鮨月

响香港首次一齐食 Omakase, 感觉好好㖞, 细节感 诚意满满, 要记录 分享一下~前菜就已经好惊艳, 由淡食向浓, 食材同搭配都出色, 令我哋对今餐满满嘅期待~ 第一啖 白茄子就开始比惊喜我地了~ 轻身感 清甜多汁, 原来 茄子可以咁水果;板粟极香甜, 钟意啊! 跟住嘅 乌贼秋葵 同 赤水母 都赞赞的!果然 前菜系个好开始~日本生蚝配上紫海胆, 夹得黎唔会盖咗双方嘅味道, yum!跟师傅嘅推介, 先食一半海胆(可配盐) 再海胆生蚝一齐食~ 嗯, 2种食法嘅味道口感各有特色, 都好味啊! 鲜甜creamy 幸~福!睇住文师傅游刃有余咁处理食材, 知识技满; 谈笑风生中嘅细心认真, 深深感觉到 台上一分钟 台下十年功呢~松叶蟹 蟹膏我最爱嘅免动手 啖啖肉!蟹糕甘甜甜 蟹肉鲜甜甜, 好满足~秋刀鱼刺身师傅话 而家秋刀鱼当造, 特别肥美呢, 油香鲜味恰好 配上姜豉油, 喜出望外 超级match!鲜甜中 满满初秋气息~清森鲍鱼原只鲍鱼 用昆布同埋萝卜包住蒸六个钟, 软弹林甜; 配鲍鱼干酱 食完个鲍鱼 捞埋啲饭嚟食, 口感味道 好 rich啊~ 北海道白海胆鲜甜香软 配青瓜丝同紫菜, 加小小师傅现磨嘅wasabi, 赞啊~ 最中饼 配酒煮𩽾𩾌鱼kawaii超级 “打卡able” 呢!!!大拖罗 . 黑睦鲷 . 喜之次 . 酱油渍吞拿鱼 . 右口鱼边…师傅准备嘅寿司们都质优抵赞, 我地嘅心灵口腹都满足呢~ 自家制嘅日本子姜 极深得我地心~平时怕食姜嘅我, 因为信心而尝试, 一试 就感动了! 脆嫩 清新 多汁, 唔辣 完全唔呛! 有水果feel, 我食完又食, refresh 味蕾同心情~呢个晚饭旅程 成为我地嘅好经历之一一路食 一路睇师傅准备 听师傅介绍, 特别记得 网烧北寄贝 被师傅拍醒, 连叔叔级客人都被surprise 到呢~ 金箔吞拿鱼蓉手卷望落食落感觉都咁deluxe啊~拖罗筋 师傅真好, 又请大家食嘢~味浓 口感佳, 特别得嚟 好食呢! 食埋个鸡白汤素面 同甜品, 就幸福满满咁返屋企喇~…查看更多

近半年恒指一直造好，上冲两万七，老友话大有斩镬，点都要食番餐好嘅，是夜就拣嚟铜锣湾嘅「鮨月」。小弟亦都好耐无食过厨师发板喇，数番对上一次，已经喺2021年5年前嘅事，今晚就同老友一起大快朵颐，一于「脂」味无穷。有别一般食厦楼层，一出电梯就喺餐厅，餐厅入口明显专登缩咗入去，增加整体私隐度。而踏入用餐区，以一贯和风浅木色为主，装修简约，配以柔和灯光，感觉舒服。一张L形板前席，目测所见，大概有14个位，喺食「厨师发办」嘅指定最佳位置，因为可以睇到师傅切鱼生嘅刀功、揑寿司嘅手势，又可以跟师傅交流。另一边挨窗嘅喺4人座嘅卡位，最欣赏喺以大屏风前后隔住。吧位櫈下备有竹盘，让客人可以摆低背包、手袋等随身物品。晌呢啲高档餐厅，除咗环境，餐具及服务都喺值得留意嘅一环。一碟、一杯都好古雅，餐巾更绣埋店家名字，之后盛菜嘅器皿亦都赏心悦目。而服务方面，好熨贴，师傅例必先问问有无嘢唔食得，或食物敏感嘅指定动作，店员又不时为我哋添茶及收拾餐具，态度有礼:)。师傅上菜嘅速度，亦喺恰到好处，令人用餐感到悠闲唔急促。店内有两款厨师发板套餐：「月」、「兆」，前者包括前菜、刺身5点、季节の一品、寿司8贯、卷物、椀物及甜点，定价$1,680；而后者则包括前菜、寿司15贯、卷物、椀物及甜点，定价$1,180。食厨师发板有趣嘅地方喺好似开盲盒咁，唔上到枱都唔知有咩款式，往往都带嚟惊喜。师傅亦好好人，将两个套餐打匀，等我哋可以试到多啲款式:)。如果钟意饮两杯嘅客人，咁就啱晒，店家提供好多唔同产地嘅清酒，仲有红白餐酒、香槟、啤酒，当然，为要照顾喺其他客人嘅需要，有提供果汁、汽水、啡茶……等等非酒精饮品。香烤鳕鱼干晌等朋友期间，店员额外送上鳕鱼干作为餐前小食，口感超脆，脆到咯咯声，好似食薯片咁，沾少少沙律酱、七味粉，更具风味。新鲜即磨山葵、冲绳海盐见到师傅摆上山葵同海盐，就知今餐美宴就快开始。前菜3点打头阵喺前菜3点，分别有新鲜水茄子、北海道鱿鱼配秋葵、赤水母，食嘅次序都喺跟呢个，由淡至浓，外观就非常之精致靓仔，贯彻日本菜一向亮丽嘅卖相。新鲜水茄子口感清爽，中间夹住一片板栗甘露煮，显示得宁舍香甜；鱿鱼口感弹牙，上面嘅豉油脆脆喺豉油、炸蒜、芝麻混和，令味道更丰富；赤水母做成醋物，底下佐以青瓜丝，酸香醒胃，口感爽滑。北海道松叶蟹跟住上场喺刺身5点，打头阵喺松叶蟹，单睇卖相已觉得好正啦，将蟹身、蟹脚拆肉，再加埋蟹膏，先试原味净食，味道劲鲜甜，蟹味浓郁，之后再唧啲蟹醋，亦可以再沾点豉油提鲜都得，味道层次确喺升一级，更突出蟹嘅鲜甜味。最开心喺拆晒肉，唔晒自己郁手嘛，食得够爽。北海道生蚝北海道所出嘅生蚝向来甚有保证，而睇见呢只大过小弟手掌嘅生蚝，色泽亮丽，自然更有信心。入口果然肥美高质，口感绵滑，有淡淡海水嘅天然咸味，唔过重，好啱食。间八薄切友人就试间八，卖相甚有意境，十分之靓，鱼肉薄切透光，肉质爽口，味道属淡味，另一件卷住海胆，当然更正啦，钟意嘅可以摘啲紫叶花佐食都得。平静鱼小弟试嘅喺另一款刺身，平静鱼以苹果木烟熏过，入口有阵阵烟熏香，而肉质带点爽口感，亦可以以紫叶叶卷住一齐食，别具风味。青森县黑鲍鱼师傅话喺心机菜，因为要以昆布包住蒸6小时，先做到软腍弹牙，佢更捧出一大盆黑鲍鱼，话好受食客钟意。而作为刺身，更佐以自家制鲍鱼肝酱，并配一口白饭。的确，件鲍鱼软腍好有咬口，肝酱浓香甘腴，所以，就用埋啲饭嚟沾上剩余嘅肝酱，一啲都唔好嘥。北海道赤海胆个小盅好精致，橙黄鲜艳嘅海胆满满铺晌上面，而下面垫有青瓜丝。师傅话食法可以先试咗少少盐调味，想重啲就山葵加豉油，海胆口感极之幼滑，味道浓郁甘甜，最后可以加上清新嘅青瓜丝，用紫菜包住一齐食。秋刀鱼以为「刺身5点」要完，师傅追加多一道时令秋刀鱼俾我哋试，佢话呢期货特别肥美，鱼味特别浓郁，更一片一片砌出橄形，甚有心思。并特别搭配姜葱豉油，令其味道食起嚟更鲜，超好食。季节の一品品尝过多道刺身后，呢一道带刀鱼天妇罗亦甚有惊喜，炸得金黄，外层脆浆又薄又脆，入口完全无油腻感，外脆内嫩不在话吓，最心思喺鱼肉中间夹住啲虾膏，好别出心裁嘅一道天妇罗。见侍应送上子姜同湿毛巾，就知喺食寿司嘅时候，前者就作为一道寿司与另一道寿司之间嘅间场，用嚟清清味蕾，而后者就俾客人抹抹手之用，用手直接拎起件寿司嚟食。其实，由开始至今，已见到师傅不时切定啲刺身放晌砧板一旁之上，为做寿司作好准备，将切好嘅摊暖备用，更不时以手背去量吓温度，尽量摊至最合适嘅温度俾客人享用，甚为细心。今晚试到嘅寿司款式实在太多，真喺逐样写有啲难，再者，寿司唔喺小弟强项。不过，整体而言，高质之外，有啲鱼种甚少食到，就算常遇到嘅种类，亦会供应唔同部位俾你试，各有特色、亮点，而且，每件做到啱啱好一口过，饭粒搓得紧致而松软。以下就喺我哋合共所试到嘅款式：𩽾𩾌鱼肝配熊仔威化饼干：鱼肝用咗红酒慢煮，上面加咗少少青瓜所做嘅奈良渍；左口鱼：加咗啲柚子皮；深海池鱼：大部份寿司己加咗豉油同山葵；赤贝：师傅会拍打一吓赤贝，好似叫醒佢咁，令其肉质更爽口；北海道带子：师傅话新鲜货色就会有一丝丝嘅条纹；黑鯥：火炙过；真鲷：色泽雪白晶莹；筋子：即喺三文鱼籽，喺季节性食材，有埋块膜，所以叫筋子，攞到返嚟要洗，又要酱油渍；鲽鱼裙边手卷：好重油份，加咗木鱼花，包埋紫菜食，无咁腻；银鳕鱼：平时多见西京烧，急冻货，只有刺身级先可以生食，经酱油渍咗一晚；喜知次：轻轻火炙，逼出油香；酱油渍赤身：酱油可突出到赤身嘅鲜甜味；中拖罗：近背嘅部份；中拖罗：近腩嘅部份，线纹比较突出啲；大拖罗：少少火炙，目的都喺逼出油份，满口油香；拖罗蓉手卷：卷内有拖罗蓉、芝麻、腌萝卜及紫苏叶，加片金箔即时贵气晒；布丁蛋师傅预备咗一件焦糖、一件原味嘅自家制布丁蛋，入口蛋味超浓郁，又嫩滑㖞，而焦糖口味有一层薄薄焦糖，又脆又有份焦香，自不然更加好食。椀物接近尾声，怕你唔够饱（其实食完晒啲寿司，确喺好饱吓），奉上鸡白汤配素面，奶白色嘅鸡白汤好香浓，饮落舒服暖胃，尤其上一段时间食咗咁多生冷嘢。甜点、生果最后，以日本哈蜜瓜及抹茶蕨饼作结，前者爽口清甜，而且，甜度十分之高：后者口感软糯，抹茶味浓，为今餐厨师发板划上完美句号。虽然唔喺第一次食厨师发板，但每一次无论在食材上，制法上都有惊喜，亦都学咗唔少嘢！…查看更多

呢间餐厅由资深日本料理职人文师傅主理，以每日空运直送食材制作厨师发板👨🏻‍🍳有唔少明星，例如陈嘉乐、裕美、冯莹莹、陈晓东都有到访🌟🥢Chef Omakase Set ($1680/ 位）💗前菜1️⃣羽太大根：羽太肉质较厚实，鱼皮特别有弹性，配上汁煮大根萝卜2️⃣石川小芋配胡麻味噌酱：石川小芋滑顺黏糯，带淡雅芋头香，配上胡麻芝麻酱，非常开胃3️⃣赤鸡冲绳苦瓜沙律：冲绳苦瓜清脆带少许回甘，配上赤鸡肉同沙甸鱼苗做成沙律，味道清新💗刺身5点1️⃣松叶蟹：松叶蟹预先去壳拆肉，食起嚟啖啖肉好方便，加上蟹膏同马粪海胆，佐以蟹醋，酸香提鲜2️⃣间八：清爽带脆嘅薄切间八卷住鲜甜嘅马粪海胆，佐以鱼子酱、青柠皮同紫苏花，味道好丰富3️⃣平贝·赤贝：师傅会拍打平贝同赤贝，令其肉质更爽脆，加上青柠汁突显贝鲜味4️⃣青森县黑鲍鱼：鲍鱼用昆布萝卜包住蒸6小时，肉质软腍弹牙，仲有自家制鲍鱼肝酱配一口白饭5️⃣北海道赤海胆：赤海胆幼滑Creamy，味道浓郁甘甜，可以加上清新嘅青瓜丝，用紫菜包住一齐食💗季节の一品燕鰶鱼用盐腌过后风干再烧，鱼皮脆到好似薯片咁，鱼肉保持紧实鲜嫩，食起嚟带咸香，配上芥末籽美乃滋，更添风味💗寿司8贯1️⃣𩽾𩾌鱼肝：𩽾𩾌鱼肝柔滑甘香，加上熊仔最中饼，享受外脆内软嘅口感2️⃣喜知次：喜知次肉质柔软细致，轻轻火炙鱼皮激发鱼油香3️⃣银鳕鱼：火炙野生银鳕鱼细腻即化，鱼油香四溢4️⃣黑鯥：火炙黑鯥肉质滑嫩，鱼肉鲜味5️⃣筋子：酱油渍筋子味道咸鲜，一咬下就有爆浆嘅感觉，加上柚子皮中和咸味6️⃣右口鱼边：火炙右口鱼裙边油润爽脆，入口即溶7️⃣中拖罗：中拖柔软带少许嚼劲，鱼味浓郁之余带恰到好处嘅鱼油脂8️⃣大拖罗：火炙大拖肥美丰润，鱼油香充斥整个口腔💗巻き将醋饭拌入吞拿鱼蓉、千本渍、芝麻同紫苏叶，再用紫菜包成手卷，最后以金箔点缀，更显奢华💗椀物鱼汤用上大量立鱼熬煮，加上汤叶、豆腐同鸿喜菇，汤品充满浓郁鱼味，但唔会腥，暖一暖胃好舒服💗デザートQ弹香甜嘅焦糖鸡蛋布甸，加上北海道蜜瓜配抺茶蕨饼，为整场盛宴划上完美句号…查看更多

走进「鮨月」，灯光柔和、木香盈盈，师傅专注的眼神用双手织就一场味觉盛宴。这晚的 Omakase，以旬鲜之美为主题！前菜：低语的序章 🥢🐟 石川鱼细腻开场，鱼肉清甜、入口渐化🥔 小芋佐胡麻酱，酱香柔和🥒 苦瓜配鱼干与鸡肉，苦甘交错，层次分明刺身：海域的盛景 🐚🦀🦐 白虾 × Caviar：鲜甜与咸香的高级对话🐟 深海池鱼：紧致油香🦀 松叶蟹：浓厚的蟹甜味，伴蟹膏甜味更加强烈🐚 平贝：脆嫩爽口🦪 盐水海胆 × 室津蚝：甘香绽放，浓甜醉人🦪 萝卜蓉室津蚝：微暖鲜美🐚 南非鲍鱼：厚切弹牙🔥 烟熏鱼：幽幽木香🌅 北海道羽立白海胆：金色云朵般的极致鲜甜季节一品：火与鱼的艺术 🔥🐟 金目鲷立鳞烧：鳞片香脆，脂香四溢寿司：筑梦的高潮 🍣💫🐟 安康鱼肝：店家名作，如海上鹅肝般浓郁丝滑🐟 酱油渍深海池鱼 & 金目鲷：鲜味高峰🐚 平贝 & 赤贝：爽脆与咸香接力🦐 甜虾：绵密鲜甜🐚 岩手石垣贝：浓甜弹牙🐟 金目蓝 ：鱼肉香甜味道出色🦐 酱油渍牡丹虾 + 虾头膏：浓厚甘醇🐟 半肥拖罗 → 全肥安拖罗 → 烧拖罗：油脂渐渐提升，溶化幽香汤品：温暖收尾 🍲🐟 立鱼浓汤：香浓暖心甜品：四重尾声 🍰🍈🍍🍰 蛋糕配布甸：香软微甜🍈 日本哈蜜瓜 × 抹茶蕨饼：甜润清香，抹茶味浓🍍 菠萝雪糕：一抹清爽总括而言，味道极佳，食尽每道精致，值得推荐！…查看更多

今日食Omakase系位于铜锣湾亨环6楼鮨月Sushi Tsuki，当晚为我地主理既系Man师傅，师傅都几健谈，成餐饭都唔会闷🤣月｜$1680/人🌟前菜估唔到前菜一黎就有雉羽太🥰系日本石班鱼，鱼皮充满胶质，另外仲有日本苦瓜同冲绳赤鸡🌟刺身有鹿儿岛间八鱼包住海胆；北海道毛蟹配上唧唧醋，极有蟹味；兵库县生蚝配紫海胆，海胆为盐水海胆，保留了海胆最原始的鲜甜；青森县黑鲍鱼，用昆布萝卜包住蒸6小时，肉质柔软稔滑🤤仲有鲍鱼肝酱配一口白饭；北海道白海胆配紫菜，叠得好高，师傅劲大方～🌟季节一品日本马友鱼风干后再烧，之前已经腌左一晚，所以好入味，外皮脆到好似薯片咁🤣鱼肉冇骨紧实，丰腴香口🌟寿司安康鱼肝、平贝、赤贝、深海池鱼、酱油牡丹虾、金目鲷、酱油渍吞拿鱼、中拖罗、烧拖罗，我几喜欢寿司调味，唔会样样都炙烧或者加柚子胡椒盖盖鱼身味道，食材全部都系客人面前处理，都系新鲜！最后有玉子烧同自家制布甸🍮🌟卷物重头戏来了！就是金箔吞拿鱼手卷😍第一次食金箔味道，极奢华🌟甜品菠萝雪糕同日本哈蜜瓜…查看更多