願榮光咖啡館 (已結業)

見佢月尾就結業，諗住最後一次黎支持下。早一個星期我已經book左枱，個日亦準時到達。去到現場見到大排長龍，派龍頭位置嘅人係冇book枱，咁我就入餐廳問吓職員，當時只得一位店員喺廚房忙緊，成枱都係未洗嘅碗碟，佢同我講要等咖啡師返嚟先可以安排入座。咁我話冇問題啦，麻煩佢喺咖啡師返嚟嘅時候同佢講聲我喺出邊等緊。到個長毛咖啡師返嚟。我就同佢講我book咗枱，佢話：「你喺出邊等。」我問佢係咪都要排隊？佢話：「都係喺出邊等。」啲態度差到呢。咁我唯有出去排，等咗一個鐘左右，佢一路都有安排人入去餐廳，但嗰啲人都係冇book枱嘅，即係佢唔存在所謂book枱唔book枱嘅分別，亦冇做分流，全部人都係要排同一條隊。期間有其他人都係book咗枱，但係都係俾佢掃返出嚟要排隊，我冇話book左枱一定唔駛排，但要排同一條隊係咩玩法？咁好心你唔好接Booking啦，或者我可以考慮早啲嚟唔使等咁耐，而唔係以為book左枱就坐定粒六。其實你咁既態度，摺都只會係遲早既事，咁駛瀨咩政唔政治，見都有幾多人話你地態度好差，我都慶幸冇幫襯過你哋網上生意，以前冇，將來亦唔會。…查看更多

分享成世人最差咖啡店體驗一間月尾結業嘅咖啡店諗住點都要去支持一下飲杯啡由三點半排到八點先有位仲要朋友嘅爸媽等我哋返去開飯所以落單同佢講淨係要四杯野加份甜品店員提高聲調係所有客人面前開始佢對我哋public shame「我哋而家做甜品要好耐，如果你哋唔係食正餐嘅就企出去等，我轉做四杯外賣比你哋，就咁話」排隊咁耐都無聽到你規定入去一定要嗌餐就算係入座嘅時候你都無講過真心為咗支持先排成幾個鐘入到去換黎咁嘅體驗真係好差然後我哋諗住就咁坐喺度等埋杯外賣先過咗幾分鐘佢走過嚟趕我哋出門口一手指住個門口命令我哋企返出去等外賣當然全部客人都望住我哋成世人都無比人當係狗咁趕出門口大佬企咗咁耐入嚟坐幾分鐘等外賣都唔係好過分雖然唔係幫襯咗好多不過店員態度真係好有問題仲要排隊時每次只係行出嚟多謝大家耐心等候同埋問有冇人要外賣cold brew無講過話而家只offer晚餐同埋如果淨係飲嘢就要轉外賣立場還立場 生意真係唔係咁做好差 真係好差One Less 零服務態度餐廳…查看更多

中半山❤️ 發現隱世小店🫢 日式家庭料理🗻 富士山嘅飯團🍙造型精緻，賣相非常吸引💯鹹鹹甜甜幾特別。粉紅色嘅麵🍜係素梅麵黎，會食到紫蘇香味。☕手沖咖啡🙌🏻一場黎到緊係要飲返杯，價錢就係睇番揀咩品種嘅豆，咖啡師仲會詳細講解～感覺非常之專業，除咗即場飲，仲可以買返屋企，自己慢慢沖嚟飲添㗎。整體嚟講店員服務好，好細心、好親切☺️ 擺設都盡顯心思😆值得嘉許👍🏻👍🏻👍🏻📍 願榮光咖啡館 📍上環必列者士街31號地庫…查看更多

見做到29號，就來撐場，坐低叫左咖啡同伯爵茶千層蛋糕，朋友叫左檸檬特飲，咖啡好快到，特飲同蛋糕等左20分鐘未到就問個女職員，佢話知道叫我哋等，再等多十幾分鐘先見到佢佢搞杯特飲，跟住等蛋糕期間見佢不停 pack 蛋糕再放回雪櫃，見到一件蛋糕放作枱面，疑似是我的，但又唔比我，又等左十幾分鐘，佢 pack 完蛋糕，我再問佢我件蛋糕得未？佢問我枱上面個件係咪我的？我話我唔知呀？我都唔知佢枱面蛋糕係咩味道（佢布幾款蛋糕），跟住女職員就問我：「你係咪好趕時間？」，我話我等左45分鐘（其實唔止），之後佢就好串咁話；「你趕時間就下次再來啦，蛋糕order 可以取消！我嬲到😡，於是我叫佢取消，佢即時同我哋埋單，之後行出門口同門外等候的講，吧格個兩位已埋單，佢哋走就到你地，但我入座前在門口等左十幾分鐘時，有人埋單都未有出來同我地講呢啲說話！即係趕客！咁差的態度就算唔租約滿都好難留客啦 點解門口排咁耐就係有食物唔上，客人未食完點埋單！…查看更多

地點唔就腳，打電話去問店員，佢話由中環站去比較近。我地行左大概四個字，要行入後巷落樓梯五點去到，店員話暫時冇位要我哋喺店外等。又冇飛拎又冇mark名，結果喺外面等嘅期間有一對couple客入左去，喺佢地無book位嘅情況底下畀佢哋坐低先。安排入座個下已經畀人遲嚟先上岸😠第一感覺唔好等咗四個字之後終於坐低，但落完order一直等一直等，等咗一個鐘先有一件cake嚟. 大佬我只係叫一件開心果千層蛋糕啫 你現成拎出嚟都唔肯拎畀我 全場嘅人都係咁等 但大家都非常包容. 個個都坐喺度乾等但冇乜人投訴或催單🤷🏻‍♀️全店有三個店員但唔知點解冇人有嘢食 如是者已經等到好燥,因為真係好肚餓.想cancel另一個小朋友餐等我哋可以出去食其他嘢 店員就話整緊啦整緊啦 下一個餐到你 結果等咗一個鐘三個字先黎…都只係兩個米奇老鼠造型嘅飯團啫，我逐粒逐粒痴都唔使咁耐啦🫤食物質素：ok，蛋糕算係好食，但性價比好低，因為全部食物都偏貴，重點係要有無比耐性先可以忍受好慢上菜👎如果唔係店內有隻狗distract下應該感覺更加差結論：無下次，雖然本身都知佢就嚟執…查看更多

Set鯖魚整得好香 筷子拮落去仲係有脆嘅聲🤤抹茶蕎麥面好香 櫻餅都好好食 皮唔太厚 煙韌但唔係死彈清清哋的手沖茶好啱唔太重口味的餐點想試個開心果千層但賣光了試咗個和栗千層好靚 擺盤都有花心思一定值係再嚟嘅小店仲有！佢哋有賣掛耳包同自家炒嘅咖啡豆平時番工就係靠佢哋要番飄走嘅靈魂番嚟手沖咖啡嗰陣見員工都好有耐性慢慢講解比隔離客人知 唔同豆嘅分別咁難得食物、環境、員工 同狗店長都高質嘅cafe唔親身到訪都可以上網買佢哋啲豆飲🤤🤤…查看更多

📸打咭體驗：日式食物黎講都幾好影，我覺得係幾有心思，野食都幾好食。🚗交通：扣超級多分。間餐廳個位係極之極之隔涉，無巴士上去，即要係上環行上山，openrice話行8分鐘上到去，我肯定做唔到。果個位8分鐘行平路都未必得。依家講緊係要搵路再行樓梯上去，上到去仲要搵間餐廳出黎。…查看更多

平日無嘢做去坐下～叫咗個甜品同飲品。🍑白桃雪芭配櫻花福餅🍑雪芭好食，桃味好香，味道清新，配埋福餅鹹鹹甜甜，唔會太漏。🍋玻利維亞檸檬特飲🍋檸檬梳打，擺盤好靚有花心機，仲有聖誕樹吸管好可愛～…查看更多

其實位置好唔方便，不論上環站定中環站上，都要行好長條樓梯。店員應該尊重下每一位嚟幫襯嘅客人。當日到店，客人唔多。女店員示意我坐低之後，俾咗Menu我，好努力介紹佢啲食物，尤其是話好IGable果啲，咁我都叫咗幾款，之後就話叫我等咖啡師介紹咖啡豆。莫講話唔俾杯水，連人影都冇。客人又唔多，我都唔知等乜。等完又等，等左半個鐘，男店員好似急口令咁，講晒幾隻咖啡豆嘅特徵，叫你揀。又話會幫你精心為你挑選適合你嘅咖啡嘅！？？！！原來就係講一次每款咖啡豆唔同嘅味道，等你自己揀。其實寫喺Menu度，我自己睇咪得，做乜要我等咁耐聽你講呢？ 然後繼續等！！繼續等！我又追問 仲要等幾耐！？我趕住時間走，店員又唔比我取消order,話幫我轉外賣，無問我o唔ok就加$20玻璃樽錢。其實你哋做到咁缺$，有冇諗過好好經營間咖啡店。先唔講咖啡係咪真係值呢啲價錢，面黑黑又要受你氣，比你都唔會再幫襯啦⋯⋯女店員自high 又同狗玩又同兔仔玩，又影相。完全漠視我哋一直叫我哋等。。。…查看更多

一心特登去支持這小店，一早已經Book好枱，去到因為未有3人枱可坐，而我另一位朋友又未到，所以男店員先安排我哋坐一張得2座位嘅高櫈坐住先，話一有枱就會幫我們轉枱，咁我就同朋友落住單先啦，叫咗杯白桃一杯香印，兩件御結，跟住女店員知道我哋等緊轉枱後，亦有話有枱就轉俾我哋，等咗一陣我個兩件御結都到，當時水都唔冇一杯，好彩我袋有支水，我就邊食邊等，跟住店入面有兩三枱客走啦，個陣門口又嚟咗班客，店員並無安排我哋轉枱，而係俾嚟咗唔係好耐嘅客人坐，咁諗住算啦，等多陣或者加多張高櫈迫迫地三個人一齊坐就算啦，之後遲嚟嘅朋友都到咗啦，亦都跟住落咗杯飲品，又過咗一陣，我見女店員攞住兩杯白桃，以為自己終於有嘢飲啦，點知女店員係俾遲入嚟個班客，我又算啦，又等多陣啦，誰不知又唔見佢整喎，咁就查問下我哋啲order啦，女店員就話我哋冇叫到白桃，之後又話有，就整返俾我，好啦！又算！跟住我哋隔離近窗邊枱客走，依然係高櫈兩座位，枱都未執女店員就咁叫我哋轉過去，仲同我哋講，未有時間執，叫我哋坐住先，我哋見轉咗同冇轉根本係冇分別，所以最後我哋決定坐返原先嘅位置，我朋友見等極都未有嘢飲，於是決定取消佢個order，女店員隨即話有最低消費，但後尾知道我有叫其他嘢，就冇再話要我哋再叫嘢，無耐男店員就叫我哋埋單！當時我杯嘢未飲完，突然咁急叫我哋埋單？？？門口冇客等緊個喎，而我哋用餐時間都不足一個鐘！成個感覺真係好差，完全冇心做生意！之後我亦有dm小店，講返件事，佢哋嘅回應係：明白 今日比較多booking 謝謝支持💪🏻我哋會繼續努力，一句唔好意思都冇！🤷🏻‍♀️咁樣做生意，當然冇下次啦！…查看更多

🍴 位於上環既願光榮咖啡館係一間日式料理餐廳。精緻既富士山飯團🍙係餐廳特色之一。完全唔係虛有其表，唔係好睇唔好食喎。鯖魚煎得好脆好好味😋最後再食返個櫻花福餅，好滿足🥰仲可以打卡📸💰$140+10% 📍HKG願榮光咖啡館 (上環)上環必列者士街31號地庫…查看更多

這家餐廳位置頗為隱蔽花了一段時間才能找到😅一進入ᴄᴀғᴇ見到有隻可愛狗店長🐶ᴡᴏᴀʜ ᴡᴏᴀʜ熱情地歡迎我們到訪🥰主打精品手沖咖啡☕還有日式家庭料理及精緻甜品餐廳也是寵物友善並供應狗狗的食物精緻日式家庭料理🍱 $140前菜🥙餐單上說好的醬油淮山漬呢😂？後來才知道漬物轉換了枝豆鹽燒鯖魚🐟鯖魚表面燒得皮脆肉嫩，鮮甜可口，一點也不腥，再蘸上蛋黃醬一起吃更美味😋富士山御結🍙是富士山造型🤩🤩，造型精緻粉紅色御結弄成富士山😍，裡面餡料是肉鬆沙律口味，口感甜甜的是日手沖茶🍵玄米茶櫻花福餅🍡吃到櫻花🌸的味道，像日式和菓子一樣，麻糬外皮口感QQ軟糯，裡面是白豆沙，味道偏甜小朋友最愛🍱 $120精靈球御結🍙明明年紀不小也不害羞點了個兒童套餐😂，超萌的狗狗碟放著2件可愛熊仔御結，粉紅色餡料是甜甜的肉鬆沙律，而粉藍色餡料是蟹肉蟹籽芝士蛋糕🍰香濃的芝士蛋糕入口軟滑乳酸飲品🍵有好多冰塊使味道變淡整體食物質素不錯👍，餐具及擺盤有心思♥️，很幸運遇到ᴡᴏᴀʜ ᴡᴏᴀʜ到ᴄᴀғᴇ做狗店長，不知道是否天天來，店員看見我們跟ᴡᴏᴀʜ ᴡᴏᴀʜ玩到很開心，也很放心讓我們帶牠出外散步，久違沒去遛狗，借此機會來回味一番😂…查看更多

今次佢嘅套餐。同埋甜品。裏面有牛柳，入口溶化，牛肉味濃喉，醬汁配牛肉適合。櫻花麵配柚子湯底味道好夾。柚子湯底好適合夏末秋初，胃口唔係太好嘅時候食少少就好開胃。大福餅煎得外皮好脆，裏面煙煙韌韌。服務態度勁讃。介紹餐點詳細。用心烹調。用心裝修，每張枱有不同口號，吧枱凳用心設計，格局優雅。音樂柔和。氣氛寧靜。光線柔和。地方乾淨舒適。餐牌用心設計，用黃金粉紙，盡顯氣派。餐牌融合餐廳。每頁背後有不同嘅說話，會令你回憶過去。價錢合理公道。誠意推介。…查看更多

本身約好左2.30但因為我哋係上環行左幾次樓梯 跟住個錯既方向行左20幾分鐘先搵到原來係pmq 個頭中間打過比餐廳但無人聽去到既時候男店員叫我哋入去入面坐，會有人幫我哋我哋一直坐係到見女店員只係一直向隔離枱推銷完全無理過我哋我哋一直坐左10分鐘左右忍唔住行出去自己拎menu睇呢個時候女店員態度已經好唔友善之後我哋一直落唔到單 佢完全唔幫我哋我哋total喺度二十幾30幾分鐘，完全係透明咁樣咁我直接行出去話我哋因為真係太肚餓，本身係OpenRice book咗位，我哋都係走先女店員勁黑面話 哦 88件事令到我覺得佢哋根本冇心做生意正常入餐廳點都打個招呼或者有個眼神接觸但係佢真係過分咗我諗我哋唔會再過去未比錢就受定氣先…查看更多

關於booking：我個friend前日book嘅時候話喺一個平台上book有半價 跟住今日先短訊話畀佢哋知半價係套餐 同時要點一個甜品或者一個飲品先有呢個優惠 關於收費：book嘅時候連fine print都冇講明個優惠 事後先短訊講明 咁都算啦 我哋都照去 但係埋單嘅時候發現除咗10%服務費之外每人仲加收10蚊嘅唔知咩費 去飲茶就話有茶位啫 我哋去到佢連水都冇畀我哋 咁呢10蚊唔知係咩嚟而且我哋點甜品嘅時候 佢話佢哋d芝士蛋糕賣晒 但係仲有巴斯克芝士蛋糕 咁我哋就話好啦 點知埋單嘅時候佢先話巴斯克芝士蛋糕係貴d 芝士蛋糕係60蚊一件 巴斯克芝士蛋糕係90蚊 貴成50% 落單嘅時候提都冇提過 關於服務：我哋個餐都未食完佢就開始上甜品 個甜品又有鮮奶油 雖然室內有冷氣啫 你擺喺度都係會融㗎嘛咁我哋食完嘢坐咗陣就畀錢啦 畀完錢返埋檯坐低侍應走嚟有禮貌咁同我哋講佢哋收檔了 其實佢哋收六點 呢個咁有禮貌嘅passive-aggressive behaviour我都真係無語咗 收6點仲接5點半嘅booking 又冇英文餐單 我哋自己翻譯佢個餐單畀在場唔識中文嘅朋友聽 半個鐘真係點餐都僅僅夠 走嘅時候聽到staff之間講收工遲呢樣嗰樣 真係唔知係講畀邊個聽…查看更多