韓川

营业中

休息中

見到佢張poster啲芝士拉哂絲勁邪惡，好似好正咁。估佢唔到中哂伏。烏冬完全冇芝士味，夾上嚟亦完全拉唔到絲，好失望。烏冬口感正常，唔會話好淋。肥牛量唔算少，整體黎講質素比大學canteen 好食。可惜價錢要八十幾蚊。

2人餐飽到傻😂同叔叔兩個人都食唔哂🤢大大塊五花腩，有個熱爐一齊上枱，唔怕擺凍左，肉質唔會太硬，亦都唔會整到好乾。跟埋生菜、蒜、洋蔥、醬料，可以自己diy「菜肉包」，想夾咩就夾咩😏真露焗蜆，蜆既數量都好多～啲肉都好有肉，下面仲有粉絲墊底，吸哂啲蜆味、蒜味同酒香，好好食～蜜糖芥末炸雞超多件，有成差唔多14件左右，有單骨雞翼，有雞搥，蜜糖芥末醬超多，隻隻都有醬😝牛肋骨湯，清清地幾好飲，牛唔會好韌，仲配埋白飯，真係飽到食唔哂😵‍💫仲有啲小食，炸一口芝士，炸芝士年糕，正常發揮😗

有冰水提供，同埋有前菜（泡菜同埋酸蘿蔔）叫左串燒和豆腐泡菜鍋，但是發現它們的味道都不正宗。味道完全沒有泡菜的風味，而是以番茄為湯底，而且還不辣。最搞笑的是，這味道完全不像前菜中的泡菜味道。🙈🙈🙈 另外，仲叫左大醬五花腩鍋，但是它也沒有明顯的大醬味。都係類似麵豉湯咁。。。雖然有很多肉，但是肉煮得很硬，口感一般，很薄，吃起來像是在超市買的冷凍豬肉片。舖頭而家做緊promotion贈送豬肉丸串燒，味道不錯，店舖客人都唔少，可能是正值促銷吧音樂係韓文歌，還好。

電視loop住韓國國內嘅餐廳處理食物嘅片段，好roar個種，勁影響食慾前菜醃蘿蔔唔夠酸正正常常啦，泡菜難食，好少食到唔好食嘅泡菜 真係勁豚肉芝士蓋飯：上菜時蛋黃唔知咩事，成兜嘢得芝士味，仲要唔香，豚肉份量極少，冇醃過嘅白烚雪藏豬肉味，其餘拌菜算正常啦，但整體好冇口感炸魷魚圈：炸衣全離，合埋眼食唔知食緊魷魚，冇魷魚味，口感極奇淋，唔煙韌，多數攞現成貨辣味炸雞：百分百肯定現成貨，同m記/cp雞翼口感完全一樣，但賣緊我新鮮炸雞嘅價錢…辣汁不知所謂，得死辣，食唔到其他味，落埋啲cheap辣椒粉，平時食快餐俾你任攞個種食完嬲到震 完🤦‍♂️

旺角通菜街很多食店，這間「韓川」很受歡迎。平日晚上七時多差不多已坐滿人，剛剛好還有一張枱有位，排在我後面的客人已經要等位了。客人可用QR code掃描下單，我們點了韓川二人海鮮餐，有多項食物選擇：～時令生蠔6隻：充滿海水味道，很鮮甜。～ 鹽烤虎蝦（2隻）：虎蝦大隻又爽口。～韓川菜包五花腩：這個每一枱客人都有點，用小火爐，保持住腩肉的溫度，很有肉汁及香口，用生菜包住來吃非常夾。～韓式炸餃拼盤（泡菜餃、粉絲餃、雞皮餃各2件）：皮薄餡多、很有韓式味道。～芝士熔岩炸雞：包括芝士熔岩單骨雞翼（10件）及雞鎚(4件），店員把炸雞放上枱後才把濃濃的芝士醬汁淋上，非常邪惡😁～溫泉蛋帶子芝士湯烏冬：面層芝士勁多，湯底亦用上芝士湯，芝士愛好者必吃！飲品亦都係來自韓國的，我揀了 Demisoda(檸檬味）及得光凍頂烏龍茶。這個二人餐真的非常豐富。

通常韓式都係炸雞，飯卷，石鍋飯。今次想食特別啲，叫左韓式海鮮餐。份量驚人，真心二人係食唔晒，起碼三人，細食嘅女仔四個都可能得🤫。🍽️韓川二人海鮮餐 $668🔸精選時令生蠔6隻🦪唔係好大隻，但鮮甜，有少少海水味，肉質偏爽，不錯。🔸鹽燒虎蝦2隻🦐肉質彈牙，蝦殼咸香，標準虎蝦size。🔸韓川菜肉五花腩🐷三大條腩肉係爐面暖住食確實需要，因為腩肉凍左會硬。由於份量驚人，二人真係食唔晒。如果有泡菜會好啲，解到膩；或者生菜多啲都有幫助。🔸韓式炸餃拼盤🥟望落一般，食落唔錯，雞皮餃特別。🔸芝士熔岩炸雞+$30🍗芝士迷又點會錯過，同樣問題，份量太多🤣。真係熔岩芝士，較流質，非拉絲。雞鎚唔辣有肉汁，單骨雞翼較辣，脆。🔸溫泉蛋帶子芝士湯烏冬🍜大大隻帶子，上有拉絲芝士，煮得剛好唔硬。芝士湯，溫泉蛋，烏冬呢個組合好夾，連湯飲埋。📝掃code落單，加一收費。💬題外話：平日晚7點左右full house，如果唔想等位，最好訂位。呢度地點方便，確係飯聚好地方。

第二次嚟食，果然無令我失望，無進步！叫咗兩樣嘢.1.芝士牛肉石頭飯，等咗10分鐘左右，除咗芝士熔，成個飯係凍嘅.2.芝士熔岩炸雞，竟然食到勁似CP 雞翼加芝士漿！不會再嚟！😡

突然尼兩日好好好想食芝士火鍋，令我一萬分回味韓川🥹佢地既芝士🧀️火鍋同埋燒蠔都太正了～選擇困難症星人直接叫左set，咩都有唔洗煩😂韓式芝士火鍋🫕真係好幸福，唔會太膩🧀️落個烏冬落去真係神仙級享受！！仲有一份肉，真香同埋裡面配料好多，全部清哂因為真係好好食😅大大大愛佢個芝士鍋底巨型生蠔🦪刺身勁勁大隻，仲要好鮮甜😍😍😍😍超級滿足囉最後仲encore多兩隻！！韓式燒生蠔又係巧大隻😋😋加埋韓川秘制既辣，太正了中意食蠔既我比10隻手指公👍🏻特式炸雞最愛柚子炸雞🍗唔膩又脆，好大份！而且d雞好滑滑，亦夠熱👍🏻真露焗蜆好大盤 滿滿的大隻肥蜆😂😆蒜香味十足個底d粉絲吸哂味，超正！！炸餃拼盤又多款斯唔同既韓式炸餃，唔洗驚食到厭😂

韓川位於女人街，周圍雖然都多嘢食，不過就俾佢嘅裝修吸引左入去，LUNCH時段果陣去嘅，我地入去之後開始坐滿曬！兩個石頭窩飯都好好食，份量都多、落單嘅時候可以自己㩒多飯，啱曬喜歡飯嘅小夥伴🤪 座位好闊落，啱曬冬天著得多衫隔離凳放嘢🥰 follow 左社交媒體網站仲會送燒物2串！😋😋雖然係送嘅，但都超有質素好好味！啱曬行街行到攰去醫肚+抖下嘅你！佢哋夜晚仲有$1串燒可以揀，喜歡串燒嘅朋友可以試下😝

人均$300起｜旺角｜韓國菜｜韓川發現了巨好吃的韓料店！位於旺角的韓川，處於鬧市之中，卻是不可以小覷的韓國料理店！😍😍😍大力推薦😋😋😋韓川泡菜火鍋🍲兩百多塊的價位，也可以在香港吃上不錯的部隊鍋！裏面的配料好多啊！比肉更貴的蘿蔔、蔬菜堆在鍋上，配上超多的牛肉，沾上微辣的泡菜口味湯🌶️，實在是冬天滿滿的儀式感❤️韓國金蠔🦪從來都沒有吃過韓國的生蠔，這是店員強烈推薦，當然要試一試了！每一隻都很大隻！海水味很重，不過腥味完全一點也沒有！絲滑吞食😂😂😂串燒拼盤10吋！你咁相信嗎，餐廳正在進行大優惠！只需要10月清空享用10吋羊肉串燒，簡直是蝕本生意！ ！ ！作為為食1號，不可以錯過這次機會呢，當然要來大吃特吃了。我們也加了串燒拼盤豬牛羊都吃過了，自己最喜歡的就是牛肉粒，燒得份外的香，而且上面審慎了不同的香料，增添了風味。——————為食分界線——————📍 韓川 (旺角)旺角通菜街27號地舖人均消費： $300#mariofatfat #foodie #hkfoodie #hkrestaurant #topcitybiteshk #topcitybites #hongkongfood #hk #h

📍韓川一間主打食韓國嘢嘅餐廳，但佢除咗火鍋、炸雞、串燒呢啲基本嘅韓國菜之外，仲有生蠔同牛扒食，食物種類可謂非常之多，最重要係佢開到凌晨三點，適合同朋友嚟飲下酒食宵夜。韓國金蠔🦪 $298/12隻比想像中大隻，仲要勁厚肉😍呢個價錢嚟講真係好抵玩。泡菜肥牛火鍋🥬 $238係我食過最出色嘅韓式湯底，原來泡菜同蕃茄可以咁夾，呢鍋嘢有齊肥牛、娃娃菜、冬菇、翠玉瓜同金菇，臨尾仲加咗個公仔麵嚟食🤣飽到傻。串燒:牛舌 $48雞軟骨 $14羊肉 $18豬頸肉 $18串燒都一樣咁有水準！超級juicy，完全唔會燒到啲肉太乾，仲有特製嘅醬汁💯

最近食火鍋較多，好耐無食韓國野，今次同友人聚餐，特別搵咗間位於旺角女人街嘅韓式餐廳，方便就腳嘛。呢間餐廳走型格的工業風路線，門口處有L型的大梳化，裡面有多座4人檯，空間尚算寬敞。先來一份韓式炸餃拼盤作前菜小食，拼盤有泡菜餃2隻、粉絲餃2隻及雞皮餃2隻，皮薄餡多，始終泡菜餡最有韓式味道。另外真露焗蜆一擺上檯都幾香氣撲鼻，好濃郁的蒜蓉味，加上少少酒香，蜆的份量都算多且新鮮，不過最好食都係鋪在底層索晒汁的粉絲。至於韓式芝士溫泉蛋豚肉蓋飯真係超邪惡，因為面層芝士勁多，連同半熟溫泉蛋融合一齊，加上豚肉及菠菜，每啖都好滿足。最想推介的是主菜韓川菜包五花腩，店家特別用小蠟燭火爐仔保持住腩肉的溫度，三大塊五花腩燒得勁香口，唔會太乾身仲有少少juicy的肉汁，可以事前向店員講定秘製魔鬼辣醬想要有幾辣，我覺得少少辣就夠，因為太辣會蓋過五花腩的肉香，然後按自己喜好口味配芥末醬、醬汁、洋蔥及蒜片，以生菜包住嚟食，好好味又唔會覺得油膩，而且兩個人食都幾飽肚，可見其份量都幾多。

女人街一向多食店，中西日韓台一應俱存，今晚睇中了一間韓國餐廳，二人餐$400左右，價錢相當不錯。精選二人套餐韓式炸餃拼盤（泡菜餃2隻、粉絲餃2隻、雞皮餃2隻），炸餃拼盤即叫即炸，隻隻都新鮮熱辣，特別喜歡雞皮餃子，雞皮香脆可口，內裏餡料豐富。真露焗蜆加入韓式粉絲，蒜蓉，蜆等，入口充滿濃濃酒香，粉絲軟嫩滑溜，蜆肉粒粒都脹卜卜，飽滿鮮甜。韓川菜包五花腩
五花腩店家先用上韓式秘製魔鬼辣醬（小辣）醃製過再烤熟，上枱時再加熱板加熱，保留食到最後都是溫暖狀態，魔鬼辣醬最特別加入孜然粉，增加香氣，五花腩脂肪比例適中，入口爽嫩，包上生菜、蒜片同吃，更加滋味十足。韓式芝士溫泉蛋牛肉蓋飯芝士鋪滿整個飯面，有濃厚芝士咸香味，牛肉鮮嫩可口，拌上蛋汁，整體平衡非常好，如果蓋飯溫度可以再熱一點，應該更加出色。

👭🏻孖妹好耐都冇食韓國嘢，呢間位於通菜街小巷嘅韓國小店，以海鮮同燒肉為賣點，除咗一段傳統韓國菜式，加入海鮮等時令食材 x 西日fusion烹調菜式，同時有多樣酒精飲品比客人選擇，好適合一班人聚會㗎今日👭🏻孖妹叫左精選二人套餐，$398好豐富，仲可以升級飲埋酒類飲品，肚餓可以食住泡菜、醃蘿蔔開胃先🔸 🔹🔸🔹🔸🔹🔸🔹🔸🔹🔸🔹🔸🔹🥢真露焗蜆✨加入韓國燒酒煮蜆都第一次食，有大量蒜蓉、牛油焗成，pan 底仲有韓式粉絲，超重牛油蒜蓉味😍酒香令蜆肉更鮮甜，粉絲索哂牛油醬汁超好食🥢 韓川菜包五花腩✨呢款上菜覺得幾grand🤓五花腩稍為簡單調味煎至medium, 放出鐵板端上，五花腩肉肥瘦均勻，唔會太過油膩☺️餐廳用左蠟燭興住鐵板，確保客人幾時都仲係熱，真心抵讚👍🏻配埋生蒜、洋蔥、醬油、芥末作配料，各有風味👷🏻‍♀️細孖最鍾意醬油搭蒜蓉，好鬼香，另外配左大鉸剪同夾可以將五花腩切開勻等份放入生菜🥬食，👭🏻孖妹平時好少食五花腩都覺得唔錯🥢韓式炸餃拼盤✨韓式小食當然點少得韓式餃子呀🤪一共有泡菜餃、粉絲餃、雞皮餃各兩件，每樣都炸至金黃色，脆卜卜好香口，雞皮餃會比較膩啲，用左雞皮包住菜肉餃，呢個組合幾新鮮👷🏻‍♀️細孖

#fafafoodblog韓國菜 #fafafoodblog旺角🍴精選生蠔二人套餐 848 蚊🍲1.韓國金蠔 12 隻好正既生蠔 蠔味香濃 但海水味唔咸 檸檬汁同甜酸汁 加唔加 都好味 2.真露焗蜆🔥真露味好香 粉絲好入味 蜆肉好多同新鮮 蜆加粉絲 吸哂好入味 3.韓川燒肉拼盤 豬牛雞🐂🐥🐷4.韓式炸餃拼盤 有泡菜餃 粉絲餃 雞皮 🥟🔥雞皮餃最深刻入面有 d菇同豬肉 泡菜餃個餃皮好香脆 泡菜味香 5. 龍蝦芝士烏冬🦐🍲半隻龍蝦 加勁多芝士既烏冬 好入味 正#韓國菜 #牛肉 #豬肉 #烏冬 #芝士 #龍蝦 #生蠔 #蜆肉Score 平均分< 7.9/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻👍🏻~~~~~~~~~~~~~ #韓川旺角通菜街地下27 號~~~~~~~~~~~~#fafafoodblog #為食花太郎 #fafafoodblog旺角 ====================