順德公漁村河鮮酒家

营业中

休息中

傳統嘅河鮮酒家已經唔多，喺佐敦偉晴街呢度，可以話係佐敦嘅馳名美食之一。呢度唔收茶錢真係好好啊，已經好少有茶飲既茶樓係唔收茶錢，而且枱上面仲有啲令人食完好開胃嘅酸欖，真係有呢款野食嘅餐廳都買少見少。我哋食咗四人餐裏面嘅咕嚕肉，呢度嘅咕嚕肉同出邊嘅餐廳有啲唔同，因為佢嘅雞件全部好大塊，唔會加好多麵粉去炸，加上有好足料嘅三色椒，炒得好香好脆，三色椒嘅水份鎖得好緊，每一舊都好新鮮，成碟餸都好光鮮，色澤亮麗。另外仲叫咗佢哋呢度嘅金牌得獎作品污糟雞，本身想睇下佢究竟有幾污糟，哈哈！反而同我想像嘅差別好大，佢裏面用咗好香嘅榨菜，一揭開錫紙有好香嘅燴雞味，裏面仲有好多大蒜同大葱，口感好辛。最後待應頓時將我哋塊枱布拎走，變身成為食魚嘅火鍋煲，成條魚放入湯裏面，仲可以加薯粉米線，真係好吸引。魚夠晒新鮮睇住佢喺魚缸拎出嚟，仲有專人幫我地分埋魚，零舍體貼就佢叫我地小心啲骨，因為都幾多。每人約＄300，還可接受。

今日好大雨，求其都搵咗間睇落去好傳統嘅河鮮餐館食飯，我同朋友們成身濕晒，不過見到呢度啲嘢食應該都唔錯，所以心情頓時變好。我問咗經理，經理建議我哋喺呢一度點四人餐，因為我哋有四個人，有幾款仲係佢哋嘅招牌餸同埋得獎菜式添，咁就真係要試吓啦。順帶一提呢度免收茶介，所以都幾抵食。由於我哋四個都係女仔，第一個湯就啱晒我哋，佢哋叫個湯做女人美容神器，因為裏邊有好豐富嘅藥材，有紅棗當歸等等，佢哋話佢哋真係足料煲足咁多個鐘，仲有靚仔經理幫我地上湯添！裏邊有個好大嘅魚頭，魚有好豐富嘅蛋白質，飲落去嘅時候覺得好補身，而且啱啱濕過身，飲落去就更加溫暖。最後我哋仲每人飲咗兩碗，太好味了，又無味精好少有，個胃好似已經填滿左一半！之後仲試咗呢度嘅手打鮻魚球釀青椒，平時我都好鍾意喺茶樓點尖椒，呢個青椒富有好豐富嘅魚肉係中間做餡料，唔會似普通茶樓有時魚肉同青椒分得好開，會甩出嚟。每人一隻，岩岩好，而且呢一度仲有炸過嘅鮻魚球，好香口，仲有蜆蚧醬點添。我哋傾吓傾吓就過咗成個夜晚，差唔多最後一台先走，好不愉快。

朋友約嚟食飯，先發現到嚟間咁打得嘅餐館。入嚟幾有傳統家鄉菜感覺，直望已見到個金牌，更覺堅野一坐底除左開壷茶之外，仲有啲好「脆」小食。 脆梅⋯ 酸酸甜甜，超好食！停唔到口天麻蟲草花燉魚頭好鐘意飲藥材湯，甘香鮮甜，識食，一定要食煲湯雞腳，吸收哂所有精華，簡直一流。蜆芥鯪魚球配鑲虎皮尖椒對鯪魚肉有點抗拒，但呢個都一定要食，口感煙韌，而且鯪魚鑲尖椒，辣辣地超好味。神級美味咕嚕肉我呢生人食過無數次咕嚕肉，但呢個咕嚕肉係我一生而來食過最好食。咕嚕肉層皮好似冰糖葫蘆咁脆呀⋯⋯ 太神啦，內裡肉鮮嫩，配上好似芝士般咁有張力酸甜汁，單係呢個餸可以叫兩碗白飯。污糟雞超好味雞，諗番起細個鄉下食蒸雞⋯ 超有雞味！魚翅湯煮鯇魚呢個湯一定要飲！鯇魚鮮滑⋯ 黃金糕煙韌，有棷汁清香

飯前有個很特別的開胃菜，「銀鏈」 連皮食， 酸酸甜甜... 有啲似橋頭蟲草花天麻燉魚頭湯味很重， 感覺很補身， 特別岩女仕😏眼見湯渣好重料，不妨食埋隻雞腳，很入味👍🏻👍🏻太子成名脆皮咕嚕肉非叫不可嘅一道餸，很少有機會識到一啲超薄，超脆既皮，大大舊肥瘦均勻適中既豬肉，配合佢哋獨家嘅秘製醬汁得獎銅盤蒸污糟雞食雞最緊要嫩滑，除左滑仲好入味，味道亦唔會好喊👍🏻👍🏻👍🏻家鄉煎釀二叔公煎釀尖椒雖然有好多地方都有得食，今次我主力就講煎釀蓮藕，蓮藕好爽口，配合中間嘅肉餅，味道啱啱好...一般來說，出面我食過好多間，大多數都偏向好鹹，一定要叫碗白飯送...但係呢間你可以就咁食，可以留肚食更加多嘅餸👍🏻👍🏻翅湯枱面山坑鯇魚除咗食呢條魚，個湯都可以飲埋，鮮甜嘅魚湯，再配合左一啲胡椒，好味有益，食完條魚，仲可以加一啲蔬菜，唔少得嘅係要另外加個米線， 因為呢個魚湯再配合米線真係不得了食完飯當然唔少得甜品，熱辣辣嘅雙皮奶，有好香濃嘅奶味...奶製品愛好者，一定要叫呢個甜品

同朋友行到附近又唔知吃咩好見到有個套餐$1280 4位用就決定坐底吃坐底無耐就黎左蟲草花天麻燉魚頭湯呢個魚頭湯就用左半邊魚頭煲味道幾好味愛飲魚湯的就唔好錯過了呢碟叫順德煎釀二叔公唔太岩我口味好油甘多味我超中意呢味太子成名脆皮咕嚕肉嘩無得頂咬落好鬆化好多肉唔似出面的又硬又多粉唔怪得全場好多人都叫呢味菜聽聞呢碟係佢哋好出名的銅盤污糟雞吃落味道唔錯原先吃到呢度心諗份量甘少的4個人吃都唔飽最後果道會唔會都唔夠吃？點知翅湯山抗魚一上桌好驚訝甘大條魚翅湯底加魚的味道好好味呀清洗呢條魚我地4個人都好飽了其實呢個唐山菜就遲左黎因為催左2次待應就2次都未來之後同經理再講經理就快手快腳比左我地下次吃飯直接叫經理仲好呢個4人餐份量真係好足夠

今日約左幾個舊同學食飯，有其中一位推薦去食順德菜，於是就去左佐敦的順德公魚村河鮮酒家食晚餐。我地四個人叫左個四人套餐，價錢唔算貴，環境都幾寬敞。首先上嚟嘅係順德煎釀二叔公，雖然係有啲油，不過都幾鮮味，作為第一道菜，引下啲口水分泌都唔錯。之後呢個湯就真係要極力推介，一定要試，好飲到不得了，份量都足，我地四個人每人飲左一至兩碗湯渣都好足料，可以見到有幾款唔同嘅藥材，同枱嘅舊同學連藥渣都唔放過呢度咕嚕肉同出面食到嘅好唔一樣，出面嗰啲好多時會炸到勁乾，呢度嘅咬落去表層鬆化，不過入面係軟同有肉汁，正！呢個係污糟雞，睇落去都唔係好污糟，不過食落去就好好味！最後一道菜，今日嘅主打，枱面魚，條魚味鮮甜，魚湯係翅底湯，另外會附有唐生菜，索左啲魚味同湯汁，好好味！總括而言，今晚呢餐大家都食到好滿足，下次會再嚟

坦白講好食嘅中餐香港並唔多， 那怕去到酒店高級中餐廳， 都係好睇唔好食。但係大熱天時又唔想去大排檔， 要喺餐廳仲要有間房涼住冷氣，但係又有大排檔風味嘅餐廳真係唔多， 重點推介 咕嚕肉排骨， 乞衣雞，黃金糕, 同父母來食一流， 唔會畀父母詐型話貴。話說之前去過"龍王"食， 真心搞笑！又貴又入唔到口， 而家市面上好多過份吹噓嘅中餐廳， 反而道道地地嘅中餐廳唔到， 香港啲租咁貴， 講真留得返低幾餐廳， 一係就用嘅貨勁checp唔好食, 一係好快就整唔住執咗笠, 真材實料又可以有咁多年嘅餐廳真係得返唔到!

本人從來沒有寫食評習慣，但為免再有人幫襯這黑舖真係唔寫唔得。菜的味道係沒有大問題但他的做生意手法完全係劏客又hard sell。打電話訂枱時職員已經主動推介几款菜式問你洗唔洗預留當中有鱔煲，所以我地留左，但原來餐牌上沒有標明價錢，只有話以兩計算。另外我們一坐底侍應已經不定叫你去魚缸睇魚，然後佢係魚缸前面推介一條巳劏開嘅鯽魚話可以兩食，當我問價錢時侍應嘗試逃避問題，我再問多次佢先諗左陣然後話$500斤，一條街市買到的鯽魚要$500斤我已經知唔對路所以就拒絕。返埋枱再睇餐牌問佢有咩推介，佢就推介左餐牌上冇嘅鯪魚肉釀全魚，問佢幾＄佢話三佰幾，佢係咁話係好出名所以叫左，其實最後只係一條滿滿的鯪魚肉。最後四餸一湯一甜品埋單要二千幾蚊，普通個鱔煲$6xx佢話24兩，但重來冇比我地睇過條鱔有幾大，食嘅時候只有七八嚿。其實貴唔緊要，討厭佢做生意唔老實，唔怪得成晚只有四五枱食客。

公司有位嗜魚的大叔同事，對食魚很有要求。他說魚養得唔恰當，有泥味；魚蒸的時間唔岩，魚的肉質會被破壞。他說去了很多餐廳，食到的魚也不合格，但他獨愛一間餐廳的魚 — 順德公。聽名字就是一個順德人開的餐廳，我不知道順德人是否對食魚很講究，但我相信那位嗜魚同事，就拉佢衫尾出發食靚魚。等了半小時，期待已久的「靚魚」終於上菜。果真是跟平時我食開的魚有分別。賣相方面，這裡的魚肉較白，魚皮銀色閃閃發光，肉質很硊，口感好極了！難怪全院滿座，很吃力才找到位子開餐。「食魚」重點當然是魚，但花雖美也要有綠葉扶持，這裡的豉油汁、梅菜和蔥花味道超好！令鯇魚生色不少，白飯也美味無比。這間店我只幫襯過一次，因為太難搵位了，而且蒸魚需時，對趕頭趕命的打工仔來說，半小時等菜太奢侈了。

同事請食飯，選了佐敦的順德公河鮮酒家，據聞開業已久，食物質素不錯。一行20人先後到達，坐了兩圍。店員熱情招待。在一片熱鬧的氣氛之中，跟隨店員走到魚缸前落單。她極力推介龍蝦，用蛋白蒸鮮味一流。以為這裡是吃河鮮，沒理由花＄1800點龍蝦，兩枱便要＄3600。「太貴了，還是點河鮮吧。」店員推介油浸冧哥、龍吐珠鯪魚球、蟶子王，再點些其他的，加上同事一早預訂了天麻鱔頭湯和雙皮奶。食物是不錯的，不過埋單時看到每枱＄5000幾的賬單，實在嚇了一跳。未免太誇張了吧。餐牌上都是以両做單位。鱔煲每両＄26，結果單是鱔煲已要＄900。那條油浸完很鬆脆但沒有魚味，大家都懷疑是不新鮮才炸的冧哥更是誇張。幾鮮甜的鯪魚還可接受。其他每碟計的，價錢正常。請師傅給我們再量一次魚的重量，其實無補於事。魚都吃完了，大魚細魚隨他挑。擾攘一輪，店員給我們全單9折。要不是劏客，何不堅持？建議大家落單時要看著他稱魚的重量和問清楚價錢，無謂引起不必要的爭駁，臨尾才掃興。

星期六到順德食團年飯，一早訂了枱，共12人。落單時，店員不斷游說大鱔及其他"時價"菜。當問到約咩價錢，又講吾出。最後，我地都叫咗一時價魚，但店員又冇comfirm整碟菜几錢，埋單時碟魚竟然要多$1000。店員亦冇得到我地同意，將d餸加大!總括來說，食物是可以的，但推銷手法太劣!大家要小心落單

（1）豉汁蒸黃骨魚，自把自為改蒸魽魚。一斤重，唔聲唔聲埋單收$550（再加一）。（2）芫茜豆腐滾魽魚，四位用。唔聲唔聲每煲又$350（再加一）；共兩煲。=$700三條魽魚，盛惠$1250（另加一）；做生意，餐牌無的，係咪我地唔問價，就覺得抵斬！大家睇路！

慶祝家人生曰來到順德公，原本開開心心但係就入咗一間亂開價的店。店內食物唔錯，但系店員會係咁推銷啲貴野俾你地食。首先我哋一行七人想叫中蝦，店員就話一斤得個四五隻唔夠食起碼要兩斤起，點知一上枱足足有成18隻買單＄800，唔係話食唔起但係畀人屈嘅感覺真係唔係咁好囉！跟住嚟得順德公梗係想試吓佢嘅大良炒鮮奶，店員一陣就話要炒成粒鐘一陣又話幫我地未左單，一陣又話個大廚已經準備好，根本佢哋就唔想炒...如果唔想炒就應該一早就話冇貨啦,之後就話大廚準備咗炒咗俾我哋, 原本一碟＄128嘅炒鮮奶佢冇打上單，只係打咗廚房手寫單就打咗一＄$168貴左＄40....講良心說話間野係幾好食但係要憑良心做事唔可以亂咁開價！所以想去的人一定要好小心咁落單同埋check單

今日同同事去咗順德公食午餐，同事推薦話要食呢度嘅蒸魚飯，所以我哋每人叫咗一份，蒸魚飯價錢一啲都唔平，連茶錢和加一，每人要$70。鯇魚好滑，肉質幼嫩，好新鮮，雖然以午市蒸魚飯黎講算幾貴，但真係物超所值，鍾意食魚的人一定要試！

網上聽聞過這間順德公很多次，主要評價分別有食物味道一流、推銷手法不良（包括亂開價）兩種，今次特意跟朋友說要去試下「俾人劏」，親身闖入龍潭虎穴一看。-▶ 順德金牌銅盤蒸污糟雞：★★★★☆金牌銅盤蒸污糟雞是由一個銅盤包住錫紙傳上來的，底下盛著的是一個用藤編織的籃，雞肉經醃製後，以香䓤、辣椒、菜甫等佐味，再用錫紙焗住味道，吃起來雞的風味保存得很好，醃料的味道很好的滲透到雞肉肉質的每一部份，濃度來說算是偏鹹，用來佐飯的是非常不錯的一道菜。--▶ 懷舊大良炒鮮奶帶子蝦粒：★★★☆☆大良的雙皮奶有名大家都知道，但那是甜點嘛，原來大良鮮奶也可以用來炒餸配飯，於是點來吃吃看。口感和炒蛋並沒有太大的分別，滑嫩的滋味口感配上帶子和蝦，貌相是一片白茫茫，不過選材配合充份表現了滑和清的味覺體驗，「滑」方面做得不錯，整體味道不算深刻，牛奶味不強，我倒是懷疑和滑蛋炒帶子蝦粒有何不同？-▶ 蒸河邊魚：★★☆☆☆據網上評價，在這𥚃叫魚最需要小心，所以我點單前特意問了店員價錢才確認，和網上形容有所不同的是，店員沒有搶著馬上斬魚「霸王硬上弓」，可能是小弟看起來沒甚麼油水可撈吧，整條魚三百八十多元，是否貴就見仁見智，我是覺