韓樂 (馬鞍山廣場)

叫左两款午餐。鸡扒粟米石头锅珍珠饭热辣辣，鸡扒相当大块，头锅珍珠饭材料都好丰富，除咗有大量嘅粟米，仲有好多紫菜，芽菜泡菜等等。另外可以按个人喜好加上甜酱油或者辣酱油。韩式牛肉炒粉丝 材料非常丰富，牛肉大大片，仲有好多蔬菜同埋冬菇，炒得几香。…查看更多

终于可以到星期日，今日系我的运动日，早上打完羽毛球，赶住转场打排球，中间冇休息时间食嘢，只系买咗个饭团顶下先。喺马鞍山体育馆，打完波冲完凉，即刻过返马鞍山广场揾嘢食，行咗一个圈，见到呢间韩乐要等位，就食它的下午茶啦。韩乐有多款嘅下午茶，太肚饿了一定要食饭，豚肉温泉蛋饭（$41），加18蚊有柚子蜜糖鸡翼三只。喜欢将温泉蛋与米饭融合一起食用，温泉蛋嘅蛋汁包住珍珠米，份外好味。豚肉用酱汁煮过，咸道适中。配上柚子蜜糖炸鸡翼，酸酸甜甜，零舍开胃。下午茶的温泉蛋饭不够做完运动又无吃早餐的我食。饮杯特浓热朱古力，韩国直送。佢系有朱古力碎，都好香滑，甜度有八九分，但系做完运动就放肆一次啦。真系太肚饿，所以后加一个芝士火腿吐司，佢可以免费升级红豆冰。因为饮紧热野，所以叫左店员帮我落少少冰，唔好太冻。另外要左杯热水，倒返去朱古力杯添饮一下。火腿吐司有三件，面包烘底，脆卜卜，热力让芝士溶掉，拉丝的让人喜爱，火腿和芝士很配合，如果想食一个轻量嘅下午茶，呢一个系好嘅选择。红豆冰好冧，好绵，我好努力地把红豆都食光，好好补充刚刚运动燃烧嘅脂肪，大满足。满分为10分（一分最低，10分最高）食物：9环境：9卫生：9服务：9价钱：9舒适度：9总分：9…查看更多

今日夜晚一个人系马鞍山揾野食，见到好多地方都要排队，我吾钟意排队，所以见到有人排队通常都吾会去。周围行嘅时间，见到「韩乐」无人排队，所以即刻走左入去食嘢。餐厅都算多野食拣，但我就拣左韩国最普通最普通嘅食物，「炸酱面」。通常我第一次食一间餐厅都有指定食嘅一款食物，韩国餐厅都冇例外；我第一次系韩国餐厅会叫「炸酱面」来食。呢个时间又要讲小小炸酱面嘅历史。如果大家有睇韩剧，都会发现只有穷人先会食炸酱面。无错，系韩国，炸酱面其实系穷人嘅食物。因为佢只系将一啲平价嘅食材加入特制嘅酱料，再加上普通嘅面上面。所以成本好平，而且可以在家中制作；就系似韩国泡菜咁，好多韩国人都会系屋企整炸酱面，由于佢无特定嘅食材同调味，所以每一家嘅炸酱面都唔同味道。亦都系咁，当我第一次食一间韩国餐厅嘅时候，我都会叫佢哋嘅炸酱面来试下。今次韩乐呢个炸酱面好有特色，入面加左一种我重未食过嘅食材：「翠玉瓜」；第一次食加入左翠玉瓜嘅炸酱面味道有惊喜，再配搭埋洋葱原来味道系咁夹。开头睇个面嘅酱料好似唔系好够，但捞埋之后又可以令到每一条面都有炸酱系上面。推介大家可以嚟试下。…查看更多

马鞍山广场-午餐篇🎈韩式午餐-鲜茄焗猪扒饭$62，餐加饮品$8下午茶餐-牛肉温泉蛋饭$43，跟餐送饮品；加配脆炸薯条$12落单好快有嘢食！天气再冻啲，下次来食人参鸡，部队锅……查看更多

今日小朋友病咗，休假带佢睇医生，登记完之后就走去隔离食早餐。本身见到价钱成4x几蚊都觉得贵。 不过谂住开左咁耐都未试过就试吓啦。见有个特价餐$38蚊，另加冻饮$3，份量都ok，午餐肉一大块又唔会太薄身，仲有个火腿通粉无影相，食完都好饱。另外，仲叫左个黑松露炒蛋配牛角包$48，牛角包好大个，炒蛋份量都多，整体味道唔错。…查看更多