餃餃鎮

饺子好好味！！员工态度好好👍🏻好nice！！价钱又ok，性价比高，皮薄馅靓，饺子大粒，馅多足料，汤底十分有味，良心餐厅，环境又好干净，会返去再食过。😋😋食过返寻味。…查看更多

铺面都比较整洁干净。门面卫生很好，比到我一种安心嘅感觉。首先要介绍嘅一定系佢哋嘅汤，平时饮开住家汤嘅都一定知道佢哋系冇落味精。而家呢个社会好少餐厅可以做到唔落味精嘅汤。值得赞赏👍🏼👍🏼其次，要介绍嘅系佢哋嘅饺子，用料好足，饺子煎得松脆金黄，相信佢哋嘅师傅都有一定嘅经验。最主要系支持香港饮食业，本土嘅餐饮业，依家好多都系连锁店，预制菜𠮶啲，难得有一间系唔用预制菜嘅本土小食店，咁当然要支持吓啦！我相信会再有下一次，期待下次尝试其他菜式，再写食评。…查看更多

🥟 曾经系我心目中「每周一饺」嘅太子手作饺子店，最近转手变咗做 饺饺镇，装修确实靓咗，环境干净咗，但我最在意嘅——味道，就唔再系以前𠮶种熟悉嘅感动。🧄 韭菜汤饺（七只）：饺子本身唔算差，皮薄馅靓，咬落去仲有少少汁。但最大问题系个汤底——淡！冇汤渣！冇层次！ 以前嗌汤饺，最期待就系𠮶啲红萝卜、薏米、黄豆、准山嘅汤渣，饮落去有种「老火汤」嘅感觉。今次一撬开，汤清得嚟冇乜味，饮完唔止冇惊喜，仲有啲失落。📜 餐牌方面：旧有菜式都仲喺度，睇落好似冇变，但食落就知唔同晒。饺子仍然有诚意，但汤底已经唔系我熟悉𠮶个味道。装修系升级咗，饺子都仲叫做有水准，但汤底真系唔掂。以前系我每个礼拜都会嚟一次嘅小店，依家可能要隔几个月先会再试。味道唔再系记忆中𠮶种温度，舖头依旧，味道全非。…查看更多

本身是老顾客，改咗名之后，但是里面的眼镜阿姐自己落错单会闹客人，服务态度非常差，仲赶客人走，好唔识做人，咁多间饺子店，唔使去受佢气，香港服务业俾唔识情绪管理的人做衰晒！…查看更多

平时都中意食饺子既我， 今日系太子见到一间未试过嘅饺子舖，就入咗去食。 见到汤饺个汤底都几吸引，就拣咗食汤饺。 汤饺嘅汤底份量都好足料，又有红萝卜、黄豆、薏米等等仲要有花胶！！ 一饮落去满满既胶原蛋白感觉， 一饮就知唔系味精汤。 饺子都大大只， 一碗都够晒饱， 而且饺子都足料， 可以下次再黎试下其他口味。 …查看更多