影片
营业时间
今日营业
11:30 - 22:00
星期一至日
11:30 - 22:00
以上资料只供参考，请与餐厅确认详情
今日去左元朗途经顺福粮仓，被商场外型吸引，依度有几间餐厅，我地就拣选星马菜嘅马六，见到店名就知道系主打马六甲海峡美食嘅餐厅啦！入到店内，带点异国风情设计，像用上星马餐厅常见嘅蓝绿色调，装修及环境都不错。厚切猪扒喇沙掺掺 $58上枱已经闻到阵阵椰香，喇沙汤香浓，加上放满食材，满满一大碗，很吸引。猪扒真系几厚，香脆松软，肉质嫩滑；而汤里无大量油光，感觉唔太油腻，稀稠度适中，啖啖椰香味，入口顺喉，味道唔错。面底系掺掺，即系米粉同油面，两样都煮得啱啱好，好入味，掺掺配埋干葱一齐食，好夹。 马六鱼三宝槟城虾面 $52初次尝试槟城虾面，口味亦非常地道，橙红色汤底，带少少辣，远远便飘来阵阵香味，香料味调配恰到好处，而且最难得嘅系饮多几啖，都唔觉油腻。鱼三宝有鱼丸、鱼条同鱼皮，鱼丸与鱼条味道鲜美，鱼皮香脆可口，吸满汤汁嘅豆卜，还有半只唐心蛋，加上槟城风味嘅虾面，惹味十足。班兰咖央多士 $28多士有好厚嘅牛油，斑兰咖央酱甜甜地，甜度啱啱好，带点椰香味，多士烘得松脆，有脆薄嘅口感。娘惹五香鸡卷 (+$22)五香鸡卷外层香脆，鸡肉够滑，香料惹味，腌制得恰到好处。新加坡咸蛋黄鱼皮 (+$22)金黄香脆可口嘅炸鱼皮，鱼味香浓，外层沾满咸蛋黄酱，松脆惹味，食到停唔到呢。美禄哥斯拉 (+$8)好浓郁嘅美禄哥斯拉，面层铺满特别香嘅朱古力粉，仲有美禄脆脆球，份量都几多，有得饮又有得食，真满足！老街椰汁冰 (+$8)椰汁冰非常清凉解渴，椰汁味够浓够滑，香甜可口，冰冰凉凉，好解腻。马来手工拉茶手工拉茶味道唔错，入口带浓郁炼奶香，风味独特。
继续阅读
我想食掺掺，阿妈想食海南鸡，去返一路食开嘅”马六”就唔使烦，一来水准稳定，二来价钱合理💥烧鸭喇沙掺掺首先个样已经好吸引🤤喇沙最重要系个汤，汤底好香好浓椰奶味，又不失微辣，惹味；烧鸭份量比预期中多，肉质扎实但不柴面底拣咗掺掺（油面+米粉），侍应话拣净油面或净米粉都得；选用嘅粗米粉富弹性又滑身，油面有咬口唔会太淋，吸晒汤精华💥马六无骨海南鸡饭全部去骨，懒人啱晒，鸡肉食落几滑几有鸡味，鸡油饭处理得妥当，跟三款酱汁包括黑豉油、姜蓉同酸辣酱，个黑豉油my favourite💥斑兰咖央多士下午茶连热饮$28蚊仲唔使加一，抵食！一大片牛油再夹咖央酱，咖央好香但唔会死甜，多士烘底无得输，gimmick系加咗斑兰💥娘惹萝卜饼啱啱炸好热腾腾辣嘴时最好食😋萝卜丝爽甜，松化💥马来黑酱油叉烧酱油甜甜地，叉烧不是肥叉，有啲嚼劲💥热桔仔话梅水酸中带甘，润喉解腻💥冻美禄哥斯拉好饮呀～～加美禄粉有口感🌼下午茶餐牌
继续阅读
呢间店真系平靓正！$200食咗咁多嘢，套餐仲包热饮，超值！👍🏻马来黑酱油叉烧捞粗面条弹牙，叉烧软腍juicy，黑酱油香浓唔咸，烧汁味正，超满足！槟城街头排骨山（白饭）好巨型，肉嫩汁多，微辣酱汁配饭一流，份量够饱🥰 新加坡咸蛋黄鱼皮（$22）脆卜卜，咸蛋黄香浓，超惹味，平又好食！🙏🏻街头鸡肉串烧（2串）（$22）外焦内嫩，甜辣腌料加炭烧香，抵到爆！😍冻椰子班兰冰清新，椰子同班兰香好夹，解暑一流。😋热手工拉茶茶味浓，奶香平衡，暖胃又满足。总共$200有咁多选择，味道同质素远超预期，环境干净，服务OK💪🏻
继续阅读
下午茶时间同朋友冲入去试吓，估唔到超值又好食，难怪人流不断👍🏻。✨斑兰咖吔多士✨淡淡的绿色外表令到卖相十分吸引，多士烤得香脆，阵阵斑兰香气扑鼻而来😍尺寸不错，切成一口一件，微甜的叻吔，不会过多过甜，搭配香滑的牛油，十分好食。✨厚切猪扒喇沙掺掺✨猪扒超级大块，而且极度厚切，炸得香脆可口，真系啖啖肉。搭配嘅喇沙掺掺份量超多，汤底带微微香辣，很是惹味。✨美禄哥斯拉✨✨马来手工拉茶✨好耐冇饮过美禄哥斯拉，几有特色。美禄上面有好多朱古力脆脆球，味道非常浓郁，比一般朱古力还要更香浓，确实不错。朋友话手工奶茶不会太甜，解渴好饮。款式非常多，食物份量足，价钱不会太贵，难怪如此受欢迎。想睇更多介绍，马上Follow我啦😁。#马六 #马来西亚 #下午茶 #超值下午茶 #性价比高#元朗美食 #元朗好去处 #big_big_foodie #big_big_foodie食匀元朗 #big_big_foodie食匀香港
继续阅读
试咗佢哋新菜式牛魔王煲同无骨海南鸡饭，整体味道唔错，性价比合理。牛魔王煲煲仔上枱热辣辣，入面有牛腩、牛筋、牛肚，炆得够淋入味，牛腩软嫩带少少筋膜，牛筋胶质丰富，酱汁浓郁带微甜，送饭一流。马六无骨海南鸡饭鸡肉肉质嫩滑，皮爽唔肥腻，姜蓉同黑酱油调味适中，keep到水准。跟餐仲有热桔仔话梅水，酸甜开胃，话梅味突出，解腻一流。两个人如果想饱d可以加多碗饭或者加小食，选择好多，点拣都好易配搭。
继续阅读