馬姐重慶麻辣燙(老字號)

营业中

休息中

突然想食辣，但食厭左譚仔經過呢間又見唔洗等位所以試下。佢有分麻辣燙同酸辣粉，今次叫左麻辣燙，䈑筍，肥牛，炒手配紅薯粉小辣，湯底味道我覺得偏淡，但有生蒜所以都幾香！肥牛$10但得三小小小塊，夾埋都唔夠正常一片肥牛的size! 有點失望！炒手舊肉偏細但個皮好味！萵荀冇特別啦！紅薯粉份量亦都偏小但好Q彈，我覺得下午茶的話就夠飽，晚餐的話建議叫多兩款餸。下次要試下酸辣粉同埋試下佢啲冷盤先得！見人地食土豆絲，賣相非常好！

這間店已經第二次叫外賣，上次未試過叫牛柏葉，諗住試下啦， 今次叫了碗雞中翼牛柏葉薯粉外賣，返到嚟只見到牛柏葉只有5小片，仲收我$10，好意思嗎？ 之後打電話返去這店，那位聽電話的女士理直氣壯地話係呀，我地係會比5片牛柏葉呀，咁得啦，以後唔使再幫襯你地

分數8.8/10) 剛剛從朋友得知黎家麻辣燙，今日趁下午5點比較少人去試下，去到人唔多。喊左一個豬頭肉豬紅抄手麻辣燙(小辣)，個湯辣過譚仔少少，D豬紅好入味，豬頭肉比較薄，抄手有4粒咁多。整體係好食，分量適中，價錢平民代，值得一試

一到夏天，胃口就麻麻地，午餐時間都唔知食咩至好。突然間醒起，斜路果度有間小餐廳係賣麻辣燙的，一於去果度食午餐啦。佢就好似平時食車仔麵咁，可以揀剩餸，又或者加個粉麵底。但係有最低消費，最少$30。我揀左米線做底，另外仲有豬紅、豬心、雞絲和年糕做配料。湯底就揀「少少辣」的麻辣湯。（湯底方面其實相當靈活，可以走麻、走辣，或者索性轉做酸辣湯底。）先品嚐一下個麻辣湯，少少辣少少麻，非常適合我這種唔太食得辣的人，而且咸味剛剛好，飲一啖感覺幾開胃。米線煮得夠軟滑；雞絲唔會撕得太幼，保留到有咬口，唔錯。豬紅和豬心這一類食材，一向都跟麻辣很夾，吸收少許麻辣味，再加豬紅的軟彈、豬心的爽口，真係一流再叫多個涼拌青瓜，青瓜新鮮、清甜爽脆，加上香蔥，蒜粒和麻油，香、脆、甜的味道，平衡了麻辣的感覺之外亦抵消飽滯感。不過這間餐廳的面積比較小，大概只有二十多個座位，所以繁忙時間都需要排隊等食。建議大家想試的話，選下午茶時段比較好。

朋友介紹來呢間麻辣燙試下，下午時間無咩人，舖頭細細但都幾乾淨，一聽亞姐口音都係四川人，想來d野都會幾正宗。叫左豬大腸米線，涼拌藕片，紅油抄手，雜醬麵，全部小辣加麻。豬大腸幾好味，洗得好乾淨，湯底同我係重慶食過既好似，正！最正係d花椒粉，好麻好香。涼拌藕片d藕片好脆，涼拌汁入邊有芝麻粒，幾香口。抄手係豬肉餡，皮好滑，湯就咸左少少。雜醬麵d雜醬味道幾香，略為濃郁。總言之，間鋪d野幾正宗，出野速度都快，喜歡食辣食麻的人不妨一試。

今晚係觀塘唔知食咩好，APM又爆哂喎，行下行下去左裕民坊，原來嗰頭都好多野食架啵，朋友見到哩間辣野就話要試下，入到去舖仔細細既，但就座無虛席喎。聽到老闆娘講野好重北方音，我諗啲野食應該好辣下🤪🤪我地嗌左四川擔擔麵，自制涼麵，涼拌莠藕片，涼拌五花肉，老闆娘問我地要咩辣，我諗都唔諗就話中辣，其實我唔係好食得辣架乍🙊🙊🙊碗擔擔麵燙口架，好鐘意食好熱既麵，同上海擔擔麵唔同既係四川擔擔麵無左麻醬既，多左一份麻辣。至於碗自制涼麵好大碗喔，不過都係唔夠涼既，辣味可以再辣啲，下次可以嗌大嗌嚕。。。至於個涼拌蓮藕不錯喔，切得夠薄，全部都可以浸到啲辣汁。。。個涼拌五花肉肥瘦適中，好怕啲五花肉好肥呀！

幾個人今日特別想食辣野,係觀塘行左陣再上網搵搵,搵到呢間馬姐!雖睇到評語唔多好,但都決定比次機會佢試試😌.午飯時間入到去都好多人,咁岩有張起身走人,變相唔洗等位lυ~~~入面有好多款式俾你揀其實都睇左好耐先睇得明個套餐紙～～因爲有兩款🧐叫左個麻辣燙自選配料配紅薯粉！西蘭花枝竹芋頭鮮魚腩，小辣🌟等左都冇10分鐘就到啦！算快手👍🏻黎到聞到個湯底好濃味！西蘭花枝竹芋頭普通野又冇咩太特別,鮮魚腩既份量好多,ѕнare比朋友都食唔晒呀！不過真係淡口冇咩味🤦🏻‍♀️紅薯粉係最好食架啦又滑身又彈牙😙其實成碗野可以濃d同辣d可能我算食得辣啦😌所以小辣根本沒有難度😛下次有機會再食我一定叫中辣或者大辣！.聽講係話大陸都有間香港依間係分店黎！唔知係咪真呢

今天下午三点经朋友推荐去观塘马姐重庆麻辣烫试食，点了1份黑木耳.1份萵荀.1份金针茹每份5元。1份猪大肠.1份刀削面每份10元共35元自选中麻辣。很好吃够味麻辣刚刚好。老板娘说猪大肠是每天早上买新鲜的返来自己洗，很干净。可能是下午三点客人少我坐多一阵又叫了一盘泡椒炒魔芋38元够酸辣很好吃有家乡的味道。从成都来到香港12年了很是想念家乡的味道。我会推荐给我的朋友。地方干净，店铺有点小，老板娘人很好

上次食過覺得好食，一心帶朋友黎食，兩個人夜晚9點幾黎到，叫左個幾餸麻辣燙，食晒先醒起碗麵入面冇豬大腸，同個阿姐講，個阿姐話我食晒先講，話係我錯。事實係豬大腸根本冇黎，我又根本冇食過，理所當然要退錢，阿姐堅持係我錯，我當然同佢理論。店員阿叔加入理論，原本阿叔都話係我錯，後尾都話算數肯退錢。我太嬲都計唔到數，結果找左錢離開先發現根本冇退到10蚊。最慘係朋友原來一直都知阿姐出古惑，但佢唔出聲仲話唔好同佢嘈，最多下次唔好黎。唔係下次黎唔黎既問題，係根本佢地做生意手法有問題，係原則問題，呢間咁既店幾好食都冇用，以後都唔好去。

超级脏不卫生，还看到蟑螂！服务态度又超级差！还用粗口骂人！吃了一次，拉肚子 ！就不敢再吃了！环境脏！看到廚房煮东西用手抓，超级不卫生！超级难吃难吃难吃 不卫生 现在想起都想吐

放飯同朋友搵食～一試呢間馬姐麻辣燙😆都有幾多款式俾你揀，有套餐有散叫，價錢睇你叫幾多個送🤣📌我個日叫左鍵針菇，蘿蔔，雞翼，紅油炒手，個日覺得真係比較普通🤦🏽‍♀️冇乜特別，佢既雞翼同蘿蔔完全冇味😭有啲啲怪...坐既位置都比較逼，特別係冬天大家都著到咁擁腫，坐既時候就要將就番小小～📌叫左佢既湯底係酸辣bb辣，唔知係咪因爲咁所以冇味道，但係想食辣野既，試呢間既麻辣應該都正既！不過就真係普通左小小

收11點餓餓地去食麻辣燙，間鋪唔算好大，但夠乾淨而且位置好方便。簡幾多料都得最5蚊最貴8蚊，之後仲可以簡你自己鐘意既麵線同辣度添，埋單一碗30蚊都已經好好食。當中推介雲耳，娃娃菜，魚蛋仲有蘿白同米線入曬d辣味真係好好食，再加埋罐可樂，又平又好味既宵夜，就算係中學生一樣負擔得到呀！另外仲叫咗兩碟小食，辣青瓜仲有辣土豆線添，醬汁用曬心機去整，一啲都唔淡，重口味既岩曬呀！ 強烈推介宵夜系列：馬姐麻辣燙

好日都唔會上openrice寫個食評，今日去呢間野買外賣叫左188蚊，涼拌青瓜，涼拌豆腐，泡椒牛栢葉，一個麻辣燙，一個酸辣粉....價錢尚算合理，味道都算不錯，但可惜份量真係少得可憐，酸辣粉叫左韮菜蘿白雞翼魷魚,雞翼兩隻蘿白三舊韮菜兩小撮（合理），魷魚就真係過份喇，得個三條簿切魷魚絲😢麻辣燙就仲過份，茶葉旦一隻魔芋四塊（合理），金菇一小撮，穌肉三丁粒，墨魚丸開邊四小粒，西蘭花最過份得兩小棵...可憐到連筷子都剩係比得一對...唉...幾好食都係假...

中午落嚟叫咗個外賣, 叫咗自製涼麵小辣。同我以前食開用肉燥撈既唔同，呢度主要係醬汁，小辣已經好夠辣，同辣椒油一齊食更香，但是份量略細，而且30蚊得幾啖麵幾粒花生，味道亦不是令人特別回味，實在難以搵一個我會再幫襯既理由，或者下次諗唔到邊度有冷麵先會考慮再黎

是日第二次光顧小店，十分懷念帶有中藥味的麻辣燙湯底！夏日炎炎游完水行完apm，專程再黎食多次到達餐廳時間已經晚上9點，但都仲有唔少街坊響度開緊餐，今日叫左碗麻辣燙加一碟小食涼拌皮蛋今日麻辣燙湯底十分淡，有少少溝左水的感覺，而且粉絲份量少得嚇人，只有2/3碗仔，真係食2啖就無左，材料唔太新鮮，牛展好韌，魔芋又煮得太"林"，而炸香芋同龍蝦丸就中規中矩涼拌皮蛋同上次食的北川涼粉原來唔係同一個汁，涼拌汁無味，得少少辣油響面，皮蛋味超重，完全無涼拌汁味，呢個小食雖然$20蚊一碟都幾平，但千其唔好嗌，真係唔值今次坐正響廚房位，發現入面衞生環境真係欠佳睇怕都無下一次，唯有再尋覓下邊度有好食的川粉啦