餃燃串

营业中

休息中

明明係佢自己system 出錯，個呀姐大大聲話我哋落錯單。呢啲咪叫惡人先告狀囉同個大粒啲嘅講，仲叫我哋出去講，話唔好影響食客。細鋪仲要咁嘅態度，good luck！ 各位食客睇路

平時成日經過但冇試過 今日就try try 佢我地叫左麻辣忌廉牛舌丼飯見好似幾新穎就Try try 牛舌切粒有少少硬 同埋飯多個汁唔夠食埋成個飯🤣味道係ok重點推介火炙明太子蟹棒丼！呢個真係好好食佢個明太子汁係超級濃郁 連埋蟹棒加芝士 超正仲有啲麻醬沙律菜喺側邊 60幾蚊好抵食小食叫左火炙明太子芝士粟米餃 粒粒飽滿明太子醬冇得輸 仲有茄子都幾大條 即叫即燒 好有蒜味 竟然仲有甜品食😂爆芒乳酪小丸子 超誇張勁大碗😂我地食到好飽見到個size 嚇左嚇 小丸子超級煙靭

📍🇭🇰今次嚟到位於嘅旺角嘅日式餐廳🥄暫時未有分店一睇個名以為係專門賣餃子嘅餐廳🥟原來有好多日式丼飯😝仲有甜品🍮見門口啲相同埋價錢幾吸引就入咗嚟 🌿環境 一入到嚟係一個屏風🤍擺放住綠色植物🪴木色主調，和風風格嘅餐廳🪵令人感覺超舒服😌大約有40個位，仲有2個對住牆嘅位比人me time下🤣餐廳仲一路播住日文歌🇯🇵有feel有feel🥰🐂食物 🥚日式牛舌溫泉蛋丼 ($78)牛舌淋得嚟保持到應有嘅口感❤️味道醃得啱啱好！有燒汁味+七味粉，帶微微嘅辣味🤤好好味！而且牛舌數量都比意料中多💓份量一啲都唔吝嗇飯嘅燒汁比得足，好似我咁鍾意食汁飯嘅人都唔洗額外再加汁🥰白飯做到粒粒分明🍚沙律菜就加咗我好鍾意嘅胡麻醬🥗溫泉蛋啱啱好！拌飯嚟食超好食🤩✨推薦分數 : 8.5 / 10

前排喺旺角食完飯，決定同朋友一齊行街消化下。行行下經過一間餃子串燒店，店面裝修好有特色，吸引咗我哋嘅注意。點知一望menu，竟然發現有開心果糊！呢個組合真係好少見，即刻覺得要試一試，順便當飯後甜品，滿足一下甜品胃🤩。點咗之後，開心果糊好快就上枱。望落去，質地夠杰身，顏色淡綠，仲見到啲磨碎開心果嘅碎碎，感覺好有心思。食落第一啖，口感滑溜，不過開心果嘅味道比想像中淡咗少少，可能期待咗更濃郁嘅堅果香，所以有少少失落。但係，表面灑咗一層開心果碎碎，鹹鹹甜甜、脆脆地，開心果碎碎應該係加咗鹽一齊炒香，呢個做法真係好出色，為整碗糖水大大加分👍🏻。整體嚟講，係一款有驚喜嘅甜品，值得推介俾鍾意試新嘗鮮嘅朋友！

🐮 日式牛舌溫泉蛋丼 HK$82・味道：牛舌醃得好入味，重孜然粉＋燒汁＋甜豉油！飯粒分明加埋蛋汁一齊撈，勁邪惡，但好好食！・口感：牛舌肉軟腍香口唔羶，6大塊牛舌真係好佛心～🥟 火焰明太子芝士粟米餃 HK$48・味道：餃子皮炸得好脆面，雖然明太子醬睇落唔多，但係已經好夠濃郁～入邊嘅芝士同粟米餡都好厚實，邪惡好食！・口感：皮薄餡多～・・・・・・・・・・・・・・・・・・・・🤰性價比：高～🤰9衝度：9衝～🤰結論：牛舌必食！

見到黑白大廚菜式 比個名吸引咗煎到外皮好脆 真係估佢唔到上枱熱辣辣咬落仲有湯汁漏出嚟❤️勁好食不過得6隻少咗啲 有8隻揀就好小食皮蛋太勁「明煩」味唔建議嗌加埋小食可樂埋單$72男仔食真係唔係好夠飽

不嬲都好鍾意食呢一間嘅餃子，因為全部都係好真材實料，最開心嘅係佢哋而家仲加入咗好多其他元素，有丼飯，甜品等等，選擇好多呀😍今次我哋就試呢個翡翠墨魚餃，個顏色好靚，呢一個真係超級超級好食，好養生，個湯好清甜，個湯餃夠晒大粒，有咬口，我哋真係成碗湯都清晒㗎，因為個湯底真係好好飲☺️ 成個人暖曬，好滋補🥰 另外都好推介呢個牛舌丼飯，個牛舌真係好大件，而且好香牛味，好腍！出面一塊牛舌閑閑哋都講緊幾十蚊，呢度目測都有成五六塊，都係講緊$82咋，真心抵🥹甜品仲食埋呢一個每日限量供應嘅紅豆爆珠冰荳花，爆珠好靚，好似識得閃閃發光咁，紅豆味好香，個荳花又唔會太甜見到佢哋仲有好多串燒選擇，相信都係高質之選

✨間唔時同朋友黎開旺角，都會去通菜街搵野食，今日去間叫「餃撚串」，食完又幾有驚喜喎😋✨餐廳入面唔算大，但佈置以日式風格為主。點餐係用QR code落單，非常方便。✨皮蛋：切成細細件，用醋、蔥花同辣油做汁食落唔會好滯。✨生薑燒豚肉丼：無諗過豚肉咁多片，仲大大塊，放滿哂成碗丼飯，燒汁味濃，而且唔肥，有一定既水準👍🏼✨燒汁牛肉丼：一上枱已經聞到好香既牛肉味，牛肉稍為煎過，加埋燒汁真係一流，好香口😋牛肉都幾大塊，鋪滿成碗丼飯，個人認為味道好過出面好多日式餐廳整既。✨餐飲🍹：跟餐都係加$12或者$15。荔枝梳打甜甜地，食完丼飯飲返杯超爽；龍眼冬瓜茶夠哂潤，又消滯。✨餐廳仲有其他特色小食、串燒、餃子、甜品等等，有機會再黎試其他。

喺度嗌咗個照燒雞扒飯，點知個雞係生嘅，如圖，都唔使講啲咩啦嘛。其實間嘢其他嘢好似好吸引，不過冇機會食到。員工嘅態度就一般啦，冇咩問題只係反應有啲慢。其實如果間舖頭有個餃子，我應該係叫餃子安全啲嘅唔知點解要挑戰佢呢個不知名嘅雞扒飯仲要生不過呢間舖頭應該係Sell串燒，所以嗰個雞係燒出嚟咁應該係燒得唔夠耐所以唔熟。本身諗住住喺旺角，睇吓可唔可以搞掂晚飯，點知冇啖好食，我叫佢唔使換俾我啦，我自己出去食魚蛋燒賣算啦。

好多KOL推介，試咗佢哋最出名嘅牛舌同埋餃子，仲有見到佢哋有個特色甜品，開心果糊，抱住試一試無妨，係幾特別，但有啲漏，如果有朋友仔一齊去食，可以share，另外牛舌定食性價比幾高，不過其他就麻麻哋了

好多KOL介紹，好似好吸引咁，所以就去左，結果呢...🙉牛舌真心好韌，咬左好耐先勉強吞到，飯對我呢講有點硬（本身唔鍾意食淋飯嘅人），唯一覺得個溫泉蛋幾好食推薦指數：3/10明太子蟹柳調味幾好，有微微辣得黎又唔會好鹹，芝士都有少少拉絲，夾埋一齊食係幾惹味，但係飯真係有點兒硬推薦指數：6/10東波肉煎餃，雪花煎得幾好，脆卜卜幾香口，餃子皮煙煙韌韌覺得幾好食，但係內餡唔似記憶中嘅東波肉，反而似甜甜哋嘅滷肉推薦指數：5/10

終於等到sem break lar !!! 辛苦咗咁耐，一於落旺角唱K食飯喂林下溫咗書咁耐嘅自己😏主食就揀咗呢個泰式烤牛扒溫泉蛋丼，侍應一放落枱面我哋已經嘩嘩聲，第一個感覺就係全部都係牛扒鋪滿晒成個碗，仲要啲牛扒係好大件，好耐冇食過份量咁充足嘅牛扒丼喇！啲牛扒一啲都唔柴口，充滿着好香嘅牛味，肉質都軟腍，幾十蚊有呢個質素真係好抵食！ 跟手我哋仲叫咗個串燒拼盤同埋明太子芝士粟米餃。個拼盤份量又係好大，自己最鍾意食嘅就係釀明太子雞翼，明太子配埋啲雞肉食，真係好夾，啖啖肉啱晒我！ 🤭另外呢個明太子芝士粟米餃又係必選，煎餃上面會鋪滿住明太子，而且煎得好好，個火候控制得好好，一啲都唔會覺得好油膩！最緊要呢個真係好平，$48 已經有六隻啦！ 抵！ 呢間真係好啱鍾意食明太子嘅我😍🤭

好有驚喜喎！作為餃子控，不嬲都好鍾意食呢間，佢哋最近搬咗舖頭，門面好靚，裝修好好，感覺好典雅，一如既往食物質素有保證，而家仲加咗好多新嘅菜式，錦上添花😍😍😍我哋兩個人，總共點咗以：🥟冰花煎餃🥟翡翠墨魚餃🍵開心果糊呢個冰花煎餃真係好出色！好大份，最欣賞係佢哋煎得好脆口，完全唔覺得好油膩，點埋醬汁，淡淡入口，秒速就已經清晒😆翡翠墨魚餃就係健康100%之選！ 每一粒都好大粒，個湯又好清甜，淡淡都係滋補養生😍😍😍甜品嘆埋呢個開心果糊，好出色好有驚喜，上面鋪晒開心果碎，好清新，唔會得個甜字，好味！ 新店水準依然可以keep到！ 仲要加多咗好多創新嘅元素，抵讚

無意中係openrice搵到呢間鋪頭。原來已經搬過新鋪位，見到店名，原本以為都係啲一般香港小店，無咩特別期望😂好彩啲食物味道不錯，店員服務態度都好好，唔會好似出面個啲串串貢甘，可以考慮encore再光顧。叫左一個丼飯、一個set同開心果糊，set包野飲、餃子同串燒。丼飯都推薦大家試下，因為啲肉好軟。但餃子就一般，可能煮得太耐，啲皮全部穿晒😂😂不過個開心果糊幾特別，其他地方好少見，開始之前驚會太甜，點知又ok喎~

食物質素差。叫咗個鰻魚飯，一上菜已經同門口張相大不同，睇真啲飯上面鋪咗啲沙律菜，完全唔夾，以為食落去有驚喜，點知有驚無喜，啲飯一粒一粒非常硬，完全冇珍珠米嘅煙韌感覺，鰻魚非常之少，做丼飯嘅餐廳，竟然連最基本嘅米飯都做得唔好，極差評。