食代館 (MOKO新世紀廣場)

同屋企人食左2间1间食西式意粉白汁磨菇意粉……个厨师有无病啊？成罐罐头磨菇连水倒落去成碟意粉磨菇罐头味，仲要苦嫁送左个罗宋汤，不如叫罗宋水算啦真心无心机做就咪做厨啦，我屋企自己整都无你整得咁难食啊around $50既垃圾，真系早知落返去食街边茶记另1间台湾野，只能叫填肚，比一般茶记仲要差蚵仔煎搞到屋企煎反蛋，无味道个猪软骨豆腐煲，热就够热，咸左少少啰个汤我真系O哂嘴……其实我黎食台湾野，点解会上日式面屎汤呢？around $60，你无比我负评既原因，只系因为你起码放得落口…Read More

喺旺角东放饭，自不然就会谂到MOKO Mall，其中foodcourt更加系唔少人嘅童年回忆！(我记得读书生涯嘅我成日去foodcourt食饭，理由只得一个：穷) 今日难得行到嚟呢个平民食堂，就梗系要入去试返次foodcourt滋味喇。本身谂住早食饭会少啲人，点知一入到去就发现人头涌涌，睇嚟foodcourt真系由一开门就已经多人帮衬啦㖞。我环绕foodcourt一周之后，决定食上海料理，呢间食店门面相对普通，但因为我当下好想食口水鸡，于是就拣咗佢喇！但系，食完之后我只可以讲：大家可以唔使试......因为佢口水鸡嘅味道得咸味、无应有嘅麻辣味；担担面面身太淋，好似一Pat面团咁......加上价钱唔系特别平($48/无野饮)。所以，喺有得拣嘅时候，建议大家食另一间餐厅好过。…Read More

同朋友行旺角行到好攰，唯有喺旺角东站附近嘅MOKO入面食 dinner，食完再搭车返屋企🤣，唔讲都唔知原来呢度有间食代馆，见有间卖意粉几平，就叫左黎食🤗～黑椒牛肉洋葱炒意粉朋友叫嘅呢个意粉黎先，我地一见到个份量都吓左一跳，成个山咁多，好夸张😂！牛肉份量都唔少，我试左一啖，黑椒味适中，唔错～👍吉列猪扒烟肉配蒜香意粉份量同样好多，吉列猪扒好脆口😚，块烟肉都好似炸过黎咁，略嫌有 d硬😅，配埋吉列猪扒一齐食，有少少油腻，不过味道都好食嘅😉～意粉软硬适中，蒜香味浓，但可惜炒到较为干身😂不过总括黎讲，40几50蚊嘅意粉比嘅份量咁多，其实已经好抵食😚！性价比都算高～…Read More

想平食铁板烧, food opera 就有一间. 呢度多款套餐任君选择, 价钱相当相宜, 经济实惠, 又可以食到热辣辣嘅铁板烧烹调美食。我最爱呢度嘅塔香鸡扒套餐$72， 香煎鸡扒加上香草给酱汁，惹味。套餐仲包括蒜蓉油麦菜，miso soup, 虾仁炒蛋, 汽水同白饭。好够饱，就算加一都系好抵食。…Read More

蕃茄汤冰室 香煎鸡扒炒滑蛋蕃茄浓汤通粉$48成个food court睇落去最抵食好似呢个餐🤩, 不过加饮品要成十蚊所以就冇加🤭🍜蕃茄通粉汤底真系几浓而且有几嚿蕃茄, 不过汤底偏甜, 通粉质地唔会太淋都ok🍽️鸡扒新鲜炸起, 外皮脆, 肉嫩又有肉汁, 鸡扒有惊喜🍳炒蛋份量都唔少, 炒得几滑身, 而且蛋上面洒左少少香草, 有诚意整体$48有这个份量及质素, 响foodcourt黎讲, 性价比算高👍, 不过如果加饮品唔使加成十蚊就更加好😂鱼坚总评性价比 4👍(以5👍为满分)…Read More