影片
营业时间
今日营业
11:30 - 22:00
星期一至日
11:30 - 22:00
以上资料只供参考，请与餐厅确认详情
向来钟意食饺子，但就唔太like雪藏预制饺，多数揾间餐厅即叫即食，呢间小店标榜全部饺子人手即包，街坊价钱但绝不马虎。饺子皮烟韧得嚟唔厚粉，猪肉馅日日新鲜剁，仲玩埋新派fusion口味，难怪晏昼未到12点已经要等位！至尊松茸饺(中碗) $80/8只一上枱就闻到阵菌香，只只胀卜卜透住啲松茸碎。汤饺版本配嘅黑松露酱绝非装饰，真系捞到松露粒！建议先饮啖状元九鼎汤吊味，汤头清甜无味精，跟住试原味，咬落劲多肉汁，松茸香同猪肉鲜甜层次分明；再点少少黑松露酱即刻味道升华。牛角鲜虾猪肉煎饺(6只) $60造型够晒gimmick，两边虾尾翘起真系似足牛角。煎功了得，金黄脆底咬落「咔嚓」声，虾肉爽弹仲keep到汁，猪肉馅调味偏浓但唔会抢镜。黄金原味皮蛋 $30真系全只金黄！蛋白似啫喱咁滑，流心蛋黄带淡淡茶香，配埋秘制酱汁，开胃首选。四川凉面 $31面质够韧性，麻酱同辣油分开上自己捞，建议落多少少花椒油，麻香即刻出晒嚟。山楂雪梨水 $28 / 蜂蜜柠檬薏米 $20雪梨水酸度明亮唔死甜，饮到底仲有雪梨渣；薏米水微甜爽口，好多粒粒薏米系杯底，够清热！
继续阅读
放工之后想简简单单食个快嘅晚餐可以考虑嚟呢间饺子店 🥟 佢啲饺子全部都系手工制作嘅，好新鲜，皮薄馅正😍 有汤饺翼都有煎饺，而特别之处系佢个汤底好健康，叫做状元九鼎汤，可以提升免疫力，亦都可以养颜保健😌至尊松茸猪肉饺 🐷 原来松茸有好多营养，之前食过咁多饺子店都未试过呢款，所以特登叫黎试吓😋云耳椰菜猪肉饺 🥬呢度好贴心，可以拣少份量或者大份都得，双拼就可以试晒两款口味啦🤭栗米猪肉饺 🌽 呢款都系好多人拣嘅汤饺😊香煎软心芝士饺 🧀 煎饺嘅可以试吓软身芝士饺，咬落好脆口，芝士入口即溶😛自家制山楂雪梨水 🍐 食完饺子之后当然想饮返呢度自家制嘅山楂雪梨水啦，清甜解渴😆蜂蜜柠檬薏米水 🍋 健康啲嘅选择可以拣蜂蜜柠檬薏米水，甜甜酸酸都好好饮㗎👍
继续阅读
煎得脆、香口、涵多，呢度嘅饺子前后试过韮菜猪肉同埋香菌素饺，最后都系继续食返韮菜，汤都有嗌过，好啖口，冇乜盐冇味精嘅粉葛汤，同重味嘅煎饺配搭，可以解腻。呢度嘅煎饺汤饺分十只同七只，如果有得拣半份，即系五只，咁就可以再配搭佢嘅四川/麻酱捞面，又或者half and half 一半煎饺一半汤饺，咁就好了～枱上嘅自家制辣酱，配上豉油同埋醋，正！呀重有时隐时现嘅酸萝卜，原来系逢星期一同埋星期二先会于堂食提供～每到食晏时间，都会坐满人，虽然座位唔少，但系如果唔想排队就要提早12:30前入座喇～
继续阅读
食物好一般 类似价钱其实有好多其他选择 帮衬过几次 今次煎饺直头多油多到搞唔掂 价钱贵 而且并饺要加钱店员一句无提 我系睇菜单先睇到 仲要唔比取消唔比改 真心我觉得可以多啲帮衬隔离泰国菜/ 扒房仲好
继续阅读
本身我好钟意食饺子， 咁今日下午大嘅五点几入嚟，都唔系繁忙时间， 坐低左无人招呼， 唔紧要啦！ 可以等下， 跟著有位员左岩岩返入铺头，就问我要咩， 我好清楚咁讲左要啲咩， 跟著仲想叫饮品时，个员工已经好唔耐烦咁想行左去。成个感觉都系好差， 佢俾我自己可以qr code落单无咁嬲。
继续阅读