鬼金棒

呢间拉面店嘅概念真系要赞！虽然食物味道系标准水平，但将港式柱候牛腩同四川麻辣风味撞入日式拉面，个谂法真系破格得嚟好有惊喜。浓郁嘅日式猪骨汤底入面，竟然完美融入咗川椒嘅麻香同柱候牛腩嘅醇厚。腩肉炆得软淋入味，挂满咗带微辣嘅汤汁，面条依然保持到弹牙口感。两种截然不同嘅饮食文化夹埋一齐，完全冇违和感，反而激发出新层次嘅风味。食完成个口留有余韵，个配搭真系估佢唔到咁夹。与其话系食拉面，不如话系体验紧一场创意料理crossover。老板够胆打破传统框架，将东南亚风情注入日式料理，呢份心思已经值满分。推荐俾钟意试新嘢嘅食客！…查看更多

辣麻味噌拉面既最唔辣版本，个汤底好多蒜头，多到好浓烈既蒜味，不过个汤底有啲咸。芽菜很多很爽甜。猪软骨炆到非常之林，有好浓郁既酱味。粟米芯就不过不失。个鸡蛋系糖心蛋，用酱油煮过，很好味。拉面都非常之有咬口，系高品质既拉面。…查看更多

首先，食物几好食，价钱没太大意见。今次评论，纯粹因为员工态度。2025年9月27日星期六晚约10点，跟女友2人进店坐低，目测店内尚余1半座位。职员好快畀左QR code 落单，咁我地就睇有乜食，一边倾计一边拣野食。拣左10分钟左右，有男职员过黎提醒，拣好记得要揿送出既掣。咁我都觉得几好，起码佢惊我地拣好左漏左按，变左冇野食。再过多大约五分钟，因为店面较细，我地坐个位又近厨房门口，听到有女职员问岩岩个男职员我地落左单未，男职员答岩岩已经提醒左我地落单要揿掣，但系我地仲拣紧。呢个时候，问题就黎，女职员同男职员讲：下？有乜好拣？作为顾客，我明白你地临近收工时间会比较紧张。但系你可以直接同我讲，最后落单时间系几时，唔系系我地背后讲d咁既野，仲要畀客人听到。你地每日都系呢间拉面店工作，会比较清楚菜单，可能对你地黎讲系冇咩需要选择。但系我地都只系黎过两次，唔记得你地拉面店系有乜食，加上有选择困难症，拣岩食物系真系需要时间。最后，如果我系你地老板，听到你地咁样对客人，都会好失望。以下系对整个饮食业既意见，唔系针对呢间铺。出开去食野，好多时都会遇到唔同问题，错单漏单、抹枱一下将食物扫落客人只脚到，讲句sorry就算，可能有人会话一分钱一分货，畀呢d价钱就唔好要求咁多。我反问一句，呢个谂法真系岩咩？你开间铺，所有职员都系代表紧间铺，入职系咪应该有相关所有方面既培训，先安心畀佢代表你间铺服务客人？职员做得唔好，佢有责任，但系老板系有最大责任。我绝对唔认同畀钱既人系大哂，想点就点，呢个讲法系肯定错。我希望大家系能够互相尊重，你提供食物，我付钱，就系咁简单。香港既饮食业系咪真系只可以停留于此呢？…查看更多

暗黑系装修，墙上挂满装饰，播住日本摇滚，气氛营造似东京街头拉面店。座位偏窄，大只d可能会有小小坐得唔舒服。是日主角：辣麻味噌拉面🔥 拣咗「中辣中麻」🍜 汤底： - 猪骨汤混入自家制辣麻味噌，一上枱就闻到超浓辛香味！ - 第一啖饮汤：辣度直冲喉咙，麻感后劲好强，食到流鼻水🍖 叉烧： - 两块厚切慢煮豚肉，唔柴，应该炙烧过咬落有gas烧过味🍜 面条： - 粗身面，咬落烟韧但食食下可能耐咗会变淋 嗜辣者可以一战， 但有机会食到身水身汗，冷气开大d会好d，同埋味精偏重，会好口渴。店员服务态度一般，谂住映下环境映下食物打下卡，会好似CCTV咁系咁望住，唔好意思映落去，一路食一路觉得比人望住咁。…查看更多

食过好多次鬼金棒辣麻味噌拉面嘅猪肉版本，见到铜锣湾呢度有牛肉就谂住试试佢，友人𠮶款汤拉面好似唔错，我就好耐冇食沾面所以就拣咗呢款：嚟到见两片薄片嘅牛肉，肉质粉红系咪慢煮过？？我加咗入啲汤希望浸熟啲佢，肉味浓带有油香，侧边重放咗啲有汁嘅牛筋，然后碗沾面汤⋯⋯我真系唔识欣赏食过香港好几间沾面包括：座x、周x、面屋x、海老x、富士xx等等，佢哋嘅沾面汤热就梗架啦，味道会偏咸，汤质会比较浓稠，面就会好挂汤，而呢间呢？佢个汤唔系浓，系杰，似一大碗生粉芡，只食到少少辣同洋葱味，完全冇骨汤/鱼介/酱油味，似系揾粉就咁沟出嚟，系真系要用难食去形容，食沾面最后会加汤落沾面汁，沟淡然后饮埋啲汤，我将呢个程序推到最前，即刻举手要加汤，咦⋯⋯唔系直接加落个碗，系另外畀兜汤我嘅⋯⋯碗汤（唔记得影）颜色系纯奶白色，以为系猪骨浓汤之类，就咁放少少入口，点知又系冇味嘅，冇骨汤嘅味，亦都冇咸味，好啦好啦，可能沾面汁加埋佢会有magic呢！点知都系冇嘅⋯⋯完全系生粉芡加生粉芡咁，沾面汤红色，碗汤白色，沟埋一齐（其实系捞唔匀的），出嚟好似萤光色洋葱猪扒汁沟白汁肉粒饭啲汁咁⋯⋯唉⋯⋯冇食过一碗沾面系咁样样嘅，想试新嘢即管嚟挑战下，真系震惊味蕾加颠覆想像…查看更多