鮨勺

两日前啱啱喺金钟食完Shiro, 今日嚟到子鮨勺真系冇得输！今日午餐叫咗角切鱼生丼同埋北海丼，鱼生处理得非常之好新鲜冇腥味，同埋佢嘅饭调味得啱啱好，再加埋芝麻粒又香又又咬口！呢个饭真系超级推介！佢嘅前菜渍物亦都煮到好腍，好入味！仲要送埋面豉汤，面豉汤入边有蚬，应该系一个海鲜面豉汤！两个午餐加埋$170，起之前Shiro一个人已经$250, 呢度性价比，真系超级高！可能地点比较僻静，但系如果住附近真系可以日日嚟食！…查看更多

早几日同成班朋友去咗一间私人经营嘅小型居酒屋，虽然地处旧区，但环境好舒服，气氛轻松，坐低就好似去到日本街角嘅小店咁自在。地方唔算大，不过枱与枱之间唔觉得逼，倾计都几放松。人均消费大约三百蚊，以食物质素同酒款选择嚟讲，价钱合理。当晚最令人印象深刻嘅系酱油鹅肝，入口滑溜，油香同酱油味融合得啱啱好，配清酒真系几夹；烧牛舌芯亦系心水之选，厚切但口感软嫩，外层微焦，咬落有肉香。仲有一个小插曲令成晚更难忘——我哋当中有人生日，店主知道之后，即刻叫师傅帮我哋整咗一个鱼生蛋糕，卖相精致又有心思，大家都好惊喜，气氛即刻升温。虽然系旧区小店，但佢有独立厕所，而且非常干净整齐，呢点真系要赞，令整体用餐体验加分不少。酒款方面选择相当多，由清爽到浓郁都有，店主仲会根据客人喜好作推介，感觉贴心又专业。总括嚟讲，呢度气氛亲切，食物有水准，酒款选择多，服务又有人情味，无论系朋友聚会定系想静静饮两杯，都系一个值得一试嘅地方。…查看更多

土瓜湾系我好钟意嘅社区，小店林立。好多时候，去多几次同一间餐厅食饭，老板/老板娘都会认得你，有时同你吹下水，有时关心下你最近过成点，更多嘅系默默努力，希望客人食得满足。甚至一句由衷嘅「好好味啊」会有机会换嚟老板们加𩠌😆 (呃饮呃食🤣)鮨勺就系其中一间啦🍙。暖笠笠嘅茶、酸酸甜甜嘅醋饭、肥美嘅鱼生、热辣辣嘅串烧，配几啖清酒，听住音乐，同朋友倾下计，为自己忙碌嘅日子充充电。当我𠮶日想食好啲，我就会去鮨勺🍵。如果你想揾间小店chill下、抖下、聚下、满足下，不妨过去试一试🤘🏼PS: 烧芝士年糕拌红豆超好味！外脆内软、咸甜交织，系满足感嘅味道🥞🫘 唔小心食晒就无影相了～…查看更多

今日做野经过土瓜湾人生路不熟误打误撞左依间日本餐厅一直我都钟情滑蛋猪扒饭嘅我当然要点落完单出餐面好快手一放底我面前见到卖相好唔错猪扒虽然面包糠一般但好新鲜炸起仲好热蛋都几好仲半熟嘅滑蛋我朋友就点左个角切鱼生饭有三文鱼 吞拿 青瓜 蟹籽鱼生望落都唔错食落好鲜甜大小岩岩好每粒食落口都好有口感我朋友话如果三文鱼再肥美d就更开心🤭🤭虽然整体碗饭唔算太大份但食饱饮埋个面豉汤好惊喜里面有虾有蚬好足料搞到好想问个店员想refill🙈平民餐厅黎讲无9分面有8分🫶…查看更多

晏昼经过见到几个人排队心谂排得队一定有个人之处之后我就排队排了大概20多分钟左右入到去坐低一坐低就上茶前枱带位的人好有礼貌一定要赞一赞服务方面好好之后我就Order一碗极上鱼生丼$148落单15分钟都无就到餐个饭一嚟到我当然相机食先啦鱼生都非常新鲜色泽鲜艳口感细腻有海胆有赤虾有拖罗摆盘精致视觉效果佳整体而言值得推荐$148仲要五洗加一我见到我旁边几枱都叫酒下次我都一定要试吓因为仲要带朋友来碰杯这间店我一定会再来…查看更多