影片
相关文章
#咸蛋黄黄金饺子饺子外皮酥脆得嚟，里面爆馅，咸蛋黄的味道真系好惹味！不过，上面𠮶个酱有啲腻，食1嚿已经够了🤣但整体嚟讲，味道都几正。#黑白土匪饺真系有平时土匪鸡翼嘅感觉，外皮炸得好脆，食落去口感一流，都几特别！#蚬肉芫荽饺蚬肉鲜味好出，咬落去有海味，但芫荽味唔算好重，对唔钟意芫荽嘅朋友都唔会太有负担。#饮品本身想试佢嘅沙冰，但𠮶日卖晒，最后叫咗杯爆爆荔枝柚子四季春茶，味道正常，配炸饺子都几清新，但冇特别令人惊喜。整体嚟讲，长洲饺子冰室嘅饺子创意十足，炸饺子好优秀，全部都好酥脆😋
继续阅读
长洲都有间专食饺子嘅餐厅，呢间🥟饺子冰室🥟里面嘅饺子款式特别，好似南乳豆卜味😱同埋芋头腊肠😱已经够晒爆，嚟到就紧要试吓啦😆我就拣咗佢有个全日套餐B，10只饺子+一份面仲配埋嘢饮，另外双拼再加多$10 ,其实计计埋埋价钱都唔平，话就话套餐，但系有好多都要额外加钱，套餐$77 :黑白土匪饺 +荷叶津白饺各五只，再加$19配个葱油捞面都已经过百😨🥟土匪饺系炸得唔错嘅，不过味道就唔算太特别😩，佢哋嘅饺子偏细，馅料都唔算太丰富，另外一款津白蒸饺佢嘅皮都算OK唔厚，不过整体就偏淡，里面嘅馅料都系偏少😩，而最后葱油捞面睇过卖相都非常普通，佢冇𠮶种葱油香，整体真系一般😩😩
继续阅读
成间餐厅系走怀旧风设计好有feel✨ 咸蛋黄黄金炸饺&荷叶津白蒸饺(各五只 $86) ，黄金饺好足料，大大粒咸蛋黄爆晒出嚟，炸到个皮好脆，咬落去啲汁爆晒出嚟，好满足大推！🔥🔥 荷叶津白饺就balance返，感觉上健康啲🤭 啲皮系偏薄，食落口感清爽✨ 仲有冰糖红枣桃胶沙冰 $38，都几甜㗎，不过我钟意甜啲，清甜嘅沙冰配合一粒粒桃胶Q弹嘅口感，好解渴又养颜😋😋 出面会有个牌写住有咩饺子卖晒，可以睇咗先入去〜🥟
继续阅读
👍🏼抵食指数：⭐️⭐️⭐️⭐️😋好食程度：⭐️⭐️⭐️⭐️入到长洲，除咗食大鱼蛋之外，原来仲有一样名物，就系饺子啦！呢间冰室嘅饺子款式好特别，好多口味都系独一无二，有 #咸蛋黄黄金饺、 #蚬肉芫荽饺、 #印第安饺、 #黑白土匪饺等等，好多较特别嘅味道都可以系度揾到！有别于其他饺子店，唔系韭菜饺，就系猪肉玉米饺，无咩惊喜同新意！今次叫咗咸蛋黄黄金饺，一只只黄金脆皮饺子，卖相好适合打卡，入口仲好正，唔太油腻，外皮包住一层咸蛋黄酱，再加埋脆皮嘅饺子皮，口味非常独到！饺子内仲要系爆汁，非常 juicy ，CP值极高！而佢嘅蒸 #辣菜脯鲜虾饺 都值得推荐， #菜脯 同 #虾肉 好爽口，又唔系好辣，感觉清清地，好适食完较浓味嘅咸蛋黄黄金饺后，再品尝，感觉会比较平衡，又唔会太腻啊～温提：因为小店座位同人手有限，大家需要自行拎飞仔排队～
继续阅读
入长洲一定会嚟食，驰名爆汁饺子🤤多汁又大粒，好正！而且饺子款式好多，实有一款啱你食🤣煎饺蒸饺乜都有，店铺环境唔算大，不过整洁干净👍🏻我差唔多款款饺子都试过，每次必叫以下两款😋咸蛋黄黄金饺（只限炸）$36即炸热辣辣，一上枱已经闻到浓浓咸蛋黄香味🔥店员好重手，落咗劲多咸蛋黄🤤每粒饺子都布满咸蛋黄，仲要起沙的🤤咬落脆卜卜，而且味道超级浓郁，但系又唔会好滞，一人食3-4粒啱啱好！邪恶度爆灯🔥😈好味道同样爆灯！🔥😈非常惹味蚬肉芫荽饺（只限蒸）$36食完浓味饺子，食下清清地嘅蒸饺😋蚬肉鲜味好出，完全冇腥味！配埋芫荽非常夹，仲要爆汁😝好值得试！打卡都好靓😝
继续阅读
您可能会有兴趣的...