🥰 话说早前系 “大坑” 寻找 “清淹”, 路过 “北角” 嘅 “曦”, 开心大発现, 两间姊妹店对调, 大坑嘅 “鮨辰” 去咗 北角, 今日初访, 用番原本装修, 设一张十二人L型寿司吧枱, 全院满座. 午餐厨师发板, $420+10%, 包12贯寿司.🍥 茶碗蒸. 暖暖哋, 合格.🐟 真鲷. 鱼肉口感烟靭, 寿司豉油甜甜地, 不俗!🐟 𫠒红鱼. 肉质紧致, 口感出奇哋澎湃, 越嚼越有味.🐟 池鱼. 姜蓉太重手, 扣分!🐟 烟熏𫚕鱼. 烟熏味道温柔, 余韵悠长.🦐 赤虾. 有阵甘味, 麻麻哋.🐚 带子, 配紫菜. 咸咗少少, 紫菜唔够脆, 败笔之一.🐟 木鱼, 配蒜蓉. 太重蒜蓉味, 唔钟意.🐟 大拖罗. 鲜甜, 肥美, 挽回唔少分数.🐟 烧右口鱼, 配紫菜. 油份迫晒出嚟, 又就系咸咗少少.🐚 海胆. 第一下嘅甜味冚到怪味, 还好.🤗 三文鱼子. 又过咸, 搞乜鬼.🐟 鳗鱼. 应该系我食过最好食嘅鳗鱼寿司, 温度同味道都可以前后呼应.🍙 吞拿鱼蓉手卷. 好食, 就系鱼蓉冻咗少少.🍥 玉子烧. 太湿了.🥣 面豉汤. 味道浓郁, 依旧出色.🍨 开心果雪糕. 好味道.🤗 总结: 环境都系嘈吵, 鱼料比 “曦” 多花款, 但表现似坐过山车, 主要系调味太重手, 某几件过咸. 我知道我要还枱, 但师傅好赶, 睇落有点焦虑, 冇乜机会交流, 哈.…查看更多
