馬得里

营业中

休息中

份量十足，CP值高嘅一間港式牛扒餐廳最值得一提係服務態度👍🏼🥳👏🏻平時好少寫食評，但真係忍唔住一定要贊下呢間餐廳👍🏼🏆已經接受港式服務態度突然感受餐廳嘅笑容，耐心聆聽order同客人互動，同小朋友玩傾計突然好感覺🥹有heart🫶🏻既餐廳Please keep up the good work 👍🏼💪🏾

日日經過都見到坐滿客人同男朋友嗌左2份大蝦拼肉眼扒，食物都ok尤其欣賞跟餐嘅餐包 熱辣軟熟唔係比啲擺左好耐硬哂嘅包比你入面有多位員工，個個都有禮貌香港黎講個人認為真係好少可我會因佢地嘅態度而再去幫襯上餐收餐都快，員工明顯係做野的見到有tips box，實在值得比tips

落單唔夠5秒，就上酥皮湯，酥皮唔熱、湯無味。 咖哩牛脷飯，飯就一「pat」，伴碟菜唔熱嘅。鐵板牛肉，唔使5分鐘就上，我懷疑一做整好，就咁放上鐵板，牛扒好「韌」，只有過度醃製嘅味道，伴碟菜都係唔熱！$168，鐵板牛扒，質素連快餐店也不如！

每早的外賣早餐，我試過羅宋湯通粉，牛肉粒和火腿粒兩種選擇。牛肉粒口感軟嫩，有時會遇到滑口的肉，運氣好壞不一；火腿粒則普通，沒有特別驚喜。湯通常很好喝，但有一天似乎沒有加鹽，讓人有些失望。通粉是有紋的，我個人偏好無紋的，像隔壁長江的那種，總體來說還算好吃。另外，我也嘗過沙嗲牛肉通和鮑片通，牛肉的表現不錯，但鮑片就顯得有些寒酸，份量少了不少。價格稍貴，同其他餐廳相差在 8-10 元，外賣如果沒有折扣的話，未必會天天光顧，感覺偏貴。晚餐我點過西冷，味道很好，質素不亞於金鳳。羅宋湯的表現超過金鳳，酸甜辣的平衡和湯的濃稠度恰到好處，是我喝過的最佳羅宋湯，師傅的用心可見一斑👏🏻。餐包每次都能熱住上比客人，口感更佳，注重品質的廚房總會做得越來越好。（題外話💡大家要珍惜目前還做得好的廚房，因為普遍餐廳命運都是一開始做得好，後來可能錢給不足，就換廚房，愈做愈差了。）西冷更是不必多說，肉汁香濃，我配上黑椒汁，味道極佳，黑椒汁不像外面的餐廳，顆粒多會影響口感，但馬德里不會，做得非常好，我甚至用來撈意粉，吃得很舒服。晚餐還點過燒春雞、豬扒、雞扒和燒鴨胸，前兩者一般，不特別，但菜式選擇豐富。而雞扒做得非常出色，

近來收工後去開呢頭打機多，但有時未食飯，想搵下野食，呢度附近多數都收10點前左右，咁岩今晚未食飯9點左右過到黎，每次路過見到呢間扒房都坐滿人，今日午餐食左車仔麵，想食番餐肉飽滿下，今晚就決定單拖試試。想食得舒服唔怕有根有骨，所以點左鐵板牛柳，7成熟，白湯餐包，另外8元配個意粉。白湯味道可以，唔太濃又唔太稀，水分比唔重，值75分，如果入面有多啲粟米粒就有啲口感，可能我9點都差唔多埋尾。餐包就稍為唔“札實”😂，不過都夠熱夠香，會提供雪條棒搽牛油。牛柳上枱，呢度得兩走汁，黑椒汁或者燒汁，我一向不吃辣或者刺激性嘅食物，所以係燒汁。一淋上去，熱辣辣吱吱聲，佢呢度有紙巾供應所以唔驚啲汁會彈到身。意粉係香草意粉，唔會味道太DRY。7成熟牛柳肉質夠滑，肉汁亦都鎖得好，塊牛柳見到些許血色係面頭，切開非常易，唔會太熟又唔會太生，兩件牛柳都一樣咁靚。薯條有十零條，用扭紋薯條，落左汁之後都唔太淋，有口感。最後食完差唔多，侍應突然奉上啫哩做甜品，我見餐牌本身係冇，但佢每枱客人都會有。如果唔要奶記得同佢地講聲。啫喱正常發揮，唔會係甜品店水準，但絕對唔會失望。杯奶茶稍微茶味偏淡，但水吧落個奶量撞隻茶又岩岩好。總結，

食物已經麻麻, 想要一杯溫水喝, 全黑背心的員工給我一杯水時說, 忙嘅時候就唔會理你,這刻令我十分氣憤, 我同另外一個員工講,佢話黑背心員工已不止一次給顧客投訴,其實有這樣的員工可影響其他員工的形象和士氣, 公司真係要好好對佢個別培訓

朋友話早幾日食過晚市覺得幾好食價錢又唔算太貴，今日lunch特登約我過嚟試吓午市。叫咗咖喱魚柳，塊魚柳凍嘅 🤔🤔 雖然咖喱汁都唔錯，同埋飯都OK，不過塊凍嘅魚柳真係好扣分 😣

落咗單唔夠2分鐘已經上齊曬所有嘢，追得上澳牛嘅速度，但食物質素真係好恐怖。雞扒係凍嘅，意粉係凍嘅，條腸係凍嘅，牛扒都係凍嘅，西蘭花唔使講，更加係又凍又硬。意粉仲要攞牛油撈過，變凍咗好難食，又油膩又滯。餐湯罐頭湯都算，連罐頭湯都可以難飲，真係唔係一般餐廳做到。餐牌寫住可以加餐包同加酥皮湯，結果兩樣都冇，又話咩夜晚先有，但係明明係寫喺lunch Menu入面，咁都得？唯一讚嘅係餐枱同餐凳幾靚？杯熱檸水好正常？

行過見到呢度新開冇幾耐就入咗去試，因為食晚餐，所以都多人要等位，等咗三個字左右終於有位。入到去發現大部份都係扒餐，就叫咗個牛柳試下，佢嘅特點係送咗個鐵板上嚟先至會淋汁，有別於出邊嘅茶餐廳。賣相唔錯，味道都OK，係價錢都唔算好平，最後仲送咗個甜品仔俾我。我見入得嚟全部人都係食扒，意粉同埋飯暫時未試過，唔知質素如何。人均消費$160左右，包埋湯同埋嘢飲加甜品，整體感覺唔錯，所以下次都會帶朋友們再嚟過。

新開不久，放工經過見到排人龍，就試下啦，排隊個時，望入去，見人食鐵板牛扒同酥皮湯都好吸引。晚市套餐有10多款選擇，其中鐵板牛柳 同 肉眼吸引左我地， 套餐有餐湯及牛油麵包、沙律、主食、飲品及甜品，好豐富滿足。羅宋湯酸酸辣辣好開胃，夠熱又多菜好飲。忌廉湯creamy 暖和。沙律新鮮清爽，配芝麻醬汁好開胃又香。大蝦拼牛柳 （上）大蝦拼肉眼牛扒 （下）份量十足，好大份，配薯菜，可加錢要意粉或飯。肉眼牛扒好厚身，5成熟都岩岩好，揀左蒜蓉汁好香， 亦可揀黑椒汁。肉眼好嫩好多肉汁，牛味濃郁，大蝦亦很爽口彈牙，size都大隻抵食。由於鐵板有一角係冇汁，所以薯條連肉都燶燶地，所以一定要食食下，郁下塊扒，或者叫佢倒多少少汁。牛柳都相當大件，非常厚切肉感滿滿，肉質特別嫩腍，無筋易咬。意粉都算大碟，但見人地無咁多，不過冇咩味，要沾鐵板醬汁食，幾爽身好咬，唔會腍哂。甜品係好有懷舊feel嘅jelly，可加花奶更香，jelly軟彈好味，係酸左少少唔夠甜。

由佢開張以黎食過三次，三次都係晚餐，真係好好味又抵食😋😋 重點係唔洗加一！！一個扒餐係包湯+餐包+嘢飲+甜品，唔係扒餐就無甜品。每個餐都好大份，女仔食既話一定會夠飽，男仔就更加唔洗講啦！會繼續光顧😆😆

第一次叫午餐外賣，朱牛焗飯配熱啡，兩隻汁，朱扒夠實淨，算唔錯。牛就薄左啲，唔算太好。焗飯就有用炒蛋飯，飯盒用埋錫紙加紙盒雙層包裝，整體叫合格👌🏻第二次想試真啲佢牛扒，就叫肉眼扒炸蝦。點知比塊薄扒黎，唔睇返張單仲以為出錯餐。塊扒食落仲要係凍既，再加上傑晒既黑椒汁，完全食唔到牛味。。。飯都係唔熱，只係微暖。。。整熱少少先出餐真咁難？咁既價錢完全接受唔到我食金鳳好過，人地啲牛正常好多，又足料，呢間絕對無下次

唔知大家仲記唔記得以前嘅港式扒房，食完個晚餐一定會有杯甜品唔係雪糕球就會係花奶啫喱，朋友至愛，食埋先有嗰種儀式感滿足感。位於長沙灣呢間新開嘅馬德里港式鐵板扒餐為主，鋪面裝修光猛，座位尚算寬闊，唔會手踭撞手踭，食得鐵板餐抽風系統一定要夠勁，呢度做得到啦～惠顧扒餐可以加$300加購法式焗田螺 ， 套餐可以選 意粉、薯菜、白飯 ， 當然仲有餐湯同餐包啦， 不過凍飲就要加$4 ， 食完最後比多杯啫喱， 掂晒！

#MC帶你去荔枝角.港式鐵板相信大家都唔陌生，但依間餐廳主打港式鐵板，鐵板餐定價好相宜，而且有一定質素！➖✨ 馬得里.餐廳主打港式鐵板餐，有「鐵板世家」之稱；店內環境寬敞寛落，設有不少四人梳化卡座。➖🥢 鐵板西冷牛扒｜$148 ✨抵食之選✨.五成熟嘅西冷扒有大量薯條墊底，上枱後肉質依然帶少少粉嫩色，肉味幾濃郁，十分不錯！醬汁可以選擇燒汁及黑椒汁，黑椒汁辣度適中，燒汁就香甜惹味。➖🥢 鐵板T骨牛扒｜$158.一個價錢兩種享受，T骨扒有齊牛柳及西冷！五成熟肉質軟腍而且都幾大塊，好足料！但近骨位置有好多碎骨，有啲失望。➖🥢 法式薯蓉焗田螺｜跟餐加配 $18.薯蓉口感順滑，牛油香味十足；搭配爽脆田螺肉。美中不足，用了去殼田螺。➖🥢 酥皮忌廉湯｜跟餐加配 $18.金黃色澤嘅酥皮，薄脆鬆化，的確唔錯！雖然忌廉湯內有數片蘑菇，但味道偏淡亦太過稀薄，有啲失望。➖🥢 牛油餐包｜Butter Bun.即叫即烘，上枱時熱烘烘的。➖🥢 餐茶（凍檸檬茶）｜跟餐加配 $4.有3至4片新鮮檸檬，並不是用檸檬汁沖劑沖泡而成。➖🥢 懷舊什果啫喱杯.港式「豉酒西餐」經典甜品之一！啫喱杯加上花奶，簡簡單單，充滿童年回憶。➖

今日係荔枝角買嘢之後見到呢間茶餐所以就入去試吓，入面嘅扒餐好像好吸引，於是我們叫了肉眼扒配薯菜加燒汁，可以選擇牛扒嘅熟度，我選了七成熟，牛扒上菜後不會韌，相當不錯，牛扒下邊還有大量嘅粗薯條，最後還有啫喱做甜品，這個餐有餐湯+飲品+主菜和甜品，價錢$148一位。