鮨文 (裝修中)

皓耐冇去鮨文，打去一聽已知我係陳生皓有人情味，1:30pm有4個客，坐得舒服😌，揀咗海膽杯omakase，首先上黑松露蒸蛋，一般、刺身：長崎鬚剃鯛+馬糞海膽，第一☝️次食鬚剃鯛感覺新穎，海膽新鮮、炭火鰤魚，肥美有炭火味、天婦羅帶子，皓熱不過有d韌、壽司🍣：三陸北寄貝，爽口、中吞拿魚腩，肥美、甘目鯛，爽、象拔蚌，爽，我鐘意貝類、島根縣池魚、燒吞拿魚腩，肥美、牡丹蝦、海膽杯，鮮甜，有三文魚子，醃得皓皓，卜卜脆、燒左口魚手卷，皓肥美滿足，魚湯皓熱但多薑味，甜品🍮靜岡蜜瓜🍈+puff，大滿足😌…查看更多

千萬不要到這間日本餐, 選擇了$892午餐（未加一）, 成間餐廳的廚師和服務員 也是黑口黑面！ 有一位皮膚較黑,鮑魚刷髮型,個子矮小的所謂廚師, 態度極為惡劣, 擅自删減我們的食材. 我哋質問為何 冇咗幾道菜, 佢竟然答以為我哋食唔落, 所以冇整畀我哋. 嘩... 咁都得！！？？旁邊幾位女士吃628的餐, 竟然仲多食材過我哋900蚊一個餐. （不同廚師）廚師對熟客和生客態度和所給的食材也不同. 佢答 “廚師發板, 便是這樣的”！ 鮑魚刷頭的廚師擺明趕住收工,偷工減料, serve完海膽九秒九已經唔見咗人,返咗入廚房趕打咭收工！態度差不用再講, 魚和海鮮也是普通貨, 仲要有骨添.. 未食過omakase有骨😮‍💨總結： 貼錢買難受今天晚餐也不用再吃, 因為午餐受氣都受飽.（我十年也未寫過食評, 寫出來是希望大家避開免跟我一樣踩雷.）…查看更多

鮨文 Omakase (元朗)呢間位於元朗嘅Omakase 假日lunch都幾難book，所以今次嚟食Dinner⭐️ 北海道吉岡產海膽：鮨文嘅海膽絕對會令人興奮，呢度每日由日本拍賣行產地直送，絕對新鮮。呢款海膽係日本料理中嘅珍品，濃郁嘅奶油質地同鮮味，食落令人回味無窮。⭐️ 海膽真鯛刺身：真鯛魚嘅肉質鮮嫩，口感細緻，同埋佢同海膽嘅結合，帶嚟一種絕妙嘅味覺享受。⭐️ 金箔富山灣白蝦刺身杯：富山灣嘅白蝦係全世界其中一種最甜美嘅蝦。白蝦鮮甜多汁，同埋金箔嘅奢華感相得益彰，令你既能品嚐到美味嘅海鮮，又可以打卡。⭐️ 黑魚子拖羅刺身：黑魚子，口感豐富，帶有微妙嘅鹹味，將肥肥嘅拖羅嘅油香口感再昇華。⭐️ 大赤貝：呢度嘅大赤貝刺身質地爽口而且非常鮮嫩鮮甜，每一口都充滿著海洋嘅滋味。師傅拍一拍，就會見到佢哋嘅赤貝有幾新鮮、幾好動！…查看更多

喂喂，今次真係食到一餐正宗日本風味啦！🍣👅💥 點了一份發板，一系列的海鮮實在係又鮮又彈牙，攞來賞味一流。特別嗰吞拿魚面珠燈，入口即化，配上師傅的手藝，真係好過癮。那個日本活帶子啊，食落去爽口得滑，既嫩又鮮，攞來嘆都嘆唔夠！至於個海膽魚生，香濃得嚟絕唔膩口，個人覺得係全盤之寶。燒右口魚手卷嘅油香，啱晒愛食濃厚味道嘅友！根本停唔到口啦！食完呢一輪，我只能講，鰂魚涌嘅呢間餅店，真係有佢嘅小宇宙。喺呢度，你唔駛拎嚟和其他高大上嘅地方比，佢嘅水準自成一格。而家坐喺度回想，嗰股清新帶勁嘅海味仲喺喉嚨繞樑，呢次飲食體驗，真係正到飛起！下次我一定再約埋班友一齊嚟大滿足！🍽️✨…查看更多

元朗必食「我媽家姐」｜鮨文一直聽到朋友推介呢間位於元朗嘅「我媽家姐」，襯放假約左朋友一齊入黎食啦！😜前菜：茶碗蒸刺身：白子、二座目、帶子天婦羅併赤海膽手卷、燒吞拿魚面珠墩壽司：金目鯛、中拖羅、北寄貝、秋刀魚、鱈魚、牡丹蝦、腦天、海膽魚子杯、魚邊特製鮮魚湯、甜品呢個set相當豐富，一定夠飽，每款新鮮美味😚今次我就最欣賞燒吞拿魚面珠墩，要過百公斤以上先有面珠墩肉，肉質嫩爽，配上特製醬油，甘甜美味🤤鱈魚壽司，油脂豐富肥美，微微炭燒，令油脂魚味更豐富😌北寄貝壽司，相當大隻，爽軟帶清甜😊海膽魚子杯，賣相別緻，打卡之選，當中有海膽、魚子、蝦製成，全部都鮮鮮鮮！😋魚邊，師傅經過一番燒製，迫出香濃油脂，再製成手卷，好味到不得了！😆…查看更多

與好友相伴😚當然離不開食好西我倆都愛日本菜🇯🇵入左元朗探店食「我媽家姐」前菜：🥢茶碗蒸刺身🥢白子🥢二座目🥢帶子天婦羅+赤海膽手卷🥢燒吞拿魚面珠墩壽司：🥢金目鯛🥢中拖羅🥢北寄貝🥢秋刀魚🥢鱈魚🥢牡丹蝦🥢腦天🥢海膽魚子杯🥢魚邊個人比較喜歡白子刺身，加上酸汁、薑、蔥花、蒜，食落Creamy，師傅話有養顏作用喔！😌中拖羅壽司，魚根幼細，肥美可口，藍寶石魚子醬置頂，令鮮味提升😃秋刀魚壽司，時節限令，添加薑、蔥花，令魚味更突出☺️魚邊壽司，超大一塊魚邊，將燒至金黃，迫出油脂，入口油脂豐厚無比😙海膽魚子杯，必食推介，有海膽、大量魚子、蝦製成，相當豐富，係呢到嘅經典之作😋最後仲有魚湯、甜品🥰相當滿足喔！鮨文📍元朗仁樂坊5號利發大廈地下E號舖…查看更多

元朗鮨文相當受歡迎，週末嘅午市時間，第一輪及第二輪都爆晒場。我就點咗個壽司Omakase - $628：茶碗蒸、15貫壽司、手卷、湯、甜品茶碗蒸加上黑松露，一打開蓋就聞到香氣，蛋夠滑夠香。15貫握壽司：真鯛−係我喜歡嘅白身魚，帶微微甜味，表面加上少許柚子皮，食落更清香。秋刀魚−肉質鮮美，油脂豐富，表面加上姜蔥。網燒新鮮希靈魚−呢件都係第一次食，同我原先嘅印象好唔同，估唔到食落咁淋身。甜蝦−經過簡單的處理已經食得出甜蝦獨有嘅甜味。醬油漬赤身−經醬油漬處理過，食落更滑更淋，呢件係我當日認為嘅mvp。北海道鱈魚−肉質鮮嫩，油脂感好豐富。岩手縣活帶子−食落係有一梳梳嘅口感，又甜又好食。鱈魚白子−質地綿密軟滑，入口即化，微微火炙過，食落係有濃郁奶香味道。中拖羅−表面用熱水燙過，食落帶出兩種口感。網燒呑拿魚面頰−經過網燒後呈烤焦外皮，肉質唔係入口即化嗰種，但係愈食愈濃郁。牧丹蝦−新鮮帶甜，口感帶少許膠質感。香霜蟹−外觀好靚，一啖食晒蟹肉蟹膏，非常滿足嘅一貫壽司。活赤貝−鮮甜爽口，食之前先拍打過，令肉質更爽彈。三文魚籽−師傅自己醃漬，冇平時食嘅咁鹹。海膽−非常慷慨咁比咗成行海膽！好甜好creamy，食完好想食多幾件。最後嘅右口魚手卷係爆油脂！一路食一路滴油好誇張。午市嚟講價錢屬中等，但份量比起其他同價位嘅鮨店多！…查看更多

作為江户前壽司之一嘅鮨文，採用嘅係新鮮時令食材，所謂不時不食。鮨文可以話係喺區內以相當親民嘅價錢惠及街坊，以午市黎講最平$408就可以食到10貫壽司omakase，再上則有$628、$892、$1388。今日就同朋友一齊叫咗$628嘅15貫壽司omakase，另外仲會有茶碗蒸、手卷、湯和甜品😳⭐️⭐️天草 真鯛：白身魚爽彈，清淡開胃⭐️⭐️新瀉 秋刀魚：秋冬必食嘅光物魚之一，搭配薑蓉細蔥，魚肉嫩滑⭐️⭐️新鮮希靈魚：第一次食感覺新穎，用碳火微微網燒過帶出香味，係屬於一款唔肥而有咬口嘅魚⭐️甜蝦：大大隻好軟糯⭐️⭐️醬油漬赤身：師傳開始會先醃漬過，滑身而帶有淡淡酸度⭐️北海道 鱈魚：用火槍燒香魚邊釋放魚油香，係款油份較高嘅魚類⭐️岩手縣 活帶子：清甜新鮮⭐️⭐️鱈魚白子：前面2件有鱈魚，點可以少咗白子，輕輕燒香表面整成軍艦，入口爆漿嘅口感實在難以形容，鍾意白子嘅會覺得好滿足⭐️中拖羅：熱水淥一下鎖住鮮味，有別於一般用火直燒⭐️⭐️呑拿魚面頰：鮨文名物之一，用上網燒帶出香味，魚味濃郁口感帶煙韌爽口，非常有趣⭐️牧丹蝦：爽口甜身⭐️⭐️香霜蟹：即雌性松葉蟹，每年秋冬先有，十分矜貴，拆晒蟹肉出黎撈埋蟹膏蟹籽一齊食⭐️活赤貝：經拍打後赤貝會收縮令口感更爽彈，配上柚子汁食⭐️三文魚籽：係自家醃製，粒粒飽滿脆卜卜⭐️⭐️馬糞海膽：足有一排海膽配上脆口紫菜一齊食好鮮甜最後就係以火炙右口魚手卷、魚湯以及甜品完美作結。午市做2輪都全full，記得要book定枱🥹…查看更多

主打Omakase嘅日本壽司店-鮨文🍣Omakese套餐有多款選擇,大部份食材都係來自日本🎌更推出親民版Omakese🤩$400到就可以食到10件時令壽司😍今次我去咗元朗分店,每個位置都可以睇到師傅悉心炮製料理,仲可以聆聽師傅對食材嘅解說,絕對係好好嘅體驗🥰⭐️茶碗蒸⭐️食壽司前先會有茶碗蒸🥚賣相相當精緻🤩以鮮甜嘅木魚高湯混合蛋汁同食材嘅精華,配合師傅將火候控制得宜,令茶碗蒸入口細緻滑嫩☺️茶碗蒸上面係黑松露,入面有有瑤柱同菇🍄仲灑上金光閃閃嘅金箔添✨⭐️10貫握壽司⭐❤️真鯛真鯛素有「魚中之王」嘅美譽,魚肉紋理鮮明,晶瑩剔透✨肉質肥美,口感柔韌,陣陣淡雅嘅鮮味,上面加咗柚子皮帶點清新🌿🧡中拖羅即係吞拿魚肚腩,魚肉呈粉紅色🐟帶有清晰嘅雪花紋路,肉質嫩滑🥰落咗一滴仔豉油同岩鹽,加上脂肪精華,味道濃郁😛💛希靈魚 用炭火網燒🔥迫左啲油出嚟,帶出魚油嘅香氣,希靈魚肉質厚實,入口甘香🐟💚甘蝦 甘蝦無做急凍,食落更鮮甜😛甘蝦肉質柔軟同肥美🦐💙深海池魚深海池魚脂厚油香,入口細膩🥰池魚面頭係一層用醋煮過嘅白板昆布😛💜太刀魚天婦羅外脆內軟,外面甘香脆口,同時保持到太刀魚嘅鮮甜同口感👍🏻另外有黑松露醬喺入面😛🩷呑拿魚面頰賣相似牛肉,其實係吞拿魚嘅面頰🐟面頰屬吞拿魚嘅稀少部位,肉質爽口有彈性,亦帶有少量嘅筋位令口感更豐富😛會以炭火網燒🔥令肉味更濃郁香口😍上面加左蒜蓉同蔥😚🤍岩手縣活帶子 師傅會輕輕拍一拍,令帶子肌肉收縮,食落會更爽口😝而且口感煙韌🥰🤎三文魚籽 三文魚用甜酒豉油醃製兩日,無出面果啲咁鹹同唔腥👍🏻入口係甜身嘅三文魚籽,咬落去係脆同多汁嘅鮮甜魚子🥰壽司入面加入柚子皮令佢更清新🌿🩵赤海膽 屬於甜身嘅海膽🤩濃郁鮮味,幼滑口感😚甘甜帶有香氣,入口即溶🤤⭐️手卷⭐️係右口魚裙邊手卷,師傅會即場火炙右口魚,火灸後好香😝食落去細滑略帶爽感,用埋紫菜夾住食,層次豐富😚⭐️湯⭐️湯係白身魚魚湯🥣用上魚頭魚骨熬製,骨膠原超重🤩⭐️甜品⭐️最後甜品係北海道蜜瓜🍈同埋泡芙😛蜜瓜香甜,皮薄多肉🥰食埋個甜品夠晒大滿足🥳…查看更多

呢日假期約左好友陪我嘆番個正lunch😎師傅、店員人都好好，食物質素好有驚喜👍🏻滿喜歡餐廳日式設計，門口位忍唔住打卡🤣.🌟omakase lunch set $408/一位.➡️茶碗蒸以木魚糕湯煮，黑松露味道濃厚味，口感細滑，面頭仲有金箔，底系菇同瑤柱，矜貴又好食😋.➡️壽司：🍣 真鯛，用上柚子皮，鮮味又fresh👍🏻🍣 中拖羅，落左岩鹽同少少豉油，好鮮味油膩感重，勁正😌🍣 新鮮希靈魚，邊邊做左炭火網燒逼左油出來所以特別香，濃厚炭燒味道好喜歡😘🍣 甘蝦，即系好大只甜蝦，無做急凍所以特別鮮甜🍣深海池魚，厚身爽口，面頭有塊用醋煮過白板昆布，酸酸地好得意，有咬口滿特別！🍣太刀魚，天婦羅外脆內軟，黑松露醬好香！🍣吞拿魚面頰，邊邊一樣用炭火網燒妹好香，面頭系蒜和蔥勁正！呢件比較濃口味我喜歡💕🍣岩手縣活帶子，師傅拍一拍令佢肌肉收縮，食落特別爽口👍🏻🍣三文魚籽，餐廳特別處理，加入甜酒豉油醃制兩日，所以同出邊唔同，冇咁腥和特別鮮甜，加上柚子皮，超級好食🤤🍣海膽，好多勁開心！赤海膽比較甜身，大滿足🥰🍣幼口魚裙邊，好長的手卷！油膩感滿滿好好食！.➡️湯食完咁多件壽司，飲碗熱辣辣湯好舒服😌 用上白身魚頭魚骨煲，滿滿魚香勁鮮相當足料！滿滿骨膠原好開心🥰.➡️甜品北海道蜜瓜加泡芙，食個甜品作結開心💕.住元朗一定要試下！刺身厚肉，壽司非常高質用心製作，師傅靚仔又好人，呢個價錢omakase性價比太高👍🏻.…查看更多

男朋友想食好耐 好食 值得一試 價錢 細心介紹 每項食品 食材新鮮 用心製作同男朋友慶祝生日 提早講定 有埋happy birthday 系甜品 ☺️ 慶祝生日🎂可以去試下果物 配料都不馬虎 都好好食 …查看更多

元朗最出名omakase店鮨文☺️門口打卡就正，lunch omakase 唔算好貴由$408-1388都有，價錢合理身生靚師傅有禮😌揀左$628十五貫壽司omakase😍首先食左茶碗蒸，上面有金箔黑松露，黑松露味道濃☺️講到最鍾意一定係拖羅油份重，更特別係佢加左魚子醬，侈華，用上俄羅斯No.1 藍寶石魚子醬海膽係拍賣級別😍有曬證明，真係食緊靚野，師傳好大多海膽。腦天即係吞拿魚頭頂肉，脂肪多。師傅輕輕燒啲油已經出曬黎，加啲蔥花簡單已帶出鮮味。車海老都好特別，師傅將蝦頭同膏整碎，小心放入蝦同飯中間，咬嘅時候啲膏出曬嚟😁❤️鮮甜香。三文魚子大粒，紫菜烘熱了所以好脆，師傅成羹倒落去軍艦到☺️幾特別處理過，三文魚子無左平時過咸情況仲甜甜地😌火炙鰈魚手卷好似表現咁👀呢種魚本身都係肥~師傅攞咗好多條出黎即場燒，手卷加左櫻花蝦乾，令到成個手卷脆脆地。📍 鮨文 (元朗)元朗仁樂坊5號利發大廈地下E號舖…查看更多

元朗名店鮨文😁第一次黎食實在大驚喜，刺身靚得來份量好足而且肉厚，lunch omakase 15貫壽司SET 唔會太貴性價比高茶碗蒸木魚金箔黑松露茨汁，蛋真係好滑好滑，黑松露味道濃，金箔令人覺得成餐好高級！尾長鯛白身魚纖維多，所以好有咬口，師傳切得好厚好好食，上面辣椒蘿蔔蓉，酸辣開胃。甘蝦 甜蝦鮮甜因為隻蝦無雪過急凍，完全新鮮~間白魚鮮美爽口， 主要食口感，重魚肉香赤貝 拍一下令肉質收縮更爽，配上日本橘子汁，份量剛好 金目鯛做法比較特別，即係搵熱水淋個皮再浸凍水會令肉身更爽，加咗少少柚子。醬油漬赤身醬油漬令車身變得好軟滑拖羅油份超重超香口，我最鍾意呢件，用Carvier藍寶石魚子醬，係俄羅斯No1，令到成件都好濃郁。白象拔蚌象拔蚌本身仲識郁，師傅拍一下令佢啲肉收緊嘅爽口。富山灣白蝦一件壽司就有20幾隻蝦，全人手剝殼。落岩鹽一滴豉油輕輕調味已經好好食腦天 吞拿魚頭頂的肉，活動量最少肌肉，魚邊炭火燒過，帶出油香，加少少蔥花。一條魚得好少呢個部份，所以好珍貴岩手県帶子落左辣椒係入面少少辣惹味，帶子面落左柚子，食得出帶子甜同辣香，辣中有清香。車海老 平時叫花竹蝦，師傅將蝦頭同膏整碎，放入壽司中間，食嘅時候帶咸香同鮮味。三文魚子師傳處理過，無平時咁咸反而甜甜地海膽海膽係拍賣級別，真係好好食好甜火炙鰈魚手卷呢種魚本身都係肥~師傅攞咗好多條出黎整手卷俾我哋，重油份。加咗少少脆卜卜櫻花蝦，令到成個手卷好有層次。📍 鮨文 (元朗)元朗仁樂坊5號利發大廈地下E號舖電話:22859477#元朗美食 #omakasehk  #元朗…查看更多

平日午餐book位都比較容易嘢食，由頭食到尾好滿足，食材新鮮不再講而中間有幾度壽司都有驚喜，絕對唔係Hea做師傅都好好成餐飯有講有笑仲學到好多嘢，所以成個過程都好開心中間食到有啲飽就可以要求師傅幫手減飯，咁我就可以由頭食到尾，最尾仲有一個海膽杯，當然午餐的海膽冇辦法同晚餐的海膽相比，但我都覺得好好食，如果唔係地點問題我都會再過嚟，希望下次可以試到晚餐，如果節日同慶祝相信都好夠體面…查看更多

1. 預約 1:45pm, 2:07pm先有得入 ，7月嘅天氣請問係幾熱，企喺門口等食$2000一餐？！我真係覺得好不知所謂，追爆我兩日催我比$600訂金，就係reserve seats, reserved 而最後要等有冇攪錯？我諗真係冇食客會期待食2000蚊一餐係企喺門口熱住企喺度煎20分鐘！2. 滴晒汗成身濕晒入到去，一坐低立即上蒸蛋，好痴線！所謂嘅金箔少到隱約見到一兩點罷，唔覺特別好食。食咗兩啖真係按捺不住，問可唔可以要杯冰水，侍應都唔係幾好禮貌，叫我等佢做埋手頭上啲嘢先，最後兩個人滴晒汗都係比一杯冰水，真係好貼心。後來附送一客小食話唔好意思要你等，完全係機械式表達，我諗佢已經慣咗每日都係咁講。3. 所謂嘅刺身四品，我期望係4款唔同刺身，原來只係兩款 ，而每款兩件，都係用上大量醬汁，完全食唔到鮮味，點解要用咁多醬料覆蓋都唔使講明白。4. 將凍嘅海膽放落剛炸好嘅帶子再包紫菜，完全錯嘅配搭，帶子真係超熱，食唔出粒帶子鮮味，亦蓋晒海膽嘅味，我唯一可以讚係塊紫菜係脆嘅。5. 師傅應該仲病緊，啲咳聲同痰聲令人好擔心，處理壽司期間佢都要處理自己鼻水，我真心寧願餐廳告訴我他要休息叫我唔好嚟住，唔好勉強佢上班；同埋，佢件製服左下角真係好污糟，希望注意清潔。6. 海膽杯嘅海膽份量超多，但品質超劣，我寧願減 1/2甚至 2/3，比返個高質嘅海膽。店員不停告訴我「呢個影相靚」，其實我係一個區外嚟搵好嘢食嘅人，唔係搵相影。7. 我只係一個最近勤力加班所以想嚟獎賞自己嘅為食鬼，所以食完呢餐真係好氣憤，浪費了我努力賺來的金錢，嘢食唔新鮮，店員服務也沒有誠意，完全唔值$892仲要加一x2!…查看更多