韓食媽媽韓國料理 (已結業)

服务态度好差。今日去呢度食晏，卫生情况一般，间唔中有啲蚊滋飞上枱面。嗌咗个人参鸡汤饭，水准普通，冇人参味。但系因为佢系$68冇收+1 ，我会收货。到我走出去柜台埋单𠮶阵，有一个中年男人、戴粗黑框眼镜收钱，当时佢话$68，然后我拎张$100纸讲「$100」，跟住佢串串贡咁同我讲「我知道，我睇到」。当下我系呆咗言，唔知点俾反应。我讲返俾几多钱佢，为免一阵间找多找少咗钱，大家有咩误会就唔好。难道我唔可以讲我俾几多钱佢找嘅咩？如果佢用啲咁嘅态度服务顾客，咁佢唔好出嚟做啦，做服务业做到咁唔想做。用餐体验，唔单只系食嘅嘢，仲有环境，同埋服务。平心而论，呢间嘢食物对得住价钱，因为佢收费唔高，相对嚟讲，佢食物水准亦都唔系高，但系竟然无缘无故咁样用言语不礼貌对待食客，我唔会再帮衬。而家成日话香港人北上消费，国内嘅服务好好，咁我谂呢间小店应该好好反省，自己系咪有咩做得不足嘅地方，因为，咁嘅服务态度，系佢自己赶客人出门口㗎咋，就算日后执笠都唔抵可怜，我又何必贴钱买难受呢？如果唔系呢次咁冇礼貌嘅事件，用餐体验我都会叫OK，但系而家我系会话唔OK啰。…查看更多

今晚约左朋友黎食饭，自称靓仔 Oppa 既职员风趣幽默，很好吹水。食物跟连锁店的出品跟本无得比，当然系小店更出色。今晚点左牛骨汤、芝士海鲜炒年糕，两个女仔已经食到好饱。牛骨汤有四件厚切牛仔骨，牛仔骨不会太韧，也不太淋；清汤味道浓郁，仲有薄切白萝卜，已吸满汤汁，啖啖美味。芝士海鲜年糕有虾已去头但连壳、蚬连壳、仲有啲八爪鱼脚等，成块芝士喺面，初初入口觉得唔辣仲有啲甜，但辣味系慢慢渗出，但又不会呛喉，好惹味！堂食仲有韩式小碟，碟碟有心思，自家制泡菜、韩式煮薯仔都系我既至爱，小碟系外卖唔会有既，记得要堂食👍🏼…查看更多

呢间嘢服务真系差到极点！星期日买咗个外卖饭盒，成个钟都等唔到，佢哋唔系即刻帮我处理，反而系拖拖拉拉，最后原来系职员漏咗单。最离谱嘅系，之后， 佢哋仲一再拖延时间。我真系忍唔住，呢种服务态度真系太过份！…查看更多

我对贵餐厅的服务品质感到极度愤慨，这种对待顾客的方式实在令人难以接受。我们在贵餐厅用餐时，虽然菜式水准一般，但服务品质却让人大失所望。在差不多吃完餐点之前，我放下筷子跟朋友聊天片刻。然而，餐盘还未空，竟被贵餐厅的服务生擅自收走！更令人震惊的是，当我提出抗议时，服务员竟然坚称我已经吃完全部餐点，并摆出一副理直气壮的态度。我强烈要求贵餐厅对此次糟糕的服务进行深刻检讨，并采取适当的措施确保这样的事件不会再次发生。…查看更多

星期六午餐时间去，得三四枱人我哋六个人，但系就要我地逼埋一边（佢有个位系大枱，拍埋一张细枱，但其实细枱唔够leg room）食物一般，属于香港地好容易食到嘅韩式食物味道。叫左石头锅饭、人参鸡、烤猪肉果啲又系果啲未食完就赶住收碟果种服务（大家喺香港咁耐，应该明白系咩感觉）个男人好串有个食客入嚟，问啲食物快唔快到，因为赶时间佢答你喺外面都企左几个字啦食客坐在唔够30秒佢问：叫咩？又话赶时间咁都得！系咪我自己要求高？…查看更多