飯小妖

竟然有间煲仔饭隐藏咗喺西九龙中心！作为煲仔饭爱好者嘅我一定要去试，仲要社交平台劲多人都话好好食！$60白鳝煲仔饭（窝蛋+$5）一打开个盖热辣辣，啲喷晒出嚟，分量仲要真系唔细㗎，令人流晒口水，讲到食煲仔饭，饭嘅感觉一定系重点，食咗一啖饭，饭整得烟烟韧韧粒粒分明，米饭亦都好香，加咗蛋令到成件事好惹味，蛋嘅味道配上饭一齐食好香口，鱼嘅份量有好多差唔多有十几嚿，鱼虽然比较多骨，但食𠮶阵都好新鲜，怀捋捋同埋好入味，最惊喜嘅系佢比想像中多饭焦，饭焦金黄香脆，仲要唔黐牙，成件事真系好出色同埋好有惊喜，唔会太咸，但系好惹味，间店仲要开喺西九龙中心，推介西九龙中心必试呢一间！…查看更多

老板态度奇差！想问老板饭焦可否多一啲，即刻「体内的小火山爆发」，话冇咁多时间做饭焦，除非要俾多一倍价钱！态度极度嚣张！本来都想马上转身走。但屋企人要食煲仔饭，唯有照买！出品：点咗肉饼饭，滑鸡饭!只可叫做肉饼饭同埋滑鸡饭，因为同蒸饭冇乜分别，绝对唔系煲仔饭！如果你话啲饭放喺煲仔度就叫煲仔饭，我冇嘢好讲！真系同蒸饭差唔多一啲焦香味都冇，可能真系生意太好冇时间，啲饭都仲系好多水气，好似我煮饭俾多咗水咁样！肉饼：系属于健康肉饼少盐少糖少油滑鸡：调味可以，但太老太差！整体极之失望！…查看更多

揾左位，想买个煲仔饭食，俾左钱后个老板叫我坐近舖位D，我话已经找了位在舖位稍远一些，佢话坐得远冇煲仔上只可用锡纸兜上，食煲仔饭冇煲仔上，咁叫乜煲仔饭，退款走人。…查看更多

餐牌劲简单得几样嘢拣，所以我好快就order，兼话俾支付宝，个男人就话无支付宝(不过佢俾我感觉系唔想应我)，之后我见到有个WeChat logo就话用微信，佢又话无，唔问佢都唔讲话得八达通同收现金，咁因为我用八达通系喺Apple watch ，佢竟然耍晒手话唔收，好似赶客咁，其实唔收唔紧要，但你啲态度好啲、语气好啲嘅话我点都会帮衬，佢根本唔系做生意，话哂呢层food court 基乎间间都帮衬过，系得呢个简直不知所谓，就算真系好食到不得了都永远唔会食，好彩之后睇番啲食评原来咁差，真系多谢你咩支付方式都唔接受.…查看更多

( 啱啱喺大快活食完煲仔饭有感，所以上嚟写食评… )以前喺西九龙中心 Food Court 角落头位有间卖煲仔饭架，谂住去怀缅下，点知已经无咗变咗做泰菜。跟住就嚟咗呢间「饭小妖」• 腊味煲仔饭 $45• 用锡纸兜上，底部有啲硬咗嘅饭• 有几片薄薄嘅腊肠同腊肉加一条菜心• 卖相唔吸引所以无影相• 老板木无表情唔太 Friendly结论系 ➡️ 比多几蚊去大快活食煲仔饭会满足好多 😌排骨铺到满，又有成条腊肠，仲有好多饭焦啲櫈又唔系斜面嘅坐得舒服好多…查看更多