飯桶

呢排月尾冇咩钱唯有悭悭哋，香港人唔使讲嘢啦，揾间靓嘅两𩠌饭先，求求其啦就观塘呢间饭桶，反正观塘收工，舖头门面各样都干净企理，好唔好食一件事起码卫生先，都系一个肉一个菜咁选择啦，一个豆角一个椒盐猪扒，个饭都几靓都算系咁，唔系湿只只起码够干身，食得两𩠌饭份量都好重要，呢间饭桶都算多，味道嚟讲唔算话好㶶好咸，中规中举啦，再回头指数，80分啦…查看更多

以前食过一次，觉得份量好多，食唔哂咁济，啲𩠌菜又多又满。点知依家隔左几个月再返来食，发现份量少左，𩠌菜都装唔满，只有饭盒嘅一半，劲失望，咁样即变相加价啫，下次唔再帮衬…查看更多

呢间两𩠌饭，成日都排晒长龙，上次嚟见到个肉饼好想叫，点知俾排我前边嘅人叫咗最尾一件，深深不忿，加上同事千叮万嘱我话好好食一定要试，咁我呢次就12:00就去买，仲谂住我自己好早到，唔使排队，去到嘅时候就发现原来已经有10几人排紧。其实其他地方嘅两𩠌饭都系大概30几蚊到，呢间40几蚊其实系偏贵，但都咁多人食，一定有佢嘅理由。好啦讲返啲𩠌，今次我叫咗咕噜肉，豉椒猪肚，咸蛋肉饼。咸蛋肉饼真系好食，啲肉好扎实，又唔会太多肥猪肉，咕噜肉都好出色，个皮系仲系脆嘅，猪肚都好食，只不过我觉得煮得太淋！整体嚟讲，贵得有道理，物有所值！…查看更多

个人觉得都算系打工仔抵食之选，𩠌菜选择都几多，总之菜肉都有好几款比大家拣，午餐晚餐黎讲都叫食得均衡啲呀。款款菜既卖相都唔错，个人中意啖啖肉，佢个肉饼好大块，非常满足，唔中意食菜既都仲可以拣下瓜瓜豆豆之类，佢日日都有少少唔同既选择，几有新鲜感，唔会食到闷，呢点要赞一赞呀。而且有𩠌有饭又有汤，50蚊有找，都咪话唔抵。不过真系要奉劝大家早少少去排队，因为条人龙真系开始见到越排越多人，试过有啲呀姨直情买完午餐再买多几盒话番屋企做晚餐🫠迟去分分钟无𩠌拣嫁，因为佢地好似系新鲜整起嫁，唔同出面整完翻热又翻热再翻热，搞到啲𩠌梅挞挞咁果啲。而家出去餐厅食啲颓饭都5，60蚊，又难食又要急急脚咁食，多数同啲同事一齐去呢到拣唔同𩠌share食仲开心仲抵，味道仲几好👍🏻👍🏻👍🏻…查看更多