食棧

朋友介紹樂富有間唔錯既酒樓，所以特登去試下，果然朋友真係無介紹錯，絕對值得專程去！唔係連鎖式酒樓有唔係連鎖式酒樓好處，食既野無咁罐頭，比較有特色！餐牌上有廚師長好推薦、精選小菜、漁皇之選、時令蔬菜、明爐燒味、主食、精選生猛海鮮、精品海鮮、佐酒小食、口甜舌滑。揀左廚師長好推薦既招牌脆脆咕嚕肉、漁皇之選既生劏深海龍躉兩味：翡翠炒龍躉球 & 古法龍躉頭腩、精品海鮮既薑蔥焗桶蠔（桶）。招牌脆脆咕嚕肉真係招牌同埋真係脆脆，甜甜酸酸既咕嚕肉唔肥又瘦炸得香脆內嫩，第一味餸招牌脆脆咕嚕肉已經盡顯食棧師傅功架。翡翠炒龍躉球 & 古法龍躉頭腩之中，比較鐘意翡翠炒龍躉球，因為係完全無骨係起左肉既龍躉，色香味俱全，食唔停口！古法龍躉頭腩有骨無起肉不過龍躉肉質同樣無得輸，龍躉肉夠晒滑！嫩滑結實既肉質，油脂豐富味道鮮美！薑蔥焗桶蠔每隻蠔新鮮肥美肉嫩脹卜卜，炸至金黃色賣相吸引，啖啖蠔都鮮甜多汁，蠔汁完完全全鎖左係蠔入面，食過番尋味！…查看更多

今日去九龍城参觀九龍城寨打卡，之後和同行商量去樂富中心醫肚，途經公園附近見到有燒味😋眼見燒味好似幾正咁，原來是一間中式酒樓叫食棧，朋友話間酒樓經營好耐，睇落好似重新裝修過，之後行入去睇下有乜野食，睇點心紙好豐富，早午茶晚市不同時段都有優惠，果然係貼地做街坊生意。所以就抱著一試的心態，點不知出品驚喜重重，點心又出乎意料之外的水準👍蝦餃，叉燒腸，潮州粉果，叉燒包👍而且當日食左叉燒和燒鵝，非常好味😋類似是炭燒，有焦味，叫左碟班腩炒河$78，性價比高，啲班腩好新鮮，味道不錯，很可惜沒影到相，很難得晌這區有咁出色的酒樓，又街坊價錢，這水準朋友話一定會再來，魚缸各式各樣的海鮮都有。埋單離開時影底啲優惠推薦支持本地餐飲和到九龍城寨打卡的朋友💪向樂富地鐵站方向步行幾分鐘就到。…查看更多

上湯焗澳洲龍蝦伊麵：澳洲龍蝦的鮮美與伊麵的柔韌完美結合，龍蝦新鮮，伊麵吸滿濃郁高湯後更美味。星級脆皮燒鵝皇：燒鵝皇是食棧皇牌菜式，酥脆的鵝皮和多汁香嫩的鵝肉，正。中華錦繡拼盤：有燒肉、叉燒、鼓油雞及海蜇，經典燒味於一身的拼盤。宮廷雪影蝦球：新鮮的大蝦裹上酥脆的麵衣炸至金黃，蓋上薄沙律醬及蟹籽，鮮甜可口。琥珀核桃蝦多士配胡麻醬：琥珀核桃烘得酥脆，搭配炸至金黃的蝦多士，香脆可口。碧綠花姿黑豚肉：爽脆西芹搭配鮮嫩黑豚肉及彈牙花枝片，新鮮味美。醬皇脆蚌小炒皇：香脆腰果、銀魚仔、蚌肉炒韭菜花，多種配料一起快炒，鑊氣十足。蠔皇珍珠鮑魚伴花菇：用蠔油燜煮珍珠鮑魚和花菇，鮮蠔味足而不膩。清蒸游水花尾班：用最簡單的清蒸方式保留魚鮮嫩與自然甜味，健康又美味。金銀菜乾陳腎老火湯：傳統廣東老火靚湯，具有清熱潤肺的功效。蛋白瑤柱炒飯、鹹魚雞粒炒飯：兩款炒飯都做到，各種食材融合蓬鬆炒透的米飯，香氣十足。…查看更多

一家人幾兄弟難得一聚，在摩士公園附近散步，剛好到飯點的時候經過這家「食棧」，決定進去飲茶午膳。先點一輪點心：蝦餃皇、叉燒包、排骨陳村粉、香茜牛肉腸、芋角、鹹水角、香煎蘿蔔糕、潮州粉粿、古法馬拉糕和白灼菜心。每種點心都有水準，充滿傳統味道，大家感到很驚喜，讚不絕口！很快就「清碟」了。之後再來一輪：Encore了芋角和馬拉糕，再加了陳皮牛肉球、薑汁雞包仔、鴛鴦芝麻卷、瑤柱珍珠雞和金絲酥蛋散。這一輪點心除了蛋散蛋香不夠味道稍遜之外，其它都是很不錯的。雖然我們幾個人都不是住在樂富或者聯合道附近，但大家都說，以後要找機會再來這裡飲茶。…查看更多

裝修後食物質素超級下降，叉燒食落去似香口膠，叫個廚房佬俾薑蓉好似欠咗佢咁，最後都係冇比。價錢都貴咗食物又難食咗，極度不推薦，已經好難食，仲要唔俾薑蓉。$15質素，換燒味師傅了，極度難食，寧願去樂富街市買$20叉燒飯仲好過去食棧…查看更多

真開心，聽日就過新年喇，今日返最後一日工，於是同同事一齊食團年午飯。我哋到咗樂富一間的歷史悠久嘅酒樓，我哋已幫襯十多年，食物嘅水準仍然一流，我哋食團年飯嘅菜式十分豐富，叫咗十幾廿樣嘢，包括咗頭抽乾炒牛河、豉油王龍鬚炒麵面、酥炸就魚、黄金一口酥豆腐、蜜汁叉燒皇、脆皮燒鹅皇、食棧筍尖蝦餃皇、蟹籽燒賣皇、陳皮牛肉球、翡翠鲮焦球、皇叉燒包、蜜汁叉燒、香茜牛肉肠、蜂蜜小米糕、雪山烘焙叉燒包、駕鴦芝麻卷等等。以上全部食物都好有水準，值得我推薦嘅就係燒鵝皇同埋叉燒，仲有芝麻卷。希望大家都係新一年豐衣足食。…查看更多

以前嘅食棧，經營咗幾十年，十分之殘舊，自從裝修了之後，食棧變得新淨，環境一流，坐得好舒服，而且食物嘅質素，好似仲好過以前。所以今日同一大班同事去食棧，食過午餐，我哋叫咗好多好豐富嘅點心及炒嘢，倒如有燒味雙拼飯、星洲咖喱魷魚、雪山烘培叉燒包、食棧筍尖蝦绞皇、醬皇蒸鳳爪、蠔皇叉烧包、香茜牛肉球、木魚紅燒茄子、頭抽乾炒牛河、銀芽肉絲炒麵。大家狼吞虎嚥一輪，把檯面嘅美食全部吃光，肚子飽飽，好有幸福感、飽足感離開，最後發覺今餐價錢十分之公道，好抵食。🤩…查看更多

今日到樂富做嘢，老細介紹呢家食肆飲茶叫做食棧。7個人叫咗兩碟炒嘢：包括肉絲炒麵同乾炒牛河。點心叫在2籠蝦餃，皮薄餡靚，雪山叉燒包同傳統叉燒包都好味。另外仲有咖哩魷魚同煎釀矮瓜，簡直超水準。鳳爪夠入味夠林，香茜牛肉腸亦出色。老細話佢嘅燒味出名，我哋叫咗個叉雞飯；認真唔錯。7個人埋單每人99，唔使100蚊，抵食。…查看更多

我係家住食棧對面，食咗十幾年嘅客人。食棧嘅燒味好係毫無疑問嘅，但係唔好嘅時候就令人好激氣。 呢一晚想斬料買咗一斤叉燒， 盛惠150元，指明要肥叉。 點知出到嚟嘅質素大失所望，又瘦又嚡，類近擦子膠嘅質感，連大家樂嘅質素都不如。 如果係冇肥叉嘅，你可以同我講，我轉第二樣。 如果要買夠相當重量先俾肥叉嘅，你可以同我講，我加碼。如果肥叉係要加錢嘅，你可以同我講，我俾。 如果係要識得經理部長斬料師傅先至有肥叉嘅，我逢年過節派多啲利是。而唔係粒聲唔出斬啲嚡夾靱瘦叉畀我。🤬🤬🤬…查看更多

住係食棧附近咁多年，想食叉燒就一定係諗起食棧，買咗咁多次食過咁多次，今次外賣叉燒真係差到一個點，俾單之前已經嗌佢要肥d，竟然俾碟“湯渣”嘅質地我，仲要舊舊都係咁，去街市燒味檔買都無咁差，嬲到成家人都係度嘈，味道再好都無用，老細們唔該留意下🤨🤨🤨…查看更多

朋友來到香港旅行，聽說這裡的燒味及點心十分出色的，於是我陪她一起去嚐試。作為住在新界的我，專程去樂富飲茶是第一次。畢竟這個地區沒有大型商場沒有景點。那天我們參觀完黃大仙就過去樂富享受美食。我們點了幾樣點心，包括咸水角、棉花雞、菜苗餃和叉燒瀨粉。所有的食物都比其他連鎖酒樓的口味更出色。咸水角外皮金黃酥脆。咬下去時，你會首先感受到外皮的酥脆口感，接著散發出來的香氣充滿口腔。棉花雞魚肚吸滿醬汁配上鮮嫩多汁的雞肉，質地柔軟。菜苗餃餃子皮薄而有彈性，包裹著新鮮的菜苗及蝦肉。每一口咬下去，你可以品嚐到菜苗的清新和蝦肉鮮甜。除了好食外，食棧的價格也相當合理。相比其他酒樓，這裡的價格更為便宜，讓人感到物超所值。而且場地相當寬敞，每一桌之間都有足夠的空間，讓客人可以舒適地用餐。這種環境設計讓整個用餐體驗不會感到拘束或擁擠。小總結❤️❤️❤️❤️📌價格實惠物超所值📌寬敞環境提供舒適用餐…查看更多

難得另一伴同日休假、就輕鬆嘆早茶！好耐冇嚟飲茶！就趁佢11點前點咗特別孖點優惠$36.80 ！鳳爪排骨飯以前係一盅高身、依家係矮身PIZZA HAT 小食盤裝！ 排骨全肥肉連骨、感覺係唔要部位拎咗嚟用、冇肉！鳳爪一隻切半當2件！ 下次唔會再點依個飯！皮蛋瘦肉粥還算可以、 正常份量！ 味道👅還算可以！叉燒腸粉好滑溜、但叉燒量就少咗啲！ 下次都可再點！蟹籽蝦仁燒賣還算可以、但感覺蟹籽唔太新鮮！ 下次叫返正當燒賣！ 單點招牌小籠包有3粒 、 多汁、肉份量正常！ 味道整體還算Ok ！…查看更多

2月某天。嚟咗幾日食。海蜇燻蹄 $38 ♥️♥️♥️♥️感覺上食燻蹄會比較heavy，跟嗰甜甜哋既醋食，先無咁易滯。排骨蒸陳村粉 $28.8 ♥️♥️♥️份量好足，特別係啲粉。因為我口無落豉油，而排骨的醬汁不多，所以啲粉味道就好plain。時菜鯪魚球 $18.8 ♥️♥️♥️+非常新鮮彈牙，但墊底既係腐竹唔係菜。釀虎皮椒 $26.8 ♥️♥️♥️♥️呢個無得輸，因為鯪魚肉新鮮又彈牙，煎釀得十分香口。椒，不辣。紅油抽手 $24.8 ♥️♥️♥️以為會辣，點知無乜，餃皮爽彈到位，但餡料實的的，可以理解為用足料，但口感一般。蘿蔔千絲酥 $28.8 ♥️♥️♥️♥️香口酥鬆脆，最緊要係夠熱，外皮夠酥鬆。豆苗鮮蝦餃 $22.8 ♥️♥️♥️+大大隻熱辣辣，餡料足但唔均勻，有的蝦同豆苗都幾平均，但有啲好少蝦。不過這種又黏又糯嘅餃皮，我就麻麻地。百花釀魚肚 $30.8 ♥️♥️♥️♥️蝦膠鮮，魚肚貨真價實，最重要係熱辣辣，香鮮美味。招牌小籠包 $18.8 ♥️♥️♥️♥️♥️呢個大愛。😍皮薄餡靚湯汁多又鮮，最重要係熱辣辣之餘唔易穿，所以比滿分。😁香芒布甸 $18 ♥️♥️♥️唔係我想要既。質感更似大菜糕，味道呢OK既。另需加一及茶💲…查看更多

一班同事約了飲午茶,人多就可以叫多款點心,可食更多種類的,煎炒蒸炸也叫齊。飲茶午膳不叫炒粉麵,會若有所失的,今次特別開一食評介紹"豉椒排骨煎麵" , 此炒麵水準其高,麵底兩面黃脆卜卜的,排骨嫩而肉汁豐富,值得試下。…查看更多

午飯一班同事到樂富食棧吃點心，人多就可以叫多款點心,此酒家的點心水準保持,我們最愛吃的筍尖蝦餃皇、蟹籽燒賣、义燒包等小食就叫了魷魚鬚、椒鹽多春魚及欖菜肉鬆四季豆.....冷氣夠凍,食物有水準,值得再去。…查看更多