最近同妈咪去咗旺角创兴广场14楼嘅「马辣台式鸳鸯火锅」，呢间人气台式火锅店原来已经开咗8年，最近搞咗一连串优惠回馈大家，唔止学生同寿星有著数，基本上你有留港消费过都可以攞到优惠，支持本土消费，著数一罗罗，真系抵赞！一入去就见到佢哋有11款特色汤底拣，真系眼都花埋。天气冻冻地，一于食豪啲，我哋嗌左胡椒猪肚同埋每位+$30升级花雕醉鸡锅，其实都几抵，佢跟半只鸡，份量唔细，鸡肉嫩滑入味，酒香扑鼻，啱晒冬天补身，妈咪食到笑晒口。套餐方面有A、B两款，我哋拣咗贵$20嘅B餐，升级咗啲肉类，食到极尚无骨牛小排、手切肥牛、一口牛，啲肉油花靓到不得了，落镬一灼就入口即溶，肉味浓郁，真系值回票价。海鲜方面仲有白鳝片、脆鲩片，啖啖鲜味，啱晒海鲜控。另外我哋加$20一款试埋牛舌同牛胸爽，牛舌切得薄薄地，爽口弹牙，牛胸爽好脆卜卜，香气四溢，正！配料方面都系一绝，超过百款任你夹，疏菜、丸类、饺子、台湾面、卤肉饭、港式甜品、鲜果样样齐，诚意十足。饮品方面选择多，养生嘅可以饮花茶、咖啡，想开心啲就有罐装啤酒任饮，仲可以加$68要生啤一塔，啱哂一大班朋友一齐share！整体嚟讲，马辣真系CP值爆灯，食材新鲜、选择多、服务又唔错，无论你系想补身、开心聚餐定系揾个地方慢慢叹宵夜都啱晒。趁8周年有咁多升级优惠，唔试真系走宝！📍马辣台式鸳鸯火锅 (旺角)旺角弥敦道601号创兴广场14楼…查看更多
