順興餐廳

营业中

休息中

繼續吃暈九龍城今來來一家跟家比較近的以前常常買他們得蛋撻只是現在還在戒口還是只能吃魚豬認命吧🤣最近也可能要更年期？總是很熱但亂吃熱食的在下還是要吃熱熱的不管頭頂有多少風扇冷氣也好吃完都是變成水人還會發臭吧😶一大早..蕃茄薯仔湯底早餐$33在下選了鮮魚腐配螺絲粉總感覺一點都不餓但答應了的事要做..也或許只是天氣太局熱的影響而令在下無胃口吧蕃茄薯仔湯底卻是紅蘿蔔比較多不過在下也愛就對了湯底鮮甜加了不少心機吧魚腐3大粒跟越式（？）那些的Size 差好遠這碗螺絲粉卻讓在下想起車仔麵😶飲料在下又飲咖啡☕️怎麼認識你以為在下喜歡上喝咖啡了是想要自己保持清醒來掛念你嗎⋯⋯而本日咖啡也沒很濃大概在下失味覺的日子真的要來了餐廳的背景音樂是純音樂和古典還有些在下也在收藏中所以其實此刻在下的感覺還滿舒適的除了一直在冒汗生意很好也看著新鮮麵包一直出爐這也是在下之前愛來這裡買蛋撻的原因保持新鮮的良性循環啊店裡有高科技點餐但生在石器時代的我選擇呼喚店小二

野食就大眾口味囉！ 價錢唔平嫁！但服務態度真係...食左都背脊骨落囉.......都唔知靠乜野撐到今時今日！菠蘿油可以既...干炒牛河都夠味既...但唔會再黎貼錢買難受囉！

之前想飲杯奶茶都會黎依間所謂老字號嘅茶餐廳食吓，平時食飯、炒粉麵湯飯之類都叫可以啦！今日跑完步食過午飯，叫咗個咖喱豬扒飯！佢老味洋蔥生嘅青椒都係生嘅，豬扒硬過石屎，最勁嘅係無薯仔同我講聲我可以接受，但你比薯條我？？你炸吓都好吖，不如你比沙律我啦🤬🤬🤬唔知係咪第二代接手，又可能係自己鋪唔休做，雖然六十幾蚊對老闆唔係咩大數目，但我都叫做比咗錢出黎食吖！我唔會再幫襯，就算你杯奶茶啱我口味都係咁話！

職員服務態度有待改善、無禮、十問九唔答，最好唔好問唔洗答，等人落單等到變長頸鹿都算，態度仲要好到極點，唔會再有下次。食物一般茶餐廳質素、食完好口渴、不斷咁飲水。

坐咗好耐都唔見一個侍應，等到侍應嚟到落單時，佢又好唔耐煩咁，咁我叫咗個豬潤面同蛋撻，個面小都不在話下，個酥皮蛋撻，撻皮唔夠酥，實啲啲！蛋無蛋味！唉，我諗住是旦啦！當坐下休息下都算啦！埋單時個收銀竟然話唔收毫子，咁我問佢點解你張單會有食品係收毫子架，我只係照單價錢比你，但你哋就唔收，同埋我望晒櫃檯位置都無講話唔收毫子，佢就不停同我講公司係唔收毫子既！ 但佢竟然找毫子比我！呢間嘢似老賣老咁！又唔係平，又唔係好食

星期日，遊閒地揸車去九龍城，見餐廳無乜人，就入去食下午茶。第二次黎了。今次叫左2個餐，西多加黃金帶子，D黃金黃得有點燶咗添。 個西多就正嘅。個意粉就勁正，係鍾意嘅爽滑質感同埋粗度。叉燒都尚可，唔太硬嘅。火腿奄列就正常，但個多士好有驚喜，唔知點解，總之牛油以外，唔點解仲甜甜地，總之好味，對我呢個多士控黎講 ，勁吸引。紅豆冰要加$8，都正常價 ，大型連鎖餐廳都差不多價。有人鍾意飲。今次個奶茶，我叫少冰，唔覺，反而覺得少甜同少茶 即係少味。淡左好多，同上次比係淡左，但都好嘅，我下午茶飲奶茶分分鐘都會，瞓唔著，而家淡淡地。有好有唔好囉。不過下次未必再飲奶茶了。

特登去九龍城食晚飯 知道九龍城多泰國、串燒及火鍋食店，但咁岩經過順興，睇個餐廳門口 有d歷史，所以就入去試試。店員一入去就提供兩個晚餐餐牌，一個係特價晚餐另一個就鐵板餐。 特價晚餐共有5款炒面炒飯選擇，款款HK$49包中湯及熱飲；而另外一個鐵板餐有3款鐵板：雞豬牛都係配蝦餅。我同朋友點了一個星洲海鮮炒河及牛柳蝦餅鐵板餐，先黎兩個一般般只有咸味嘅中湯，再黎一個已經一早搽左牛油嘅甜餐包，呢個餐包上之前先搵微波爐整熱，所以熱辣辣，食落都唔差。 炒河上得好快，夠晒鑊氣，炒得好香，呢個值得推薦；鐵板上餐時間就耐少少，一上到侍應會問一句 「要唔要幫你淋汁」，一心諗住一淋汁果下會沙得大大聲，D汁會彈到周圍到係.... 點知一淋 靜嘅 真係一D沙沙聲都聽唔到.. 心諗唔係呀 凍嘅.. 一食.. 咦又唔係凍 但牛柳嘅肉質係淋同韌.. 不過以一個68蚊嘅價錢執食到一大塊牛柳 都算係差唔多.. 但如果再食就唔會再叫.. 叫番小菜會好好多～ 所以你地有興趣去食，就去叫小菜炒粉炒飯就好D~

1) 優惠特價炒粉麵餐 $41- 干炒牛河- 羅宋湯2) 炸蛋球 $10 + 堂食 $0.5原本炒粉麵餐奉送咖啡或茶一杯, 因想飲羅宋湯, 特意詢問店員飲品可否轉羅宋湯, 謝謝店員安排。羅宋湯份量大, 雖然給的材料非常少, 視覺上有中伏感, 但味道是中規中矩的。干炒牛河上菜速度快得驚人, 不消3分鐘即上桌。特意要了少油, 以減少罪惡感。河粉上色均勻, 味道略淡。牛肉大片, 肉質軟腍。炸蛋球沾滿砂糖, 味道甜思思,  內心鬆軟, 是不錯的甜品。因炸蛋球屬於餐廳外麵包櫃的食品, 堂食要加少少錢啊。

九龍城老字號，出名菠蘿油、奶茶。經過當然來朝聖一下，不知今日是不是師傅心情不好😐 菠蘿油真是冇賣相，完全冇菠蘿麵包上應該有的格仔紋。雖然牛油還是很香，麵包微暖，食入口還是可以接受的。奶茶，奶味香，茶味濃，不錯。老字號，保持到味道，雖然食物外觀一般。但如果改善一下食物的賣相，相信會更加好

平日久不久也會到九龍城吃午餐丶晚餐，甚小到這區吃早餐。今天要等小愛人落堂，足足要等三小時，所以決定走到這區慢慢嘆早餐。我點了照燒雞扒早餐，早餐包了一件照燒雞扒及自選煎蛋丶茄汁豆，另外奉上牛油餐包。早餐份量不多不少，照燒雞扒是新鮮煎起，熱烘烘的，味道很不錯。提外話，由於是新鮮煎起，所以上菜時間比一般茶餐廳耐，等了16-17分鐘，如果趕時間的話可能還是點麵餐快一點。飲品方面，我點了熱鴛鴦，味道不過不失，略嫌奶味不足，下次還是點奶茶好了。

我和Honey經常來順興，早餐、午餐、下午茶……近乎每星期都來一次。這裏是香港茶餐廳食品特色的代表。紅茶夠濃，奶夠滑，調配得剛剛好。蛋撻，酥皮鬆脆，蛋夠滑。蛋牛治，更加一流！麵包煙韌又鬆軟，蛋炒得很嫩，但又不油膩 。鹹牛肉厚厚的一層。整個下午茶，滿足到不得了！

黎順興記得揀lunch time，同樣係食扒餐，即係牛扒、羊扒呢d扒set，食物水準同dinner一樣，分量都差唔太遠，但dinner同lunch價錢就差得遠，所以要試一定要揀lunch time，用平價錢食高質食物。鍾意食肉既朋友仔可以試下佢地既牛扒、羊扒或者炸豬手lunch set都好正，配汁最好味都係黑椒汁，但lunch set唔一定係配黑椒汁，可能係配燒汁、蒜蓉汁，如果好想試下既，建議加錢轉黑椒汁，個人覺得會好味好多。最後，飲品記得揀佢地既奶茶呀，茶香奶滑。如果有多個甜品胃，可以試埋佢地既炸蛋球，唔係度度有得食架！

順興菠蘿油 已經係去到呃錢的地步‧"菠蘿皮" 軟身, 唔鬆化，面包又細又無包味，感覺不專業, 產品求其，1個菠蘿油 甘既價錢見真章。可以靠老本，呃幾多人幫襯此劣食我就唔會，做個簡單菠蘿油 都甘失敗。

一年多之前路經這間剛剛裝修完的餐廳，喺門口見到原來歷史悠久，前身係喺東頭邨第三座的振興冰室，入內亂咁點食咗一個好好味嘅豬扒包，今日又要再來這裏附近交份文件俾個客人，用電召的士的Apps叫車的時候不知為什麼，誤以為這間餐廳名叫聯發茶餐廳，喺開飯網搜尋完之後就call的士，原來九龍城真的有一間聯發茶餐廳在侯王道，一落車之後發現錯了就步行過去，幸好都非常之近，今日點了一個常餐：1) 雪菜肉絲湯意粉 - 味道一般2) 自家製餐包搽牛油加埋火腿奄列 - 好一般3) 凍檸茶少少甜 - 杯茶睇落好濁，少甜是做得到的，但是味道好一般。埋單$45。無論佢叫做「振興」定叫「順興」對顧客來說並沒有什麼關係，做不到牌子效應，好似我呢亭人咁，就當左佢佢「聯發」，不過侯王道嗰間聯發茶餐廳真係多人過呢度三倍。

今日經過九龍城去左順興餐廳食lunch見到隔離枱食乾炒牛河好香,所以我都叫了乾炒牛河都唔算太油膩因為都知道炒河如果唔多油會燶所以叫都預左牛肉份量正常啦,肉就拿得勁左d,變左口感差左少少不過肉味都係有既芽菜個d配料都唔夠多所以冇咁香熱華田正常啦