在启德体育园附近竟然有间咁正嘅酒吧餐厅！佢个半露天Roof Top有270度全景，可以睇尽启德靓景✨室外空间超大，仲好贴心放咗梳化同埋打机用嘅大电视，真系一家大细嚟都得！呢度由星级团队主理各国Fusion菜，绝对系睇Show前后食饭嘅好去处。十月推出嘅万圣节套餐$198真系好抵，每道菜都充满万圣节气氛💀难怪吸引咁多小朋友家庭客嚟帮衬。「鬼魅能量炸鸡」外脆内嫩，配埋泡菜汁好开胃。「趣怪芝士肉丸磨菇意粉」炒得好香，上面个鬼魂造型芝士得意到唔舍得食！我哋仲加钱升级咗两杯特饮「能医百病草莓奶昔」用南瓜杯同蝙蝠装饰，跟埋支针筒自己唧草莓酱，甜度啱啱好「魔力南瓜泡泡鸡尾酒」酒味唔会太浓，饮落好清新。甜品「魔力青怪绿果乳酪雪糕」个造型都好有心思。另外单点咗「麻婆豆腐遇上蟹肉煎肠粉」真系好惊喜，蟹肉多到爆，夹埋麻辣豆腐够晒惹味，钟意食辣嘅朋友一定要试！「冬阴功虾多士」香脆得嚟唔辣，串烧拼盘每款两串，调味刚好又唔会油腻。整体嚟讲，呢度食物同环境都好好，场地活动又多，真系好适合成班朋友一齐嚟聚会！…查看更多
