別五花肉塊，捲起來併用棉線固定煮熟的造法，造法不同，味道口感都不賴。 南蠻炸雞餅配碎蛋沙律~炸雞件酥香嫩滑， 配搭碎蛋沙律吃，東亞與西式共融風味，是挺好的！

網上見到依一間資料唔多，但評價都唔錯，以我本身就幾鍾意食鰻魚，所以就決定過嚟試一試。你唔好以為佢係賣鰻魚/鱔片，但原來佢啲炸雞都好鬼好食！佢個炸鱔片同埋炸雞係做到個外皮好酥脆，又保留到啲鹹香，又唔會過分油膩，恰到好處，鱔片嘅肉質好新鮮，炸雞都唔差！而蒸既鱔片，都非常好食！好新鮮！最後仲叫左個炸魷魚鬚！好味！果然佢哋嘅炸物真係做得好好！值得多啲人認識！希望可以保持到水準！唯一一樣嘢，就係覺得份量有啲少！

鱔飯喺香港算係少見要處理鱔好麻煩又要劏又要去骨又要新鮮老闆娘一腳踢 自己下廚自己出單去到間餐廳好似冇乜人 決定堂食支持吓食咗個雞拼鱔飯 韓式口味估唔到依個飯出奇地有幾好食食落非常之香口，又冇腥味而且食唔到骨 啖啖肉至於炸雞就正常發揮但係唔推薦食韓式口味 感覺個味唔係幾夾如果可以拼撈麵之類食就好始終夾住飯食有啲乾擺盤好明顯有心機 好值得試3⭐️合格 5⭐️滿分環境 ⭐️⭐️⭐️味道⭐️⭐️⭐️⭐️價錢⭐️⭐️⭐️⭐️

味道幾好，但份量真係算少，價錢工廈黎講算進取，啲飲品要加$7-12杯，最大問題係啲員工完全無服務，客人入到黎唔會打招呼，黑口黑面，放低 qr code 都無講任何野就入返去同其他員工水吹傾計有講有笑 😅