香港仔一品魚蛋王

魚皮餃好大粒，啲皮好薄，餡又靚，餛飩都好大粒，裡面有彈牙既豬肉及蝦混合在一起，口感同味道都非常之豐富。啲河粉好滑好香，唔會斷，啲湯係清湯，好好飲。豆漿係熱豆漿，好大杯，暖暖地，濃豆味幾好飲。菜都煮得好好味，好清甜。…查看更多

如標題所講，我係完全唔喜歡食麵的！但係佢哋嘅魚麵改變咗這一切！但係有個提議：就係食魚麵千祈唔好跟魚蛋，要跟就跟其他餸！如果唔係魚蛋魚麵⋯⋯出嚟就會成碗都係同一個口感、味，因為佢哋用嘅魚麵真係用魚蛋去切開的，所以超好食🤤成碗麵我食晒！之前試過去牛筋魚麵好好食，但係食咗好多次啦，今次就揀：坑腩魚麵，坑腩有牛味非常好食，加少少辣椒油⋯⋯辣椒油裏便有蒜片，咬到啲蒜片係脆卜卜的超正👍🏻留意番個蔥花:係有葱、芫荽同埋幼粒炸蒜，一齊撈出嚟，非常之有heart ♡ 做的！菜就正常發揮不過不失牛坑腩$55（唔肥，小貴但食一次半次係OK的）魚麵$15菜$9跟餐題外話：食雲吞麵，其實預咗衛生情況唔會係同西餐廳比較，我個人覺得佢都尚算OK，雖然阿姐有陣時真係落錯單，但係禮貌嚟講都OK，唔會鬧人！…查看更多

基本上成個天后冇乜邊幾間有得食牛腩。呢間已經食過幾次，多數啲牛腩好少話會比好瘦我，我自己冇特別要求要食半肥瘦。但係一直都冇試過佢哋嘅雲吞，所以今次就特登嗌咗雲吞麵食。雲吞有五粒正常份量，size OK。入邊都有兩隻蝦唔太大隻亦唔太細隻，蝦肉彈牙，間唔中都有見到啲姐姐喺度包雲吞。要讚佢哋嘅係，湯底有特登叫佢哋加腩汁，過唔到出到嚟湯底又唔係好油啲樣真係要讚吓！枱面有供應嘅調味料有胡椒粉、紅醋、魚露同埋辣椒油。佢哋嘅辣椒油幾辣幾好食一定要試。失望嘅係檸檬茶得三片檸檬仲要好薄:(茶味係夠，檸檬味就爭啲啦。冇特別嘅套餐優惠，總之食麵加$5就有冷或熱飲。…查看更多

店在公司附近，所以午飯來試下。舖面都算乾淨，坐得都算舒適，叫了一碗紫菜四寶麵，有潮洲札肉、魚蛋、牛丸、豬肉丸、魚餃。潮洲札肉味道可以，其他丸味道一般般，麵質可以，可惜之後很口渴，落了味精。…查看更多

8月18號晚諗住簡單食碗扎肉米，上枱見到有條頭髮喺碗入邊凸出來，拉出嚟足足有20 cm以上，叫阿姐睇完換過碗，剛剛坐喺廚房上菜位出邊，專登望住佢點樣換，佢將原本啲米粉拎出嚟淥一淥，放喺另一個碗，然後將上面嘅扎肉夾上去鋪面，有冇搞錯？同阿姐講有冇搞錯，阿姐叫佢再做過另一碗，見佢將個碗拎咗去後邊唔知搞乜，即刻起身走人啦，永遠不幫襯，上次已經食咗啲豬手係凍同埋塊皮係好硬，叫佢換過另外一啲豬手一樣係咁凍已經覺得係同樣嗰啲豬手…查看更多

之前第一次食呢間牛腩河，算幾抵食，39蚊，牛腩都好冧亦香，第二次食，明顯有兩種唔同牛腩o係同一碗麵到，部份正常，另一部份有啲臭，唔知部位唔同定唔新鮮，食食下仲見到有隻飛蟲已死左o係湯到浮梗，雖然呢種茶餐廳都唔期望好多，但始終都係見到，睇黎要好耐之後先有下次…查看更多

有時好想食牛腩麵，經過就行入去食番碗，叫左牛腩麵加碟芥蘭走油。碗麵縮左水，比平時少，牛腩份量就正常，但湯就超鹹，鹹到難以入口，不知店主店員自己會不會食番自己煮的粉麵，煮得太鹹第一難食，第二不利健康，香港人經常食的食物，可否煮得味道正常些，利於香港人健康些，這樣才能長久營運下去。…查看更多

專登來食魚麵，等佢開門。佢話剛開門要等唔緊要。等咗15分鐘，其間個阿姐不斷勁大聲講嘢，間鋪又細啲回音令我聾咗一半。佢又用地拖用勁濕嘅漂白水拖地，但地面係有剛交來嘅菜。即係啲菜掂到哂漂白水。。。最後15分鐘後來嗰碗河粉。真係躁咗。喺度坐多一分鐘都想死。…查看更多

崩沙腩太鹹，不是特別出色。墊底生菜吸曬鹹味難以入口。:(等了很久都沒人收錢，放在檯面又說沒有親手交給店員會被偷，店內為慳位置沒有轉職收銀的櫃台。吃得一肚氣，以後都不來吃！…查看更多

酒店附近 叮叮当木星街下 搜索大众点评 先生想吃鱼蛋 查到有附近有这家店 一入店门 都是当地居民 晚上21:00客席也有五分满 点了鱼蛋和鱼头片 牛什（杂）面 很快就来 味道好好 鱼蛋看得出自制 弹性鱼味儿都足 我比较喜欢鱼头片 煎炸过的泡起更好味 可以按斤卖 想带回家给家人尝尝看啊！鱼蛋Q感适中 牛杂 牛肚嫩 牛圈子入味 牛肺爽滑 我们吃的很满意都说要继续来 和推荐朋友。店员年纪比较大不是很会说普通话 但是还是很耐心和我们介绍 结账估计只能用现金 …查看更多