鮨三川 (已結業)

印象中lunch 12件壽司set大概$4xx，lunch omakase(刺身 +壽司)都係$5xx，如果作為入門或者預算唔多又想食Omakase，都可以揀佢。🤑/食物方面，魚料正正常常，刺身廚師會配上不同調味，例如:芽蔥、蘿蔔蓉、檸檬🍋….，我會覺得太多反而食唔真d食材，所以都無夾晒d調味落去食。🤪/😋我最欣賞當日嘅食物係粒貝，少少檸檬調味先可以帶出食材的鮮味，爽爽的口感，越咬越鮮甜，其他食物就無乜記憶點了，感覺就係普普通通，又唔會話難食唔新鮮嗰隻😹/總括，😚價錢實惠和易book係佢優點，但相對地如果講食物質素，比多1 2百蚊的話，銅鑼灣有更多選擇，所以建議少Budget同初入門可以一試。😁…Read More

我比較少寫吃評，去過好幾家吃omakase. 還是沒有什麼東西想寫。 今天比較特別。一個人心情麻麻，想了很久。決定一個人到這里過。來到有位女仕，原來是這里的經理在試tasteing menu，原來他們本月20日准備轉menu. 食材我就不想説太多，只想説服務。由主板兩位厨師都非常友善，每個上來的剌身，壽司。甚至漬物，都十分詳細講解，有問必答，後面小哥也很貼心不停倒茶和照顧我。後來還大家飮杯啤酒高興下。總体城中很多Omakase店，這里你會感覺不會拘緊，而且很warm.值得再來，新menu 後我一定會再來品嚐…Read More

位置喺銅鑼灣渣旬中心 非常方便😌餐廳座位亦都非常闊落 坐得舒適今次點左「御」🍄刺身四點🍄手握壽司六貫🍄沙律、茶碗蒸、濃湯烏冬、甜品整體用餐體驗良好 上菜節奏平均👍🏻至於食物質素方面 不過不失😌其中赤貝刺身份量亦都十分慷慨其他刺身壽司嘅選材亦都係香港人喜歡嘅口味海膽大拖羅牡丹蝦應有盡有惟對小妹而言有少少腥味鍾意食重味嘅人士應該唔會抗拒😀…Read More

鮨三川 @sushi_sansen 📍：銅鑼灣渣甸街50號渣甸中心6樓🚗：銅鑼灣地鐵F1出口 步行2分鐘📞：+852 6167-6883💲：~HKD440-580/head for lunch（連加一）Food quality✔️：Lunch Set 御及尚❌：烏冬總結：😋😋😋本港第一黃店omakase 暫時係我心目中低價位cp值最高 沒有之一 畀嘅種類唔係行貨 價錢唔計加一$398-$528 非常抵食👏🏼😋呢個價錢嚟講 成餐都冇伏位 除咗嗰烏冬 最驚喜係喺500蚊only都可以食到啲特別位或高級魚 如櫻鱒 赤鯥 松葉蟹等 當中赤鯥被譽為白身魚界嘅拖羅 果然係有拖羅嗰種入口要化嘅感覺 但口感上略硬身🥲😋雖然成餐冇wow factor 視覺上同擺盤都較平庸 但整體呈現出嚟都有中上水平 有啲位如刺身唔夠鮮 或者係單一甚至零處理手法 呢啲就係呢個價錢唔包嘅嘢 所以呢個價錢呢個質素我係滿意嘅 絕對會二訪（我係極少二訪餐廳 除非真係好好食又抵食）😋師傅係我食幾間以來最熱情嘅 佢唔會好似其他店嘅師父咁只同熟客玩而忽略其他客人 去嘅當日雖然都有相熟嘅客人 但在同時serve我哋呢班生客時都有用心作介紹 雖然簡單但聽得出唔係hea你 呢點真係加分🎊🤔️調味單一 好多件都差唔多味 如果係咁我寧願冇調味 食返食材本身嘅鮮味仲好 但唯一問題整體調味都鹹咗啲 但又未到好鹹接受唔到嗰種 但都搶咗啲魚味 整體調味over咗🥺🤔️茶碗蒸比想像中好食 蛋香料足 沙律正常 烏冬就唔上好過上 淡而無味 好彩最尾客紅豆雪糕拎返啲分先唔會樂極生悲😭😨呢間有個極大嘅缺點 佢訂位係要每人落100蚊訂 呢個人之常情 但最大問題係我cap完圖畀佢（我過咗數有埋交易編號嘅界面）佢都要求我畀我全名佢核對 呢點真係超扣分 我拒絕咗但最尾我都係要畀我嘅姓同名字嘅開頭佢先得 呢點希望餐廳必要改善下 真係超大扣分位（所以員工由本身4.3跌到去3）🙊…Read More

話說早幾年前朋友介紹下第一次喺香港認真食Omakase. 鮨店就係鮨三川. 初訪試咗中午十二貫壽司套餐, 大開眼界, 一試難忘. 我非常鍾意當時師傅嘅手藝同味道, 同時, 午餐性價比甚高.😱 後來試過晚餐, 相當失望. 現在回想, 係由於午餐過份出色, 性價比極高, 令晚餐驚喜欠奉, 感覺超級唔抵食. 此後回訪午餐多次. 鮨三川暫時仍然係我番食次數最多嘅鮨店.😡 估到劇情啦... 就係轉咗新師傅! 我覺得唔好食囉, 可能係壞心情影響咗味蕾. 另外, 性價比明顯驟降, 你可以話係合理化咗, 搞少咗手工嘢, 仲要加咗價. 當時心諗, 緣份已盡.😂 今年初入谷之後, 間唔中有谷友提起鮨三川. 心血來潮, 好想俾多次機會大家. 蹤使失寵, 亦不至於打入冷宮. 決定忘記背後, 重新感受. 有幾次打算訂位, 卻又因為用餐時間只有1小時15分鐘 (聽講每日12-6pm做四轉生意), 唔想趕頭趕命, 錯過咗幾次機會.🤗 講完一輪, 今日終於為平反而第十一訪.餐廳分兩邊. 一邊係L型吧枱. 主廚威師傅一打六. 另一位師傅一打四. 呢邊仲有一間冇吧枱嘅包廂. 另一邊係U型吧枱, 大概8-10人. 餐牌主打十二貫壽司套餐, $468+10%, 同埋四點刺身六貫壽司套餐, $528+10%. 今日點咗十二貫壽司.🍀前菜: 沙律, 落咗屈機醬. 正常.🦑 螢光魷魚蒸蛋. 好香嘅魷魚味! 面頭嘅魚子平衡番魷魚濃味. 一個不平凡嘅蒸蛋. 讚!🍣 第一件... 針魚. 魚味濃郁, 相對結實. 好食喎!第二件... 左口魚. 上面係魚料, 另外放咗舊細細件燒咗嘅左口魚邊喺入面. 油脂滿溢. 掂! 見到師傅放咗蔥, 但又唔特別食到蔥味.第三件... 櫻鱒, 青森縣. 聽講同三文魚同家族. 加咗薑蔥. 魚身軟滑, 味道質感好特別.第四件... 平貝, 又名沙插. 加咗竹炭鹽. 爽甜. 第五件... 手釣池魚. 口感冇想像中咁結實.第六件... 金目鯛. 燒咗嘅. 上面加咗烏魚子, 俾到鹹香味. 有趣.第七件... 白蝦, 昆布漬. 鮮甜, 膠口. 味道不俗.第八件... 鰹魚. 用禾稈草燒咗. 煙燻味係口裏面慢慢滲出嚟, 唔特別強. 整體出色.第九件... 墨魚, 入面加咗海膽紫蘇葉.第十件... 拖羅. 𠝹咗花. 肥美, 魚味香濃.第十一件... 鯖魚. 配白板昆布, 酸酸地, 好夾.第十二件... 北海道馬糞海膽. 鮮甜.🍜 烏冬. 其實我好鍾意呢個安排. 十二貫壽司未必人人夠飽, 最後呢個烏冬俾到滿足感. 當然, 佢真係幾好食!☕️ 最後, 熱咖啡. 正常.🤗 總結一下: 環境Ok. 服務殷勤, 員工有禮, 密密加茶. 訂枱唔算太難. 師傅亦清晰講解魚料食材. 鮨三川玩真材實料, 唔多花巧嘢. 係用餐時間限時限候少少折騰, 今訪實際用餐時間有1.5小時, 節奏還好. 今日比較出色嘅包括螢光魷魚蒸蛋, 鰹魚同埋拖羅. 十二貫壽司套餐嚟講, 定價相當有吸引力, 當然一分錢一分貨. 我覺得鮨三川屬傳統鮨店, 幾適合新手. 另外, 對於經驗食家, 未必餐餐求驚喜, 呢度會係性價比之選. 平反成功!…Read More

同朋友二人叫咗”鮨” 既lunch set。有前菜， 12件壽司，烏冬同甜品。價錢中等，加一之後都只係$500。但食物同服務質素完全高質，值得再去！🤩🤩🤩今次既十二件壽司有：針魚，左口魚，深海池魚，櫻鱒，平貝，池魚，墨魚海膽，鰹魚，白蝦，拖羅，鯖魚，海膽。個人最鍾意池魚，魚味濃郁。平貝較為爽身。其他壽司例如白蝦拖羅海膽都入口即溶，好新鮮！😭(以下圖片未必跟次序排列)食完晒啲壽司仲有個熱辣辣烏冬。個烏冬又係另一驚喜🤩🤩師傅話個湯係用好多菇熬製而成，冇加味精。我忍唔住飲晒個湯，味道好鮮甜。👍最後揀左紅豆雪糕做甜品，唔會好甜，非常啱我口味😆最後我都要提下師傅非常專業，解釋好清楚每種魚既分別👍👍總括而言好抵食，簡直係超值。絕對值得再去👍👍…Read More

《人 生 第 一 次 食 ᴏᴍᴀᴋᴀsᴇ》 🤎鮨三川🧸銅鑼灣渣甸街50號渣甸中心6樓〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️揀飲擇食嘅我終於的起個心肝去食ᴏᴍᴀᴋᴀsᴇ😂其實我之前淨係會食三文魚壽司、蝦蝦壽司😅我連去Donki都唔會揀拖羅，唔知點解我覺得好腥好臭同埋好污糟🥲果然廚師發板真的不一樣‼️作為香港人一定要支持🇭🇰，初頭見師傅冇乜同我哋講嘢我哋仲覺得好尷尬，因為環境好靜，我同男朋友有第一次去所以都我安安靜靜唔夠膽出聲🤣後來師傅仲同我哋有傾有講仲幾好笑👍🏻有少少愛上左呢種邊食邊了解感覺❤️ 由於我本身唔係好識食所以以下嘅食評都係簡單介紹💖-鮨🍣 $468(沙律、茶碗蒸、手握壽司12貫、濃湯烏冬、甜品）沙律🥗 我自己認為冇咩太特別分享嘅地方，因為都係普通沙律菜茶碗蒸🥚 我覺得比我平時食嘅蒸蛋真係高級好多，一嚟冇起皺紋😂二來佢嘅蛋汁做得好好👍🏻仲有少少三文魚子配搭埋一齊食落去嘅時候個感覺好特別😍唯一有樣令我覺得唔係咁好嘅就係墨魚BB🦑雖然好嫩，好好味😋但係好似好殘忍，食咗一粒就唔想再食🤣好似食咗一個BB仔咁🤣🤣🤣壽司方面師傅安排咗我哋有淡食到濃，佢話咁樣會更加食到魚嘅鮮味🍣1️⃣針魚壽司 魚味略淡但帶優厚油脂，師傅仲磨左檸檬皮🍋食落去嘅時候好有檸檬香，我最鍾意係佢哋嘅飯微暖，唔會太酸🫢2️⃣左口魚裙邊壽司左口魚裙邊是背鰭同臀鰭之間嘅一條邊，👨🏻‍🍳師傅話裙邊位置正正係成條魚最肥美嘅部份，肉質柔軟細膩，燒一燒中間，上面加埋香蔥。3️⃣深海池魚壽司肉質細緻爽口帶油份，味道甜美😏呢一款亦都係我嘅喜歡嘅壽司，因為深海池魚比普通池魚更鮮美，清甜爽口，感覺有少少似帶子，不油不膩嘅口感😋4️⃣平貝壽司平貝係扇貝嘅一種，味道和質感上變化較大，肉質比較酥脆爽甜。上面用咗竹炭鹽🖤，加上青檸，食落去鹹鹹酸酸，我認為能夠做到提鮮嘅效果🆙5️⃣手釣池魚壽司師傅話原來手釣嘅係會值錢好多，手釣嘅除左比較鮮豔有光澤外，肉質也更有彈性爽滑😙原來係因為網捕嘅魚在過程中不斷爭扎，令神經收緊而肉質變得較硬🧐所以都會冇咁好食㗎😉刺身上面切好葱加埋薑，好喜歡佢呢種葱嘅香味，好濃😋6️⃣ 地金目雕壽司師傅話佢哋用咗日本師傅調製嘅鹹香烏魚子放喺地金目雕表面，😍油脂含量適中，肉質細膩。地金目雕原來係要指定產地先可以叫做地金目，所以比平時食開嘅金目雕係更上層樓😋7️⃣白蝦壽司白蝦晶瑩剔透，幾乎是完全透明😍，非常美麗。佢嘅肉質非常柔軟，口味鮮甜。我認為樣貌質感與甜蝦很相似，但係好似比甜蝦細一啲🙃8️⃣墨魚海膽壽司呢個真係超級超級超級好味‼️入邊加埋紫蘇葉，好有層次感除咗有墨魚味、仲有海膽味，最後紫蘇葉嘅味道好出，墨魚比較黏身，有少少章住嘅感覺😍好喜歡！9️⃣燒鏗魚壽司鏗魚平時就聽得多其實我完全唔知係咩魚，師傅話俾我哋知原來就係我哋平時食章魚小丸子嘅木魚🤪食落去真係好有木魚味，口感有少少似巴馬火腿，煙肉嘅感覺。師傅話俾我哋知佢哋仲加咗蝸桿草🌾，好特別，呢個亦都係我認為最重味嘅一種。🔟中拖羅壽司師傅同我哋講建議我哋唔好點豉油，原來加少少海藻鹽已經可以提升鮮味。脂肪比例較高，魚香持而恰到好處的魚油脂，非常甘香🥳😵‍💫佢仲偷偷地話俾我知原來Donki粉紅色嘅拖羅並唔係特別靚，反而仲係出咗水🤮1️⃣1️⃣ 野生鯖魚壽司師傅話原來鯖魚得來不易，唔係每一款都可以拎黎做刺身，佢哋係經過醃製令野生鯖魚變成半生熟富含清爽不膩口的油脂。再加埋昆布芯刨成薄片，增加味道層次感。1️⃣2️⃣馬糞海膽壽司鮮甜‼️鮮甜‼️鮮甜‼️唯一唔好嘅就係份量好少🥺我係uni fans，有一種好唔捨得食嘅感覺😝濃湯烏冬🍜 竟然係我最唔鍾意食嘅菇😵‍💫仲要係勁多菇😰有干花菇、靈芝菇、金菇🥵唯一嘅好處係烏冬偏扁，容易入口。湯底用咗日式醬油湯🤔感覺好唔似濃湯🤣黑芝麻雪糕🍧最後💖都想讚下服務，我自己有一個習慣就係每逢一有侍應收碟就會講唔該，但係唔係每一間店舖嘅侍應都會講返唔使客氣。但係呢間舖頭佢哋超有禮貌我每次講完之後佢哋都有回應👍🏻仲有我因為有影相所以有陣時唔小心滴到啲豉油周圍都係，師傅都有幫忙抹乾淨先上下舊壽司😝仲有我唔係好夠高睇唔到師傅喺度切咩整咩，話晒都第一次有啲八卦，師傅見到之後佢話舉高啲整俾我一度影相一個拍片🤣雖然唔係啲乜嘢大件事但係令我感覺好好。…Read More

⚠️服務態度欠佳⚠️.只能講用餐體驗好差🥲食物不作評論，因為服務差，評論都變得唔中肯.1. 問師傅野好唔耐煩有時師傅講野太細聲/我聽唔切，會再問一啲簡單資訊，但師傅表現非常唔耐煩…仲同我講「你記得你鍾意食嘅得啦」，其實我都只係想簡單記錄一下自己食過咩，絕對唔係係咁問/R水吹.2. 比少咗件壽司師傳認真搞笑，上到第11件（共12件）嘅時候同我哋講係最後一件，我心入面都黑人問號緊，基於佢全程好唔耐煩我未敢出聲住🥲隔咗陣佢先突然講話仲有件.3. 生日名寫錯朋友係book位時，想係甜品到寫Happy birthday Phoebe，但最後phoebe卻變成Phobe，乜我個名咁難串咩🥲.4. 朋友book位體驗差朋友話佢book位時，問職員野但職員完全無視咗句野，只係叫佢比訂金，成個體驗都感到不被尊重☹️…Read More

之前生日🎂 其實都幾個月前😆 我個好朋友請左我去食Omakase 😋 當時係仲有晚市堂食既😊 Omakase👨🏻‍🍳 ($1,680/位）刺身五點🦪旬之料理🍱手握壽司8貫🍣卷物🐟湯🥣甜品🍈師傅開始前會先了解客人有咩唔食或者敏感👍🏻 而且全部食材都新鮮😋 食完超滿足❤️ 特別係炸白子， 第一次食， 口感好特別🥰 外面炸得好脆😍 但入面好creamy ☺️因為我同朋友有講唔完既野😆 所以師傅無特別同我地交流😂 但我見到佢有主動同隔離枱交流☺️ 同朋友過左個好開心既晚上❤️…Read More

#holidayouthk美食 #holidayouthk飲品【Omakase】 HKD$1680.見到鮨三川🏮推出左$500/1位，兩位仲只係需要$750嘅清酒pairing omakase🍣。有7️⃣款唔同嘅清酒🍶，點會唔心動🥰？每一款清酒皆選用日本名牌酒廠🇯🇵，全由唎洒師按照餐牌上嘅食物進行配搭，每款食物嘅味道有所昇華😋。7款清酒🍶▪️【榮光富士】 ▫️【森嶋 美山錦 65%】▪️【寫樂 純米吟釀 火入】▫️【玉旭 SILVER 純米吟釀】▪️【江戶開城 純米吟釀原酒】▫️【磯自慢 純米吟醸 山田錦】▪️【花陽浴 八反錦 純米大吟釀】特別想提及花陽浴會包含濃厚嘅梨🍐同完熟菠蘿🍍香味，稍為偏甜易入口，同海膽醬配牡丹蝦非常相襯👍🏻。刺身5款🐟有肝醬鮑魚刺身，海藁燒鰹魚，海膽醬拌北海道牡丹蝦刺身等。自家製海膽醬配上新鮮北海道牡丹蝦🦐尤其深刻🤩，不但副重膠質，而且十分彈牙，加上秘製海膽醬簡直無可挑剔，好食到一滴都不能浪費❗️旬之料理 一般白子都係炙燒🔥，今次竟以天婦羅形式呈現，估唔到口感都咁creamy🥰，同時又冇蓋過鮮味，覺得膩嘅話不妨加少少青檸💧。壽司八貫🍣依次出場嘅係鰤魚壽司，富山白蝦壽司，秋刀魚壽司，醬油筋子壽司，子持蝦蛄壽司，香箱蟹壽司，醬油金槍魚腩壽司，雙層海膽軍艦壽司。特別幾款幾有驚喜✨。譬如秋刀魚正值繁殖期，所以寧舍肥美同厚身😍。香箱蟹壽司🦀亦即為乸嘅松葉蟹，秋冬季節係產卵期，所以更加肥美。將蟹肉，蟹膏同蟹子混和，口感豐富有層次☺️。卷物由自家製甜蛋🥚，日本小青瓜🥒，新鮮花竹蝦🦐，曬乾左嘅醬油漬葫蘆瓜組成。.📍鮨三川銅鑼灣渣甸街50號渣甸中心6樓🚇銅鑼灣站D3出口 步行約3分鐘🕑星期一，二及四至日 12:00-15:00 19:00-22:30；逢星期三休息#holidayouthk銅鑼灣#Hkig #Hkiger #Hkeat #Hkfood #Hkfoodie #Instafood #Foodstagam #Foodielife #Foodislife #Foodaholic #Foodfeed #Foodtravel #Foodlover #Foodgasm #Foodphotography #Foodpics #Foodaroundtheworld #Foodoftheday #Photooftheday #Eatingfortheinsta #Thisiswhyimfat #清酒 #sake #omakase #壽司 #刺身 #海膽 …Read More

近期試過最高質晚市omekase($1680)🍣🍶，加$500配埋sake pairing簡直係雙重享受✨餐前小菜有雞泡魚干，烘至金黃色香脆可口，配酒一流😏 先嚟5款刺身，包括有海藁燒鰹魚、肝醬鮑魚刺身等，個人覺得自家製海膽醬拌北海道牡丹蝦刺身最正，蝦身口感彈牙，膠質重夠黏口，加上帶淡淡酒香嘅海膽醬係絕配😆食完刺身就到廚師料理👨🏻‍🍳，推薦天婦羅白子🤩 刺身白子就食得多啦，天婦羅大家又食過未😛 外脆內軟，好滑溜，加上中間嘅紫蘇葉多咗份香氣～ 之後就到最喜愛嘅壽司啦！有雙層日本海膽壽司、香箱蟹壽司、富山白蝦壽司、秋刀魚壽司同埋醬油筋子壽司等總共有8件🍣 最愛香箱蟹，以蟹肉蟹膏同蟹子合成，有齊軟滑同彈牙口感，真係好滿足🤤——————————————————酒鬼要注意啦，呢個sake pairing 可以配7款清酒，第1款【森嶋 美山錦 65%】帶淡淡嘅苦澀味同清爽嘅後勁，配上食前菜同刺身非常合襯〜第2款【江戶開城 純米吟釀原酒】以稀有酒米「愛山」釀造而成，入口帶有陣陣花果香氣，幾refreshing㗎，同樣配上刺身不錯喔〜第3款【花陽浴 八反錦 純米大吟釀】帶有梨同完熟菠蘿嘅香味；第4款【磯自慢 純米吟醸 山田錦】，兩款都係第一次試，呢兩款酒配搭別出心裁，與食物淡濃而變化，恰到好處～第5款【寫樂 純米吟釀 火入】來自日本福島縣嘅人氣清酒品牌，有豐富的花果香氣，而且餘韻悠長，完好帶出食材鮮味，相當不錯。Sake Pairing以【玉旭 SILVER 純米吟釀】及【榮光富士】作結，整體用餐體驗增色不少，性價比相當高，絕對真心推薦👏🏻…Read More

而家無晚市食就黎左呢間食lunch,點知食物就真係好麻麻，服務就更係差我地食13:30遲左少少37先到，一到左佢地帶左我地坐位之後就無理過我地，因為其他人可能已經係13:30到佢地開始拎緊前菜比其他人食，當我地坐左5分鐘無人理我地，我地見有位侍應（短頭髮女士）行過就叫左佢一聲唔該，我地可以落單啦，佢當時係側身回望問我地，你地揀邊個餐？有咩唔食？我另外一個朋友話唔食有皮嘅魚，佢嘅回覆係咩原因？敏感？唔想食？（態度不滿）我朋友話唔鍾意見到魚皮所以唔想食，佢話好，即刻走左！餐牌都唔收跟住成餐飯係食到好趕重點係佢無同師傅講唔要魚皮嘅魚我地叫12件壽司個set，個沙律醬少到眼見就係咁多，底完全冇無味茶碗蒸師傅第一件就已經上有皮嘅魚俾我哋，我朋友都算數廢是話照食，師傅上壽司嘅時候只係講呢件係咩壽司，點樣做加左啲咩都唔會講，到我隔離有人問佢，佢先講！佢嘅魚我唔覺有幾新鮮，加上佢差啲多每件壽司都會搽個醬汁，個醬汁都係同一個我未試過食一間omakase 係咁hea特別要講吓呢一件壽司，火炙但唔係我地明前燒嘅，一食落口好苦，苦到要係咁飲水中拖羅，佢切到勁薄同埋睇相都見到唔同色，黑黑地，有幾新鮮大家都睇到😂整體體驗極差，我13:45開始食哂啲壽司只係14:30，坐多陣佢地都開始執野，等朋友去廁所，都趕我走叫我係門口等，因話佢地要執野趕下場，佢呢間根本就唔係做omakase 應有嘅鋪…Read More

迎接2022嘅節目當然唔少得食餐好㗎啦～揀左<鮨>set lunch $468，有沙律、茶碗蒸、手握壽司十二貫、濃湯烏冬同甜品，非常豐富~

沙律好醒胃都唔錯，茶碗蒸十分足料，蛋幼滑而且有好多鮮甜嘅蟹肉同菇。

跟著落嚟就是令人期待嘅手握壽司十二貫啦！師傅好好人，用心咁同我地介紹每款壽司。由上而下咁排有 –[左一] 伊佐木 – 第一次食覺得入口爽脆清甜，魚身白裏透紅，晶瑩剔透，袖子醬油味都幾出。
[左二] 深海池魚 – 肉質結實肥美，魚油甘香。
[右一] 針魚 – 都係第一次食，魚生好靚散發銀光，肉質彈牙鮮甜。
[右二] 昆布漬牧丹蝦 – 口感爽滑，散發淡淡袖子清香。
[右三] 手釣池魚 – 都係第一次食好特別，師傅話手釣手嘅肉質會比網捕嘅較滑，因為網捕嘅魚會係捕捉嘅過程中極力掙扎，容易受傷痛同因運動量高而肉質變得較硬。
[右四] 北寄貝 – 爽口彈牙。
[左一] 鏗魚 – 日式料理都充意用鏗魚/鏗魚粉做湯底或調味，外皮微脆，燻味香郁，超有驚喜。[左二] 絲魚 – 都係第一次食，魚肉粉嫩。[左三] 網燒梭子魚 – 魚肉雪白，網燒後魚油嘅香味更突出，係我當晚No. 2 pick。[左四] 赤海贍 – 超級鮮甜又creamy，my all time favorite！[右] 拖羅 – 油脂滿滿極度誘人，如有即溶，上面加左竹炭鹽鮮味更出，係我當日top pick。
唔記得左影墨魚紫蘇葉加海膽，紫蘇葉好出，配滑嫩墨魚同小量海膽，整體感覺好balanced。食完十二件手握壽司其實都已經飽，但端上嘅濃湯烏冬熱辣辣又幼滑，傾傾下偈又食哂。仲有甜品日本蘋果雪糕真係超正，真材實料食到果肉，蘋果香味不得了，齒頰留香。鮨三川Lunch Omakase 性價比高，食材新鮮高質，師傅同侍應都好helpful，成個experience非常良好，大推介~…Read More

好多人都問我晚市好唔好食！由於我只係食左午市，所以我只係今次挑戰返佢個晚市！試完午市，唔敢挑戰晚市嘅朋友，今次要黎睇下啦！今次試呢個晚市，只係得一個菜單一個價錢，HK$1680。另外加左一個HK$500清酒PAIRING ，第二位有半價。走傳統日本正宗廚師發辦風格，黎到食OMAKASE就係食當店最新鮮食材。食嘅野無得揀，你想揀第二個價錢都無，所以餐單都無得你揀。晚市內容包括：前菜一份刺身五件時令料理一件壽司八件卷物一件湯一碗甜品一份簡單介紹下，鮨三川佢地店家堅持唔玩花巧，走正宗日本Omakase做法，只係以最時令嘅美味帶比客人，所以一切都係以速度為主，所有食物都要趁新鮮食，因為佢地一直以來都對最新鮮食材有一份堅持，希望食材以最佳狀態送到客人口中，而非視覺享受。開始吧【鹽味炸日本銀杏】口感好結實，鹽味好提鮮，炸過好香口，作為前菜幾好食。但前菜就真係得呢一款，如果有個沙律會更開心。同埋佢無左午市個茶碗蒸，如果有我會開心d，因為佢個蒸蛋真係好好味。【北海道厚岸真蠔】調味非常簡單，只係用左日本青檸+柚子汁，無太多花巧野，先可以食得出靚蠔本身嘅鮮甜味！好大隻，味道好濃郁，口感好爽脆，腦部位置好CREAMY，好重奶油感，好漏但好正！【中拖羅刺身伴紫菜】以紫菜包裹著中拖羅刺身，中間夾上日本大葉(紫蘇葉)、竹碳鹽、鮮山葵蓉，由師傅即製席遞上即食，非常新鮮脆口，中拖羅味道好濃魚油甘香，非常之正！【石垣貝刺身】日本三陸產的石坦貝，師傅新鮮即拍都仲係彈起，勁新鮮！幾乎無任何調味，只有少少特調醬油，已經食到佢好鮮味，真係好好味，仲好彈牙，簡單而高級嘅食材！【酒漬海膽醬拌牡丹蝦刺身】以紹興酒撈勻海膽成醬，非常之極度惹味，係我第一次食嘅味覺享受，除左本身海膽嘅鮮甜之外仲多左份酒香。至於牡丹蝦係完全無經過雪藏，直接以冰壓住新鮮日本空運直送到香港。蝦身好粗，口感好彈牙，咬落膠質好重好黏口，好好味！不得了！【炙燒鰹魚刺身】鰹魚外層燒過，中間完全刺身狀態，好腍好滑，但味道偏清淡。由於鰹魚好淡味，所以搭配上淡路島洋蔥製成醬，淡路島洋蔥係全日本最高級第一位洋蔥，一般都係用來製作最高級料理用，所以用佢做成醬真係好香甜可口。另外表面再撒上淺蔥碎，呢個淺蔥亦都唔係簡單，原來係水種蔥苗，無泥味，但蔥辛辣香卻非常之強，係日本比三星蔥及萬能蔥更昂貴，我查過一棵淺蔥原來索價要HK$100！所以真係唔簡單！【肝醬鮑魚刺身】宮城縣產黑鮑，原來一隻係兩位用，所以每人份量係半隻大鮑魚。每隻鮑魚都以味淋、鮑魚殼、清酒、鹽、昆布燉兩個小時，不停重用的鮑魚汁相當濃重嘅鮑魚鮮香，勁入味好食。但最精彩係佢個肝醬，簡直係神來之筆，以鮑魚平時最腥的肝臟部份，加入調味做成肝醬，食落完全唔腥之餘仲非常之香！味道有少少似蟹膏，咸咸鮮鮮味，好新穎嘅食法！食完刺身，跟住就到「旬之料理」【天婦羅白子】今次我中獎的「旬之料理」就係炸白子。你知啦食OMAKASE每次每個人食嘅野其實都好唔同，所以好似中獎咁我今次抽中左白子呀！好開心！我個人超鍾意食白子，係日本冬天旅行時成日都會叫黎食，有時仲會去超市買現成白子刺身黎食，我真係大愛白子。但今次有D唔同，因為師傅將佢製成天婦羅，我一見到有少少失望，點解會將佢整熟左架！都既然米已成炊，唯有一試。由於想比觀眾睇到佢裡面長甚麼樣子，所以要求師傅幫我切開一半影比大家睇。食落去，炸白子原來不比刺身差，雖然無左刺身果種爽勁同冰涼感，但食落更creamy，好似食緊CREAM CHEESE咁滑溜，好膩好濃重，外層加咗海鹽，咸咸地，中間夾左紫蘇葉黎炸，多左份香氣，口感真係好黏口，如果頂唔順佢太膩，可以用伴碟嘅青檸唧D汁黎食，更加清新可口呀！【鰤魚壽司】以鰤魚腩製作的第一款壽司，有別於純壽司的OMAKASE，因為第一件已經十分濃味甘香！鰤魚腩先風乾過，濃縮咗油份，油花甘香味美，可以媲美金槍魚腩，超肥美多油脂，配上當店特製醬油真係不得了，好食到癲！【富山白蝦壽司】以一大堆細隻小蝦堆砌而成的壽司，無見識如我，以為佢係一堆未發育蝦仔，用黎充當大場面，非也！原來網上一查，富山白蝦大有來頭！而且秋冬仲係佢地盛產期！首先要處理白蝦殼已經非常複雜，好細隻又易整斷，所以係非常花功夫。而且要空運直送再高速新鮮處理，一間小店要處理多種食材時，處理白蝦就真係變得好唔簡單！味道方面比較清淡，有好香嘅鮮蝦味，加上以嬰兒級紫薑製成薑蓉提鮮，柚子皮提味，真係一道非常好味嘅手工料理！【秋刀魚壽司】以新鮮當造的秋刀魚做成刺身，真係我嘅最愛！雖然我唔知呢條秋刀魚咩來頭，點解可以擠身我呢個高級omakase之中，淨係知道佢係屬於繁殖期游回北海道地區的秋刀魚，但係佢的確非常肥美，而且好厚肉秋刀魚油份好重，有種獨特的腥味，但對於我來講係一種鮮味，我個人極之喜歡，真係好好食，味道好突出，可算是呢個omakase我排第三位最好味的壽司！，好肥美，彈牙，有微微魚腥，好嫩【醬油筋子壽司】筋子即係三文魚籽，但佢仍然黏附著筋膜所以日本人叫佢做筋子。就係由於佢仲有筋膜包裹住，所以裡面充滿勁多三文魚油，超級香甜。壽司以紫菜簡單盛載，內以柚子皮提味，加上少許當店醬油，食落真係不禁大叫好好食呀！【赤鯥魚壽司】赤鯥魚以炭火網燒過，並唔會用石油氣槍燒烤，非常細緻認真，味道亦唔會帶有GAS味，反而多左層炭烤香味，相當細心！赤鯥魚腩好重油份，燒焦位置略帶微苦，以柚子胡椒調味提鮮，加上青檸汁降膩，雖然超多魚油但又唔會食到油膩感，非常之好味的火炙款壽司！ 【子持蝦蛄壽司】以北海道出產的子持蝦蛄(帶卵的瀨尿蝦)製成無米飯壽司，師傅表示由於蝦蛄帶卵，加上米飯反而食唔出佢嘅鮮味。介紹返，蝦蛄醬汁係以蝦蛄拆除出來的蝦殼，加入調味煮成醬汁，簡直係將蝦蛄嘅鮮味再濃縮一次奉上。蝦蛄口感好軟滑，裡面帶有蝦子，質感較硬，口感似食橡皮糖，味道只屬一般，較為平淡。【香箱蟹壽司】本晚最矜貴壽司登場，香箱蟹壽司！香箱蟹規定每年11月初至翌年1月初才可捕捉，雌性松葉蟹特點: 鮮甜出眾，適產卵季節，蟹子飽滿，蟹膏香濃今次呢件咁奢侈的壽司，以雌性松葉蟹的蟹肉、蟹膏、蟹子合製而成，一絲絲蟹肉，一大堆真蟹籽(坊間成日用飛魚子扮蟹籽)，一大粒橙色蟹膏，一啖食落去，有軟滑、咬口、彈牙三種唔同口感，真係好邪惡好奢侈 哈哈！勁香松葉蟹鮮味，好食到講唔到野。【醬油金槍魚腩壽司】香港人最愛的拖羅壽司終於登場，基本上OMAKASE鐵腳埋尾一定有拖羅同海膽，如果唔出現真係令人太失望啦！拖羅只係簡單用醬油沾過，無特別做法可言，但食落有滿滿嘅感動！米飯嘅醋味同口感都應記一功，絕對唔係大家食DONKI或者平價壽司店拖羅可以媲美，真係好好味，佢個醬油都好加分，真係有日本食到嘅感動！【雙層海膽軍艦壽司】最愛嘅海膽登場！以北海道馬糞海膽＋鹽水赤海瞻合拼而成，堆積如山送上，味道極度鮮甜可口，紫菜、醬油、米飯等等都配合得天衣無縫，好鮮甜美味，海膽嘅濃重香氣係我鼻孔度噴返出黎，相當強勁的壓迫感！好好味呀！【花竹蝦太卷】以九洲花足蝦做成太卷餡料，相當過份！一般omakase都會將花竹蝦做成主角一樣咁製作握壽司，而鮨三川只係將佢做成太卷埋尾！？太卷加入乾瓢、日本白石小青瓜、自家製甜蛋，口感好豐富，花竹蝦極度鮮甜彈牙！好味講返乾瓢，其實係葫蘆瓜乾，再以自家製醬酒糖漬方式處理，甜甜地，相當好味！【鮮蝦麵豉湯】鮮蝦，但湯裡面完全無蝦，何解？細問之下，原來師傅係將花竹蝦殼拆下，再以烤焗方式烘乾，濃縮蝦殼素中的香味，然後再放入麵豉湯中煮3-4小時，所以呢個麵豉湯一打開蓋已經聞到濃烈的蝦香味，非常唔錯！好好味~最後送上甜品作結尾。【福岡草莓】老實講， 我係有少少呆左嘅。居然埋尾甜品只係得一粒草莓仲要一開三??????我老實講係非常之失望，因為午市甜品係一個紅豆雪糕，相當香甜，以為晚市會更加豪華，相反佢只係得一粒草莓。不過事實上食落真係非常之甜，係我從來無食過咁重香水味嘅草莓，即使我係日本買HK$30一粒的雪兔白草莓都比唔上佢嘅香甜，我唔知佢咩來頭，點解可以咁香甜，但我都係想要返杯雪糕。不如你下次就用呢個草莓做成雪糕比我食啦 我會更開心最後講講佢個清酒PAIRING，其實都真係幾特別，佢係順住咁多款料理黎配合清酒登場次序，而食壽司前後去飲同一杯酒，味道都會有明顯唔同，我相信師傅真係用心試過好多次先會有呢種咁特別嘅化學作用，唔錯呀！ …Read More

Geo條👅評分：⭐️⭐️⭐️⭐️ 💫(5⭐️最高）鮨 $468壽司🍣12貫沙律+茶碗蒸+烏冬+甜品話說早派小弟生日，朋友就帶我去食Omakase🤤Omakase通常都比較貴同食唔飽，但鮨三川呢間真心推介，因為比較抵食，好味同最緊要飽😂🤣因爲試過有啲食咗都唔飽，仲要出去買媽咪雞蛋仔食😂🤣😂🤣我其實都唔係第一次食鮨三川，上次食刺身Omakase，今次食個壽司🍣🤤紫菜蟹肉蒸蛋 - 個蒸蛋幾正，有一條條嘅真蟹肉，加上滑嘟嘟嘅蛋，very good👍🏻 針魚 - 壽司師傅話呢個針魚係當季到春天先有，魚味比較濃🤤真鯛 - 配咗少少柚子，帶出魚嘅鮮味北寄貝 - 真鮮比寄貝，比起平價北寄貝真係差好遠，平時啲北寄貝似食舊膠，呢個終於係返個貝殼類嘅肉，好新鮮，正深海池魚 - 呢個係深海池魚同池魚係兩種魚，油脂感重同埋幾爽口牡丹蝦 - 蝦肉漿身啲，比起出面普通嘅壽司店有唔通，而且啖啖肉，呢個正呀黃金池魚 - 都係比較魚味濃郁嘅魚墨魚海膽紫蘇葉 - 墨魚比較漿身配上清新紫蘇葉味，幾夾野生鰤魚 - 魚嘅油份重，比起平時食嘅普通油甘魚，野生真係唔通啲梭子魚 - 輕輕燒過同胡椒味好夾，燒過嘅魚啲魚油咇晒出嚟，好香，好正拖羅 - 肥嘟嘟嘅拖羅，有邊個會唔鍾意🤤🤤醋鯖魚 - 係傳統日本🇯🇵嘅一種鯖魚嘅做法，用醋醃製的鯖魚，比道酸酸哋加上鯖魚本身嘅味道，呢個第一次食，唔錯唔錯海膽 - 一個字正呀！但我記得之前佢嘅海膽壽司係用一大塊紫菜包住，個壽司師傅親手俾你，我覺得果個正啲🤣😂我已經盡我能力講，因為呢啲唔係平時食到😂🤣同埋我條👅唔係金舌頭😂🤣…Read More