靖 (已結業)

日本菜的競爭越來越大，餐廳要讓客人回頭，都要精心的設計菜式，留住客人的心。Sushi Jin 無論由前菜、刺身、主食、煮物、甜品都非常用心的為客人準備。特別驚喜的有醉小魚苗，是活生生在清洒裡游著的魚寶寶，我不敢吃呢！師傅還很有心思的設計了一道煙燻螢光魷魚寶盒。一打開盒子，香氣撲鼻的煙薫迷朦著，盒子裏精緻地放著時令的螢光魷魚，非常鮮甜，十分滿足！這頓豐富的晚餐還有鰻魚寶寶刺身、白子、北海道生蠔、鮑魚、中拖羅、汁煮和牛、海膽等等，全都是頂級滋味，星級享受。每道菜，無論賣相或味道，全都滿分。…查看更多

今晚女友訂了檯,   靖 ~  位置尖沙咀赫德道,  大家決定食 $1,280  這個 Omasake.  食物編排得不錯.服務員招呼很好, 先送來暖暖的綠茶,  我們坐著, 看見師傅已開始作好準備.一會兒,  晚餐開始了.    前菜：三 點 先付這前菜非常精緻,  色彩好靚,  女友話真的唔捨得食.松葉蟹配豆腐，豆腐豆味濃,  配上松葉蟹啖啖有蟹香, 美觀好吃,三文魚籽好閃眼,   魚籽亮晶晶,  入口爆汁. 北寄貝邊，北寄貝邊有點咬口, 配啫喱醋, 味道配搭得相得益彰.白蝦,  味道清甜, 配了鹽昆布, 爽口獨特. 刺身拼盤, 共五款海膽:   質感油潤細滑, 入口即溶.蕃茄 :  來自靜崗, 蕃茄已去皮, 用梅酒浸, 梅酒是我最愛口味,  多了梅酒味道更顯日式料理對味道的細緻.靜岡縣的目光魚, 師傅話是河邊小魚, 怪不得那麼細小, 原條酥炸過後, 整條可以由頭吃到尾, 並沒有任何軟骨, 炸得好香脆, 一啲都唔油.先吃 鰈魚，魚肉幼嫩鮮甜,  加上紫蘇葉, 醋啫喱, 感覺清新. 深海池魚,  油份較重, 師傅以火炙處理, 令魚香口不油膩.  金目鯛,   輕輕火灸, 魚油慢慢滲出.   口感非常美味.  師傅埋頭在做貝殼拼盤, 我們好欣賞 !上檯了, 美觀好新鮮.北寄貝,  色有光澤, 加點自制醋汁, 更帶出鮮味, 清爽宜人.真蠔, 來自岩手縣, 即開即食,  十分肥美大隻, 蠔味濃郁. 蠔身完全沒有海水的味道, 口感滑,  極鮮香.  加上 透明珍珠,  師傅話是用蘋果汁加白酒制成,  含白酒香及蘋果味, 層次分明可口.  令人拍手叫好,  凹貝，實在新鮮, 要立刻食, 不然會彈開, 入口好爽. 接著是壽司.  雪魚:  師傅燒過外層後令魚油滲出相當肥美, 頂層更有少許白松露, 令人回味無窮。真鯛： 肉質柔軟, 口味清淡, 配上黑松露, 把魚的味道慢慢提鮮出來鮮甜, 真的滋味.海膽:   海水香味濃厚, 好滿意.黑睦:  新鮮而透明嫰紅,  魚肉幼嫩,  十分新鮮. 用紫菜包著 吞拿魚 及 拖羅, 中間隔了紫蘇葉.  入口有層次, 拖羅有好香魚油脂味, 入口即溶, 吞拿魚脂肪分佈好平均.  鮮味出 眾, 吃得出色. 季節料理, 竹蝦,  竹蝦新鮮大隻,   師傅熟手地把蝦膏由蝦頭取出, 將竹蝦炒熟, 蝦肉彈牙, 爽脆鮮甜,  配上鮮嫩翠綠露筍, 好滋味.師傅送來精緻木盒, 像禮盒 ?女友急忙爭著看, 原來又是盛載美食.   有獅魚炙燒,  螢光魷魚, 賣相吸引.獅魚炙燒, 質感綿滑, 細膩, 每一口都洋溢濃郁的鮮味.  其中煙燻蘋果幾特別, 好香煙燻味.  螢光魷魚, 入口好滑. 真鯛魚湯： 魚湯味甜, 忌廉湯底好香濃魚味, 熱熱的暖返個胃,  鮮鮮鮮.甜品果物：甜品用了甜蛋,  是用蜂蜜和蛋製成,  顏色金黃 , 入口綿滑像奶油.  而日本水果是靜岡蜜瓜和日本柿子,  清甜味美.此餐廳的師傅做得好細心, 入口食材夠新鮮, 服務員不停加水換碟, 好窩心,  食物價錢合理, 物有所值,  我們會再來.  …查看更多

櫻花季節, 本來我就計劃坐喺富士山下, 欣賞櫻花嘅美景, 飲一啖清酒.   可惜, 天意弄人, 面對着如此大嘅戰疫, 大家嘅心情都受到打擊, 只有取消行程. 為要抱着正面嘅心情去面對挑戰,  今晚我同寶寶一齊去尖沙咀 [ 靖 ] 食日本餐  Omakase .   比預約時間早去到餐廳,  人不是太多, 空間感足夠. 餐廳為我們安排的晚餐, 共六部份.  分別係前菜, 刺身, 壽司, 熟食, 湯, 同埋甜品.  好豐富.前菜由  三小點 , 開始, 賣相不俗.師傅在我們面前慢慢顯功夫.第一 點:  北寄貝邊,  配了啫喱狀嘅醋, 入口清新, 為我今晚嘅晚餐做好準備. 第二點:   白蝦雖然只係蝦,  絕對唔單調, 配上鹽昆布, 白蝦有昆布醃過, 增加佢嘅口感, 肉質爽彈. 第三點:   松葉蟹配豆腐, 是較為普通的一點,  口感雖然不突出, 但加上 松葉蟹和魚子喺上面, 入口帶有濃濃蟹香, 鮮味出眾.到 ~ 刺身,  見師傅好細心的安排, 我們好欣賞. 刺身, 擺設美妙, 分成五份.蝶魚, 配紫蘇葉同埋醋啫喱, 係成個刺身拼盤裏面嘅一個好好開始, 酸酸地好開胃. 為以下落嚟嘅幾樣野打響頭炮（又或者係, 做足左心理準備）仲有深海游上嚟嘅 深海池魚, 都係我比較鍾意嘅刺身之一, 肉質比較有咬口, 同啲散修修嘅三文魚好唔同.烤過嘅 金木鯛 唔會有好勁油脂, 單簿留咗烤過嘅香味, 絕對係食完生嘢之後嘅一個小插曲, 似係一首歌當中變調。目光魚  以烤焗方式炮製, 唔會覺得油膩, 但係保持口感, 鬆脆得來唔會有骨. 馬冀海膽 係我嘅最愛, 入口即溶,   濃濃 嘅鮮甜海膽味,  確實令人回味無窮. 仲有我最鍾意嘅梅酒浸小蕃茄, 甜一甜, 打圓場.之後係 貝殼拼盤中央, 就見到一隻大大嘅 珍珠蠔, 佢並不單調.........鋪喺面度嘅望落去有少少似如此, 但佢係透明白色, 當我想問佢其實係咪一啲迷你嘅珍珠嘅時候, 師傅就話, 其實佢係蘋果汁加白酒做出嚟嘅珍珠, 襯返個珍珠蠔.  的確, 食落去嘅時候, 有白酒香, 帶點蘋果嘅甜味.之後食嘅係  凹貝, 雖然唔係好了解佢係乜, 但師傅拍一拍佢之後, 佢即刻縮一縮, 肉質真係幾爽脆, 加上檸檬汁, 食落果然新鮮.北寄貝   我其中一種比較喜歡的貝類,  座喺小蔥上面, 有一種截然不同嘅草青味.食完幾種貝類, 最後有個橘子啫喱, 浪一浪個口, 不太甜, 但有橘子嘅甘香.當我以為刺身已經食完, 原來仲有個終極大佬。見到師傅起勢用火槍係咁燒, 就知道係大佬 拖羅 嘅來臨.原來師傅好特別, 整個  Otoro 燒，未食, 我都已經聞到佢嘅香味.  係 ~ 係油香.師傅同事好貼心, 用赤身吞拿魚, 吸吸油. 仲要補充一下吞拿魚刺身本身嘅鮮味.原來咁都未夠, 仲要加一塊紫蘇葉, 用紫菜夾住一齊食.  天阿!!  口感滿分!!然後突然師傅拎咗一盒野比我哋, 我想講, 我未食飽喎, 做乜嘢咁快比盒牙籤我。原來, 裏頭係獅魚炙燒, 即係野生嘅油甘魚. 配上洋蔥汁, 有少少覺得自己食緊鐵板燒. 有點甜, 但亦有點鹹鮮, 原來配上螢光魷魚, 魚味更突出. 當我落手嘅時候, 師傅竟然話要等一陣, 仲要加上蘋果木嘅煙燻, 令佢增添一點神秘色彩.竹蝦,  見住師傅用了新鮮大蝦,  把蝦頭濃蝦膏取出去烹調, 蝦肉鮮甜, 爽脆彈牙, 啖啖肉, 好滋味.  露筍好爽嫩可口.忌廉湯魚湯, 不算是日本傳統料理, 有點西化, 魚湯味鮮甜, 飲了暖胃. 甜品:  日本蜜瓜 多汁稔甜, 與紅色的日本柿子口感吾同, 較脆爽, 又配上滑滑 燉蛋, 味道更顯甜美細緻. [靖]  是間高質日本餐廳, 廚師發辦, 由廚師挑選優質, 及用上最時令的食材, 令我食指 大 動, 好回味 !!…查看更多

今午約了好友外出午膳，友人知我喜愛日本料理，預早已訂了尖沙咀赫德道一間口碑不錯的 ’廚師發辦’ 專門店 ‘靖’。此店地方不算大，但勝在舒適寧靜，侍應殷勤招待。我們揀選了兩客午市套餐，包括前菜，九件壽司、味噌湯、茶碗蒸和甜品。前菜 - 野菜沙律，清甜爽口，加配麻醬雜錦魚塊，相當滋味。九件精緻的壽司分三次奉上，看著壽司師傅專注切魚生、握壽司、再奉上，那個巧手的創作過程，令每件壽司不單是藝術品，更是不少人的舒壓食物，一口一件的暢快，生活的壓力，頓時一掃而空。金鯛 - 肉質和膠質十分豐厚，鮮甜味美。海膽 - 新鮮嫩滑無腥味銀雪魚 - 魚肉含豐富油脂，被火炙後滲出，入口溶化。深海池魚 - 較一般池魚爽口，魚味濃郁。帶子 - 新鮮嫩滑鮫鰈 - 來自北海道深海鮫鰈魚屬右口魚，肉質細嫩柔軟。鯖魚 - 鮮甜爽口熟食醬油拖羅 - 吃拖羅，平時會吃新鮮的，今次吃的是將拖羅放在適當溫度同濕度下，利用魚肉本身自帶嘅酵素以及外在微生物發酵，提升魚肉風味，入口感覺肉質更為軟嫩。左口魚邊 - 肥厚多脂、肉質柔軟細膩。…查看更多

香港人愛吃壽司，潮流更愛吃高檔的 ’omakase’，而且愈來愈受港人歡迎，價錢雖然貴，但食材新鮮，而且不時不食。今午和朋友來到赫德道一間主打廚師發辦的小店《靖》。此店座位不多，主要是一張容納八人的長吧枱和一張四人枱。午市套餐並不昂貴，我們揀選了兩客壽司九貫。先來蔬菜沙律 - 蔬菜新鮮爽口，加入冶味的醬汁，非常醒胃。隨之而來是三件壽司 ：深海池魚 - 由於處於深海，肉質細緻，以清、甜、爽三個字形容，最為合適。鮫鰈 - 來自北海道，魚油豐富，加了橘子汁，入口鮮甜不覺肥膩。帶子 - 鮮甜肥美隨之而來又有三件:金鯛 - 屬心海魚，油脂厚，肉質結實，十分鮮甜。海膽 - 新鮮肥美無腥味銀鱈魚 - 油脂豐富嫩滑，入口溶化。最後的三件同樣精彩：鯖魚 - 肉爽甜，由於含omega-3，營養價值豐富。熟食拖羅 - 肥美嫩滑，入口溶化。左口魚邊 - 經火炙後，魚油滲出，相當和味。還有精緻的拖羅魚蓉飯、茶碗蒸、味噌湯和甜品，人均消費只是$320，相當抵吃！…查看更多

Today is my birthday celebration 🍾👏🏽👏🏽👏🏽My boyfriend brought me to here to enjoy their omakase We got $390 per person ( 12 pc ) 食完之後真係好飽好飽👻very full 呢個價錢同埋質素來講食廚師發板真係性價比好高🤩🥳😏因為佢哋幾件壽司都非常好味，每一夾都超級新鮮，環境舒服，服務周到，下次有機會會再過嚟👏🏽👏🏽👏🏽…查看更多

聽說這家午餐性價比高，我很少吃壽司所以不太清楚是否划算今天和朋友來點了壽司九貫每位$290。食物：3.8/5 (4又達不到，3.5又稍低)先聲明我對刺身的研究不多、也不專業只按個人口味作岀評價。感覺沒有到很有驚喜，我想像中魚肉會非常鮮甜、肥美，但感覺大多都較淡:(壽司上碟次序由淡味到濃味： ▪️羽太即石班魚，師傅說味道淡但有口感。的確很淡、幾乎無味，而口感我個人吃𣎴太岀有何特別。▪️金線即紅衫魚，相對有點微微魚腥味，配上薑蓉能辟味。入口味道都是淡，口感同樣沒有特別。▪️深海池魚口感像三文魚般較軟，但又沒有三文魚的油香。▪️拖羅還可以，但我期望魚的油香更豐富、入口更滑, 有點可惜。:(▪️魷魚反而有驚喜魷魚頭內有膏，入口很香！▪️鰤魚即野生油甘魚，配上腩位及背位，帶來2種口感。入口層次豐富，腩位我原本期望會更香更滑，但都有點普通。▪️右口魚全套餐最滿意之一。經炙燒把魚肉的油香逼岀來，非常惹味魚肉極滑！▪️鯖魚全套餐最滿意之一。炙燒後魚皮帶點香脆，上面配一片紫紅蘿蔔片，減低魚皮的油膩感。▪️海膽不太特別，沒有鮮味、亦沒有臭味。▪️呑拿魚碎手卷全套餐最滿意之一。舌拿魚蓉份量多，欣賞內裡加了些脆脆，令口感再豐富些整體而言，我覺得最失望是全部都沒有鮮甜味、很淡。加上為我們製作壽司那位師傅（身型肥一點）不太友善，沒有仔細地解釋每件壽司，有時聽不清楚菜式名多問一次，他語氣亦帶點不耐煩。相反旁邊另一位高瘦的師傅則非常用心去介紹、態度友善。…查看更多

依間omakase lunch Set好掋食我地叫左壽司12貫$370本身以為會唔夠飽得12件點知超飽好滿足前菜有個沙律🥗之後有個可以refill 類似雞泡魚干依個好好食😋之後再有個茶碗蒸 食完12件壽司重有甜品我地另外追加左個銀雪魚西京燒依個必食！！！總結，真係掋食又滿足！…查看更多

對食壽司品質有要求嘅你，就一定要睇呢一篇介紹！今日又去左食「靖」既OMEKASE廚師精選壽司九貫! 呢間鋪好少位而且CP值極高！ 所以記得要book位。小食前菜蒸蛋同麵豉湯佢都有，呢啲我就唔講咁多喇！ 係好食既。 主要想highlight 好合我何車既呢5舊壽司！ 1. 赤海膽軍艦d海膽滿到就瀉咁🤤色澤鮮明🤤超級新鮮同鮮甜！一啖放左佢落個口，海膽超creamy 同暖暖地嘅飯一齊食簡直係天衣無縫😆2. 北海道帶子好厚肉甘甜上面加咗柚子汁 ， 好清新3. 深海池魚面上加了海膽 好特別！池魚質感爽滑 濃郁魚香味 ！正阿4. 銀鱈魚bb超肥美豐腴，因為燒過嘅關係啲油味出哂黎好香口同味道好濃郁！好想再食多一舊😋 5. 吞拿魚+吞拿魚茸😳🍣😳....... 鍾意食吞拿魚嘅人會從此愛上呢間鋪。 盛惠$270！抵到爆！ 返食指數：5/5 …查看更多

有時做野辛苦都要對自己好d,lunch 同姐妹去食靖，其實唔係第一次食，但因為lunch 嘅性價比真係高，所以一定要介紹大家。廚司精精壽司12買先$370，我地細食小小食廚司精精壽司9買已經飽飽（$270咋！）計埋加一，一人$300有找，呢d價錢晚市一定食唔到。質素亦冇因為午市而變差🥰🥰因為太豐富我地食到羽太、深海池魚、血雕、平政、帆立貝、金目雕、中拖羅......仲有埋甜品！刺身新鮮之餘又唔係俾行貨你，睇住個師傅邊整邊食有時都係一種享受👍🏻…查看更多

I always enjoy omakase for lunch, as I always think it’s more value for money ! 12 piece sushi omakase is $370 +10% service charge. It included steam eggs, soup and ice cream as the end of your 12 piece sushi course ! I have tired many lunch sushi omakase in HK and I do recommend this place. Of course there are cheaper options but the quality of food is pretty high ! And they are pretty generous with their uni ! Although the chef is not japanese but he is super nice and his sushi making skills are pretty good, none of the rice ball has fallen apart ! …查看更多

好抵食嘅lunch omakase 😋1. 北海道帶子上面加咗柚子汁 ， 好清新2. 金目錭3. 深海池魚上面再加啲鮟康魚肝&蔥，多咗一份口感4. 右口魚 & 燒右口魚邊右口魚本身脂肪比較多，燒咗個個魚邊一入口即刻溶咗，好正5. 赤貝 (12件先有)6. 拖羅7. 馬糞海膽睇吓份量多到 😍😍 好滿足8. 新鮮鰹魚 (12件先有)原來新鮮鰹魚即係平時嘅木魚花，再加啲醃咗嘅洋蔥sauce，咩都唔洗點已經好好食9. 黑木魚& 甘筍絲10. 右口魚邊 - 溶咗係口入面11. 鯖魚 (昆布&芝麻) 魚味好重 (12件先有)12. 吞拿魚蓉手卷入面加咗天婦羅脆脆，黃蘿蔔，蔥。顏色又靚，口感又豐富…查看更多

要係香港閒閒地食一餐廚師發辦，動輒都要過千，不過最近食過尖沙咀的「靖」，只需要$300內就可以食到高質廚師發辦，而且CP值超高，所以必須要推介俾朋友知道.今次先試牛刀，叫住九貫的套餐，午市套餐價只需要HK$270，仲包括前菜、沙律、茶碗煎、湯及甜品，唔計呢D，除開每件壽司都只係$30，未食都已經覺得真心抵。前菜係燒鱈魚片，燒得香脆，味道相當好。另外有沙律及雜錦魚生沙律，魚生配上芝麻醬汁，味道穩陣又開胃。粒貝壽司，肉質爽口彈牙，入口已經有很鮮甜的貝類味道，配上清新柚子汁，味道很好。池魚味道較淡，魚味不突出，剛好配上黑松露醬，食起來有另一留味道。蝦肉不只外表晶瑩剔透, 吃起來肉質也甚有彈性, 爽得來帶點黏身, 口感非常清爽，加上海膽更有點晴的效果。活赤貝色澤鮮明, 而且也頗厚身.飯的份量不算很多, 能讓整件赤貝覆蓋著. 入口赤貝非常的爽身, 口感清爽得來有著很濃的貝類甜味。鮫鰈先輕輕灸燒，入口時有焦香味道，質地更軟稔,魚味更突出。魚肉帶著粉紅色澤, 帶點厚度，一口食落去, 肉在口腔內半融化著, 魚油脂豐厚得來不會過膩。食壽司高潮往往都落在海膽壽司身上，用上北海道馬糞海膽，豪邁地一口全吃掉, 海膽的確十分甘甜半帶餘香, 味道濃郁, 底下的紫菜亦夠香脆, 整體來說合格有餘.炙燒過的銀鱈魚，魚油甘香，而且入口即溶，味道令人一試難忘。原來右口魚比左口魚更具油香，只需要輕輕地燒一燒，迫出魚油，令味道更加豐富。拖羅碎飯配上天婦羅碎，味道不過不失，但可以配搭得更好。老實說, 個人都是幾欣賞這家店所用的食材,感覺大部份都算是高質夠新鮮, 亦夠肥美. 當中更有一些食材是坊間需要高價先可以食到的. 如果單以食材來說, 以這個價位在香港算是優質的一群。…查看更多

最近太過忙於小朋友的事, 對於出外食飯的時間覺得是有點奢侈。但忙碌過後, 都係需要好好享受一頓美好的食物去犒賞一下自己, 所以要依, 就食好一點有質素一點。餐廳選址在尖沙咀的金馬倫道赫德道，整家店地方著實不大, 能坐的位置大約只有十多個位。這次來是聽朋友推介靖的午餐有十二件及九件的高質廚師發辦，而且價錢十分抵食，抱住一試無防的心態就訂位。跟朋友各自order了廚師精選九貫 HK$270, 當中已包括前菜、沙律、荐碗煎、湯及甜品。前菜是鱈魚燒，鱈魚片燒得香脆，一下子就被清掉，很不錯的餐前小食。沙律是普通的雜菜沙律，不過雜菜是食得出的新鮮爽甜，配上酸酸甜甜醋汁，很開胃。仲有角切雜錦魚生沙律，配以芝麻醬，十分夾。主角來了， 頭一ROUND有3件貝殼類壽司，分別左至加是粒貝、石垣貝同海膽牡丹蝦。粒貝口感超爽口，入口已經有陣陣的海水味道，加上柚子汁，味道很清新。石垣貝係我至今食過最鮮甜的貝類之一，口感軟稔得來有著很濃的貝類甜味。海膽牡丹蝦在香港都巳經算是很普遍的壽司款式, 但當然質素也有參差不齊，蝦肉顏色雪白亦處理得很乾淨, 入口吃得到那份蝦的爽身甜美, 配上海膽同食，個人覺得是不錯的配搭。池魚入口肉質非常有彈性. 當中的魚味較濃不過油脂不高吃起來好清爽活赤貝體型十分大，入口咬下去爽脆得聽得出來, 貝肉帶點橙黃色澤, 鮮味突出,吃完一件後, 感覺有點不夠喉呢~師傅先把鮫鰈刺身輕輕灸燒，入口時比一般刺身來得更香口一點, 魚肉輕炙過的關係, 質地更軟棉,更帶起魚味。這個大拖羅比平常吃到的油脂更少， 看看刺身上的油脂紋理亦不多, 入口果然油脂真的比較少, 肉質吃起來也較硬，感覺一般。北海道馬糞海膽入口果然是CREAMY的, 而且味道甘甜, 海膽味是非常濃那種, 味道可以形容好味到顛。平時食左口魚多，經火槍輕輕燒燙過的右口魚裙邊壽司，迫出了不少油油，令魚油和右口魚味道更加豐富。同樣輕輕炙燒的銀雪魚，魚油十分濃，入口有即溶的感覺。拖羅碎飯，加上天婦羅碎，令到口感有更有層次感，比起拖羅壽司，我更愛這個。最後以茶碗蒸、湯及雪糕作結。這頓壽司午餐價錢真係十分抵，而水準令人相當滿意. 餐廳氣氛不錯, 也不會太拘謹.當中自己比較喜歡的是他們的右口魚壽司、石垣貝及北海道馬糞海膽, 吃罷的確令人印象深刻, 回味無窮。…查看更多

突發奇想去尖沙咀覓食，又唔想去商場，於是朋友帶左我去赫德道，去靖，食日本菜。我地揀左廚師精選壽司九貫，有前菜、沙律、湯、茶碗蒸等，前菜係鱈魚脆片，同沙律幾夾，一爽一脆。麵豉湯，茶碗蒸，擺埋一齊睇落好似兩兄弟。茶碗蒸滑溜，麵豉湯暖心暖身，味道不咸。主菜到啦！首先係帶子、深海池魚、鯛魚。帶子肉好實，非常陣牙。深海池魚同鯛魚都色澤明豔，令人食欲大增。金目、石鯛、中拖羅。金目顏色有深有淺，肥瘦均勻分布，石鯛口感唔錯。中拖羅就更係一絕，厚身肉多，質感好，入口即溶。到重頭戲啦！海膽果然不負所望，無論係份量定口感都令人好滿意，新鮮又充滿海水味。銀鱈魚亦冇比下去，同右口魚一樣微烤過，表面微溫內裡柔軟，好滋味。最後有甜品抹茶雪糕做完美點綴。今次靖覓食之旅食得暢快，午餐人均三百，算性價比幾高，推介！…查看更多