影片
以上资料只供参考，请与餐厅确认详情
餐厅：面匠风龙地点：湾仔轩尼诗道菜式：拉面餐牌：3款拉面、两款小食、饮品，都有套餐虾味噌拉面套餐 $120虾味噌拉面汤底呈橙色，饮啖汤先，质感厚身，而味道真系好浓虾味，但系完全唔油，好正！面头仲加有樱花虾仔，配料有一只半熟玉子，葱花，一片紫菜同粟米粒，口感丰富。面条系超级幼身，味道唔错。半熟玉子真系流心，味道唔会太浓。两片叉烧另上，面头加上葱花，肉质半肥瘦，烧得好香，猪味浓，唔会太硬。个汁唔错。枱面特别提示要快食。浓厚胡椒鸡白汤拉面套餐 $125浓厚胡椒鸡白汤拉面个汤底绝对系奶白色，饮落鸡味浓，口感厚身，完全唔油腻。鸡胸有四片，嫩到入口即化咁滞，完全唔肥，健康又好味。其他配料半熟玉子一只，好多爽脆黑木耳，葱花同藏红花，面头加上适量胡椒调味，令味道更出色。小龙虾蟹籽沙律小龙虾蟹籽沙律有6片正方形紫菜围边，中间一球小龙虾蟹籽沙律球，面头加有樱花虾仔。沙律球冰凉而口感脆脆地，味道咸香，配脆身紫菜口感好正。饺子饺子一客四只，呢度饺子皮超级报而带少少烟韧，入面有韭菜同肉，味道唔错，口感一级棒。配醋食更好味。枱面有辣芽菜，白芝麻，蒜蓉等调味料。饮品除左冰水仲有冰麦茶，好解渴。今餐拉面汤底真系非常出色，而饺子都系令人惊艳。入面座位都好阔落，坐得舒服，比一般拉面店好好多。
继续阅读
同男朋友黎到湾仔，好想食拉面，就系open rice揾到呢间，所以就过黎试下，呢间拉面店嘅舖位好细，所以一黎到都系keep住排队同埋长期处于满座嘅状态，由我地等位到坐低食野都有条队系度🙈🍽️用餐人数：2▪️豚骨拉面套餐$110佢哋嘅汤底非常之浓郁，同埋个糖心蛋都好入味😋叉烧都几香口嘅，但系就比较难咬饺子都OK 冇咩太特别▪️虾味增拉面加玉子$100呢一个食落非常之惊喜满满嘅虾味，令到个汤升咗一个层次同埋比起豚骨汤都再浓郁一啲
继续阅读
一直都有bookmark风龙，今日2点多刚巧去湾仔跟朋友吃午餐，打电话查询有没有座位，刚巧没有人排队，立即跟朋友去餐厅。餐厅地方较细只有吧枱座位，所以经常用膳时间餐厅外都大排长龙。餐厅装修风格是日式拉面店，墙壁上有挂钩挂袋。店内提供冰水和冰麦茶，较少拉面店提供冰麦茶，我个人蛮喜欢喝麦茶，炎炎夏日喝一杯冰麦茶很清爽。虾味噌面套餐味噌虾汤底浓郁配上细面，当中有一只溏心蛋、樱花虾干、葱花和一片紫菜。叉烧另上（忘记拍照），软熟半肥瘦的叉烧经过炙烧后带出的油脂香，很好吃。海胆鱿鱼（配套餐）甘甜鲜味的海胆配上烟靭的鱿鱼，很好吃😋汤白鸡拉面套餐奶白色的鸡白汤底配上细面，慢煮鸡胸肉，口感嫩滑，汤底经打泡处理，入口特别绵滑浓醇，香气浓郁。细面挂汤再配上爽口的木耳丝、葱花，口感丰富。饺子（配套餐）是韮菜饺，受过煎煮薄薄的饺子皮变的脆脆的。发现自助吧有2罐用玻璃樽装的东西，分别是芽菜和蒜泥。拉面配爽脆的芽菜又是另一种口感，拉面吃到一半加点蒜泥，感觉又变成另一种风味的拉面，很喜欢。
继续阅读
每次我都只会食豚骨汤拉面。佢系幼面嚟，个汤底唔系𠮶种creamy, 所以唔会好腻。紫菜脆身就基本啦。佢叉烧系另上，因为系见住佢烧，所以上到枱会有少少黄金，无浸汤食落会脆脆地。又系我钟情嘅辣芽菜任食。饺子不过不失。哩个价钱无投诉，厨房位师父都好有礼，会叫我地小心热。经过都会食下希望香港多啲哩种小店。
继续阅读
以前有听讲过话呢间拉面好hit? 成日路经都冇特登试，更多时候系半夜，只会对招牌望多几眼。差不多一年前开始晚饭时间会去到佢门口，日日都会装下装下。见佢有时好FULL有时好静。个bar枱格局几吸引。不过都冇的起心肝入去试。终于有次俾一位亲切女仔搲咗入去，又好亲切咁介绍几个set，一试个叉烧，惊为天人。虽然未去到世一，但𠮶种半肥瘦、厚切、淋软、juicy、油脂润感、煎香至刚好，配搭浓猪骨汤底同弹牙拉面，蒜蓉同辣芽菜任夹，仲有有啲太高嘅高脚櫈，适合独食嘅吧枱位，背后墙上嘅挂钩，台上自己斟嘅多冰冰水同冰茶，唔会太嘈嘅音乐适度隔开其他人嘅谈话声音，单丁客人潇洒来去嘅身影…… 全部都太啱feel。替玉大大份都只系加$10！！！！！！！！小龙虾沙律、芥末蚬肉、螺肉小食都好食（够冻）又饱肚，但日式酱偏重咸重甜，反而煎饺感觉更清新。虽然𠮶次之后偶尔帮衬啲叉烧同某些态度都失咗色，（间中有回复少少），但拉面同汤底一直保持高水准。曾以为惊艳叉烧可一不可再，点知近日叉烧状态回勇，终于又好似有返第一次食个「Oiishi」特效出返嚟。然而「人情味」永远都系独一无二嘅。眼神同细处往往显现大分别。只能怀念。记得袋定现金响身。慎防路过想食#只收现金 #strictlycashonly
继续阅读