餃掂快線

天气太热，唔想食饭，喺地铁站一出嚟就见到呢一间店，就入去试吓啦，估唔到超多惊喜😍😍✨香煎软心芝士饺✨ 饺子皮煎到金黄香脆，卖相好吸引。吃落去带少少焦香口感，芝士馅流心软嫩且浓郁，融合咗粟米🌽嘅香甜同猪肉的鲜味，咸甜得嚟层次感爆灯。虽然系煎饺，但完全唔觉得腻，反而每一啖都好满足，令人一试难忘！ ✨龙凤松茸汤饺✨ 呢款汤饺用咗奢华嘅黑白松露点缀，松茸味道浓郁香气四溢😍。薄皮包著多汁馅料，一咬落去系满满嘅鲜美同松露香，汤底「状元九鼎汤」非常用心熬制，润泽滋补，唔单止香甜，仲带嚟补气健脾嘅功效，啱晒坐低慢慢饮。 ✨蜂蜜柠檬薏米水✨ 有柠檬嘅清新酸甜，但又有蜂蜜嘅润泽甘甜，搭配埋丰富嘅薏米，清润又唔单调。饮落舒服滋润，唔会太甜👍🏻👍🏻非常适合解腻同去水肿，系一杯饮完心情都会靓嘅健康饮品。 ✨山楂雪梨水✨ 酸酸甜甜，好开胃，饮落去清爽又顺喉。无论系食前或食后饮都非常啱胃，清新解腻，仲有淡淡嘅果香点缀，系一款令人回味无穷嘅自家制天然饮品。 创新且味道出众，仲有清新养生饮品，系饺子迷嘅必试之选！想睇更多介绍，马上Follow我啦😁。…查看更多

本身系饺子爱好者嘅我，平时都会周围去食饺子，饺掂快线一直都出名同多分店，不过今次系第一次食，之后应该会成日食!!荔枝角分店系吧枱设计，岩晒I人可以静静享受一定一定要食个自家制酸萝卜!!!!酸酸甜甜，劲爽口，配饺子食一流，枱面可以无限自取!!🥢龙凤松茸煎双饺金黄色饺皮煎到香脆，边位微微焦香，好吸引。饺子个肚胀卜卜，睇得出料都几足。咬开一半，里面馅料丰富，啖啖都食到松茸独有嘅木香味，层次感好强。饺子底部仲有啲焦香脆边，食落有惊喜🥢双拼汤饺- 大白菜+芫茜大白菜饺子馅多，菜味清甜，咬落去汤汁渗晒出嚟，鲜味自然芫茜饺就啱晒芫茜控，芫茜香味浓郁但唔会抢味，配埋猪肉馅好夹。饺皮薄身、滑溜，挂汤一流🍹自家制山楂雪梨水淡淡果香，山楂带微酸，雪梨清甜，入口舒服，唔会过甜🍹蜜糖薏米水薏米水色泽奶白，杯底见到啲薏米粒。饮落去有淡淡谷香味，薏米煲得够腍，唔会有渣口，蜜糖味清甜不腻…查看更多

今日系荔枝角做完瑜伽，系地铁站D2出口见到呢间饺子店，面门几干净企理，仲要系门口已经闻到好香既肉味，忍唔住入左去。香煎软心芝士饺饺子既外皮煎到金黄酥脆，睇落好有食欲，内馅系粟米猪肉加左芝士，饺子好足料，食落多左阵浓郁芝士既奶香味，比起一般既粟米猪肉饺更胜一筹，食多几只都唔会觉得腻。 蜜饯鸡翼蜜饯鸡翼口味甜中带咸，鸡翼好软嫩，已经煮到骨肉分离，一啖一只鸡翼冇难道。回味手拍青瓜青瓜食落清新爽口，搭配左蒜蓉、醋、酱油同辣椒，辣道大概系小辣，容易入口，食肉食多左，可以平衡返。冻蜂蜜柠檬薏米水酸甜清新，淡淡既蜂蜜甜味，饮完觉得好舒服，好养生既感觉。另外想赞佢地既酸萝卜，系免费任食。酸酸甜甜嘅萝卜忍唔住会一啖接一啖咁食，完全停唔到落嚟，几解腻！@MAPHK2021#nomnomdumpling #荔枝角昌隆工业大厦📍饺掂快线 (荔枝角)荔枝角长义街10号昌隆工业大厦地下3A2号舖…查看更多

收工过左D2行下,想饺子就入黎依间,叫个龙凤松茸双煎饺,韭菜饺,灼大满贯素饺同埋蜂蜜柠檬薏米水。个龙凤煎饺，底煎得金黄香脆，啱啱好有锅气，皮薄薄又烟韧，一啖咬落去啪啪声,啱晒我钟意𠮶种外脆内嫩�食感。而韭菜煎饺皮系青青地,卖相好靓又有特色。煎得唔算太过火，但一样有焦香边，韭菜味好冲好香，咬落去啲菜汁爆晒出嚟，超级鲜甜。仲有𠮶似花生酱混芝麻酱嘅特制酱，估计系专门配韭菜饺嘅，沾一沾即刻提升香味十倍。个灼大满贯素饺真系靓到发光,睇个卖相已经赢晒,素饺排得整整齐齐，皮薄得透光，仲见到入面满满嘅橙色南瓜、绿色椰菜花、香菇粒同埋其他杂菜馅，色彩超级丰富，一睇就知食得好健康。最正系佢哋灼得啱啱好，皮晶莹滑溜，仲有少少弹牙感，咬落去好爽口,加埋个汁岩岩好，食落系有香菇系里面，带少少甜味同鲜味，完全唔会单调。最后呢支蜂蜜柠檬薏米水真系神级配搭,入面薏米粒煮到软淋淋、够晒腍，仲粒粒分明，饮落去好有口感,淡淡嘅薏米香味，唔会太甜腻，蜂蜜同柠檬比例调得啱啱好,有明显嘅柠檬清香同微酸，蜂蜜又够润喉，饮落去即刻觉得成个人都清爽晒。…查看更多

呢餐食得真系几满足，啲嘢食既味道同质感都几有层次。首先讲香煎软心芝士饺，外皮煎得脆卜卜，入面啲芝士流心得嚟又唔会太腻，咬落去好香浓，啱晒钟意芝士既人。不过呢个饺仔都几邪恶。至于芫茜饺，汤底清甜，配埋啲饺仲有少少芫茜既香味，整体感觉好清新，无𠮶种过浓嘅芫茜味，反而几平衡。蜜饯鸡翼系甜甜地嘅口味，蜜饯煮得好入味，鸡翼肉质嫩滑，唔会太干，啱啱用嚟开胃。葱味酸辣云耳比较惊喜，酸辣味道啱啱好，唔会太刺激，云耳啲口感爽口弹牙，配埋葱味几醒胃。饮品方面，冷豆浆好顺滑，冇𠮶种假假嘅豆味；蜂蜜柠檬薏米水清甜解渴，薏米味突出；至于自家制山楂雪梨同冻小吊梨茶，雪梨果味好天然，饮完喉咙舒服。总括嚟讲，呢餐食物既质素唔错，适合钟意清新同特别口味嘅人！但价钱稍微偏高咗啲，如果再平少少就完美啦！…查看更多