靠得住粥麵小館

晚餐時間，因為想食糭所以選擇依間餐廳叫左二個餐；一個雲吞面配腸粉，另一個淨雲吞配鹹肉糭雲吞 ： 無論係淨雲吞定雲吞面啲雲吞都係極腥，要落勁多辣椒油先蓋到陣腥味，食過咁多次依間既雲吞第一次覺得腥又難食，如果有下次，應該都唔會想叫，陣味太難忘腸粉 ： 好滑。味道正正常常，冇咩特別鹹肉糭 ： 我想食既野送到上黎只係暖，味道不過不失，普普通通，熱啲可能會好食好多總括而言，今餐我覺得個雲吞比較失望，其他冇咩特別，今次雲吞可能個別事件…查看更多

今日食咗細蓉配腸粉。無叫嘢飲。味道還可以。唔算抵食。連水都無杯，但又收10％服務費。咁不如去食茶餐廳。不過叫做坐得舒服。周圍無選擇，所以焗住黎呢間。希望服務做好啲，嘢食大份少少。…查看更多

天氣麻麻，外出晚餐，發現呢度有個套餐，108有蒜蓉開邊蝦同水晶雞。d開邊蝦幾大隻又蒜蓉夠然惹味。水晶雞就好滑，而且肉醃後幾好，香味滲左人去。連飯都是約150幾埋單，簡單食個晚飯唔錯。…查看更多

1點45分左右到上水，見到餐牌有A B配搭，粥配腸粉、菜、炒麵又得，撈麵配口水雞都得。對上一次食靠得住都已經好耐，所以入去試吓啦。落單無耐，職員放下午茶餐牌，寫住三點開始，距離下午茶仲有1小時，見到都幾抵，同我一樣個餐平成$30。點知隔離枱一坐低就可以叫下午茶，咁點解職員唔提醒我地？一點基本禮貌都沒有！壺茶拎咗去沖，沖完無影無蹤，還收收我每位$3茶錢。食物方面，個粥真的米芝蓮推介嗎？水多過米，真的沒有米呢！今次食完再次令我失望，我諗我屋企人唔會再去呢！…查看更多

今天要去農田，在勞動前，先要餵飽自己。經過這家米芝蓮推介食肆，假期也有下午茶，而且價錢合理，所以就選它。雖門口有些人等位，但我一個人吃，所以很快就被安排入坐。下午茶粥粉麵飯都有，價錢在$32-$48。我點了星洲炒米粉，比午餐的份量少一點，包一杯飲品。味道不錯，香口帶點微辣。有3隻蝦，都算大隻。柑桔蜜只有熱的，都不錯。看到別人點了蘋果紅茶，是用茶壺盛載，另外給一個杯子，感覺量多一點，真正嘆茶，我下次都要試一下。…查看更多

今日一早我們喺上水做完嘢之後，諗著喺附近搵啲嘢食，因平日我們多數都係去上水廣場，所以今日我們就轉吓去上水中心，行咗一陣我們就揀咗呢間之前食過覺得食物出品都幾好嘅「靠得住粥麵小館」食午飯！因他們係用多款唔同共40斤嘅鮮魚去熬成鮮魚湯，之後再加入粥底一齊煮，最好就係唔會添加味精，所以我們就分別叫咗魚片碎牛肉粥同白鱔球粥嚟食，第一啖首先食魚片碎牛肉粥，已經覺得粥底相當香滑軟綿，味道係非常鮮甜，點知一食白鱔球粥就覺得「不得了喇！」，因為白鱔球嘅關係，所以粥底嘅味道係極至鮮甜，白鱔球嘅肉質非常爽甜彈牙，而且相當大件厚身，所以食落嘅口感好豐富，真係超正呀！至於跟餐配嘅我們分別揀咗銀芽炒麵同特色芽菜鷄！銀芽炒麵嘅麵質好彈牙，而且炒得好乾身，最好係唔會有好油膩嘅感覺！特色芽菜鷄嘅鷄肉肉質真係相當嫩滑，而舖底嘅芽菜亦絕不馬虎，質感相當爽脆，味道好清甜！雖然今次我們並唔係叫他們店嘅招牌三寶嚟食，但出嚟嘅出品都令我們覺得非常滿意，唔怪得可以連續7年獲得米芝蓮推介！…查看更多

一家三口叫了三個粥，三個都超鹹。叫佢換，佢只係把粥加水，粥裏面的食材KEEP住鹹。仲要啲粥成$60幾元一碗。我食咗三份一碗食唔到落去！真係海皇x店都好食N倍！(連佢個芽菜水晶雞，所謂水晶，原來係一層好厚嘅油蓋住啲雞，下面就油浸芽菜。)…查看更多

靠得住有米芝蓮，唔講又唔覺，唔通我點唔啱🤔，晚餐有菜有肉仲有魚再加，揀選蘋果紅茶($9)！蒜蓉豆豉涼瓜炒牛肉($75)油浸海黃花魚配白飯($78)涼瓜失去甘味，就覺得失去了特式，不過牛肉炒得嫩口。而黃花魚製作需時，大概食完碟涼瓜就出埸，這是值得等的，剛炸好，熱騰騰的、魚的外皮好脆口，魚肉依然嫩滑。…查看更多

一早起身，八點已經到達上水，肚餓就搵了附近嘅一間粥店坐低，我點了一個魚片粥，炒麵加熱豆漿，早餐送到我食一口粥，粥底是沒有魚味的可以話是淡，而且鮮魚片是鞋的，證明魚片並不新鮮，看見炒麵賣相幾吸引，一口咬落去麵條是林的又不夠味，證明炒麵是一早炒定而且搵蓋蓋住，天啊點解佢改個名同佢啲食物相反㗎，我又不想浪費食物最終食了一半就埋單…查看更多

#向阳从厦门吃到全世界##香港美食# #靠得住粥面小馆#上水智昌路3號上水中心購物商場2樓2038號米芝蓮2018还未公布，但已宣佈車胎人美食推介，“靠得住粥面小馆”依旧在榜。總店在灣仔已開設多年，据说粥底皆是自制的鮮魚湯，也是第一間獲得米芝蓮車胎人美食推介的粥店。分店十分得多，每次朋友来玩，都会选择一餐在这里吃，早餐到晚餐都有很多选择。〈心肝宝贝粥〉是三大镇店之宝之一，裏面有三塊大塊豬潤、有三至五塊北海道刺身带子，甜美甘香，带子个头蛮大，厚度大概有5元港币一般，豬潤不会腥，很滑，还略有弹牙感。特制鲜鱼汤粥底，使整份粥新鲜爽口，味鲜咸香~〈鱼片碎牛肉粥〉魚片蛮新鮮, 粥底很綿, 碎牛肉少許，混在粥里有点难发现，粥內還有一些蔥花和生菜絲，整份粥的味道清爽。〈荔湾艇仔粥〉艇仔粥内容就很丰富啦，有鱼片、猪皮、海蜇、火鸦丝、碎牛肉，一碗集齐了爽、脆、香等多种口感。粥底非常濃厚，一碗粥入肚十分的温暖。〈混酱肠粉〉普通的素肠，混合的酱汁，肠粉很滑，入口软软糯糯，蘸着酱汁除了肠粉自带的米香，更添了鲜感，简单的舒服，分量不小哦~〈芽菜水晶鸡〉雞肉很滑，微咸吊鲜，皮和肉之间一层薄薄的脂肪不会油腻，有芽菜做底，芽菜很爽口，觉得像是白切鸡，但酱汁很优秀~〈爽脆皖鱼皮〉搭配花生、香菜等，魚皮十分爽口，本身已有麻油香，點一點豉油，脆爽香味融合在一起，這味道很美妙，会停不下来，但可能有些人会不太能接受。〈蝦球蝦子撈面〉有搭配一份湯， 蝦球大大的，很爽口，面上灑滿蝦子味道搭夠，面也不会很干，配着汤很鲜很美味~〈招牌鲜虾云吞面〉五至六粒雲吞，雲吞不算大颗彈牙，但勝在裡面有蝦肉同麻油香味。麵條爽口，硬度適中。湯底正宗，有濃木魚味，清香帶少許韮黃。这家店里的粥粥底很綿，料也蛮多的，重点就是鲜鱼汤熬制，非常鲜甜。之前还吃过星洲炒面，也很不错吃~早餐有套餐，一款粥加油条或肠粉或炒面，也有下午茶套餐，单点也可，选择很多啦~…查看更多

與媽媽1100到來，剛剛轉了午市餐牌，有點兒失望，因為同是粥品的話，早餐與午市相差近$20元...看見是米芝連推介的粥麵，我點了一個生菜鯪魚滑粥；媽媽點了秘製牛腩菜飯和豆漿生菜鯪魚滑粥：粥底濃稠，但很鮮甜？！，想必是加了大量的味精...鯪魚滑，雖然份量多，但全無口感，有點像吃班戟的外皮，怪怪的...（媽媽說是麵粉加太多了）牛腩飯：菜飯滿滿油光，牛腩還好，但伴隨一起的牛筋像果膠，媽媽剩下了近一半...這一頓因爲是星期日，設有加一，兩人共$98....很貴的說！（心想倒不如到街市的熟食中心吃還比較化算...）…查看更多

我：豬軟骨菜飯，蘋果紅菜吖！侍應劉志光：冇菜飯，得白飯半小時後……侍應陳玉英望住我：等緊咩我：豬軟骨飯侍應：原來漏咗單！我：無語了……飲埋壺蘋果紅茶後，便走了我再來的目標是【菜飯】………查看更多

晚餐叫了乾炒牛河和咸魚雞粒炒飯！兩碟普通嘅碟頭飯竟然要一百五十幾！ok，租金貴，所以啲嘢都貴啲，冇問題！最大嘅問題系，咁嘅價錢你比啲咁難食嘅嘢我？個廚師系咪唔識煮嘢？我真系未食過咁難食嘅乾炒牛河同咸魚雞粒炒飯！真系連大家樂都好食過佢好多！以前住上水住咗十幾年，近排又搬返上水住，諗住試下啦，點知中伏！我都未試過寫食評！哩間咁嘅靠得住令我破戒，真系唔系發洩唔到我嘅憤怒😡，太難食喇點解間餐廳咁嘅水準竟然可以生存到宜家？咁普通嘅菜色可以難食成咁？真系唔會有下一次！已經系黑名單…查看更多

幫趁一次都嫌多，唔會有下次！收得呢個價錢，食品可以更好囉！下午茶時段，食客不多，但，食物微溫嘅！對客人愛理不理，要杯水姐，十問九唔應，叫多聲就惡言相向，話斟緊嗱。企系度又唔應人，我㸃知啫！成間店都黑口面，笑容無個。！十分失望！…查看更多

呢度平時散叫唔算太平，不過佢哋有套餐俾大家揀嘅，粥粉麵配小食都係五十蚊起!今次揀咗牛腩撈麵配混醬腸粉，味道唔錯腸粉熱辣辣撈埋三色醬食，好滿足！再嚟個撈麵，牛腩勁多起碼6舊以上配埋熱湯撈嚟食超級滿足…查看更多