🥰 三年前, 初试 “鮨吟”, 大开眼界, 不时都谂住带 “皇太后” 嚟探店.😱 时光飞逝, 剧情真系玩到 “鮨吟” 宣布结业了, 今日把握最后机会, 安排 “皇太后” 微服出巡, 点咗 午餐 Omakase, $1,380+10%. Do 师傅一打九.🐟 刺身 / 熟食象拔蚌鱼子酱, 白虾, 吞拿鱼蓉剥皮鱼池鱼珍蚝拖罗, 配鹅肝冰毛蟹肉, 萤光鱿鱼, 鳗鱼苗炸白虾赤贝青瓜紫苏卷🍣 寿司花竹虾大拖罗海胆新鲜北寄贝拖罗筋鲭鱼🥣 公鱼汤🍩 甜品海绵鸡蛋咖啡酒宫崎芒果红豆雪糕🥢 餐厅装修和谐舒适, 分两个用餐区, 一边设方枱, 望马场, 另一边设肥U型寿司吧枱, 望楼景.🐚 九州象拔蚌, 配冲绳岩水云. 象拔蚌爽甜, 配酸酸嘅水云, 完美结合!🦐 鱼子酱, 白虾, 吞拿鱼蓉. 鱼子酱带领味道, 白虾同埋 吞拿鱼蓉 充实口感, 不俗!🐟 剥皮鱼, 捞鱼肝. 哗, 剥皮鱼滑捋捋, 鱼肝味道丰郁, 惊喜之一.🐟 池鱼, 配紫菜. 池鱼幼切, 玩芝麻调味, 放上紫菜一齐食, 唔错.🦪 濑户内海珍蚝. 加咗少少椒味, 有趣.🥰 拖罗, 配鹅肝冰. 据师傅介绍, 鹅肝以红酒浸浴, 再雪硬, 即塲刨出嚟, 少少似刨松露, 哈. 鹅肝冰入口即溶, 好似雪糕咁, 溶哂黐住肥美嘅拖罗, 肝味慢慢渗出, 十个赞!🦀 毛蟹肉, 萤光鱿鱼, 鳗鱼苗. 酸菜鱼味汤底, 即塲倒入容器, 食材被渌到岩岩熟, 有趣! 可惜搞完一轮, 汤唔够热, 哈.🍟 炸白虾. “皇太后” 最爱之一. 师傅以 “麦当劳苹果批” 包装出塲, 卖相加分.🐚 赤贝青瓜紫苏卷, 配九州佐贺冰菜. 赤贝新鲜, 冰菜脆口.🍣 九州花竹虾. 半生熟, 爽弹, 出色!🍣 大拖罗. 肥美呀!🍣 马粪海胆. 老老实实, 一般般!🍣 新鲜北寄贝, 加咗生花椒. 鲜甜爽口, 带少少海水味.🍣 拖罗筋. 呢个精彩, 烧拖罗条筋, 迫出鱼油.🍣 鲭鱼, 配白板昆布, 紫菜. “皇太后” 话咸咗少少.🥣 公鱼汤. 味道偏淡丽, 唔系我杯汤.🍮 海绵鸡蛋. 香滑软绵, 一啖食晒.🥂 咖啡酒. “鮨吟” 嘅指定作结动作.🥭 宫崎芒果. 出动名厂 “大阳之子”, 听讲一棵树得一粒芒果, 等佢熟咗跌落嚟, 又甜又多汁.🍨 红豆雪糕. 非常好食, 完美结束.🤗 总结: 人有悲欢离合, 月有阴晴圆缺. 临别秋波, 枱枱都系熟客, Do 师傅忙到甩辘, 但节奏控制仍然出色. 论食物, 师傅嘅菜式创意同变化依旧十分精彩, 最紧要 “皇太后” 食得高兴. 再见 “鮨吟”, 再见 Do 师傅.📖 偷听番嚟, 原来 “鮨吟” 系深圳有两间分店!…查看更多
