香香越南地道風味

营业中

休息中

喺葵興地鐵站附近一個唔起眼嘅商場入面有一間越南餐廳，每朝都坐滿好多人，食物嚟得好快，趕時間嘅首選。沙嗲牛肉麵，配腸蛋多士，沙嗲牛肉份量都好多，麵不會淋，是爽身的，再加上腸蛋，是一個豐富嘅早餐。

用Openrice預先訂購，去到可以攞唔使等，方便得多，始終佢唔係兩餸飯，全部野食都係即叫即整嘅但今次要扣分嘅係，好彩我多口問句，我加左錢要春卷小食，可唔可以送多D汁，員工才驚覺無俾春卷我，攪到我要等多5分鐘，哭！要讚Openrice，上網訂購竟然跟到店直接訂一樣價錢，全部無收服務平台費，店家亦無將佣金服務費轉嫁到消費者身上，店家多啲生意，客人又覺得Fair，今次WINWIN啦！葵興工業區係沙漠，難得有$60 好味嘅餐廳，越南菜，係獨市。

由呢間野啱啱開嗰陣開始食撈麵、湯麵、飯基本上都好好食😋而且價錢不算貴，有性價比只係太早收，有時晚飯想食但食唔到🥲以前啱啱開個陣記得開到好夜😂咁今次我外賣自取個雞絲湯濛，返到去先發現佢俾錯咗撈濛🥹雖然我好好好鍾意食撈濛！但咁啱個日有啲腸胃炎，唔可以食咁油膩先叫湯😭於是就打電話去問返，本身諗住落去拎返個湯就算。點知！點知！！個哥哥仔話直接送過黎俾我！好感動‼️♥️真係冇諗過佢會送過黎，超級感動仔🥹咁啱我唔舒服，真係唔好想郁。又做緊嘢，其實唔係好行得開。真係好感動🫶🏻我個到距離有啲遠，又要行上行落，一開始打電話，哥哥仔都已經話唔係好識路，但都幫我送咗過黎，辛苦哥哥仔了🥹🙏🏼仲送咗2個春捲賠返俾我♥️第一次試個春捲，脆卜卜好好食😋我之前遇過個啲俾錯/漏野嘅鋪頭，全部都係叫我自己去拎返，或者下次補翻😕真係冇遇過好似呢間，自發性咁話要送翻黎嘅鋪頭。我其實唔係好介意錯單，做過飲食都知，忙起上嚟真係兼顧唔嚟。但係做錯之後點樣補救係好重要‼️憑住佢送翻過黎咁負責任呢樣嘢，再等於佢打救咗腸胃炎嘅我😂所以雖然間舖離我有少少遠🤏但係我以後會多啲過黎食♥️

位置算比較就腳嘅越南嘢，價錢都相宜，就乘機試下叫外賣。叫左個扎肉河同烤牛肉蛋飯，好快就接單，1分鐘已經話拎得😂個牛肉飯好香好好味，唔乾且嫩，有一大pat蔥油，加重香味，仲淋左牛肉醬汁落個飯到，加上蛋汁，大滿足！扎肉河有分湯，非常細心～不過我冇試到我已經bookmark左呢間係快手午餐之選，慳時間之餘味道亦十分不錯👍另外值得一提嘅係佢地嘅熱檸蜜係唔洗另外加錢～另外都有好多飲品選擇，下次會再試試！