食得開心煲仔飯

好热，喺深水埗街头行到一身汗，谂住揾个地方hea下，见呢度间楼上舖又转左手，不如上去试下佢啦。店名叫食得开心，仲话总点喺元朗，作为一个元朗人居然唔认识呢间餐厅🤔店内装修简洁，冷气十足。刚刚上到嚟嘅时候，全部卡位坐满，旁边嘅枱都有几枱客，都唔少人喺度食紧嘢㖞。系咪我哋比较晏上嚟呢，睇紧餐牌拣嘢食嘅时候，𠮶几枱卡位陆陆续续咁离座，不过店员未执枱，又费事搬过去。餐牌主要都系炒小菜同煲仔饭，午市套餐同下午茶套餐基本上一样，只系价钱上嘅分别，最后我哋拣咗两份下午茶餐，49蚊起真系平到笑。⭐蚝仔肉碎粥自己点左蚝仔粥，一大锅上都几足料，入边蚝仔唔少，仲有好多芹菜同芫荽，同埋饭系超多嘅，呢锅蚝仔粥食完真系饱到上心口😝⭐萝卜牛腩饭朋友点嘅牛腩饭卖相都唔错，一碟入面一半系牛腩一半系萝卜，上枱嘅时候已经分得好清楚，乜啲萝卜同牛腩唔系一齐炆嘅，咩点解可以分开摆咁得意😆炆得软腍入味都几好食，仲有一大碗白饭，作为下午茶嘅份量真系唔少，食完都唔使食晚饭呀。⭐热柠茶 & ⭐热柠水正正常常嘅热饮，有三片柠檬无苦涩味，收货啦。而加啲餐厅真系唔兴出单，又系去到收银嘅时候畀个mon你望一望，就用电子支付，店员都唔系好乐意收现金添呀😅…查看更多

星期六晚没有工人姐姐，一家三口行完西九龙中心后见凉凉地突然想食腊肠煲仔饭。 过对面马路的7仔买完饮品后见到间新的煲仔饭。又见门口光光猛猛，餐牌又四四正正就入去试吓。坐下就问系咪有煲仔饭食？ 靓靓妹妹（事后才知是老板千金）神气地说：「有！」 咁我就叫我仔简个有腊肠的，我们就点了腊肠肉饼煲仔饭。然后蒜蓉粉丝蒸丝瓜，椒盐排骨，干炒牛河和蚝仔蛋。一向对煲仔饭有要求和我那8岁的仔都知煲仔饭点先好食，我哋就挑战一下要求要有饭焦但绝不能㶶底。靓靓妹妹话：「易啦！」 食呢个煲仔饭时，真系有饭焦又唔㶶！ 腊肠系好似荣华瘦肉腊肠（当然我不知道是否真荣华）。食后好味非常！ Osu! 干炒牛河乃系厨房克星，估唔到条条河粉有豉油包裹，唔㶶，有镬气。 芽菜新鲜整碟干炒牛河唔肥腻。难得！ 讲到蒜蓉蒸丝瓜，蒜蓉真系以新鲜蒜蓉剁制。新鲜的跟罐头或者樽装比较真系有分别㗎。最后未够饱加多个牛腩煲。呢个煲本身食落去觉得八角唔够。点知有位前辈行来问点样？ 我答八角唔够。他说你食唔出有肉味咩？我心谂系㖞！牛腩真系好鲜甜㖞！ 他就解释用新鲜沙腩，所以为求有肉味就减少用八角来带出牛腩嘅鲜味！结果呢一餐又系长进智识嘅一餐啦…查看更多