韓奶奶拌飯

天气开始转凉，正值秋冬天，收工最想食d热辣辣既野暖下胃。今日去元朗觅食，经过呢间「韩奶奶拌饭」，见到佢主打韩国人气大热新派拌饭，即刻比佢吸引左！😍 听讲佢地最正既系每一碗饭都系用韩国高压釜饭机独立制成，即叫即煮，保证热气腾腾。对于中意食饭焦既我黎讲，听到食到最尾有饭焦香，真系完全无抵抗力，一于入去叫个釜饭食下先！🍚🔥.坐低即刻叫左个「大酱茄子豆腐拌饭」($68)。一上枱，个石锅热到滋滋声，真系够晒热辣辣！🍆 里面有烧茄子、滑豆腐，配埋惹味既大酱汁、芝麻、葱同粟米，最邪恶系加左牛油，捞匀之后每一啖都充满油香同酱香。随Set仲有四款韩式凉拌菜做伴碟，加埋碗韩式海带汤，成个餐好丰富，口感层次分明，食素既朋友都岩食！😋.朋友就叫左个「蒜蓉牛油鸡扒拌饭」($68)。呢个绝对系重口味人士既最爱！🍗 块炸鸡扒炸得外脆内嫩，上面铺满左炸蒜蓉，香气扑鼻。配料同样有粟米粒、葱同牛油，捞埋d饭一齐食，蒜香同牛油香系口入面爆发，真系好满足。同样地，呢个Set都系包埋个四款凉拌菜同海带汤，份量十足，男仔食都一定够饱。💪.小食方面，见到有「香煎韩式韭菜饼」($28) 就叫左份黎些牙。佢系迷你款黎既，煎到边位脆卜卜，咬落去韭菜味好香，细细块容易入口，吾会觉得太油腻，过下口瘾岩岩好。🥞.另外仲叫左份「炸韩式紫菜卷」($28)。外层炸粉吾会太厚，咬落去超级酥脆，里面既粉丝好弹牙，点埋个酱汁食，真系好似去左韩国街头食小食咁，风味十足！.最后，食左咁多重口味野，当然要叫番杯野饮解下腻。我地叫左罐Zero同埋一支韩式Zero菠萝汁。🍍 菠萝汁酸酸甜甜好清新，最重要系Zero无糖，饮多两啖都吾会有罪恶感，爽呀！🥤…查看更多

今日想食韩国嘢，所以去咗元朗鸡地食韩式拌饭 。一行三个人叫咗个蒜蓉牛油鸡扒饭，牛油溶化再配鸡扒超正。芝士辣炒鱿鱼饭，辣度好强🌶️仲𠕇系店员推介，话系老板喺外国读书带回特别的味道「墨尔本爆炒牛舌饭」。每个饭都好似食到有饭焦👍🏻食韩国嘢一定要叫炸鸡，韩式炸鸡配黑松露酱及自家蒜蓉芝士酱，非常好食，我最钟意呢个。韩式韭菜饼及花甲奶油蔬菜豆腐汤，个汤都好鲜味，又浓郁，正。总共食咗$378。劲抵食👍🏻
…查看更多

元朗呢间韩式拌饭真系愈食愈上头！招牌五花猪拌饭份量超有诚意五花肥瘦均匀唔会油腻，加埋牛油、甜粟米同韩式辣酱捞匀，香气扑鼻～ 最惊喜系食到底嘅金黄饭焦，脆卜卜吸晒酱汁精华，口感层次直接拉满！韩式辣炒泡菜猪五花拌饭酸辣开胃，泡菜爽脆、猪五花入味；墨尔本爆炒牛舌饭必试，牛舌薄厚适中，炒得爽脆弹牙唔韧，酱香十足。小食重点推蜜味韩式猪大肠，处理得好干净无腥气，仲带住淡淡烟熏味，蜜香同烟熏味融合得刚刚好，肥而不腻超惹味！蜜炒鸡软骨咸甜多汁，有嚼劲唔费牙。饮品拣冻顶乌龙茶就岩晒，清香回甘解腻一流，配重口味拌饭绝配～ 食材新鲜、风味正宗，性价比超高，元朗街坊真系有口福，食完即刻想二刷！ 韩奶奶拌饭 元朗凤攸南街3号好顺景大厦1座地下3号舖…查看更多

[✨元朗韩奶奶拌饭 ]#元朗 #韩奶奶拌饭🔸韩式辣炒泡菜猪五花拌饭 $98辣度刚好开胃！泡菜炒得香口又够入味，猪五花肥瘦均匀，每一口都油香四溢，拌入白饭后超下饭～配菜份量多，性价比高！🔸特级牛颈脊拌饭 $128牛颈脊油香味十足，肉汁满满食到停唔到口。拌饭后每粒米都染满肉香，连紫菜碎都好香口，满分！🔸自家制韩式炸鸡 $28外皮炸得超脆口，内里嫩滑多汁，正正。🔸蜜炒鸡软骨 $28蜜糖包裹均匀，软骨弹牙好惹味，唔错嘅一份小食。————————♡♡♡♡♡♡————————✨总结小店虽然唔算大，不过环境干净舒适，店员好亲切食物份量又okay，两个人两份拌饭加两款小食都食到超饱，强烈推介给爱韩食嘅你地！📍韩奶奶拌饭🏠元朗凤攸南街3号好顺景大厦1座地下3号舖#jmhkfoodie #hkfoodie #hkeat #hkeats #hkfood #hkig #hkgirl #food #hkfooddaily #hkfoodblogger #hongkongfood #hongkongfoodie #852food #香港美食 #香港食评 #香港餐厅 #为食港女 #元朗 #元朗美食 #元朗好去处 #元朗食好西 #元朗餐厅 @Mrs.Han.potrice…查看更多

最近好似见到好多KOL对奶奶拌饭的食评，吹捧到几好食咁天气凉凉地终于有机会嚟试吓。当日下午三点左右嚟到，只有两三枱客。见佢价钱都唔平，平均$80+起跳，本来睇咗食评系想试个蒜蓉鸡扒拌饭，嚟到见到佢有新品泡菜五花腩，本人比较钟意食泡菜就先试一下新品。可惜五花腩唔算多，泡菜无乜味。唔能够话难食，但绝对唔系好食。唔会再食仲叫咗个咩秘制泡菜饺子，嚟到唔热，食咗一啖已经无再食。叫咗一个饭一个饺子（2只）加一罐汽水$10（韩国瘦版）一共$120。结论：好一般，可以不试…查看更多