食為天 (已結業)

今晚庆祝朋友唔使捞，去咗北角食为天度食饭。餐厅就喺大街，一出地铁站行1分钟就到。餐厅系中式风格，装修新净，座位舒适。我哋叫咗以下菜式。酸菜原条鲈鱼：鲈鱼新鲜。鱼片唔会过熟，唔会话一夹就散。生熟到啱啱好先做到呢个爽滑状态。酸菜味道层次提升。豉椒炒蚬：蚬有鲜味，冇沙。加埋豉椒炒，好惹味。蚝仔煎：用好多韭菜同蚝仔加蛋一齐炒，好香口。韭菜味浓，啱晒我口味。酒酿汤圆：桂花味同酒酿都好香。汤圆大大粒，芝麻馅丰满。食完饭要食个甜品先至完满。蓝莓啤酒：咁高兴嘅日子梗系要啤啤佢啦！啤酒杯系已经雪冻咗嘅，好有诚意。…查看更多

见间餐厅都开左一段时间未试过平日人流一般今晚谂唔到食咩就试下可能我唔好彩啦 想叫4样野酸辣土豆丝 回锅肉粗炒蚵仔煎 海底椰炖鸡 （卖哂）土豆丝 38味道一般 加左青瓜丝入去 搅到口感有D怪 街边是旦一间／两𩠌饭卖嘅都好味过佢多多声回锅肉粗炒 88D肉炒得几香嘅 但份量奇少不禁想讲 香港D餐厅执笠真系唔抵帮架你俾多少少面都唔系多好成本姐搅到碟大 面少 so sad跟住系重头戏 见到嬲到要即刻打食评嘅蚵仔煎 108价钱贵唔贵 见仁见智但一上碟 哗 咩嚟架？ 又绿又黑我叫左葱仔煎呀？点揾都揾唔到一粒完整嘅蚝散左嘅蚝碎大约手指尾指甲咁大左右简单嚟讲 全碟都系葱108蚊叫左碟煎葱食落当然一口油 无蚝味啦 真系差到难以形容我即刻睇返menu张相 图片只供参考 你都唔好太过份呀…查看更多

屋企人话想食下京川沪料理，喺朋友介绍下，今次就嚟咗呢一间食为天，嚟到环境非常舒适，坐得舒服，侍应服务都好好，自我哋叫咗以下嘢食⭐️川味蒜泥白肉少少辣辣地，但系加埋啲蒜味，层次更加丰富⭐️麻辣鸡丝粉皮粉皮非常滑，鸡丝嘅数量都唔少，酱料同埋粉皮捞埋一齐，非常开胃⭐️椒盐鱿鱼须鱿鱼须好新鲜，而且仲好弹牙，口感一流⭐️南乳蒜香骨咁多人面最钟意呢一个𩠌菜，南乳加上蒜味，简直系Perfect match，令到人食到停唔到口⭐️椒盐豆腐豆腐外脆内嫩，十分香滑，连埋椒盐一齐食，味道更加丰富⭐️咸蛋黄炒饭咸蛋黄味浓郁，而且饭都炒得好均匀，每一啖都有浓浓嘅咸蛋味，钟意咸蛋嘅朋友绝对唔可以错过📍食为天 (北角)📍北角英皇道433-437号珠玑大厦地下B号舖…查看更多

肚饿要食嘢，喺大街见到呢间餐厅，朋友🧒🏻就话不如试吓🤣$108「山东手撕鸡半鸡」：似乎系浸过酱油嘅豉油鸡然后再手撕变成手撕鸡👍🤣，所以鸡皮系深咖啡色，鸡肉浅啡色，另外师傅摆盘摆得几靓，只鸡好似展翅飞紧咁样🤩，再另外比较特别嘅系有一碗热嘅酱油里边充满芫荽葱可以要嚟沾鸡食👍，非常惹味，而且啖啖肉，食得好畅快🤣$298「清蒸大海班」：两样嘢：第1海班好新鲜👍，第2师傅蒸到啱啱熟👍，咁就梗系好味啦👍，鱼肉肉质细滑鲜甜👍$68「蒜蓉炒菜心」：菜心炒得软腍腍🤣$16「热奶茶☕️」：够浓够滑😋呢度仲有好抵食嘅「晚市超值客饭」$62下次嚟可以试吓🤩…查看更多

食为天刚在北角新开，多款小炒菜式，价钱够经济。凉伴莴笋丝爽脆又清脆，食落有一种嚼劲，就好似咬落去嘅时候有种清脆嘅感觉。而伴住凉拌酱汁，味道酸酸甜甜，令人嘴里感到凉爽舒服，非常开胃。豉油王炒虾略带有焦香，虾肉鲜嫩多汁，咬落去有一种鲜甜嘅滋味。而豉油王酱汁则带有浓郁嘅酱香，渗入虾肉里面，令味道更加丰富。整体口感鲜美，饱满而有弹性，非常入味。南乳香蒜骨肉质变得软糯多汁，咬落去有种肉汁爆裂嘅感觉。而南乳酱同蒜头共同炒煮，带出一种浓郁嘅咸香味道，令人嘴里充满著浓郁嘅香气。整体口感丰富，非常适合喜欢重口味的人。干炒牛河爽滑细致，入口嫩滑，带有一种镬气香味，牛肉鲜嫩多汁，与炒河完美结合，牛河带有浓郁嘅酱香，渗入粉面之中，令整个菜式更加美味。…查看更多