韻味小廚

早前同朋友一齐预订咗呢间食海鲜，专诚试佢哋几道海鲜菜，整体水准超出预期！• 果皮蒸南非鲍鱼：鲍鱼爽口弹牙，蒸得刚刚好• 冬菜蒸黄花鱼仔：鱼仔够新鲜，鱼肉滑嫩• 花雕焗虾：一上枱香气扑鼻！花雕酒香浓郁但唔呛喉，虾身厚实鲜甜，焗得啱啱好。虾壳容易剥，食得干净又满足• 姜葱炒蟹：蟹肉饱满，姜葱味浓郁，有镬气又惹味整体海鲜质素高，火喉准，味道细腻。价钱以新鲜海鲜嚟讲算合理，服务亦细心。好啱家庭聚餐或者朋友庆祝聚会，值得再来！佢哋自家制梅酒都好好饮！酸酸甜甜好开胃，酒味唔浓，好易入口，一唔觉意饮多两杯～…查看更多

屋企团年饭，阿哥带我地嚟食呢间，第一次试又几好食，店舖不大，但又未算迫，墙上贴满小菜相片，相当吸引。特别推荐仙鹤神针同家乡炆鹅，仙鹤神针汤底淆得相当浓郁，鸽肉软冧，翅份量都唔少，正👍。家乡炆鹅炆得入味，肉质嫩身，食过返寻味😋，招呼服务都好友善，厨房师傅会出来问下我地𩠌菜味道如何，估不到小店都会做功夫菜，我地已经约好下次要试江南百花鸡、酿鲮鱼同要encore糯米饭。最后我地仲即场买左佢地自家制、无添加防腐剂嘅萝卜糕，好食不松散，萝卜丝平均分布，好有住家制嘅感觉，出年一定会再买。…查看更多

朋友介绍佐敦好食小炒，果然无介绍错，食得到厨师用心制作，地方虽然唔大，感觉气氛热闹。预早订左两个私房菜，火焰猪腰花甲窝同焗糯米鸡，另外老板娘推介新鲜豉汁蒸金沙骨，因为仲早客人唔多，佢就提议可以加个煎米底，咁当然要试下啦，个脆米底吸左啲豉汁简直系绝配。见隔离枱食左个麻辣鱼春鱼卜煲同姜葱蚝都好似好正，下次一定要试下。…查看更多

间野环境狭窄，食饭时候要不停避人，地下十分油腻，要小心行。另外收银个短发女人态度极差。俾八达通，系我有啪卡情况下 佢部机自己向左嘟一声，我以为俾左就准备走，点知话我冇俾，咁ok 我再啪多次。见我俾左即刻用粗口闹我，话我未俾钱就想走人。另外见到舖内有曱甴自由自在系度爬。味道食物俾4星其他拜拜佢条尾完全唔系做生意的环境狭窄收银个短发女人态度极度恶劣及差，绝对要改善，唔会再帮衬，有啪卡情况下部机向左，嘟一声，比完钱仲要受气。…查看更多

午餐谂紧食乜之际,见到间小店玻璃门周围贴满美味嘅小菜相片,而且有精选午餐,于是同朋友入去试一试这间小店😋叫咗个~脆皮菠萝咕噜肉$54🐖 同~姜葱炆鲩鱼饭+时菜$57🐠午餐都是即叫即炒,镬气十足,咕噜肉皮脆,姜葱鲩鱼又够野味😋包汤或饮品,我哋拣佐养生汤今日~土茯苓糖排汤🍵真材实料,净汤都值回票价👍…查看更多