青悅·越泰料理

晚上八点半左右，唔想快餐就来了，选择颇多，我就试捞檬，然后再来一个滴漏咖啡。好快来咖啡，过多约五分钟就来捞檬了。捞檬份量刚好，猪颈肉札肉都足料，九十几蚊唔系平但质素都OK。咖啡同奶浓度刚好，都几好饮，亦唔细杯。至于服务，可能我无咩要求，唔觉有咩问题。带位的姐姐比较醒目快捷，我一个人就即刻带去走廊位细枱，系有D唔自在，不过其他枱都有人我就唔要求喇。最后收银的哥哥仔好好语气，呢点系我写呢个食评最大的动力。…查看更多

我同屋企人去完机场送机，原本打算随便去麦当劳医肚，但见到有间越南餐厅，环境望落去干干净净，气氛又几舒服，心血来潮就话不如试下啦。一入门口，已经有同事主动走过嚟招呼我哋，笑容好亲切，安排位都好快。因为我哋有老人家同行，啱啱坐低，职员主动问我哋要唔要水，感觉贴心，又主动同我哋讲，如果风口位太大，可以调位。之后经理过嚟比餐牌，我成家人都唔太食辣。经理听到之后介绍咗几款唔辣、适合老人家同小朋友食嘅菜式俾我哋拣，好细心。我自己叫咗个炭烧猪颈肉饭，份量好足，猪扒厚切得嚟又唔干，咬落去有啲炭香味，唔系普通煎出嚟𠮶种，真心有啲惊喜。屋企人咗碗生牛河，牛肉算新鲜，汤底唔太浓味，份量算啱啱好，唔太多但够食。餐厅整体算干净，唔嘈，最紧要老人家坐得舒服。服务方面，由入门口到落单、叫水、送餐，去到埋单都有人招呼，唔会觉得被忽略。埋单时经理问我哋啱唔啱食，叫我哋下次再嚟。总括嚟讲，我觉得青悦食物质素、定系服务态度，都系唔错。下次去旅行，都会再嚟帮衬。…查看更多

今日要送家人机，由于翠华已经执咗笠。喺没有办法嘅情况之下去咗呢间餐厅！一入去就知道伏！餐厅小猫三只！用Apps点餐好多嘢都冇！最后叫咗鸡扒公仔面，啲面硬到要等5分钟先软返啲！另外叫咗一份炸鱼早餐，炸鱼嘅份量同薯饼系一样大细、鸡蛋一啖就食晒！多士硬到咬到咬唔开！牛油、茄汁，要问先有仲要等好耐！另外加$8要咗一条肠粉唔系蒸嘅！系微波炉叮嘅！仲要硬到咬唔开！水同碗全部要自己攞！唔明点解差不多冇服务质素，但要收10%服务费！职员态度奇差但一致！系一致所有态度都差！呢种餐厅，除非你系机场职员有半价，否则要俾正价一定唔会嚟！…查看更多

是日去了机场送朋友机，送完机后，因为难得去了机场，所以突然想在机场吃完午餐才回家原先想吃的几间餐厅都正在装修，所以最后就选了「青悦越泰料理」这间餐厅。叫餐落单都是用二维码，食物种类都很多选择，越式、泰式都有我就选了「悠闲午市套餐」，相信这么多款午餐，最热卖就一定是「生牛肉汤粉」。有讲明每日限量10000份，我点餐的时候，已剩余751份。就是因为写到限量，所以最后就叫了「生牛肉汤粉」「生牛肉汤粉」汤底味道不浓，汤底味道清淡，牛肉簿身，而不韧，但我觉得整碗生牛肉汤粉就很一般，可以一试…查看更多

11点几去帮衬，全场空枱其多，目测起码20几张枱系吉既。帮衬完之后简直成肚气不吐不快，比硬负评！首先，自助用手机落单后发现落漏单，好礼貌地叫个高大的男职员（自称副经理）帮手补番，佢即刻黑哂口面，一副唔愿做既样咁，侮气到爆炸😀第二，去自助区拎热水壶洗餐具同碗仔，刚才𠮶位黑面男职员黑口黑面走过黎，话「我其他客要用架！我要拎番走呀！」 首先，请问你全间舖（成30几40张枱）得一个热水壶吗？系嘅话真系笑死人😇 同埋点解要将个热水壶摆喺自助区可以俾啲客自由攞走黎用？第三，用两张櫈摆随身既袋，已经摆左起码20分钟，刚才𠮶位黑面男职员先至拎住个兜过黎，黑口黑面话「我要拎番啲櫈比客坐！」。到左呢个时候，现场目测起码仲有10几张吉枱，吉凳就起码有20几30张，请问用你两张櫈会影响你做生意？同埋摆左成20分钟先讲唔好再迟啲？你唔该都无句，真系咁样招呼客人吗？😇总结黎讲呢位自称副经理既男职员嘅态度超级恶劣，唔讲以为杀咗佢全家，喺一个国际城市嘅机场入边呢一位员工简直可以用赶客嚟形容，真系未试过食餐饭都咁嬲😀至于野食方面，叫左个蕃茄蟹肉檬粉，难食到癫，个汤底根本系蕃茄捞蛋花，劲少蟹肉，咁就成为港币$94，另外个捞檬亦都系非常普通，呢间野仲要系喺机场入边接待唔少嘅旅客，真系笑大人个口奉劝各位宁愿食隔离麦当劳或者入闸食其他嘢，都好过帮衬呢间嘢。…查看更多