韓日屋燒烤放題

旺角放題選擇多，這次和便試這家可以一邊韓燒，一邊吃刺身的韓日屋，集合日韓兩大元素，讓選擇困難的我們不用選。環境舒適，更有甜品自助吧供客人，飲品櫃更有7、8種飲料以供選擇，更有韓式飲品milk soda，正。來一張大合照：先說日式：我們點了天婦羅和刺身，刺身普通，一般水準，天婦羅則不錯，脆而少粉。至於火灸壽司剛有驚喜，大愛比目魚和三文魚，燒很剛好！至於韓燒亦有很多選擇，我們點了雞肉、牛、香腸等食物，好吃與否就在乎燒的那人啦，哈哈，但附上的韓式醬汁用來點燒肉真是一流。…查看更多

有好多時候，男生想吃食韓燒夠惹味，女生則想食刺身夠健康，但飯局只有一個，韓日屋可以滿足晒所有人嘅慾望!!當日時間尚早，未算有很多人。坐低後，同其他放題餐廳好唔同，除咗有好多韓燒野食如燒雞腿，雞腎，牛肉等等，特別之處係有唔同醃製味道既選擇。刺身好新鮮，尤其厚切三文魚，入口即融，極其爽滑鮮味! 另外飲品有好多選擇，有無糖茶，韓國啤酒，任君選擇!!!入夜後人數漸多，當晚係韓燒的香氣，對酒當歌及舒暢歡愉的氛圍下享受了一場盛宴!…查看更多

兆萬樓上一向都好多日式放題、韓式燒烤，以前讀書時，幾乎隔個星期就黎一次，不過呢幾年都無再喺附近食過野。細個食咩都好開心，可能我已經過左果個年紀，食物已經好難令人覺得滿足，反而係睇邊個陪你食，今次有位重要朋友話想到附近食野懷緬下，我地睇完水牌揀左韓日屋，因為有刺身，又有韓燒任食，食完覺得自己好青春，附近餐廳質素比以前大有進步，好想即刻call埋一大班同學出黎兆萬食野呀！刺身種類都算多，三文魚、甜蝦、希靈魚等基本款式有齊哂，全部都好肥美、厚刺送上，算新鮮，淨係刺身我地都encore 左3轉。豬肉、雞肉、牛肉咩款式都有齊哂，所有肉類都醃好哂，唔同味道，任君選擇。我地特好雞肉，肉質嫩滑，醃得好入味。另外有我地最鍾意既雜菜、飲品、甜品，好多選擇，食到我地攬住個肚走。…查看更多

今日與朋友慶祝生日，二人來個豐富的放題夜。點上數款刺身，魚生入口鮮嫩沒有雪藏味道，三文魚腩肥美，魚香突出。最喜歡牡丹蝦的爽甜爽口。牛柳粒。燒香的牛肉粒肉嫩多汁，牛味不重但油香豐富，加上牛油燒香更加味濃出色。炸餃子。香脆餃子炸得毫不油膩，餡料尚算豐富。燒田螺。粒粒田螺味道鮮甜多汁，沒有腥味算是驚喜。…查看更多

今晚Step放工，和娘子相約在旺角食晚飯，其實旺角已經繼深水埗之後，成為了Step的第二個地區飯堂，無他的，放工乘巴士由西營盤回家，由西隧出來之後，差不多第一個站就是旺角，對於Step來說可以說是非常方便!! 『娘子，今晚想食甚麼啊?』Step問娘子。 『今晚想食韓國燒烤，已經有一段很長的時間沒有食過了…』娘子抱怨著。 『但Step又想食日本壽司和刺身呢…』Step回答。 究竟在旺角有沒有一間餐廳可以一舉兩得同時又食韓燒又食日本壽司刺身呢? 在Openrice.com經過一輪探究之後，發現了在兆萬中心15樓有一間食肆可以同時間滿足2個Step和娘子的願望，這家食店就是韓日屋…Step立即拖著娘子步行去兆萬中心!! ------------------------------ ~裝潢擺切~ 一步出電梯口，就看到韓日屋燒烤放題這個大大的招牌，還有韓文對照，講明自己是一間有韓式食品的食肆； 當晚沒有太多人等位排隊，Step和娘子等了大約十分鐘便可以入內用膳； 入內時，Waiter給了一張收費單給Step：(價格隨時間改變，餐廳有最終決定權) 『現在8點零5分，你們要的是『韓日燒烤放題』，還是『刺身燒烤放題』?』 Step看收費單，多了刺身的放題也只是相差30元；細問之下，2者的分別只是有和沒有刺身，而其他的配料選擇其實大同少異，怎樣計算也是物有所值，立即回答Waiter： 『刺身燒烤放題吖!!』 Waiter之後很快向我們講解如何order落單，而飲品和甜品則在出面的雪櫃冰廂內；Step安座後便出去看看飲料和甜品，可能為了配合韓式的食品主題，雪櫃內也有不同的韓式啤酒、飲料和茶等多項選擇； 甜品方面，除了有杯裝雪糕、糯米滋外，還有很多甜品、蛋糕、布甸等，令人目不睱給。 拿完飲品後，順道望望周圍的環境，在甜品櫃隔離就是刺身壽司Bar； 而牆上還掛了不少韓星的手給油畫畫象，其中不乏最近很hit很紅的韓戲明星； 四周除了四人卡位外，在中間位置還有8-12人的大檯，可以一家人一齊坐慢慢燒，還有一個可以座12個人的私人空間，想私隱度高一點可以先和韓日屋Book檯； 不過Step和娘子都有一個投訴，就是通風較為差了一點，如果全店滿座時，燒烤油煙較多，空氣會變得有點混沌呢!! ------------------------------ ~美食~ Step回來時，看到檯上有2碟醬汁，其實2碟都是一樣的，分別是豆瓣醬、牛肉汁、燒汁，主要用來配烤肉食用。 雜錦海鮮刺身($30) (8♥/10♥) 不要以為只加30元的刺身就是『揸流灘』的貨色，這裡提供了9種空運到港的新鮮刺身，如三文魚、甜蝦、八爪魚、墨魚片、鮑魚片、馬刀貝、鯛魚、榮螺片和希靈魚。而當中令Step驚喜的是有馬刀貝、鯛魚、榮螺片、希靈魚提供，因為有很多日式放題都未必會提供這幾樣刺身呢!! Waitor送來時，那個放著刺生的發光玻璃盤令Step和娘子充滿著驚喜(而且還有不斷轉換顏色)，其次是刺身擺放得井井有條，連同伴碟的裝飾，看得出刺身師傅專業認真的態度，絕不下於日本壽司店… 師傅按照人數分配刺身數量，大約每人有2份，數量適中；雖然所有刺身皆放在冰碎上保持新鮮，但刺身沒有因為這樣而影響魚生的質感，入口時每一件刺生都溫度適中，口感仍保持鮮嫩；所以刺身色澤漂亮，新鮮美味，但就Step口味而言，最喜愛就是三文魚、甜蝦、鮮鮑片和墨魚片； 三文魚色澤鮮嫩，脂肪紋理平均，入口時口感綿綿韌韌，也有點油油的感覺，入口時有慢慢在舌上融化之感，鮮味不俗； 甜蝦指的原來是4只大大隻牡丹蝦，牡丹蝦大大隻，足足有大約12cm長，入口時啖啖肉，鮮嫩可口，肉質一樣爽滑充滿鮮味； 鮮鮑片其實不算是刺生，原因鮑片已經是灼熟了，口感煙煙韌韌，但經過師傅醃制調味，除了鮮味不俗外，還帶有一絲甘甜的味道，正； 墨魚刺生入口時煙韌彈牙有Q度，在口中咀嚼時還有點張住喉嚨的感覺，感覺新鮮… 刺身可隨時Encore，想食多少悉隨尊便，只需加30元的價格絕對是超值之選，除非… 你不太愛吃刺身吧!! 壽司 (8♥/10♥) 看Menu發現了很多未曾見過的壽司名字，一問之下原來全都是韓日屋的創作壽司，Step當然每一件都order來看看啦，就這樣Step order了七件： #黑蚊蚊就是黑色的紫菜，加上墨汁米飯包著墨魚膠所制成的紫菜卷； #靜雞雞就是薄薄的玉子卷著米飯和青瓜絲胡麻醬雞絲的玉子卷； #熱辣辣就是黑色的紫菜包著辣味韓式泡菜和紅菜頭汁米飯的紫菜卷； #軟綿綿就是火炙芝士軟殼蟹卷； #笑蝦蝦就是甜蝦蟹子芒果壽司； 這些創作壽司無論名稱、外型、味道都令人驚喜，而Step最愛的就是黑蚊蚊和靜雞雞；黑蚊蚊來說，Step很少吃到用墨魚肉做的卷物，而且墨魚肉鮮味不俗，口感彈牙；靜雞雞更有點中菜和日本菜交融之後的成果，味道很適合香港人的味道； 而娘子則喜愛軟綿綿和笑蝦蝦；軟綿綿的火炙芝士燒得剛好，芝士有點融融的口感，略帶咸味的芝士加上炸得香脆的軟殼蟹，絕對是一個新的配搭；笑蝦蝦口感極為豐富，當中包含了蟹子、甜蝦、加上酸甜味道俱備的半熟芒果，而半熟芒果的味道也令這個笑蝦蝦入口清新醒胃，正啊，很合女士的口味呢!! 還有黑松露帶子壽司和花之戀，用料一樣新鮮，Step想因為這裡的食客眾多，所有刺身食材都是貨如輪轉，絕對可以放心食用呢!!小食類(7.5♥/10♥) 鮭魚啫喱野菜沙律，一看到這個名字，令Step非常疑惑，甚麼是鮭魚沙律，於是立即order來看看；到來時Step和娘子都嚇了一跳，份量真的有點大，表面也放了很多胡麻醬… 用匙羹撈一撈，看到一粒粒四方型的啫喱，一食之下，感覺得有點解三文魚子製成的啫喱，口感清爽不硬身，在口腔中慢慢地融化，不過Step覺得還是要和胡麻醬和沙律蔬菜一起吃才是最為美味!! 反而令Step最為喜愛的就是這個黑魚子三文魚餅，三文魚蓉裡面除了有沙律醬外，還有三文魚魚生和三文魚子，再配上黑魚子和餅乾，口感層次不俗，味道也是非常好，配上沙津醬，實在令人非常美味開胃； 蟹子沙律最特別的地方，就是配有豬肉鬆，令蟹子沙律的味道變得與別不同!!燒肉類 (7♥/10♥) 另一個主菜就是烤肉，加上是放題，Step和娘子當然不客氣地order啦!! 雞翼order了三種味，蒜香雞中翼、辛茄雞中翼、味淋雞中翼，還有岩鹽一口牛和芥末一口牛； Step很愛這2個一口牛，燒得半熟時立即拿起，牛肉肉味不俗，口感煙韌多汁，不過芥末味不算強烈，在燒的過程中塗在牛肉粒面層的芥末汁已經流走了，而芥末味又未能被牛肉吸收!! 還order雞腎、胡麻雞腿、汁燒雞肉串、煙薰鴨胸、一口香腸和蜜糖芝士腸； 最為特別的就是這個汁燒雞肉串，因為質感軟綿綿，而燒汁完全地黏在雞肉串上面，味道不錯； 胡麻雞腿肉身較厚，較難烤得好和熟，大家選取胡麻雞腿時要三思啊!! 五花腩、醬辣五花腩都算是厚切，可以輕易地看到5層肉和脂肪，豬肉味不俗，口感層次也是不錯，醬辣五花腩的辣味適中，絕對是老少咸易； 芥末薄豚片表面一樣有著和芥末一口牛一樣的芥末醬，薄切好讓Step不用烤太久便可以享用，豚片肉質豐富筋肉脂肪較少，烤後較為有咀嚼感，口感不算嫩口(可能烤的時間較長)，芥末味還是一樣不算強烈； 豬頸肉份量也是令Step和娘子驚喜，烤後味道爽脆可口，不錯啊!! 胡麻薄牛和辣汁薄牛，製作方法跟芥末一口牛和芥末薄豚片一樣，將胡麻醬和辣汁在薄牛上輕輕地塗上，令薄牛片未能充份吸收醬汁的味道： 幸好牛肉是薄切，只需要在爐上輕輕一燒便可以享用，而辣汁明顯辣味充足，烤後入口時辣味比芥末味明顯，而薄牛肉味不俗，加上脂肪分佈尚算平均，咀嚼時肉汁不少!!海鮮類 (7.5♥/10♥) 海鮮類其實選擇不少，多達十多款選擇，當中有帆立貝、生蠔、青口、墨魚鬚、海蝦、海鰻片、秋刀魚、多春魚等，但因為Step和娘子已經食了很多烤肉、所以只order娘子喜愛的半熟帆立貝、海蝦和小八魚。 值得一讚的是，所有海鮮都挺新鮮，烤後鮮味不俗，雖然帆立貝的size較少： 海蝦的size絕不欺場，足足有10cm的長度，八爪魚仔口感爽口彈牙，正啊!!其他 (8♥/10♥) Step還order了日本迷你紫薯、鮮菠蘿、奶油金菇和雞腿菇； 最令Step驚喜的就是鮮菠蘿，足足上了一整片橫切面的菠蘿給Step，加上有一定厚度，烤後香口惹味，味道也是鮮甜多汁； 奶油金菇則用錫紙包裹著，要怎樣烤熟這包金菇個真的考起Step，平時燒烤時用炭火可以直接烤熟鍚紙金菇，但現在只用電烤爐慢慢烤熱錫紙，需要時間較長… 過了一段長的時間，終於烤好了，揭開錫紙時香味一湧而出，奶油香味濃郁，而金菇也吸收了奶油味道，質感依然保持濕潤，整體味道令Step和娘子感到喜出望外!! 燒烤時，爐上放了一張燒烤紙，Waiter說這樣可以不用落油也可以燒烤而不會燒濃，但這張紙不是萬能，烤了一段時間也會變得焦黑或破爛，如出現這個問題，可以和Waiter提出更換要求，換後再烤才可以令烤肉不會烤得薰黑燒焦呢!! ------------------------------ 最後結帳每人大約220元，無論娘子和Step都非常滿意，因為韓日屋真的可以同時滿足了Step和娘子的願望；又可以食日本刺身壽司，也可以令韓式菜餚烤肉，實在是一箭雙鵰的WIN WIN局面； 最重要的就是無論食物選擇與質素都有一定的水準，有了這2個優勢，就算Step和娘子離開時餐廳內還是人山人海，也不難說明為何韓日屋可以每個時段都能座無虛席呢!! 如果想吃日本刺身壽司，又同時想吃韓食美食烤肉的話，韓日屋絕對是你選擇之一，Step和娘子盛心推介!! 韓日屋燒烤放題 地址：旺角西洋菜街1號兆萬中心15樓 味道: 7.5♥/10♥ 環境: 7♥/10♥ 服務: 8♥/10♥ 衛生: 8♥/10♥ 抵食: 8.5♥/10♥ 整體評價: 8♥/10♥ 是次消費: HKD440 (連加一) (人均消費HKD220)…查看更多

本來book左6個  我自己遲左去 點知佢比得個4人卡位我地...6個人一個爐  想像到可以幾逼...  逼到咁食韓燒我都係第一次 >_>"入到去 烏煙瘴氣  抽風設備完全唔掂我自己算忍受到  我有frd直情好似抖唔到氣咁 想走 見係farewell 飯 開心啲唔想掃興先無嘈佢 :/ 講食物  就算佢有返啲水準雖然選擇唔算多 但味道都唔差  調味得唔錯 熟食一般 都係叫下填下肚野飲無咩特別 普通 我地無加配放題  所以唔評論啦價錢我地5個夾埋請1個 $230左右? 唔太記得  結論: 野食唔錯  但環境太~~差  無下次  咁既價錢 旺角大把選擇好過佢…查看更多

我呢個放題控，又係時候食放題啦！因為細佬生日，佢都好中意食放題，所以我地約埋一齊食食食！因為要捉精靈，所以我地相約旺角，細佬一早已經book左兆萬韓日屋，反正無去過，試下啦～我地被安排坐卡位，位置僻少少，都好！位幾闊而且靜d。一開波當然要叫刺身先！上菜速度幾快，三文魚唔算好鮮甜，仲有少少腥，反而甜蝦就好甜，而且只有蝦腳的甜蝦我好中意，食時簡單方便！鯛魚厚身，味道有d澀，但好新鮮！壽司叫左幾款，花之戀既三文魚比三文魚刺身好味，可能係用腩位，又厚又鮮甜，要讚讚d沙律醬，一般都只係真係得沙律醬，呢個有埋d沙律架！幾重口感，like！火焰三文魚都係堅正，入口即融，成片三文魚燒到融化，但係外表完好無缺，食落超滑，又肥美，嗰種入口即融既感覺好正！特別要講下火焰左口魚壽司，第一次見，魚肉細膩，好滑！食完生野食返啲韓燒野先，落單紙好細心，有韓文架！牛控當然首選叫牛啦，叫左岩監一口牛粒，因為細細粒，好快就已經熟。牛粒無肥膏，一口咬落去，牛汁必晒出黎，牛肉好林，嫩滑，鹽味都幾重，咸咸地，但零味精！另外有胡麻薄牛，麻醬味好重，牛都切得好薄，所以好易熟！食落真係好香麻醬味，但又唔會覺得膩，呢個必食呀！之後食左燒菠蘿，燒粟米，兩者都好甜，菠蘿燒左好耐，但都無縮水無乾水。燒奶油金菇細心的用錫紙包住，燒都只係燒錫紙，唔會燒燶，燒左大概20分鐘再打開錫紙，一開好香的奶油味，正！拍得住蒜蓉咁香口！食放題叫羊鞍當然係燒好左黎啦！呢度有韓燒，所以可以自己燒，羊鞍初初黎時覺得，點解好似咁細件既？點知燒嗰時膨脹，變大左XD羊鞍肥肉唔多，真係啖啖肉架！羊鞍唔算酥，我大約燒左20分鐘，咬開都無血水！餐廳本身係每枱已經有醬油，豆板醬，牛肉汁，燒汁，覺得唔夠味可以點(我就覺得好夠味)，仲有韓國六小碟tim！最開心係食晒野仲有豆腐花做甜品！我最愛既豆腐花~甜品櫃仲有好多甜品，但我已經飽到上心口，下次再食過！…查看更多

每個圈子都總有個糧尾餐廳List，而我同朋友的糧尾韓燒就係呢間韓日屋。無他既，夠平又夠多野食嘛，一間有齊日本野、韓國野，仲想點先？坐底就即點刺生，都算切得好大件，而且睇落夠凍夠新鮮，入口都正常，算係唔錯的放題水準。點左小食，最好味係醬油虎蝦，入口軟綿甘甜，加埋醬油咸香好正，全晚Order左10次以上！牛肉比想像中大片好多，同埋肥瘦分佈均勻，燒完唔會鞋口，辣味同麻醬味都可以試下。除左肉，仲有海鮮可以揀，我個人覺得蝦好味，入口係彈牙，不過因為懶得剝殻，所以食左一轉就收工。…查看更多

話時話我都真係成日食放題，無他的，一個價錢任你食，喜歡食咩就食咩，今天又來到放題店，同Woody預祝生日，Woody係傳統中國人，好少食魚生，當然要帶佢衝出江湖！一黎到就迫佢食刺身，三文魚紋理好清晰，肥既部份唔多，筋都少，一口啖啖三文魚香。鯛魚有d un un地，但唔腥，凍冰冰幾好味，甜蝦只有一隻隻蝦腳部分，方便食，好甜，肉不多，唔夠再叫。希靈魚煙un，唔腥，Woody都話好！火焰鰻魚壽司我覺得只係一般鰻魚，無乜火焰感覺，但係多汁，鰻魚軟身，咬落全不費功夫！花之戀細細件，無爭X嗰啲咁大件，太大件唔易食，一咬就散，不過呢個壽司差少少蟹籽，有埋就perfect啦！韓式鮭魚炒粉絲: 雖然好濕，但我覺得好好味！鮭魚一絲絲，仲要係熟既，鮭魚味落埋去啲粉絲度，炒出黎好香，粉絲好煙un，有嚼勁！唔易斷，啲汁亦好濃！七味雞軟骨炸得好脆，好香，油份唔多，但粉厚左啲，要留意了！到韓燒既環節，先試左黑油薄豚片，個名幾特別，燒完試試個味，幾正，好似出前一X隻黑油味咁，無豉油咁咸，但都充滿油味，至於豚肉，好薄好易熟，燒完唔會成塊牛肉乾咁硬身，唔算太un，可接受。由於唔太想食牛，所以都係豬。燒汁豬頸肉切得唔係太厚，肉質幾嫩，咬到兩野仲覺得幾爽口tim！燒汁有啲似章魚小丸子啲汁咁，甜甜地夠開胃！之後仲叫左燒菠蘿同粟米，兩樣都好甜，菠蘿仲多汁！最搞笑係有燒海鰻片，第一次燒，唔好以為好易散，絕對唔係！燒完同平日鰻魚壽司嗰啲一樣，可惜無鰻魚汁~最後，食埋甜品，有和果子同泡芙~好味！滿足！…查看更多

睇完戲好肚餓去放題，經過兆萬水牌有好多選擇，最後揀左間日+韓既放題，多款d！三文魚厚身！墨魚、鮑片，入口滑溜溜，整體都新鮮！青豆唔會煮得太軟身！油麥菜都幾爽口，一碟份量又唔會太多！蜆一向係我鐘意食，每隻都有肉，無沙，湯清！…查看更多

旺角最多的店鋪大概就是放題，可是常常都心大心細，又想吃燒肉又想食下魚生。韓日屋卻一次過滿足你2個願望。壽司種類也頗多，不怕沒有選擇，更有最愛的三文魚。賣相同樣是不差的，啖啖魚而少少飯，分量十分合適。雖然知道不會是靚料，卻魚生依然是爽甜而不帶腥味。魚生也是厚切一片片的，十分有口感，又有肉感。可惜相對選擇不太多了，主要還是吃三文魚吧。而在於肉類方面，烤肉的肉顏色鮮紅，而且早早已經配有醬料，因此十分入味。像類不同於魚生，薄薄的一片，相對更容易煎和煮熟，不怕會Overcook。更更更重要的是還有海鮮，蝦十分的大隻，燒起上來更是爽甜。唯一可惜的是帶子實在是太小粒，吃上來卻沒什麼口感。最後埋單每人也只是200, 真是超值。…查看更多

位於旺角黃金地段，以百幾蚊可以任食韓式燒肉，刺身。韓日菜式都有得試。要求真係唔可以太高。睇放題紙都睇得出有好多種類揀燒肉種類都唔算少，豬雞牛羊，都有。最推薦係佢地既牛肋骨，牛柳粒。肉質非常鮮嫩。對得起呢個價位店內仲有唔同壽司以及刺身選擇，由其以三文魚非常新鮮，應該係客夠多，魚生去得夠快。泡菜海鮮煎薄餅　都非常唔錯，薄燒非常脆口總括而言，黎同朋友黎吹水真係唔錯…查看更多

韓日屋位置尚算方便，油麻地地鉄站過來約5分鐘就到兆萬。餐廳環境正如店名般fusion，令人分到唔係食緊放題定韓燒。雖然我見唔到餐枱有抽風機，但感覺這𥚃的通風系統做得幾好，唔會煙霧瀰漫，離開嘅時候亦都唔會覺得啲衫褲充滿油煙味，值得一讚！首先當然要試呢度嘅魚生刺身，刺身船外形很別緻，賣相不錯！刺身質素也尚算不錯，尤其喜歡馬刀貝，十分爽口，甘蝦亦十分鮮甜，幾款魚生都很新鮮。壽司方面就比較遜色，問題是出在D壽司飯方面，一舊舊太實了。跟著想飲湯，見有人參雞湯就一於試下，飲完覺得比想像中的美味，不會苦澀，而且有少少雞肉食。天婦羅方面，以蝦比較出色，其他如蕃薯則略硬，所以之後再encore了一次純蝦天婦羅。這𥚃比較有特色的招牌菜應該算是牛肋骨，絕對不怕會燒不熟，因為一早已切好成薄片，整齊地包住一整塊肋骨上碟，只需展開便能舖在燒爐上慢慢烤熟。牛肉味香濃、口感也十分好！另一推介之選是雞肉和雞翼，肉質十分軟滑，燒得微焦後香味四溢，加上各款醃料後肉味更香濃。食完主食已經好飽，但見出面又有甜品同飲品，我選了幾款，最後捧著一個大肚子離開。整體而言，無論係裝修環境、食物質素、價格同服務都唔錯！…查看更多

之前去過好幾次，都好好，今日再去，食物差咗，冇咗最最期待嘅牛肋骨，變咗牛仔骨，差！雪花肥牛冇雪花，韌又鞋。服務員有禮貌不過冇咩SENSE，收碟慢，成抬都係碟。以前都好逼下，今日好冷清，我睇都係同食物質素下降有關。冇下次囉！…查看更多

今晚來到旺角當然要吃放題，旺角放題店太多，朋友帶路來到兆萬中心吃個豐富晚餐。三文魚花之戀。我只喜歡吃花之戀壽司，大大片三文魚包上壽司飯和蟹籽，伴上他他醬，每一口都非常滋味。三文魚嫩口鮮甜，質素不差。醬燒田螺。田螺較為乾身，螺肉彈牙但味道不太濃郁。牛柳粒。牛柳粒雪花位置平均，燒香後牛味不太濃郁，但口感非常軟腍。牛柳燒得香嫩油香滿滿，一口一粒味道出色。牛舌。牛舌軟腍帶點彈牙，燒得香濃滋味，伴上濃濃的牛肉汁和燒汁，味道更加香口惹味，略微牛舌不夠厚身，但味道非常入味。…查看更多