靚煲皇

今天去到靓煲皇回味一番香港的口味-猪骨煲，原来此店已开业了20年，今晚来食晚饭，收到将营业到5月15日结业此消息，感到10分可惜无奈。因为此店令到我和朋友们有很多的过往快乐回忆和与别不同独特的味道，我对于此店的出品已经十分有信心，特别是新鲜的火锅生料，还有他们自家制的水饺和云吞，手打墨鱼滑及虾滑，即叫即炸的响铃，最主要就系新鲜的本地肥牛牛肉，都系食火锅最重要的食材！够新鲜已经赢晒，我和我朋友一共三个人，吃得很回味，个汤底特别吸引，我们喝了一啖又一啖，店员不断为我们家新鲜的猪骨汤！好饱满！我们决定把握时间在此店结业，之前会再来一次大型聚会！ ！…Read More

一年四季都钟意食火锅, 唔同汤底一年四季都可以配搭. 黎个药膳醉鸡煲, 可以补一补血气, 等身体血液循环D.虽然系药膳, 但唔算好中药味味道, 易入口够清甜. 鸡件肉质滑溜唔鞋口.极上肥牛都系唔少得, 肥牛脂肪分怖平均, 肉质入口软嫩, 肉味浓郁.鲩鱼片好新鲜, 似系即㓥即上碟, 所以肉质特别嫩滑, 而且起好晒骨无腥味.牛柏页渌一渌唔好过熟, 特别爽口弹牙.仲有云吞韭菜饺, 每粒都包得好大粒, 皮够薄, 够足料.…Read More

香港食肆最近执左好多, 眼见好味既餐厅越黎越小, 为左支持下佢地, 假日都唔北上, 留返香港同朋友聚旧打边炉.因为呢带好湿, 所以汤底要左个胡椒猪骨煲, 饮左几啖汤, 胡椒味浓带微微胡椒既辣, 好开胃, 啱晒潮湿天气, 驱下湿, 连个胃都舒服左.另外汤底既猪骨好足料, 猪骨每旧都好大, 可以食埋猪骨入面既精髓.黑牛柏叶, 唔系好多地方有, 份量足, 入口新鲜爽口.手打墨鱼滑, 打得好胶身, 食落特别弹牙, 好鲜墨鱼味.双拼云吞韭菜饺, 好大只, 馅料丰富, 食到新鲜既韭菜香味.仲有白鱼蛋同蟹柳, 都系份量足, 蟹柳吸收晒胡椒猪骨既味道, 更加好味.…Read More

寻晚自己一个喺旺角度行街散心，咁啱行过见到靓煲皇，谂住天气咁冻打边炉暖下身都好，入到去同个店员讲一位，个店员都照比张大枱我坐，等我坐得舒服啲，服务好周到👍寻日天气都几冻，我就叫咗个特香胡椒猪骨煲，个汤好够胡椒味，饮完之后成个身暖笠笠，而且个汤仲好香猪骨味，啲筒骨唔系净系得骨，系有啲软骨黐住，同埋入边系有骨髓嘅，旧旧都有肉！我仲叫咗细嘅手切肥牛，肥鹅肠，同埋新鲜海虾，个手切肥牛，十足牛香味，啱晒我唔钟意好肥腻嘅牛肉，系新鲜嘅牛颈脊位，肥鹅肠够晒爽口弹牙，个海虾feel到系新鲜嘅虾，肉质唔会霉有弹性，渌完啲虾之后个汤底仲多咗虾鲜味，令到个汤更加鲜味十足，啲份量都好足料，加上个煲有好多材料，有粟米同埋白红萝卜，啲猪骨每嚿都好大嚿，搞到最后要打包食物拎走🤣会有下次！…Read More

麻辣鸡煲，够麻辣香口，啱晒我地男人攞嚟一边饮啤酒一边食，食只鸡就叫店员加汤打边炉，个台山蚝虽然size比唔上美国桶蚝咁大，但比美国桶蚝更加够鲜蚝味，又唔会食到沙同蚝壳碎，D蚝清洗得几细心干净，个牛胸爽好爽够牛味，一食落口就成口都系阵牛油香味，正！个雪花肥牛，一上枱有惊喜，仲以为同出面𠮶啲打边炉一样，系好似佳宝𠮶啲一卷卷既牛咁，系就系牛肉，但一啲牛味都冇，呢度既竟然牛味好足，价钱仲好抵，唔系薄薄地一片同一层！仲叫咗个莴笋同埋生根，莴笋配麻辣汤绝配，新鲜清爽嘅莴笋味同香浓嘅麻辣汤味绝配👍👍啲生根吸满满嘅汤汁香麻辣汤汁真系超正，呢间打边炉好食，仲可以坐室外，气氛好啱同兄弟嚟一路食一路啤啤佢，下次再叫多啲人嚟试埋其他煲底同埋其他菜式✌🏻✌🏻…Read More