韓米 (京瑞廣場2期)

营业中

休息中

行咗個圈原本打算食第二間點知8點半就閂晒門，咁去糖水鋪隔離食食唔到嘅韓式拉麵同炸雞小食套餐。🌟韓式拉麵（辣味）包一款小食$50 我就揀咗2舊炸雞做小食，$50嘅拉麵淡如水，得個辣味，個面同個味都唔係個啲味😂 再加上個匙羹，我幾好奇食湯飯嘅人點食😂😂😂 😂😂😂🌟小食套餐 （2件炸雞同半份年糕）$38炸雞都唔香口，明明等咗十幾分鐘，但居然係淋。個醬都又辣又酸好似自己加醋咁。年糕正常嘅。原本只係記錄下食咗咩，太衝擊要放上嚟警世🫡

之前經過但一直冇買，夜晚個價都真係幾貴下終於lunch試咗！但係好失望 (((叫咗個豬肉拌飯，見佢係即時炒豬肉，本來都幾有好感。番到屋企開餐！頭幾啖未撈勻，覺得個飯底同啲拌飯嘅配料都唔錯。然後就開工撈勻成兜拌飯啦，出事！唔應該撈囉！佢個炒豬肉真係好鹹好鹹，喊到撈完成兜飯之後都仲係好鹹本來未撈嘅時候都覺得唔錯，撈完之後成兜飯食唔到佢應該係個醬出事，因為諗住撩開啲豬肉繼續食啦，但點知有掂到個醬嘅地方(which is全兜飯)都無一倖免，全部都邊度好鹹最後兜飯冇食到，五十幾蚊落咗鹹水海 🥲

今日嚟到石門嘅京瑞廣場逛下，商場裏面有好多性價比高嘅小食店，途經見到有一間專賣韓國🇰🇷料理嘅外賣店，價錢親民性價比高，而且種類都好多樣化，由韓式炸雞，水冷麵，炒粉絲，拌飯，紫菜包飯……..啱晒我哋呢啲唔鍾意同人迫，又可以喺屋企嘆到韓料理嘅人😍店舖雖然只係外賣店，但係出邊都擺設咗好多長枱高凳可供堂食，目測都有好多學生哥同埋居民幫襯。佢哋除咗可以散叫之外亦都有配有好多套餐選擇，啱晒一班選擇困難症嘅食友們🍜值得一讚👍係店員好細心詳盡咁樣介紹佢哋邊啲係必叫好食嘅食品🤝韓式炒粉絲：煙韌度高，配上豬肉絲，木耳，紅蘿蔔絲🥕洋蔥絲，雞蛋絲加埋黑胡椒粒炒，辣辣地，又香又惹味。芝士🧀牛肉紫菜卷：飯卷份量件件都大大件，好足料，有芝士，蘿蔔絲，醃蘿蔔，牛肉，每一口都超級飽滿。五花腩紫菜卷：呢個係店員推介👍出邊都冇見過有，用原條五花腩煎香再加埋配料，罪惡感滿分😂辣牛肉湯：集合咗鮮，香，酸，辣一身嘅湯品。湯頭用上牛肉長時間熬製很濃郁。

石門京瑞二期真係超多食肆， 每次經過想買嘢食都兜好多個圈先決定， 今日行到food court見到 新開咗間韓米， 價錢仲好親民添😂韓米除咗有韓式街頭小食 飯卷，炸雞，湯品， 麵食， 拌飯等等，店舖仲有好多韓國零食飲品購買， 門口仲擺放咗好幾款飯卷最吸睛， 因為飯卷飯少多料， 睇見都肚餓😂我叫咗個午餐B: 韓式炒粉絲加忌廉 汽水都係$50, 另外仲可以加18蚊加炸雞😍, 粉絲係即叫即炒熱辣辣， 粉絲飽滿彈牙， 配料有蛋絲 ，五花腩 ，木耳等， 調味加入黑胡椒令到整體更惹味。另外叫咗個芝士牛肉紫菜卷： 呢款大推超好味， 牛肉味道突出有肉汁， 配料有紅蘿蔔， 雞蛋絲，青瓜 同醃蘿蔔本身已經好惹味， 再加上芝士令到整體味道再提升， 五分四配料五分一米飯 呢個比例好滿足❤️

京瑞廣場有很多美食小店，這間「韓米」就是其中一間，門外有位置可以堂食，亦可以選擇外賣，食物款式很多，有紫菜飯卷、韓式便當、韓式拌飯、炸雞、炒年糕、炒粉絲等等。店舖牆壁就印上餐牌，價錢一目了然，絕對是平民貼地價！太多選擇之下，我還是決定了這個有趣的(午餐D)~盲盒套餐！食物以九宮格形式呈現，好有驚喜！有酸蘿蔔、紫菜飯團、紫菜飯卷、餃子等等，味道不錯，還有餐飲汽水！另外我還叫了一個前菜拼盤/紫菜飯卷買二送一優惠，$50就有三盒，好抵食哦！

平日好少去石門，朋友新居入伙便來了一趟，經過瑞京廣場2期，見到一間韓式外賣小店， 店舖外面有很多韓國零食和好有特色的糖果，店裏有一個木櫃放滿很多不同種類的韓國飲品。入內見到有前菜拼盤和紫菜飯卷很抵食很吸引，便點佐主菜燒汁五花腩飯：五花腩是原條煎香剪件再配合韓式燒汁真係很惹美。小食炸泡菜雞肉餃子： 餃子皮很薄炸得很脆口泡菜是自家製配以雞髀肉很嫩滑，餡料很豐富，一口咬下去還有肉汁溢出，真係回味無窮，食到停唔到口。

做完yoga想食個light dinner喺商場food court見到間新開韓式外賣店如果想堂食，外面嘅food court都幾多位又乾淨，好多人會坐低邊食邊做嘢鋪面得返一個飯卷，但店員好友善，見我想食其他口味，就話即刻包俾我👍🏻我揀咗芝士牛肉飯卷，飯卷壓得夠實，唔會一夾就散，而且餸菜同飯嘅比例做得好好，有大量嘅蘿蔔、蛋、兩款醃蘿蔔、菜同芝士，絕對唔會覺得成口都係白飯；個芝士簡直神來之筆，惹味得來又唔會油膩，唔錯另外叫咗個炒粉絲，用過中型外賣碗裝，開頭仲以為佢份量少，點知返到屋企倒出嚟，先發覺佢係壓得超實，鬆返開其實滿滿一碟🤣🤣 CP值高呀！味道方面就正常發揮，唔會油膩呢點做得幾好，而且調味都足夠值得一提嘅係佢嘅set都幾抵食午餐晚餐就$70左右有前菜，有個主菜，有兩件炸物，仲有個湯或飲品有大量韓國飲品選擇，口痕仲可以買啲韓國零食拎走😆

今晚老公約左人食飯，我要自己食，咁我就去左石門商場買外賣。呢間店係食韓式嘢，可外賣，亦可坐在門外專用枱食。我見咁多人幫襯，咁不如揀佢啦。我叫左個晚餐，晚餐有主食，另外送前菜、炸物2件、湯品或汽水，都幾抵食。大豆芽 (前菜)：爽口，已調味。炸紫菜粉絲卷 (2件)：裡面粉絲漲卜卜，咬落紫菜味道香，炸得香口，都幾ok。牛肉蓋飯：份量多，牛肉較瘦，紅蘿蔔絲同椰菜爽口，食到洋蔥嘅甜味，mix埋味道幾好。韓式炒年糕 (半份)：年糕好煙韌，炒得入哋，甜甜地，唔太辣，幾入味。

今晚去朋友屋企Girls talk，之前到附近的京瑞廣場買外賣，再到朋友家慢慢嘆。京瑞廣場的選擇頗多，二期還有個小food court，有座位可以堂食。這間韓式外賣店頗合的的胃口。隨了熟悉的飯卷，還有很多不同的選擇，連素食餐牌都有，照顧不同飲食人士需要。試了辣牛肉湯，加了配白飯和前菜。牛肉湯頗足料，牛肉肥瘦適中，還有牛蒡的配菜，增加口感。湯的味道也不錯，有牛骨湯的味道，辣度對我來說亦適中，把整個飯放落湯裡做湯飯也可以。另外點了一客炸紫菜粉絲卷。粉絲卷炸的酥脆，外脆內軟令人吃不停口。

好耐無黎石門搵食，發現多咗間韓食舖，最吸引係價錢竟然唔算貴，最驚喜係平時出面賣＄88既水冷面，呢度只係賣＄58即刻想去試試。由於鋪頭喺food court枱凳隔離，如果上堂食都好方便。鋪頭門口已經整齊擺放住唔同口味既發飯卷，後面有好多唔同種類既韓國飲品都好吸引。店舖細細，廚房睇落整齊乾淨最後叫左晚餐套餐-韓式牛肉伴飯，小食配炸雞、韓式湯品同酸白蘿蔔，再加左一份韭菜煎餅。食物賣相好吸引喺等候期間，店員介紹鋪頭有素食餐單，種類都唔少。另外仲有一個好抵嘅套餐，就係前菜拼盤同紫菜飯卷四件買二送一。配搭可以系兩盒飯券，一盒配菜，可惜當日飯捲只賣剩一盒，如果唔係我會買一set返去第二日食言歸正傳，返到屋企，當然先試吓韭菜餅，總共有六塊，韭菜嘅份量唔少，表面有煎到焦脆，乾身唔油膩，唔會好似食粉漿咁，調味適中，係一個啱啱好嘅小食份量。炸雞部分有驚喜,返到屋企食仲暖暖地，講緊我買完仲要行咗陣街，食落仲脆嘅，唔油膩，調味唔會過鹹，啖啖肉，正另外，配菜我揀酸白蘿蔔，配炸雞一流，酸白蘿蔔份量都幾多，味道上面唔錯，酸味唔會太傖，亦都冇為咗調低酸度加好多糖嘅感覺，味道調得幾好白蘿蔔食落去都係爽脆爽脆嘅。韓式湯品湯

京瑞廣場2期都幾多唔同小店，見到開咗間韓國小店，門口擺放多款唔同味道嘅韓國飲品及小食。睇完餐牌就揀咗份午餐及小食套餐買咗個京瑞廣場2期套餐 (D) 韓式 [ 盲盒套餐 (廚師精選) $58 ] 真係好驚喜！打開個盒，九宮格入面有外脆內嫩嘅韓式無骨炸雞、酸酸辣辣嘅泡菜、又酸又爽脆嘅白蘿蔔及黃蘿蔔、口感滑潤嘅紫菜粉絲卷、炒粉絲口感彈牙、牛肉紫菜飯卷、簡單又好味嘅紫菜飯團，搭配埋泡菜、白蘿蔔及黃蘿蔔一齊食，更加有層次感。跟餐飲 - 忌廉汽水勁抵小食套餐，叫咗份 [ 食 Bang Bang $38 ] 有泡菜煎餅，半份有三塊，薄薄的，泡菜味道香濃，啖啖都好有咬口 + 魚餅湯，湯底清澈，味道鮮甜，魚餅口感軟滑，暖心又暖胃另外買多盒 [ 前菜拼盤 $25 ] 有泡菜、黃蘿蔔、黑豆、白蘿蔔，越食越開胃

🇰🇷🩷 【 韓 米 】 🩷🇰🇷⋄ —————⧫♟⧫————— ⋄隨住石門商業發展蓬勃，愈來愈多食店進駐✨最近新開咗一間韓式外賣店「韓米」，晚餐時段人氣都幾旺，一於幫襯吓🤩🐷泡菜辣豬肉飯🌶️（ $53 ）由於做完運動實在太肚餓，決定食個飯🍚 本人一向嗜辣，揀咗「泡菜辣豬肉飯」，份量非常充足，好飽肚💯 味道更係冇得彈，五花肉片炒得好香，泡菜酸酸辣辣，整體香辣惹味😋🍜水冷麵🥢（ $58 ）朋友揀咗輕盈嘅「水冷麵」，採用幼麵，快速淥完後過冷河浸冰水，因此麵身彈牙有嚼勁👍🏻 加入酸甜嘅辣醬，更添風味🤍🐂牛肉紫菜卷🍙（ $48 ）另一款出色嘅係紫紫卷，有多種口味選擇，而且新鮮即叫即製，真心美咪😍🍤炸天婦羅蝦🦐（ $35/4隻）天婦羅都很可以，外皮炸得脆卜卜，蝦肉彈牙，不霉口，配沙律醬好食😁開心石門嘅食物選擇又多咗，價錢合理，下次會再嚟🫶🏻⋄ ┄ ┄ ┄ ┄ ❖ ┄ ┄ ┄ ┄ ⋄🐷泡菜辣豬肉飯🌶️（ $53 ）🐂牛肉紫菜卷🍙（ $48 ）🍜水冷麵🥢（ $58 ）🍤炸天婦羅蝦🦐（ $35/4隻）⋄ ┄ ┄ ┄ ┄ ❖ ┄ ┄ ┄ ┄ ⋄⋄📍地址：韓米 (石門）沙田石門安群街1號京瑞廣場2期1樓OK Ma

▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼喺石門做完運動想揾間餐廳輕食，發現京瑞廣場內有間價錢親民嘅韓式外賣店🇰🇷供應紫菜卷、拌飯、麵食等簡單主食，亦有售賣炸雞、湯品、韓式零食及飲品🙌🏻望着絡繹不絕嘅人流，即刻買番幾款試吓先❤️🔸泡菜辣豬肉飯（$53）泡菜辣勁十足，豬肉醃得相當入味，拌以雞蛋絲，令賣相更吸引✅🔸牛肉紫菜卷（$48）份量豐富，紫菜內有青瓜、紅蘿蔔、雞蛋絲、醃蘿蔔及牛肉，富有口感層次💫🔸水冷麵（$58）冷麵泡在冰涼嘅肉湯內，配搭青瓜、酸菜、雞蛋及酸甜辣醬，味道清新，炎夏必選🎉🔸炸天婦羅蝦（ $35/4隻）天婦羅蝦外層炸得酥脆香口，內裏則保持爽彈肉質，值得一讚🙆🏻‍♀️▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲

昨天晚上去到石門京瑞2期，見到開了一間新韓國餐廳，都有不少人光顧，所以就叫了一個外賣牛肋骨湯，店員方面的確很好禮貌。但回到家打開一看，一碗價值HK$62的牛肋骨湯, 湯只有該外賣碗半碗的份量及兩小件牛肋骨............十分失望

已經試過不同分店的韓米，新開石門店，當然要一試最愛的紫菜牛肉包飯 ＄48。牛肉好juicy, 麻油可以再香一點。但整體係好好食，多料少飯 。。。希望keep住。。。。