首爾家韓國料理

营业中

休息中

剛下機突然想吃韓國菜，朋友提議到首爾家吃。餐廳由韓國人親自主理，暫時亦無分店。坐下發現有不少韓國人晚膳中(當中更不乏模特兒級的美女😍)。位於酒店的一樓，於窗望街景仿如身處首爾的感覺。當晚天氣有點涼，一於點一客人蔘雞湯吧。湯很清甜，不油膩人蔘的精華亦滲透湯內。雞肉包着糯米，每吃一口都感覺頓時變得溫暖。韓燒當然不會錯過啦，朋友點了牛肋骨而姐姐則點了一客五花腩，牛肋骨肉質嫩滑，調味剛剛好。而五花腩燒起來令到皮脆肉滑，脂肪比例尚算均衡，有小小入口即溶的感覺。為了減低罪惡感，姐姐另外點了一客蔬菜卷，清新的口感好像令肉類所產生的油膩一掃而空。

同同事行開銅鑼灣行街，佢話想食韓燒！就亂打亂撞地黎到首爾家，上到去都好多人食！好彩咁岩仲有位唔使等~yeah!!醃la牛肋骨，有個韓國人幫我地燒~唔使自已睇火喉真係爽呀！！剪開一塊塊份量好多！配埋d泡菜食，更增風味！牛肉軟淋香滑。燒牛舌，勁大塊既牛舌！哈哈~感覺好得意！輕輕燒一燒就已經好快變色熟透，再蘸少少醬汁配黎食！仲出色。入口感覺爽軟！夠輕身~仲好juicy添呀。中間個燉蛋亦做得幾好~好香蛋味~岩岩熟唔會有老既感覺！水樕水樕呢！牛肉紫菜卷，雖然紫菜唔係脆身~但配上韓式風格既造法！另有一番風味，加dd辣醬黎食！牛肉味更特出。飲左杯特飲~味呢帶d波子氣水咁既味！！酸酸甜甜夠哂開胃，味道i like it~

平日也多與朋友在銅鑼灣食飯, 但不是友人帶路下, 原來隆堡柏寧頓酒店有一間食韓國野的店舖, 叫首爾家韓國料理. 坐下後, 店員先奉上前菜, 一共有六碟, 估不到款式有咁多, 即使不食辣嘢的我, 也有不少選擇. 我地點了牛尾湯, 炆牛肋骨餐和海鮮蒽油餅. 牛尾湯. 個湯比較淡, 所以附有鹽, 有需要時可以加入湯中. 牛尾的肉算幾腍身, 肉也有不少. 炆牛肋骨餐. 上枱時已經香味撲鼻, 並跟有一碗白飯. 這個較牛尾湯濃味得多, 牛肋骨炆得不但夠腍身, 而且相當入味, 非常好味道. 除了牛肋骨, 仲有其他配料, 如紅白蘿白, 年糕, 全部不要錯過, 因為吸收晒所有精華, 特別惹味. 而個汁混入白飯一齊食就最啱. 海鮮蒽油餅. 由於我唔食辣, 所以選了這款海鮮口味. 蒽油餅唔算太油膩, 若蒽味再多一點, 更加好味道. 餅的厚度適中, 入口時幾鬆軟, 不會太乾身. 最後, 點了熱的韓國梅子茶. 一口氣食了不少濃味的食物, 飲番一口帶酸的梅子茶, 能夠幫助消化, 又能解油膩.

成日都想食韓燒但唔想食到成身油煙味，呢度可以自己燒或好似我咁選擇餐廳幫我燒。打開餐牌見到dinner set食物都幾合我口味，可以我地3人一於叫個2人餐再加碗泡菜湯就夠啦。點完野食野飲，待應送上數碟小食，我最鐘意小黃瓜，酸酸甜甜好開胃，仲可以免費添加。韓式炒豬肉少少辣，肉質好有口感，唔會太乾，我鐘意夾住生菜一齊食。牛肋骨大大塊仲有6塊咁多，咬落非常多肉汁，啖啖肉好滿足石頭鍋飯最正係有飯焦，我最鐘意，真係食唔停口炒年糕份量剛好，小小辣好有口感，同我在韓國食個d真係好似。最後呢個泡菜鍋非常好飲，鍋內有少量肉，大量菜同豆腐，食落完全唔會好油，酸酸辣辣好醒胃，一口接一口咁飲，好好味。

今次嚟到酒店食韓國嘢唔好以為好貴呢度係平民價錢酒店享受五花腩一層脂肪一層肉好正啊，份量都足夠四個人食五花腩的數量足夠鋪滿整個韓燒爐，中間有蒸蛋，當中間既蛋凝固之後就可以慢慢食，好滑食韓國餐又點少得叫返個人蔘雞湯，依家天氣凍返就啱晒啦可以暖下個胃人蔘雞湯的人參味很重，原隻雞上經過長時間煮之後，雞味出哂黎，雞件本身都好淋，人蔘味入哂去韓國都有煎薄餅食落都幾有口感，蝦肉都幾爽仲大熱韓國大熱食物，炸雞喺度嘅炸雞炸得非常鬆脆雞件大大件個醬汁都好濃郁入晒味

✿╮❤╭✿ ✿雜感女生 好味日記✿ ˚*•✰。首爾家．家的感覺。✰•*˚ ✿✿舌尖上的尖沙咀✿✿ ❤餓底飯聚❤ 熱愛韓風的本小姐，一聽到「韓食」就令人心思思 得到韓食友的推介 去食連「韓國人」都會去的隱世韓食店！ 一出電梯， 如果唔係有餐廳LOGO同用餐嘅枱， 單憑擺設同裝修都好有韓國傳統家居風， 唔講，真係以為係去咗韓國人屋企。 前菜六小碟 醬汁少少已夠味 玄米茶 爐已熱 工具準備好 . 五花肉 厚切五花肉，肥而不膩。 燒走肥油，肉質香軟。 牛脷 牛脷薄切爽口， 燒燒更滋味。 紫菜牛肉包飯 酸酸甜甜醃蘿蔔配紫菜牛肉包飯，好味道。 仲有芝麻粒同麻油味，香哦！ 海鮮蔥油餅 煙韌海鮮蔥油餅， 咬到海鮮，啖啖海鮮味道。 梅子汽水 梅子汽水，又幾開胃消滯。小評： 店員好nice，仲有唔少韓國人來食， 睇嚟首爾家，真係有韓國同家的味道。 味道：★★★★☆ 環境：★★★★☆ 服務：★★★★☆ 衛生：★★★★☆ 抵食：★★★★☆

原來好多酒店裏面嘅餐廳都好有水準嘅，以前成日以為酒店裏面嘅餐廳一定係貴，但係其實近幾年香港嘅餐廳物價都有上漲，而家酒店裏面嘅餐廳價錢其實同出面差唔多，今次我哋就去咗銅鑼灣嘅首爾家，睇睇餐牌先發現同我去觀塘工廈嘅餐廳價錢差唔多，但係就係酒店環境，仲抵食啲添。呢度有得揀燒烤同埋免燒，前嗰排食得都幾熱氣，所以今次揀咗免燒，食下韓國菜。前菜薯仔最好食，甜甜地，而且炆得好琳。好彩都唔錯，識落唔算啦，但係好重嘅泡菜酸味，比較啱啲唔食得辣嘅朋友又想食泡菜嘅話，可以來試吓。炆牛肋骨餐＄128牛肋骨炆得好琳，大概有三件左右，份量都幾夠，最緊要個汁，夠濃牛肉味又夠甜添，交換白飯送嚟食，就最好不過啦。牛肋骨肉多根少，我就鍾意食少啲根多啲肉，而且脂肪分布得好，食落唔會韌。紫菜牛肉包飯＄68你個夠大跌，好抵食，切出嚟大概有10件到，食完都飽啦，而且落既牛肉都算多，唔會偷工減料，價錢同係街邊買走食差唔多，紫菜仲保持到有少少脆，質素好好。韓式泡菜餅＄88想改就見到食水好夠，食落都夠酸味，最緊要咬落有淡淡的泡菜，唔係淨係一團粉，煎得厚度適中，唔會有裏面未熟出面脆晒嘅感覺，但係食落都覺煙韌。辣炒芝士年糕拉麵＄88食辣嘅

朋友介紹新發現左間美味韓國餐廳，呢日就兩條友黎試食，順便慶祝朋友生日間野係二樓，7~11對面，唔開google map 新界妹我唔識路🙈不過樓下有menu. 唔驚行錯路既坐埋左去角落位，檯之間仲有塊版隔住，好arm 傾偈or 拍拖😆一坐低就送左七小碟黎，好有身處韓國既feel 呀❤️陪左tradition 既泡白菜同芽菜，仲有其他薯仔呀瓜呀腸仔咁，滿足order 左個炒粉絲。足料，不過有小小太咸，要送酒😍再要個炆牛肋骨，highly recommend ah!!$128成個餐，好多塊大大舊肉炆得超林超入味，feel 到落左d 冰糖，甜甜地無晒d 肥lei 既感覺仲叫埋炸雞，韓式炸雞同kfc 唔知黠解分別咁大🙈 真係外脆內juicy, 一啖接一啖d 薯仔沙律都好好味，mix 左d 蘋果，個沙律調味醬同平時食開唔同，再香d. 食到好飽都忍唔到口美好的一晚

天氣涼涼地，食火鍋同燒烤就最適合，今次揀左韓燒黎食。坐低後，見到menu有咁多野食，花多眼亂，唯有揀左最簡單既二人套餐黎食啦。點餐之後，待應就送上九碟前菜，食韓國野最開心既係，食前菜都食到飽，hehe。另亦送上蒸蛋一碗，而家蒸蛋好特別，係將蛋漿裝入碗裡面，然後將碗蛋放入去個爐既中間（中間剛剛有個小洞），滾大約五至十分鐘，蛋開始慢慢發大，係依個時候就代表熟，蒸蛋好滑而且水份夠，一d都唔乾，而家鹹味啱啱好。二人套餐分別有牛肋骨、烤豬肉、石頭鍋飯，辣炒年糕、鮮生菜籃。牛肋骨：由於係我自己控制火喉，我都唔敢煮得太耐，好彩最後無事。牛肋骨牛味濃，而且好juicy。烤豬肉：豬肉醃得好入味，豬肉完全唔洗點醬料已經好好味。而且豬肉好淋身，包埋生菜同蒜片黎食，好正。雞肉石頭鍋飯：石頭鍋飯上面放左隻太陽蛋、紫菜、芝麻，篤穿之後，蛋汁流入個飯入面，然後攪一攪，再加埋韓式辣醬，個飯既賣相已經好吸引。雞肉鮮嫩，再夾埋個飯食，好夾。辣炒年糕：年糕炒得好煙靭，辣味夠，正！生菜藍：入面既菜都好新鮮，而且款式多。食燒肉，點可以唔配可樂一齊飲呀，正。

今年去了韓國旅行，但意猶未盡，閒日都喜歡與朋友嘆嘆韓國菜，今次去到呢間位於酒店樓上的韓國餐廳。侍應生先奉上五小碟前菜，除了一般的泡菜和芽菜外，也有蕃薯、 翠玉瓜和菜絲，幾足料又惹味開胃。韓式年糕水餃湯 $88韓式水餃的特別之處是夾有粉絲，但呢碗水餃湯的重點似乎是年糕，只有兩隻餃子，肉味香濃，真是使人想再吃！湯內有年糕片，另配上蛋白、魚糕絲和洋蔥絲，湯底清清地又帶點韓式風味。紫菜蔬菜包飯 $68賣相精緻，而且紫菜外層都是脆脆的，在紫菜底下的配料有青瓜、蛋卷絲、蘿蔔絲等等，味道與韓式街頭吃的不相伯仲，滿有風味！旁邊還有水果沙律，有酸甜開胃的菠蘿蘋果。傳統雜菜石頭拌飯 $88附有甜辣醬，拌著石頭拌飯吃尤其惹味，混拌生雞蛋和脆口香濃的紫菜絲，飯筒一定鐘意！還有香氣四溢的冬菇粒和加了大豆芽菜，拌飯好甜。海鮮蔥油煎餅 $88煎餅不會很油膩，而且煎到香口，薄餅的面佈滿有嚼口的魷魚粒，幾個人分食最好。飲品的選擇也有不少，選了韓國葡萄汁 $20，內有粒粒青葡萄，甜甜的又開胃。另外一款的韓式梅子茶 $25 原以為會酸溜溜，但想不到甜味會蓋過梅子的酸，有點驚喜。來到韓式餐館，當然都要試傳統甜品，在街邊經常都

韓國餐廳開到成行成市, 緊有一間係左近. 但今次黎呢間首爾屋好特別, 特別在唔單只係韓國人主理, 仲要係0係首爾既大學學過烹飪. 相信香港無幾間韓國餐廳有呢個賣點.坐低點完野食之後, 店員好快就送上韓食一定有既前菜.西蘭花腸仔 味道有少少辣, 少少麻油味.芽菜 好香既麻油味, 食落好爽口前菜除左呢兩樣之外, 當然仲有泡菜, 夠辣我鐘意! 全部前菜都夠凍, 最怕食到暖既凍盤!主菜好快就送上首先黎既係豆腐湯. 店主拎黎既時候仲滾緊, 新鮮做起. 未食已經聞到一陣好香既韓式辣醬味!入面都幾足料, 大大舊滑0都0都既豆腐, 無滾到爛晒, 我好怕豆腐好重豆味, 呢度既豆腐豆味唔重, 而且好滑,食落口感有D似蒸水蛋甘. 除左豆腐, 仲有金姑 等蔬菜, 配埋白飯食, 一流~! 豆腐湯睇落好紅, 以為好辣, 但其實唔太辣, 反而係湯底好濃, 唔辣味無蓋過晒所有野.海鮮蔥油餅超中意食既海鮮煎餅. 又係新鮮做起, 熱辣辣, 餅邊煎到好脆, 中間就煙煙UN UN, 而且塊餅都幾厚, 足料好多蝦, 魷魚, 加埋蔥同埋蘿蔔絲, 一D都無偷功減料!最後叫左炒辣芝士年糕拉面拉面本身唔係太林, 上面鋪左層辣醬, 再

一直都唔知原來銅鑼灣有間咁傳統既韓食店，一入到來就感覺到家的感覺。一坐底點完食物就一碟碟伴餐送上，感覺都很住家味，個人喜歡甜薯仔伴餐，腌得與我在韓國食的味道無異，甜度適中。這裡的泡菜很岩我吃，不會過辣，正！先點了參雞湯：很足料，有一整隻雞，人參味十足，雞骨脆到化開，精華盡在湯底中，我一個人飲咗3-4碗呢。雜菜炒粉絲：這裡的韓國菜式都很經典,當中最經典之一的一定係炒粉絲。這裡的炒粉絲毫不做作，份量十足，配菜種類足，吃起上來口感有層次，又爽又彈牙，更有陣陣的芝麻香。飲品當然是最有韓國味道的柚子茶啦，我飲熱，朋友飲凍的，沖得甜度適中，必飲之選。

韓國食品篇第一章~~臨近年尾,好友生日特別多,好湊巧地一連兩晚都係食韓國嘢,今次首先講講(首爾家)呢間餐廳!睇到門口嘅格局感覺應該正正常常,唔講咁多,坐底先睇下menu點咩菜先人蔘雞湯一般煮法, 材料原隻雞裡面有糯米,人蔘味就欠奉,湯就算得上幾清。石頭雞飯啲雞同啲蛋咬落去比較硬身,味道一般,可取嘅係啲飯燋比較脆水冷麵唔夠凍,麵條比較淋,口感一般總括嚟講水準都係一般般,價錢方面唔算貴..完

由日本回來後, 都是KEEP住食日本菜, 魚生壽司沒有停~ 最近媽媽說想試韓國菜, 於是孝順女就出動一下找找啦 要位置方便又地方環境抵食各方面都齊備下 我BOOK了位於銅鑼灣的首爾家 它的套餐好像幾抵食, 又位於酒店內 看來挺不錯呢~ 約晚上7時來到, 客人不算多, 只有一二枱 (但之後愈近八點就愈多人),建議早點去吃~ 餐廳地方裝修得挺骨子不錯, 例如放了點假屏風在位子內相隔客人, 視覺上看來雅緻大方~ 另外老闆原來是正宗本地韓國人, 但其它服務員都是香港女生, 所以點菜方面沒困難, 而且老闆會親自來幫你烤肉, 很窩心的感覺 價錢走大眾化, 比起坊間高檔的韓店又或連鎖韓烤店都要便宜 而且它有多款抵食套餐可選, 試了當中最便宜的二人餐後 個人覺得是絕對超值!! 烤肉是大大的厚切, 而且套餐又包飯面類, 我們2人只點一個都吃不完呢~ 前菜都有數款, 有大路的辣泡菜和大荳芽 另外還有口感帶酸的黑木耳, 全部都美味可口, 令人開胃無比! 來了來了!!點了一客HKD 588 的二人餐, 有LA牛肋骨, 烤豬肉, 石頭伴飯, 辣炒年糕和生菜籃, 本以為份量不多, 但牛肋骨先來了!

冬天係食鍋物好季節，韓式湯鍋係好多韓國人暖身次選，今次就介紹下位於銅鑼灣嘅依間擊國料理店，QT同男朋友2人去就清清地叫左個「八爪魚鮮牛肉沙鍋」同韓式拌飯，依間煮鍋嘅高湯係廚師親自用牛骨雞骨煮成，客人點好鍋就會即場客人面前煮，跟湯鍋會送上白麵！牛肉方面未夠滑但個八爪魚夠新鮮，鮮味好出都夠爽口，加上有大量洋蔥所以最後出黎個湯超香濃鮮甜！韓式拌飯QT最愛以紫菜包後食！甘食就最配！價位係中上～可接受！