順興餐廳

营业中

休息中

順興茶餐廳一間，基本上沒什麼特別。不過，此餐廳，室內裝修都算不錯，係有小小心思嘅，仲有背景音樂添！呀姐落單服務都算快嘅，語氣就唔算係好但也不太差，中間路線。食物，今次落了以下各款：午餐燒汁牛排火腿反牛排較韌，有小許牛味！但都好過用梳打粉浸到變軟嘅！味道尚可！加上有一條菜附上，要加分的。魚片頭時菜魚腐米線魚片頭一般貨色，不可以用以前香港仔魚蛋比較，一個天一個地！同一般餐廳比較，不太淋，總算接受得到！魚湯味不太濃，魚味不夠！菜多加上有幾舊紅蘿蔔，幾甜！總推介指數：6/10以快餐嚟講，可以接受的。

行過見耐無去就食個tea 咖吔多士 熱奶茶老公叫左芝士豬柳飽 凍OT叫之係嗰到有個灰銀頭髮紋身略胖的女侍應叫我老公的櫈入啲阻住條路 但當時水靜河飛 而且坐入啲又到檔住卡位的人出入，真不明如果不比人坐的圓枱 要個客摺埋坐 不如你試下坐？然後落單時 該女侍應一路企係落單電腦眼反反聽我嗌野 但又聽唔到我嗌咩係想點？不如我自己落好過 其實佢係到都無咩作為 收啲碗碟又掟落個盤到 真心覺得個老闆好野 請呢啲員人倒米 我嗰下本想起身走 係我老公趕住食少少野走 之後個卡位有空位 佢就叫我地坐卡位 嫌我地阻住條無人行的道路 但張枱號無轉 啲啊姐係咁問返我 難道我幫到佢地？垃圾服務周圍都係 但最估唔到我鐘意食佢地既咖吔多士 又硬又唔脆。。。個芝士豬柳包 成個凍冰冰 片芝士硬仲要膠。。。衰過自己係屋企整 希望佢地可以可以做返少少啦 野又難食 啲侍應又木口木面 態度差 真心覺得啲遊客好慘。。。比錢食此等質數食物 awful !無下次了 希望佢個舖快點開其他好野食唔好同我講咩茶餐廳係咁服務 我自己都開餐廳 呢啲根本係藉口

今日個人都病病哋,又唔食得啲咩，又唔想出街 !!!唯有就嗌外賣喇!!!打咗去順興嗌咗個排骨烏冬， 排骨好入味好冧，烏冬硬度煮啱啱好，唔硬唔淋，烏冬入面仲有好多菜心，感覺好健康而湯味好濃味，整體不錯~

未夠鐘，走一轉九龍城下午茶先。 呢間由1972年，中間不斷裝修，咁多年仲係到，一定有無原因嘅。下午茶款式真係唔要，睇完再選食乜都要D時間。見幾多人叫米線，廚房不斷出 所以叫左個魚皮蝦餃芙蓉卷魚湯米線。平時唔食魚魚餃嘅我，見到係蝦餃，都想試下。跟住傳統西餐，炸魚柳併沙律，個沙律又真係少左D囉，望落都唔少，其實得一層，一個酒樓碗仔都無囉，但魚柳夠脆口，即炸無得輸。而最主要，當然係個冰奶茶啦，佢最出名嘅嘢喎。但因為下午茶，飲太多茶會唔駛瞓，所以只叫左一杯，加杯華田share飲溝淡佢。個奶茶唔太濃，唔太甜，想要濃嘅，可能唔多like，但我好鍾意，又夠滑，好快被人飲晒，share之苦。價錢公道，可以encore值得一提，佢高層次左，枱上有鐘拑，唔夠人手又好，唔想侍應行黎行去都好，茶記有呢個設計，一讚。

早餐食物不算多選擇，嘢食亦一般，最唔開心係啲服務態度，勁差，好似爭佢地錢咁，問佢厠所係邊？職員竟然答我，係雪櫃果邊......之後我又問雪櫃係邊？佢就好晦氣咁答我，係果邊囉！大佬呀，我鬼知你雪櫃係邊咩，以後唔會再幫襯😡😡

好耐以前喺度食過茶餐沙爹牛麵，覺得幾出色👍🏽今日就同老婆過嚟懷緬下😋😋😋一食就即刻知道，竟然退步咗😤😤😤😤沙爹牛味唔夠濃，汁太少😑😑😑😑牛肉有啲靱，麵有種好粉嘅感覺😪😪😪多士牛油太少，因為係厚多士所以會有種食“齋包”嘅感覺👋🏽👋🏽最後奄列，太乾身，過熟👎🏽不復當年的茶餐🤷🏽‍♂️

早幾日因為晏晝出咗街，所以冇買餸食飯啦。但係哥哥仔仔女女都返嚟食飯，仔仔就提議落街食飯，就去咗屋企樓下間餐廳，因為貪佢坐得舒舒服服，人又唔多，唔使排隊，爽啦。坐低就睇吓餐牌，就叫咗幾個小菜同炒麵，火候真係十足，味道啱啱好，個椒鹽骨最好味，非常香口，其他菜式都整得好好食，第時屋企冇煮飯，都可以落嚟食飯，一個人又得，一大班人又得，價錢都相當合理，而家買餐餸都要百幾二百，仲要唔使煮，唔使洗碗，真係非常開心喎！

今日難得放假，屋企人有冇煮飯啊，就落街食我最喜愛嘅街坊餐廳，已經唔係第一次寫呢間餐廳，因為實在太好食了，真心支持小店，如果轉左手換咗廚師就可能會唔同晒味道。今次就叫咗兩個茶餐廳最特色嘅餐，就係焗飯啦，個焗飯雖然要等10分鐘，但係非常之出色，仲要係炒飯底，本人最愛。另外媽咪就叫咗個焗肉醬意粉，茄汁酸甜到啱啱好，唔會太酸，亦都唔會太甜，火候控制十足。希望呢間小店可以keep到水準啦，因為我成日都嚟幫襯架。

難得收工放得早， 就帶埋媽咪落街食野， 行到樓下，就見到呢間順興茶餐廳，就入去坐低，估唔到我一睇餐牌，竟然有打邊爐喎，咁就叫黎試下啦，份量比我想像中多，好多丸，好多肉，湯底亦都唔錯，好有屋企feel。第時如果想打邊爐就唔使係屋企整勁耐啦，行落街就有得打，真係開心啦，睇嗰餐牌其實仲有好多選擇，有鐵板，有小菜，下次可以試吓其他野，絕對係街坊必然之選，住係九龍城嘅朋友，如果屋企冇煮飯的話，就可以落黎試吓啦!!!

順興餐廳在九龍城幾十年, 約一年前有新的裝修和落單系統. 這次我叫午餐的蒸魚餐, 問侍應何否不要魚頭, 侍應拿手提說系統不能這樣揀, 廚房出甚麼就得要甚麼. 那算了我改叫西炒飯. 餐茶我叫熱奶茶...呀不好要凍奶茶, 這兩句之間不到兩秒, 侍應竟說已落了單, 不能改! 這是甚麼垃圾系統? 改回用人手吧! 若侍應落錯單是不是食客要侷食? 至於西炒飯又極鹹, 相信下次落單也不能要求少鹹吧?

到九龍城買完潮州食品，在附近揾間餐廳食嘢，呢間茶餐廳都幾多人食豬扒菠蘿飽，都叫一個試吓。熱辣辣香氣逼人，豬扒香脆可口，肉汁豐富，菠蘿酥皮鬆脆香甜，飽身軟熟，和豬扒相配，又是另一番美味。

今日放工返到屋企發現冇飯食，媽媽又唔想煮，所以就落街搵下有咩可以開餐啦。星期五緊係想食好D啦，但係周圍都好多人，行過順興唔係好爆就入去食啦，可能大家晚餐都唔太食茶餐廳啦。入到去本身都諗住食飯，但俾我發覺原來有火鍋食，價錢又唔貴喎，自已買送都差唔多價錢，所以就叫左個二人餐食。碟碟份量都好大，細食既我真係差D食唔哂，超值，味道好有屋企打邊爐既感覺。如果想打邊邊又唔想煩既朋友，真係一個不錯既選擇。

日日lunch都幾乎呢間野食，大大話話都食左半年，裝修之前食過馬馬哋，裝修後改善左，於是幫襯佢哋。今日中午同友人一人叫一個午餐佢叫B餐$43，我叫E餐$45蚊，結果我個餐咖哩雞球飯來到係凍嘅，一絲熱氣都無，ok咁我見呢間野食左咁耐，叫落單阿姐過來同佢講，哋咖哩凍嘅可以叫廚師幫我整返熱佢嗎？阿姐呆左呆，跟著同我講凍呀，咁同你叮反熱佢了，咁我話唔好了，叫師傅兜二下了，阿姐即刻條氣好唔順，大佬我條氣仲唔順了，我俾足錢食你微波爐叮嘅嘢，咁我唔去7仔。ok單野未完，隔左陣阿姐來同我講師傅話叫你轉食魚好唔好，咁我本身唔係好食魚，咪話唔得就轉過另一個便$2蚊嘅炒烏冬了，阿姐口噏噏咁走左，好了心諗都完了瓜，又等左十幾分鐘終于來了，食左一半，個友人話轉左個餐，價錢仲係未變，由於今餐佢俾，佢話無理由蝕俾佢，ok又搵阿姐同佢講張單錯左仲係印住舊價錢，點知阿姐未聽完我講已經發曬脾氣，又話甘麻煩又話無得改單，咁我又開始扯火，大佬由頭到尾我都係受害者，你碟咖哩凍架，咖哩唔係冷盤喎，我買單俾一半好唔好，咁我咪嬲嬲哋無心情再食，決定以後唔再幫襯，呢哋服務態度真係勁，整件事我都好聲好氣叫佢整返熱個咖哩啫，咖哩熱食係好正

二零一九年初四，雀局前晚餐。年初四要上班，下班後跟一群雀友相約九龍城延續新年必需有的打麻將，也順道在附近找點吃的。其中一友人已經在餐廳裡面，進去後就直接點餐。茶餐廳眾所皆知選擇多，這裡也不例外，不過餐牌好像從來沒有抹過一樣，黏手得恐怖，衛生情況不能接受。直接點沙嗲牛肉米粉，去茶餐廳我只會點這個，通常是麵，晚上就不要吃那麼飽。先吃一塊牛肉，口感很硬，嚼了很久，沙嗲份量不夠導致於米粉也沒味道，雖然茶餐廳我不是吃過很多，但這個牛肉麵質素明顯偏低。跟配的火腿奄列，說好的火腿呢？而且蛋是沒味道的，要灑滿鹽巴跟白胡椒才能吃，我也不知道自己在吃些甚麼。九龍城美食林立，環看這餐廳人流少得可憐，不改善食物質素真的很難有回頭客，至少我是不會再來。

呢日朝頭早九點幾自己一個人去咗位於土瓜灣衙前圍道嘅順興餐廳食早餐。呢度嘅早餐精選供應時間係由朝頭早六點九至十一點。我揀左精選早餐入面嘅沙爹牛肉公仔麵配餐肉腸仔煎蛋飲熱鴛鴦，盛惠$32。牛肉比較軟身不過沙爹味道唔錯，公仔麵嘅軟硬度適中。午餐肉腸仔及雞蛋餐包等……都屬於一般正常貨色。將餐肉同蛋夾入餐包度就變咗餐肉、蛋餐飽。杯熱鴛鴦非常唔錯，奶茶及咖啡嘅份量好均衡，好飲。這份早餐味道到正常，熱鴛鴦好飲，以呢區嚟講$32有呢份份量唔細嘅早餐，算係好抵食。