鬥雞

好肚饿，叫咗2个set，有小食又有嘢饮。食个带子意粉好有惊喜，一摆上枱，就来咗句好靓㖞！带子外脆脆地，但食落，好鲜好嫩，个意粉软硬适中，反正啱我食。个炸鸡，唔记得影相，急急脚拎起就食，外皮都好脆，最西利既系有汁好嫩！仲有个薯角，新鲜炸起，真系又脆又香，识食一定想像到个味，反正，有下次！…查看更多

听闻龙门居有好多好嘢食，不过好多都系外卖店。经过呢间炸鸡小店见有位坐就入去试下。店舖唔算好大，得几张枱。不过我地去嘅时间比较早，所以得一枱有人。我哋拣咗一碟意粉，半只炸鸡，转埋套餐有汤有饮品，仲有两款小食添。价钱望落都唔贵，系街坊价😊芝士烟肉带子忌廉意粉 $58（转餐+$20）而家五十几蚊嘅价钱食一碟意粉我真系冇乜太大期望，点知碟意粉一上枱：哗，好靓😍 睇见个摆盘都觉得好高质，好用心。两粒带子煎得金黄，又唔㶶，外皮脆脆地，好好食。而且意粉嘅软硬度适中，个忌廉调配得啱啱好一啲都唔漏。非常惊喜👍香葱炸鸡半只 $88（转餐+20）平时多数拣甜辣、芝士或蜜糖呢啲口味，今次就想试下一啲特别啲嘅味，所以拣咗香葱。炸鸡嘅份量都唔少，面头铺上满满嘅葱，仲有少少甜酸酱汁。外皮炸得好脆但入面嘅肉仲系好juicy，好滑🤤火腿忌廉汤 （跟餐）有少少洋葱同火腿，味道正正常常👌辣味薯角系大size版嘅薯角，即叫即炸热辣辣，又脆又香口😊炸什菌饺子呢款饺子又系炸得好脆，不过炸嘅什菌饺子真系第一次食，个人觉得个配搭一般，什菌可能都系配汤饺会好食啲😂埋单$200，我地2人都差啲食唔哂，性价比超高，绝对可以再encore👍👍🤑性价比：9/10🤤色香味：9/10🐖邪恶度：8.5/10🤗推荐度：9/10…查看更多

又嚟啦，上次辣到阿妈都唔认得，今次试另一款，超人炸鸡小店一间，味道好吸引，系我再嚟嘅原因两个人挑战一只炸鸡$168，超人炸鸡其实系咸蛋黄鸡，咸蛋黄铺得相当平均，咸度刚刚好，鸡肉好Juicy，一啲都唔干身唉，认真大食，仲要食埋黑松露菌意大利饭，我钟意呢度好Creamy好黏口嘅制作方法，而且意大利饭嘅份量好足，黑松露菌又好香，令人食欲大增又一次成功体验了😊…查看更多

晚餐唔想食饭、又唔想食热狗汉堡…见有炸鸡同意粉,就入去一试。叫了烟三文鱼白汁意粉同半只甜辣炸鸡,即叫即整,热辣辣,好味。烟三文鱼份量多,有三大长片,汁够,配料又多,好味。半只甜辣炸鸡都有七件,有槌、有翼、有鸡胸,热辣辣够哂脆,$88好抵食。+$5仲有汽水饮,不过唔够冻😅见+$20有小食同汽水,下次试埋佢啲小食。小店食物系有质素,不过态度就…可能男人讲嘢系咁！…查看更多

屋村小店，几个后生仔，每一碟都用心去做，配料好多，口感丰富，每样都系即煮，即炒，即煎，不是整好之后求其淋个汁就算，食得出系好有心机去为客人做好每一样食物的，而且卖相好，又有摆盘，平民既价钱，高质素的食物，虽然地点有点远，而且又不是邻近地铁站附近，但我每次路经这里，都会先去帮衬，食番一碟意粉，才转车去开工，很难得在这些地方，可以吃到这么高质素的食物，价钱相对实在便宜，所以我去开就一定会帮衬，而且门口可泊车。…查看更多